ஸ்டெப் அப் -Step Up All In

Step up சீரிஸின் ஐந்தாவது பாகமாய் Step Up All In கடந்த 8ஆம் தேதி ரிலீஸாகி இருந்தாலும்,பிந்தித்தான் பார்க்கக் கிடைத்தது.

(சவோய்-3D).சாதா தமிழ் தியேட்டர்களில் வரிசையில் நிற்கச்சொன்னால் முட்டி மோதி அடுத்தவன் தலை மேல் ஏறி டிக்கட் வாங்கி பார்ப்பது ஒரு சுகமென்றால்,ஆங்கிலப்படம் ரிலீஸாகும் தியேட்டர்களில் இடிபடாமல் வரிசை ஒழுங்கில் நின்றுகொண்டு ஒரு ஜாண் ட்ரவுசரும் லோ-கட் டீஷர்ட் போட்டு தங்களை எக்ஸ்போஸ் செய்யும் அழகிகளை ஜொள்ளிக் கொண்டே படம் பார்ப்பது இன்னொரு சுகம்..!படம் நன்றாக இல்லாவிட்டாலும் வெளியே வரும்போது மனசு நிறைந்திருக்கும்..!

Ryan Guzman Briana Evigan Misha Gabriel Adam G. Sevani என்று அதே பழைய க்ரூவுடன் களமிறங்கியிருக்கின்றார்கள்.இம்முறையும் கதை வழமையானது தான்,வறுமை-இலட்சியம்-டான்ஸ்-போட்டி.. கூடவே கொஞ்சம் லவ்.இதுதான் நடக்குமென்று முழுதாக முன்னமே கணித்துவிடலாம்,என்றாலும் அந்த டான்ஸ்..க்ரேஸ்.. பாஷன்..அதுதான் பலமே..!

லாஸ் வெகாஸில் நடைபெறும் Vortex என்கின்ற Dancing Competition'ஐ மையப்படுத்தி இம்முறை காட்சிப்படுத்தி இருக்கிறார்கள்.பழைய The MOB (step up) டீமிலிருந்து Sean பிரிவதாக காட்டி,இன்னொரு டீமை உருவாக்கி இரண்டையும் எதிரெதிரே போட்டியிட வைத்திருக்கிறார்கள்.பெரிதாக இன்டரஸ்டிங்க் ட்விஸ்ட்ஸ் கிடையாது.டான்ஸிலும் பெரிய புதுமைகளோ வித்தியாசங்களோ இல்லை.அடுத்த தடவை புதிய க்ரூவுடன் களமிறங்குவது உத்தமம்.

இதைவிட இதன் முதல் வெளியீடான Step Up 4: Revolutionஎன்னை அதிகம் கவர்ந்திருந்தது.மியாமி கடற்கரை வீதியில் நடக்கும் ஆரம்ப ஆட்டமே களைகட்டும்.க்ளைமேக்ஸ் டான்ஸ் கூட பட்டையை கிளப்பியிருக்கும்.சீரிஸிலேயே அது தான் பெஸ்ட் என்பேன்.எனிவே,ஸ்டெப் அப் சீரிஸ் லவ்வேர்ஸ் ஒருதடவை பார்த்துவிடலாம்..!

'ராஜா ராணி'-மினி விமர்ஸ்ஸ்..!!

                 

ராஜா ராணி பார்த்தேன்.படம் முடிந்து வெளியே வந்தவுடன் மனதில் எழுந்த முதல் கேள்வி,'என்ன இழவுக்கு பெரும்பாலானோருக்கு 'மௌனராகம்' ஞாபகம் வந்தது?என்ன இழவுக்கு அதனுடன் இதனை ஒப்பிட்டார்கள்? என்பதே! எந்த சந்தர்ப்பத்திலும் எனக்கு மௌனராக நினைப்பே வரவில்லை.அப்படி பார்த்தால்,எனிமேல் எந்த படமுமே எடுக்கமுடியாது.மேக்சிமம் பொசிபிளான கதைகள் எல்லாமே ஆல்ரெடி எடுக்கப்பட்டுவிட்டன.ஏதேனும் ஒன்றின் சாயல் சிறிதளவு இருக்கலாம்.அதற்காக பார்க்கக்கூடிய ஒரு நல்ல படத்தை கண்டமேனிக்கு விமர்சிப்பது எந்தவகையில் அவசியம் என்று புரியவில்லை.

'விண்ணைத்தாண்டி வருவாயா'க்கு பின்னர்,தியேட்டரில் பெரும்பாலானோர் கண்கள் கலங்கியிருக்க கண்டது,இந்த படத்தின் போது தான்.சிலர் அழுதுவிட்டிருந்தனர்.இந்திக்காரனுக்கு தமிழ் படமோ,தெலுங்கருக்கு ஈரானிய படமோ தமிழனுக்கு சிங்கள படமோ பிடித்துவிடாது.அந்தந்த சமூகத்துக்கு எந்தெந்த படங்கள் 'சூட்'ஆகுதோ,அந்தந்த படங்களை தான் எடுக்கமுடியும். அதை தான் மக்கள் ரசிப்பார்கள்.மாறாக தமிழ் நாட்டில் ஈரானிய கொரிய படங்களை எடுத்துவிட்டு தியேட்டருக்கு ஒருவரும் வருகிறார்களில்லை என்று மீடியாவை கூட்டி ஒப்பாரி வைப்பதில் எந்த பயனும் கிடையாது.

எவ்வித காழ்ப்புணர்வுகள்,கட்டாயம் கலாய்த்தே ஆகவேண்டும்,அல்லது 'காமென் மேன்'கள் அதிகம் விரும்பும் படங்களை நாறடித்து தங்களுக்கு உயர் ரசனை என காட்டிக்க வேண்டும் என்கின்ற எந்த நிர்ப்பந்தங்களும் இல்லாமல் ராஜா ராணியை பார்க்க செல்பவர்கள்,கட்டாயம் படத்தை ரசித்திருப்பார்கள் எனலாம்.ஆர்யாவுக்காக சென்ற பெண்களுக்கும்,நயன்+நஸ்ரியாவுக்காக சென்ற ஆண்கள் கூட்டத்துக்கும் ஹீரோ-ஹீரோயினை தாண்டி படம் கவர்ந்திருக்கிறது.இயக்குனர் அட்லி நிச்சயம் ஒரு குறிப்பிடத்தக்க இயக்குனராக மிளிர்வார்.ஒரு சில காட்சிகள் தவிர,பெரும்பாலான காட்சிகளில் தனித்துவம் காட்டுகிறார்.பாடல் காட்சிகள் அழகு.ஒளிப்பதிவாளர் ஜார்ஜ் வில்லியம்ஸும் காரணமாக இருக்கலாம்.

ஆர்யா,நயன்தாரா,ஜெய்,நஸ்ரியா என்று அனைவருக்கும் நடிப்பதற்கு நல்ல ஸ்கோப் இருக்கிற பாத்திரங்கள்.ஆனால் ஆர்யாவுக்கு நடிப்பு சுத்தம்!ஜெய்,நயன்தாரா இருவரையும் குறிப்பிட்டு சொல்லலாம்.அதிலும் நயன்தாரா சொல்லவே வேண்டாம்..!உண்மையிலுமே வியக்கவேண்டிய பெண்ணாக மாறிக்கொண்டிருக்கிறார் நயன்..!இத்தனை பிரச்சனைகளுக்கு பின்னரும் இத்தனை அழகாக,கட்டுக்கோப்பாக மெய்ண்டெய்ன் செய்வதோடு மட்டுமல்லாது நடிப்பிலும் மெருகேறி இருக்கிறார்..!நயனின் இடத்தை நஸ்ரியாவால் பிடிக்கமுடியாது.ஒரு பதுமையாக பார்த்தால் நஸ்ரியா அழகாக இருக்கலாம்,குறும்புகளினால் சிலிர்க்க வைக்கலாம்.ஆனால் நடிப்பென்று வருகையில் நயனின் இடத்தை அடிச்சிக்க முடியாது நஸ்ரியா!சில இடங்களில் பாத்திரங்களை அழவைத்து பார்வையாளர்களை அழ வைக்க முயற்சித்திருக்கும் அட்லி,வேறு சில இடங்களில் நிஜமாகவே கண் கலங்க வைத்துவிடுகிறார்.

சத்தியராஜ் இது எத்தனையாவது ஆட்டத்தை ஆரம்பித்திருக்கிறார் என்று சொல்லத்தெரியவில்லை.ஆனால் இடையிடையே சில படங்களில்,முக்கிய பாத்திரங்களில் வந்துசெல்கிறார்.படத்தில் சந்தானம் இருக்கிறார்.ஆனால் கிச்சு கிச்சு பெரிதாக கிடைக்கவில்லை.படத்தை இன்னமும் கொஞ்சம் மினக்கெட்டு ட்ரிம் பண்ணியிருந்தால் நன்றாக இருந்திருக்கும்.ஆனால் இப்போது வெளிவந்துகொண்டிருக்கும் குப்பைகளின் மத்தியில் இது கொஞ்சமேனும் ரசிக்கத்தக்க படைப்பு!பலருக்கு பிடித்திருக்கிறது..படம்வந்து ஒரு கிழமை தாண்டிவிட்ட பின்னரும் கூட தியேட்டருக்கு வரும் கூட்டம் அதற்கு சான்று.கட்டாயம் ஒரு தடவை பார்க்கலாம்.70/100..!

இன்றைய தமிழ் சினிமாவில்,மகேந்திரன்களும் மணிரத்தினங்களும் இல்லாத இடத்தை ஓரளவுக்கேனும் நிரப்ப அட்லி போன்றவர்கள் தேவைப்படுகிறார்கள். இல்லை,அவர்களும் வேண்டாமெனில்,'கேடி பில்லா கில்லாடி ரங்கா', 'வருத்தப்படாத வாலிபர் சங்கம்' போன்ற படங்களை வரிசையில் வரவேற்றுத்தொலையுங்கள்.

'தலைவா'-விஜய்க்கு இன்னொரு ஹிட்டு..!

                          

விஸ்வரூபத்துக்கு அடுத்து அதிக பிரச்சனைகளை சந்தித்த தமிழ் படம் அப்பிடிங்கிற பெருமையுடன் வெளிவந்திருந்தது 'தலைவா'.அரசியல் கதைகளம் கொண்ட படம்,படத்தில் விஜய் சி.எம் ஆகின்ற மாதிரியான காட்சிகள் இருக்கின்றன அதனால் தான் ஆளும் தரப்பிலிருந்து ஏகப்பட்ட குடைச்சல்கள் என்று அரசல் புரசலாக பேசப்பட்டன.தமிழகத்தில் இப்படி என்றால்,இலங்கையில் விஜய்,கமல்,ரஜனி படங்களை திரையிடவிட மாட்டோம் என்று கொழும்பில் சிங்கள அமைப்பொன்றின் எச்சரிக்கையால் வி.ஐ.பி ஷோக்கள் ரத்து செய்யப்பட்டன.இறுதி தருணம் வரையில் படம் வெளியாகுமா என்கின்ற டென்ஷன் ரசிகர்கள் மத்தியில் ஏகத்துக்கும் பரவிப்போயிருந்தது.2.8மில்லியன் ஹிட்ஸ் அடித்திருந்த தலைவா ட்ரெய்லர்லேயே படம் எப்படிப்பட்டது என்பது ஓரளவுக்கு புரிந்திருந்தது.சரி இயக்குனர் விஜய் புதிதாக ஏதாவது செய்திருப்பார் என்கின்ற நம்பிக்கையுடன் தியேட்டருக்கு போனோம்.

ஆரம்பமே சரபரன்னு பாம்பாயில் 1988இல் கலவரம் ஒன்னு காட்டுறாங்க. ஏற்கனவே இருந்த டான் மாதிரியான தலைவர் ஒருவரை போட்டுத்தள்ளி விட்டார்கள் என்று கதை ஆரம்பித்து மீண்டும் பாம்பாயில் வந்து முடிகிறது கதை.சத்யராஜ் மகனாக வரும் விஜய்யை சிறுவயது முதலே தன்னை விட்டு தள்ளி தூரத்தில் வளர்ட்த்துவருகிறார் 'அண்ணா'என்றழைக்கப்படும் சத்தியராஜ்.காரணம் தன்னுடைய பிரச்சனைக்குள் மனைவியை இழந்தது போல மகனையும் இழக்கக்கூடாது என்பதனால் தான் பிசினெஸ் செய்கிறேன் என்று கூறி வளர்த்துவருகிறார்.அப்படியாக அவுஸ்திரேலியாவில் டான்சராக இருந்துகொண்டு வாட்டர் சப்ளை பிசினெஸும் பார்த்து வரும் விஜய் பாம்பாய் வந்து சத்தியராஜின் இடத்தை எப்படி அடைகிறார் என்பது தான் கதை. அனைவருக்கும் ஏற்கனவே தெரிந்த கதை தான்.ஆனால் அது சொல்லப்பட்ட விதத்தில் இயக்குனர் விஜய் தனித்து தெரிகிறார்.

பம்பாய் என்றாலே தமிழ் ரசிகர்களுக்கு 'பாட்ஷா'வும் நாயகனும் கட்டாயம் ஞாபகம் வந்து தொலைக்கும்.ஆனால் துணிந்து அந்த கதைக்களத்தை தெரிவுசெய்து தன்னால் சுவாரசியமாக படத்தை கொடுக்க முடியும் என்பதை விஜய் நிரூபித்திருக்கிறார்.

முதல் பாதி தான் படத்தை தூக்கி நிறுத்தியது எனலாம்.காரணம் இடைவேளைக்கு பின்பு வரும் காட்சிகள் எவ்வளவு முயன்றாலும் வேறுபடுத்தி கொடுப்பது மிக கடினம் தான்.முதல் பாதி முழுவதும் அவுஸ்திரேலியாவில் படமாக்கப்பட்டிருக்கிறது.மிக மிக அழகான காட்சிகள். ஒளிப்பதிவாளர் நீரவ் ஷா கண்ணுக்கு விருந்து படைத்திருக்கிறார்.பாடல் காட்சிகளில் அவுஸ்திரேலிய அழகை கண்முன் நிறுத்திவிடுகிறார். சந்தானத்தின் காமெடி,அழகான பாடல்கள்,அபாரமான நடனம் என்று இடைவேளை வரை 'அடடா'போடவைத்தது படம்!நிச்சயமாக விஜய்யினதும் அமலாபாலினதும் வேறுபட்ட நடிப்பை தலைவாவில் காணக்கூடியதாக இருக்கும்.  

அங்காங்கே வைக்கப்பட்ட ட்விஸ்ட்டுகள் படத்தை சுவாரசியமாக்குகின்றன. திரைக்கதையை நம்பி இயக்குனர் விஜய் களமிறங்கியிருக்கிறார்.ஆரம்ப காட்சிகளில் வரும் சத்தியராஜ் செம அழகாக தெரிகிறார்.கிட்டத்தட்ட எண்பது தொண்ணூறுகளின் சத்தியராஜை காணமுடிந்தது.கருந்தாடி வைத்து கருப்பு தலைமுடியுடன் சண்டையிடுவார் பாருங்கள் அப்படி அபாரமாக இருக்கும்!

இது நம்ம அமலாபாலா என்று கேட்கின்ற மாதிரி அழகை மெருகேற்றி வந்திருக்கிறார்.இன்னொரு சுற்று ஆடுவதற்கு தயாராகிவிட்டது போல் தெரிகிறது.சந்தானம் விஜய்யை இமிட்டேட் செய்து கலாய்ப்பதையே தொழிலாக செய்திருக்கிறார் படத்தில்.பெரிய ஹீரோக்கள் காமெடியங்களால் கலாய்க்கப்படுவதை விரும்புவதில்லை.ஆனால் விஜய் இடம் கொடுத்திருக்கிறார் என்று சந்தானம் ஒருபேட்டியில் கூறியிருந்தார்.அது படத்தில் உண்மை என்று தெரிகிறது.அந்தளவு ஓட்டியிருக்கிறார்.சாம் அண்டர்சன் கூட இடையே வந்து கலகலப்பாக்கி செல்கிறார்.  

பாடல்களில் 'வாங்கண்ணா வணக்கங்கண்ணா'பாடல் ஏற்கனவே ஹிட் ஆகியிருந்தாலும்,'தலைவா'பாடலும்,'யார் இந்த சாலையோரம்','தமிழ் பசங்க' பாடல்களும் நன்றாக வந்திருக்கின்றன.தமிழ் ஹீரோக்களில் நடனத்தில் தான் தான் பெஸ்ட் என்று மீண்டும் ஒருமுறை நிரூபித்திருக்கிறார் விஜய்.முதல் பாதியில் நடனம் தூள் பறக்கிறது.தமிழ் பசங்க பாடலில் அது உச்சம்!ஜி வி பிரகாஷ்குமார் கூட ஒரு பாடலில் வந்து நடனமாடி செல்கிறார்.மானாட மயிலாட க்ரூப்பில் இருந்து பலரும் களமிறங்கியிருக்கின்றனர்.

படத்தின் குறைகள் என்றால்,படத்தின் நீளம்.மூன்று மணி நேர படத்தை என்னதான் விறுவிறுப்பாக வைத்திருக்க முயற்சித்தாலும் ஏதாவது சில சந்தர்ப்பங்களில் நீளத்தை உணரவைத்துவிடும்.கதையை விளக்குவதில் மெதுவான காட்சிகள் சற்றே போர்.

இரண்டாம் பாதியில் வரும் கதை நமக்கு தேவர்மகன்,நாயகனில் பழக்கப்பட்ட கதை என்பதால் அது படத்துக்கு ஒரு வீக்னெஸ்.இரண்டாம் பாதியை ஹரியிடம் கொடுத்திருந்தால் படம் இன்னமும் நன்றாக வந்திருக்கும்.

இடைவேளை வரை எந்த ரசிகர்களும் ரசித்து பார்க்கக்கூடிய படம். இடைவேளைக்கு பின்பதாக விஜய்யை விரும்பாதோர் விரும்பாமல் விடுவதற்குரிய வாய்ப்புகள் இருக்கின்றன.ஆனால் ஏ.எல்.விஜய் தன்னால் முடிந்ததை இரண்டாம்பாதியில் செய்திருக்கிறார்.தமிழக அரசுக்கு இந்த படத்தால் என்ன பிரச்சனை என்று இன்னமும் தான் புரியவில்லை.விஜய் ரசிகர்களுக்கு படம் விருந்து..!தெரிந்த கதை-தெரிந்த கதைக்களம்-மிக மிக ரிஸ்கான பாத்திரம்-நூல் இழை பிசகினால் கூட முழுதாக கவிழ்ந்து விடக்கூடிய படம்ன்னு ஏகப்பட்ட பிரச்சனைகள் இருந்தும் படத்தை இந்தளவுக்கு மெருகேற்றியிருப்பது ஏ.எல்.விஜயின் சாமர்த்தியம்!ஹாட்ஸ் ஆப்!

மொத்தத்தில்,பெரும்பாலானோர் எதிர்பார்த்ததை போல படம் தோல்வி கிடையாது. விஜய்க்கு இன்னொரு ஹிட்டு நிச்சயம்.அது எத்தகைய வெற்றி என்பதை பொறுத்திருந்து தான் பார்க்கவேண்டும்.இதற்கு முதல் படமான துப்பாக்கி ப்ளக்பஸ்டர் ஹிட் என்பதால் அதனுடன் ஒப்பிட்டு பார்ப்பதற்கான வாய்ப்புகள் அதிகமிருக்கின்றன.என்னுடைய மார்க் 67/100.

(brit tamil இணையத்துக்காக.)

"பட்டத்து யானை"-ஒலக சினிமாவுக்கான உந்துதல்..!

"படம் படு மொக்கை.தியேட்டர் பக்கம் போயிராதிங்க பட்டத்து யானை ஏறி மிதிச்சிக்கிட்டிருக்கு..அது நம்மள நோக்கித்தான் வருது"அப்பிடின்னு சமூக நலன்விரும்பிகள் பலர் பேஸ்புக்,ட்விட்டர் என்று கூவிக்கூவி தியேட்டர் பக்கம் ஒதுங்குபவர்களை தடுத்துக்கொண்டிருந்தனர்.'ஹஹா அந்தப் பெரிய அலெக்ஸ் பாண்டியனையே பார்த்த நமக்கு இது எம்மாத்திரம் என்று தியேட்டர்பக்கம் ஒதுங்கினேன்.

ஆரம்பமே அதகளம்!முன்னாடி நடிக நடிகையர் பெயர்கள் ஓடிக்கொண்டிருக்க பின்னாடி ஒரு இருபது பைக்ல ரவுடீஸ் யாரையோ தேடிக்கிட்டு கொலை வெறியோட பறந்துகிட்டிருந்தாங்க.அடடே எதிர்பார்க்காத ஆரம்பமிது என்று ஆரம்பத்திலேயே க்ளாப்ஸ் வாங்கினார் இயக்குனர் பூபதி பாண்டியன்.

ஹீரோ சந்தானத்த பெரிய ஓட்டல் முதலாளியா ஆக்கி அவருக்கு கல்யாணம் செஞ்சு அவர் பிள்ளையை தூக்கி கொஞ்சனும் என்கின்ற மாபெரும் குறிக்கோளோட செக்கண்ட் ஹீரோ விஷாலும் அவரோட நான்கு நண்பர்களும் சமையல் வேலைக்கு சேர்றாங்க.முன்னாடியே சொன்ன பைக் ரவுடீஸ் கூட தகறாரு ஏற்பட,மூட்டை முடிச்சுகளோட ஆறு பேரும் திருச்சி கெளம்பி போய்டறாங்க.

சமயத்தில டீக்கடைல டீ குடிச்சிட்டு விஷால் நீட்டின 500 ரூபாய்க்கு சில்லறை இல்லைனு டீ மாஸ்டர் சொல்ல,ஒரு பூக்கடை அம்மாகிட்ட போயி சில்லறை கேட்கிறார்.அதுக்கு அந்த அம்மா,பூ வாங்கிகிங்க மாத்தி தர்றேன்னு சொல்ல 'எனக்கெதுக்கம்மா பூ..யாராச்சும் அழகான பொண்ணுவந்தா மாட்டிவிடுங்க' ன்னு சொல்லிட்டு போயிடறார் நம்ம ஹீரோ.என்ன என்ன?ஆமா நீங்க நெனைச்சதே தான்! அந்த பூவ மாட்டிக்கிட்டு வர்றது நம்ம அர்ஜூன் மகள் ஐஸ்வர்யா தான்!அத பாத்து இவர் பொங்கிறார்..அடடே!!

ஹீரோ சந்தானத்துக்கு நீளமான ரோலு படத்தில.பேசுறார் பேசுறார் பேசிக்கிட்டே இருக்கார்..அரிவா வைச்சு உர்ர்னு பார்க்கும் வில்லங்கமான வில்லன்ககிட்ட,ஏன் மெயின் வில்லன்கிட்டயே கேப்பு விடாம பேசி கழுத்தறுக்கிறார்.இது தான் இப்போதய ட்ரெண்டாம்..காமெடியாம்..! அடடே..!!

அவசரத்துக்கு ப்ளட்டு தேவைன்னா கூட இவங்ககிட்ட இருந்து எடுத்துக்க முடியாது.தொடப்பங்கட்டைய விட கொஞ்சம் பருத்த உடம்பு நம்ம அடச்சா (அந்த கழுத எனக்கு எதுக்கு!)...உங்க ஐஸ்வர்யாவுக்கு!நாலு பாட்டு சீனு, அரைப்பக்க வசனம்,ஒரு கிளிசரின் அழுகை அவ்ளோதான் அவங்க ஸ்கோப்பு படத்தில!கடைசி பாட்டில தொடப்பங்கட்டைக்கு துண்டு மாட்டினது போல ஒரு ஜான் ஷார்ட்ஸ் போட்டுக்கிட்டு ஆடுறாங்க...சகிக்கல.சத்தியமா கூட ஆடின பொண்ணுகள தான் நான் பாத்தேன்..!

                          

சிவனேன்னு தன்னோட தொழிலை பாக்கிற இந்த வில்லனுக எல்லாம் ஏன் டாட்டா சுமோல ரோடில போகும்போது,அதுவும் யெல்லோ க்ராசிங்க்ல க்ராஸ் பண்ற பொண்ணோட இடுப்ப பாத்து மூட் கெளம்பி ஹீரோவ வாண்டட்டா தங்களோட லைப்க்குள்ள இழுக்கிறானுகன்னு இன்னமும் தான் எனக்கு புரியல.அவனுக கண்ணுவைக்கும் பொண்ணுக எல்லாம் ஏதோ ஒரு ஹீரோக்கு தெரிஞ்ச பொண்ணுன்னு இன்னுமாடா உங்களுக்கு தெரியல??

சந்தானத்த கூட்டு சேர்த்து மொக்கையா ஒரு அரை மணி நேரத்த ஓட்டிட்டு,அப்புறம் ஊர்ல இருக்கிற ரெண்டு மூணு மெயின் வில்லனுகள ஹீரோவோட கோர்த்து விட்டிட்டு,நாலு பாட்டு மூணு காமெடி ரெண்டு பைட்டுன்னு படத்த முடிச்சிட்டா இப்போ இருக்கிற கேனை ரசிகருக,மசாலா மொக்கையனுக,சந்தானம் வெறியனுக எல்லாம் தியேட்டர் வந்து பார்த்து படத்தை ஹிட் ஆக்கிடுவானுகன்னு தான் ஒவ்வொரு ஹீரோவும்,ஒவ்வொரு டைரெக்டரும் கணக்குப்போட்டு வைச்சிருக்கானுக.

விஷாலோட பைட்ட பத்தி சொல்லியே ஆகணும்.இடைவேளைக்கு முன்னாடி ஒரு கட்டி முடிக்காத பாலத்தோட எண்டிங்க்ல வில்லன் கூட்டத்த சந்திக்கிறார் ஹீரோ.கூடவே பொண்ணு ஐஸ்வர்யாவும் இருக்காங்க.ஏகப்பட்ட வில்லனுக வேற.கொஞ்சம் தள்ளி பெரிய பள்ளம்.அந்த பக்கம் ட்ரெய்ன் வேற ஓடிக்கிட்டிருக்க,அடடா ஹீரோ ஜம்ப் பண்ணி பாலத்தோட அந்தப்பக்கம் போய்டுவாரோ இல்லை அதையும் தாண்டி ஓடிக்கிட்டிருக்கிற ட்ரெய்ன் மேல தாவிடுவாரோன்னு என்னோட மாஸ் மசால மைண்டு கற்பனை பண்ணிக்கிட்டிருக்க,ஹீரோ அசால்ட்டா கையில இருந்த ரெண்டு அலுமினிய அகப்பையால அத்தனை வில்லனுகளையும் அடிச்சு சாச்சாப்லே!மெரண்டு போயி உக்காந்தவனுக தான்..ஒரு பய இண்டர்வல் விட்டபோது உச்சா பண்ணவே போகலைன்னா பாருங்களேன்..!ஆமாங்க ஆல்ரெடி போயிட்டானுவ இருந்த இடத்திலயே..!!

மனோபாலாவை தவிர கோடம்பாக்கத்தில் இருக்கிற அத்தனை காமெடியனுகளையும் ஒவ்வொரு பிட்டு பிட்டு சீன்ல வரவைச்சு தூள் பரத்தி இருக்கிறார் பூபதி பாண்டியன்.அவ்ளோ பேரை வைச்சும் காமெடி கிச்சு கிச்சு அளவு தான்!சந்தானம் அடிக்கடி வேஷ்டிய தூக்கி கட்டும்போது அண்ட்ராயர் தெரியும் சமயத்ல எல்லாம் பொண்ணுக விட்டத்த பாக்கிறாளுவ.

ஏம்பா நீங்கள்லாம் படத்தை எடுக்கிறது மட்டும் தான் பண்ணுவீங்களா?அதுக்கு முன்னாடி கதை கேக்கிறது,திரைக்கதை எழுதுறது,படம் எடுத்த பின்னாடி நல்லா வந்திருக்கான்னு நீங்களே போட்டு பாக்கிறதுன்னு கொஞ்ச வேலைகள பண்ணாமலே படத்த ரிலீஸு பண்ணினா நாம என்னடா பண்றது?

ஆனா ஒண்ணு,இவனுக விருதகிரி,அலெக்ஸ் பாண்டியன் என்று வரிசையா எடுக்கிறதால ஒரே ஒண்ணு மட்டும் நடக்குது.படம் எவ்ளோ மொக்கையா இருந்தாலும்,அத ஒரு எண்டர்டெய்ன்மெண்ட்டா எடுத்துகிட்டு விசிலடிச்சு கைதட்டி ரசிச்சு பொழுதுபோக்க ஒரு கூட்டம் அவங்களுக்கு தெரியாமலே உருவாகிக்கிட்டிருக்கு!அன்பிலீவெபிள் பைட் சீன் வரும்போதெல்லாம் 'வாவ்'ன்னு எந்திரிச்சு நின்னு கைதட்டுறாங்கப்பா..!தமிழ் சினிமா எங்கயோ போய்க்கிட்டிருக்குப்பா!தமன் இசையாம்.ஒரே ஒரு பாட்டு தான் கொஞ்சம் ரசிக்க முடிஞ்சது.டி எஸ் பிய போட்டிருந்தா இந்த கொம்போவுக்கு செமயா இருந்திருக்கும் கூட்டணி.ஜஸ்ட்டு மிஸ்ஸு!பூபதி பாண்டியனே இப்பிடின்னா,இவருக்கு ஆசிஸ்டெண்டா இருக்கிரவனுக எல்லாம் படம் பண்ண வந்தானுகன்னா ஒலக சினிமாவ ஒரே ஷாட்ல தாண்டிருவாங்க போல இருக்கே..!

மார்க்: 38/100

பைனல் கிக்கு: தியேட்டர் காரனுகளுக்கே மேட்டர் புரிஞ்சிடிச்சு போல.. இன்னிக்கே பட்டத்து யானை போஸ்டர்களுக்கு மேல 'தலைவா" போஸ்டர் அடிச்சு ஒட்டுறானுக.ஏம்பா இன்னிக்கு படம் வந்து ரெண்டாவது நாளப்பா..!!

தனுஷின் "அம்பிகாபதி"-விமர்சனம் மட்டுமல்ல..!

'அம்பிகாபதி' பார்க்கக்கிடைத்தது.தமிழில் தேசியவிருது வாங்கிய நடிகரின் இந்தி சினிமா நோக்கிய அகலக்கால்.தங்கள் சிக்ஸ்பாக் கட்டழகை காட்டி ரசிகர்களை கட்டிப்போட்டு வைத்திருக்கும் சல்மான்கான்,ஹிர்திக் ரோஷன் போன்ற நடிகர்கள் மத்தியில் தன்னுடைய நடிப்பு திறமையை மட்டுமே நம்பி கால்வைத்திருக்கிறார் தனுஷ்.ஒரு ஒல்லிப்பிச்சான் நடிகரை இந்தி ரசிகர்கள் ஏற்றுக்கொள்வார்களா என்பதற்க்கு பாக்ஸ்ஆபீஸ் நிலவரமே சான்று பகர்கிறது. சூர்யா,விக்ரம்,மாதவன் போன்ற நடிகர்களுக்கு கிடைக்காத வரவேற்பு தனுஷ்க்கு கிடைத்திருக்கிறது. காரணம் ஒன்றே ஒன்று-அவரின் நடிப்பு..!

'பம்பாய்' போன்று எங்கே இன்னுமொரு இந்து-முஸ்லீம் கதையா என்று யோசித்திருந்த போதும், கதை ஒரு மாதிரியாக திசை மாறி வேறு இடம் நோக்கி செல்கிறது.புரோகிதர் மகன் தனுஷ்க்கும் முஸ்லிம் குடும்பத்து பெண் சோனம் கபூருக்கும் சிறுவயதிலேயே பிடித்துவிடுகிறது.ஆறு வயசா இருக்கும்போது முதன் முதலில் சோனம் கபூரை பார்த்து பிடித்துப்போன தனுஷ் தனது பதினஞ்சு வயசில லவ்வ சொல்கிறார்.தனுஷ்க்கு ஏராளமான அடிகள் கொடுத்தபின் பின்னாடி சோனம் கபூருக்கு பிடித்துவிடுகிறது.ஆனால் அவன் இந்து என்று தெரிந்ததும் அதனை மறுக்கிறார் சோனம் கபூர்.பிரச்சனை பெரிதாக,சோனம்கபூரை வேறொரு ஊருக்கு படிக்க அனுப்பி விடுகின்றனர் பெற்றோர். இங்கு தனுஷ் இவள் நினைப்பில் வாட,அங்கு சென்ற சோனம் கபூர் காலேஜ் சேர்மென் மீது காதல் கொள்கிறார்.அதன் பின்னர் என்ன நடக்கிறது என்பதை படத்தில் காணுங்கள்.

முதல் பாதி முழுவதும் காதல்&இசைன்னு கலகலப்பாக செல்ல, இரண்டாம் பாதி சீரியசாக மாறுகிறது.தனுஷ் தனக்கு தேசியவிருது கிடைத்தது சரி தான் என்கின்ற வகையில் நடிப்பை காட்டியிருக்கிறார்.தனுஷின் நடிப்பில் அங்காங்கே ரஜனியின் ஸ்டைல் தெரிகிறது.தமிழில் அதனை தன்னுடைய நடிப்பில் கொண்டுவராத தனுஷ் இந்தியில் சேர்த்துக் கொண்டிருக்கிறார். சோனம் கபூர் கலங்கடிக்கிறார்.இங்கிருந்து தனுஷ் எல்லாம் இந்திக்கு செல்கையில்,அங்கிருந்து சோனம் கபூர் போன்றோரை தமிழ் சினிமாவுக்கு கொண்டுவர முடியாதா என்று கேட்கத் தோன்றுகிறது.தாடி மழித்த தனுஷ் மற்றும் சோனம்கபூர் இருவரினதும் பாடசாலை கால காட்சிகளை பார்க்கையில் தனுஷ் நடித்த '3'படத்தில் தனுஷ்-ஸ்ருதியை நினைவூட்டி செல்கின்றனர்.அழகான முதல் பாதி காதல் கதையையே படம் முழுவதுமாக கொண்டு சென்றிருக்கலாம் என்று தோன்றியது. தேவையில்லாமல் அரசியலை கொண்டுவந்து (லாஜிக் கேள்விகளுக்கு இடம்கொடுத்து) முதல் பாதியின் அட்டகாசமான கொண்டாட்டத்தை இரண்டாம் பாதியில் சொதப்பிவிட்டது போன்று தான் தெரிந்தது.தனுஷ்-சோனம் கபூர் காதல் காட்சிகள் அருமை.! 

படம் வெளிவரமுன்னமே இந்தி ராஞ்சனா'வுக்கு ஒரு பெரிய விளம்பரம் கொடுத்ததே ரஹ்மானின் இசைதான்.பாடல்கள் ஒவ்வொன்றும் கலக்கல் ரகம் என்றால் பின்ணனி இசையில் பிரம்மாதப்படுத்தியிருக்கிறார் ரஹ்மான்!வெளிநாட்டில் ஆடும் பாடல் காட்சிகள் இல்லை ,மிரட்டும் சண்டைக் காட்சிகள் கிடையாது.காசி நகரை அழகாக காட்டியிருப்பார்கள்.ஹோலி பண்டிகை சார்ந்து வரும் காட்சிகள் வண்ணமயம்!பெரிதாக ஆஹா ஓஹோ படமும் இல்லை, மட்டமான படமும் இல்லை.நிச்சயம் பார்க்கக்கூடிய படம் தான் அம்பிகாபதி.முஸ்லிம் பெண் இந்து பையன் மீது காதல் கொள்வதாக படத்தில் காட்டியிருப்பதால் பாகிஸ்தானில் படம் தடை செய்யப்பட்டது மேலதிக கிக்கு.

சோனம் கபூர் நல்லவளா இல்லை கெட்டவளா சுயநலவாதியா என்று பல குழப்பங்கள். பெரும்பாலான கதாநாயகிகள் இலகுவில் ஏற்கத்தயங்கும் நெகட்டிவ் ரோல் போன்ற கதாபாத்திரம் இடைவேளைக்கு பின்பதாக.படம் இன்னும் நன்றாக எடுத்திருக்கலாம் என்கின்ற அங்கலாய்ப்பு இருந்தாலும் கூட,தனுஷ்க்கு இந்தியில் முதல்படத்துக்கு இது போன்ற  வெற்றியே பெரிய விஷயம் தான் என்று பாராட்டத்தோன்றுகிறது!இந்த வருடத்தில் படம்வெளி வந்து இரண்டாம் வாரத்தில் அதிக வசூலை பெற்ற திரைப்படங்களில் 'ராஞ்சனா' நான்காம் இடத்திலிருக்கிறது.

1. Yeh jawaani hai Deewani - 44,87,00,000

2. Race 2 - 20,02,00,000

3. Special 26 - 17,99,00,000

4. Raanjhanaa - 17,75,00,000 approx

5. Aashiqui 2 - 17,35,00,000

6. Kai Po Che - 11,82,00,000

7. Fukrey - 10,51,00,000

8. ABCD - Any Body Can Dance - 10,17,00,000

மார்க் 62/100

--------------------------------------------------------------------------------------------

'தமிழருவி 2013'

பல்கலைக்கழகங்களின் ஏதாவது விழாக்கள் என்றால் சற்றே அலேர்ஜி எனக்கு.காரணம் நான் சென்ற பல்கலைக்கழகம் நடாத்திய எந்த விழாக்களும் அடிபிடி சண்டை,கட்சி மோதல்,பழிவாங்கும் நிகழ்வுகளாகவே முடிந்திருந்த ன.அது சமயம் சார்ந்த விழாவானாலும் சரி கலை இலக்கிய விழாக்களானாலும் சரி முடிவு ஒன்றாகத்தான் இருந்தது.கொழும்பிலே சிறப்பாக தமிழ் விழாக்களை நடாத்தும் பல்கலைக்கழகமாக நான் கணித்தது கொழும்பு பல்கலைக்கழகம் தான்.மொரட்டுவ,பேராதனிய பல்கலை கழகங்களும் பெரிய குறையில்லாமல் நிகழ்சிகளை நடாத்தி வருகின்றனர். அந்த வகையில் தான் கடந்த ஞாயிற்றுக்கிழமை மொரட்டுவ பல்கலைக் கழகம் நடாத்திய 'தமிழருவி 2013'என்கின்ற கலை இலக்கிய விழாவுக்கு செல்லும் சந்தர்ப்பம் வாய்த்தது.

மூன்று மணிக்கு விழா ஆரம்பம் என்றாலும்,மங்கல விளக்கேறி,தமிழ் வாழ்த்து,வரவேற்புரைகள் முடிய ஒரு நான்கு மணி போல சென்றால் முக்கிய நிகழ்ச்சிகளையும் பட்டிமன்றத்தையும் பார்த்துவிட்டு வரலாம் என்று சென்றேன்.நிறைந்த கூட்டம் ராமகிருஷ்ண மண்டபத்தில்.பெரும்பாலானோர் பல்கலைக்கழக மாணவர்கள்.பின்வரிசைகளில் தான் இடம் கிடைத்து செட்டில் ஆனேன்.சரியான ஒலியமைப்பு இல்லாத காரணத்தால் மேடையில் என்ன பேசுகிறார்கள் என்று ஒரு இழவும் புரிந்திருக்கவில்லை.காட்சிகளை தான் பார்க்க முடிந்தது.நடன நிகழ்ச்சிகள் நன்றாக இருந்தன.நாட்டிய நாடகமும்,வரலாற்று நாடகமும் நன்றாக இருந்ததாக முன்வரிசையில் இருந்தவர்கள் கூறக்கேட்டேன்.ஹாரியின் திரைகக்தை வேகத்தை பார்த்தும்,அதன் சப்தத்தை காது கிழிய கேட்ட இந்த தலைமுறைக்கு ஒழுங்கான ஒலி,ஒளியமைப்பில்லாத,மேடையமைப்பு நெறியாள்கை இல்லாத,இதிகாச வரலாற்று விடயங்களை எடுத்துரைக்கும்,மெதுவாக நகரும் காட்சிகளை கொண்ட நாடகங்கள் மீதான மோகம்,விருப்பு முற்றாக இல்லாது போய்க்கொண்டிருப்பதை காணமுடிந்தது.

'தகுந்த தலைமைகளை இனம்காட்டுவதில் இலங்கை தமிழ் ஊடகங்கள் வெற்றி பெற்றிருக்கின்றன/தோல்வியடைந்திருக்கின்றன' என்கின்ற தலைப்பிலான பட்டிமன்றத்தை பார்ப்பது தான் நிகழ்ச்சிக்கு சென்றதன் நோக்கமாக இருந்தாலும்,மதியம் மூன்று மணிக்கு தொடங்கிய நிகழ்ச்சியில் இரவு ஏழு மணி தாண்டியும் பட்டிமன்றம் ஆரம்பிக்கும் அறிகுறி தென்படாததால்,வீடு திரும்பிவிட்டேன்.இப்படியான நிகழ்ச்சிகளை நடாத்துதல் பெரிய வரவேற்கத்தக்க விடயம்.அதையே அதிகபட்சமாக ஒரு நான்கு மணி நேரத்தில் நடாத்தி முடிப்பது இன்னமும் வரவேற்கத்தக்க விடயம்.நிகழ்வில் முகம் தெரியாமல் பழகிய ஏராளமான நண்பர்களை சந்திக்க முடிந்தது.இனிய ஞாயிறு!எப்படியும் பட்டிமன்றத்தின் முடிவு 'தகுந்த தலைமைகளை இனம்காட்டுவதில் இலங்கை தமிழ் ஊடகங்கள் தோல்வியடைந்திருக்கின்றன என்று தான் அமைந்திருக்க வேண்டும். காரணம் கண் முன் தகுந்த தலைமைகள் எவருமே தெரிகிறார்களில்லை!

---------------------------------------------------------------------------------------

"விமர்சகர் வட்ட சிறுகதை போட்டி"

எழுத்தாளர் சாரு நிவேதிதாவுக்கு இருக்கும் பேஸ்புக் வாசகர்வட்டம் எந்தளவுக்கு பிரபலமோ,அதற்கு இணையாக பிரபலமாகியிருப்பது அவரின் விமர்சகர் வட்டம்.சகலவிதமான விடயங்களும் கிழித்து தொங்கப்போடும் சம்பவங்களும் அங்கு நடைபெறும்.இவ்வட்டத்தின் உருவாக்கத்துக்கு பின்னதாக சாருவின் எழுத்து,நடத்தையில் மட்டுமன்றி,வாசகர் வட்ட செயல்பாடுகள் அராஜகங்களில் கூட பெரிய மாற்றம் ஏற்பட்டதை இருசம்பவங்களையும் கூர்ந்து அவ்தானித்து வருபவர்கள் அறிந்து கொண்டிருப்பார்கள்.சாரு நிவேதிதா விமர்சகர் வட்டத்தில் இருப்பவர்களில் பெரும்பாலானோர் வாசகர் வட்ட அராஜகங்களால் பாதிக்கப்பட்டவர்கள் தான்.வெறுமனே விமர்சனம் செய்வது மட்டுமல்லாமல்,பயனுள்ள வேலைகளையும் செய்யலாமே என்கின்ற அடிப்படையில்,சிறுகதை போட்டியொன்றை நடாத்துகின்றனர் அவர்கள்.விருப்பமானோர் பங்குபற்றலாம். பரிசுகள் உண்டு.போட்டி சம்பந்தமான தகவல்கள் இவை:

விமர்சகர் வட்டம் சிறுகதைப் போட்டி

நண்பர்களே,நமது வட்டம் சார்பாக ஒரு சிறுகதைப் போட்டி நடத்தலாம் என்று முடிவு செய்துள்ளோம்.
முதல் பரிசு = 10000 Rs
இரண்டாம் பரிசு = 5000 Rs
மூன்றாம் பரிசு = 2500 Rs x 2

1. யார் வேண்டுமானாலும் இந்தப் போட்டியில் பங்கேற்கலாம்.
2. குறுங்கதை அல்லது சிறுகதையாக இருக்கவேண்டும்.
3. இதுவரை வேறு எங்கும் வெளியிடப்படாத கதையாக இருத்தல் வேண்டும்.
4. நாகரிகமற்ற வார்த்தைகளைப் பயன்படுத்தக் கூடாது.
5. 300 வார்த்தைகளுக்கு குறையாமலும், 1000 வார்த்தைகளுக்கு மிகாமலும் பார்த்துக்கொள்ளுங்கள்.
6. இந்தப் போட்டிக்கு மொத்தம் ஐந்து அல்லது ஆறு நடுவர்கள் இருப்பார்கள்.
7. ஒவ்வொரு கதைக்கும் அதிகபட்சமாக 100 மதிப்பெண்கள் வழங்கப்படும்.
நடுவர்கள் = 70 %
வட்ட உறுப்பினர்கள் (likes) = 30%
8. கதை எழுதியது யாரென்று நடுவர்களுக்கோ, உறுப்பினர்களுக்கோ முடிவு அறிவிக்கும் வரை தெரிவிக்கப்படாது.
9. ஒவ்வொரு கதையும், நடுவர்கள் மதிப்பெண்கள் வழங்கிய பிறகே வட்டத்தில் பகிரப்படும்.
10. கதைகளை ஒருங்கிணைப்பாளர்களுக்கு மட்டுமே பின்வரும் முகவரியில் அனுப்பவேண்டும்.
11. கதைகள் வந்து சேரவேண்டிய கடைசி நாள் 31 ஜூலை 2013
12. கதைகள் அனுப்ப வேண்டிய முகவரி vimarsagar.vattam@gmail.com

-----------------------------------------------------------------------------------------

ட்விட்டரில் நான்..!

ட்விட்டரிலும் கொஞ்சம் கால்பதித்திருக்கிறேன்.தனுஷுக்கு இந்தி சினிமா எந்த அளவுக்கு புதியதோ அதைப்போன்று ட்விட்டர் எனக்குப்புதியது.அந்த ரெண்டு வரி ட்விட்டரில் இருப்பவர்கள் விரும்பினால்  பொலோ செய்யுங்கள்.ஏற்கனவே அங்கு சுற்றித்திரிபவர்கள் 'அடடே இங்கயும் வந்திட்டியா வா..வா.."ன்னு வெளியிலும்,'இங்கயும் வந்திட்டியாடா?ஒரு இடத்திலயும் நிம்மதியா இருக்க விடமாட்டியா?"அப்பிடின்னு உள்ளேயும் புலம்புவதை காண முடிகிறது. என்ன செய்வது நாலுபேருக்கு  நல்லதுன்னா எதுவுமே......?!

என்னுடைய ட்விட்டர் ஐடி : "மைந்தன் சிவா"

இந்தவாரம் சிங்கம்-2 தான் ஹாட் டாபிக் ஒப் த டவுன் எண்டதால அது பற்றியே கொஞ்ச கீச்சுக்கள் அடிச்சு விட்டேன்.பரவாயில்லை ஒருசிலர் ரிட்வீட் செய்கிறார்கள்.பேவரிட் செய்கிறார்கள்.ஒரு பயபுள்ள(கும்மாச்சி) ஒரு ட்வீட்டை எடுத்து தன்னோட பதிவில் சேர்த்து அண்ணனை அன்பொழுக வரவேற்றார்.நன்றி நன்றி..!கடந்த சில நாட்களில் என்னுடைய சில ட்வீட்டுகள்:

-முறைப்படி பாத்தா,ஒலிம்பிக்ஸ்ல நம்மாளு தொரைசிங்கம் தான் கோல்ட் மெடல் ஜெயிச்சிருக்கணும்.! ஒன்னத்தையும் காணோம்!! வெண்கல கிண்ணம் கூட கிடையாதாம்!#சிங்கம்2

-சந்தானம் 'வாழைக்காய்','குஞ்சு"ன்னு டபிள் மீனிங்க் காமெடிகளை எப்போதான் விடப்போறாரோ!But'பாத்து சேத்து சீவிட போறீங்க"&"கப்பல் தரை தட்டுது" செம!#சிங்கம்2

-ஓட ஓட ஓட தூரம் குறையல பாட பாட பாட பாட்டும் முடியல போக போக போக ஒன்னும் புரியல ஆகா மொத்தம் ஒன்னும் விளங்கல..!#சிங்கம்2

-அனுஷ்காவ 'மேலோட்டமா'காட்டினா ஹாரிக்கு பிடிக்காது போல.பெயிண்ட் அடிச்சுடுறார்.பின்ன என்ன ***க்கடா அந்த மாதிரி ட்ரெஸ் மாட்டி உடுறீங்க?#சிங்கம்2

-செவ்வாய் கெரகத்தில கூட படம் ஹிட்டுன்னு பேசிக்கிறாங்களாம்!இத ரீமேக் வேற பண்றாங்களாம்..அடுத்த பாகம் அந்த கெரகத்தில தான் போல!#சிங்கம்2

-சிவகுமார் வீட்டுக்கெதிரா ப்ளூக்ராஸ் ஆர்ப்பாட்டம் பண்றாங்களாம்! பின்ன,சிங்கம் சிறுத்தை ரெண்டையும் வீட்டில வளர்த்தா கொஞ்சுவாங்களா?#சிங்கம்2

-சிங்கம் ஓங்கி அடிச்சா ஒன்னர டன் வெயிட்,ஓகே..அனுஷ்கா திருப்பி அடிச்சா எத்தின டன் வெயிட்னு சொல்லாம விட்டிட்டானுகளே..!#சிங்கம்2

-நான் சீக்கிரமாவே காது சம்பந்தமான மருத்துவம் படிக்கலாம்னு இருக்கேன்! செம -பொட்டென்சியல் பிசினெஸ் எதிர்காலத்தில ;)#சிங்கம்3

-படம் பிடிச்சிருந்தவங்களுக்கும் சிங்கத்த பிடிக்காம வைக்கிற முயற்சில சன்,கலைஞர்டிவி,விஜய் டிவில,சூர்யா&ஹாரி இறங்கியிருக்காங்க!#சிங்கம்2

-சிங்கம் 2- சூர்யா ரசிகர்களுக்கு மட்டும்னு வர்ற விமர்சனங்கள பாத்தா சிரிப்பு சிரிப்பா வருது!#சிங்கம்2

-விஜய் டிவி கொஞ்சம் மேல போயி சூர்யா கையில் துப்பாக்கி குடுத்து பலூன் சுட வைக்கிறானுக!சிங்கம் 3 முன்னோட்டம்ன்னு தப்பா நெனைச்சிட்டேன்!#சிங்கம்2

-சிங்கம்2 படத்தை தடை செய்ய வேண்டும் என மதுரை ஆசிரியர்கள் போர்க்கொடி தூக்கியுள்ளனர்.டீச்சர் சேலைய பிடிச்சு இழுத்த சந்தானம்மேல ஒண்ணுமில்லியா?#சிங்கம்2

-வீட்டில சும்மா கதைக்கும்போது கூட 'வாங்கலே','போங்கலே'ன்னு கத்தி கதைக்க வைச்சதை பார்க்கும்போது சிங்கம் வெற்றி போல்தான் தெரிகிறது! #சிங்கம்2

-டானி தூத்துக்குடில வந்து இறங்கும்போது அவன் வாயசைவை வைத்து அரெஸ்ட் செஞ்சு கொண்டு செல்லும் காட்சி செம மாஸ்!#சிங்கம்2

-சிங்கம் 2'ஓட ஸ்பெசாலிட்டி என்னன்னா,நல்லாவும் புகழ முடியுது அதே சமயம் நல்லா ஓட்டவும் முடியுது..! ஐ ஜஸ்ட் லவ் இட்!#சிங்கம்2

-'துப்பாக்கி'யிலும் 'சிங்கம்-2'லும் உள்ள ஒற்றுமை-நடுக்கடல்ல,கப்பல்ல நடக்கும் ரெண்டு க்ளைமேக்சுமே லாஜிக் இல்லாத க்ளைமேக்ஸ்கள்!#சிங்கம்2

-சிங்கம்3'ல அனுஷ்காக்கு கல்யாண சீனும்,பெஸ்ட் நைட் டூயட்சாங் மட்டும்தான் இருக்கும்போல!சக்காளத்தியா வரப்போற ஹீரோயின் யார்னு நெனைச்சு வெயக்கேன்!#சிங்கம்2
-----------------------------------------------------------------------------------------

டிஸ்கி:குட்டிப்புலி,சிங்கம் முதல் விமர்சனம்(மொக்கை),சிங்கம் இரண்டாம் விமர்சனம் (ஒரிஜினல்) என்று மூன்று பதிவுகளுக்கும் 5000க்கு மேல் ஹிட்ஸ் கொடுத்த நண்பர்கள், வாசகர்களுக்கு நன்றிகள்.

அன்புடன்,

"சிங்கம் 2"-விமர்சனம்!உண்மையிலேயே செம வேட்டை..!!

                       

படம் ஒன்று வெற்றி அடைந்தால்,அதன் இரண்டாம் பாகத்தையும் சூட்டோடு சூடாக வெளியிடும் காலகட்டத்தில் தமிழ் சினிமா இப்போதிருக்கிறது.பில்லா-நாகராஜசோழன் எம் எல் ஏ-முனி-விஸ்வரூபம்-துப்பாக்கி என்று அதே வரிசையில் இப்போது இயக்குனர் ஹாரியின் 'சிங்கம்'.

விஜய் வேண்டாமென்று நிராகரித்த கதைகள் வேறு நடிகர்கள் நடித்து ஹிட் ஆகியிருக்கின்றன.அப்படியான ஒன்று தான் சூர்யாவின் சிங்கம்.அதன் முதல் பாகம் வந்து ஹிட் அடிக்க,இந்தியிலும் அஜய் தேவ்கன்,காஜல் நடிப்பில் ரீமேக் ஆகி வெளியாகியது.அந்த வெற்றியை தொடர்ந்து,சிங்கம் பார்ட் 2 வெளிவந்திருக்கிறது.சிங்கம் படத்துக்கான விளம்பரங்கள், ப்ரொமோஷன் நிகழ்சிகள் என்று கடந்த ஒரு மாதமாகவே அனைத்து டிவி சேனல்கள் ஒரு பக்கம் என்றால்,சூர்யாவின் நடிப்பு,இயக்குனர் ஹாரியின் இயக்கம்,மற்றும் இதன் முதல் பாகத்தின் பிரமாண்டமான வெற்றி என்பன மறுபக்கம்  படத்துக்கான எதிர்பார்ப்பை எகிறிவிட்டிருந்தன.

சிங்கம் 1'இன் இறுதியில் பொலீஸ் வேலையிலிருந்து விலகி மளிகை கடை வைப்பதாக சொல்லிவிட்டு தூத்துக்குடியில் ஆயுத கடத்தல் நடக்கும் விவகாரத்தை கவனிக்க விஜயகுமார் துரைசிங்கத்தை அனுப்பி வைத்திருப்பார்.அதன் தொடர்ச்சியாக தான் சிங்கம் 2 வந்திருக்கிறது.தூத்துக் குடியில் ஒரு கல்லூரியில் என்சிசி ஆபீசராக வேலை பார்த்துக்கொண்டு தூத்துக்குடியில் ஆயுத கடத்தல் நடக்கிறதா என்பதை நோட்டம்விட்டு வரும் துரைசிங்கத்துக்கு அது ஆயுத கடத்தல் இல்லை,ஹெரோயின் கடத்தல் என்பது தெரியவருகிறது.சகாயம்,தங்கராஜ்(சங்கமம் ரகுமான்),பாய் என்கின்ற மூன்று தாதாக்கள் தூத்துக்குடியில் இயங்க,இவர்களுக்கெல்லாம் தலையாக 'டானி"இயங்கிக்கொண்டிருப்பதை கண்டுபிடிக்கிறார் சிங்கம்.'ஆபரேஷன் D"என்கின்ற பெயரில்,இடையே வரும் தடைகளையெல்லாம் தகர்த்தெறிந்து இந்த போதை மருந்து கடத்தல் கும்பலை ஒட்டுமொத்தமாக பிடித்து அழிக்கும் முயற்சியில் துரைசிங்கம் பாய்ந்து வேட்டையாடும் படலம் தான் சிங்கம் 2'..!முழுக்கதையையும் சொல்லிவிட்டால் விறுவிறுப்பிருக்காது.காரணம் தியேட்டரில் பார்க்கவேண்டிய படம்.அதனால் பெரும்பாலான சுவாரசியங்களை சஸ்பென்ஸ்லேயே விட்டுவிடுகிறேன்.

                   

படம் சொல்லி 'ஹிட்'அடித்திருக்கிறது.படத்தின் ஹீரோக்கள் இருவர்,ஒருவர் இயக்குனர் ஹாரி,இன்னொருவர் சூர்யா!வேகமான திரைக்கதை, பார்வையாளனை எந்த ஒரு சந்தர்ப்பத்திலும் 'இது எப்படி சாத்தியம்" என்று கேட்க வைக்காத லாஜிக்குடன் கூடிய காட்சிகள் என்று படத்தின் வேகமான ஓட்டத்துடன் ஒட்டி இருக்கவைத்துவிடுகிறார் ஹாரி.மசாலா படம் தானே,எதை வேண்டுமானாலும் காட்டிவிடலாம் என்பதை விடுத்து திரைக்கதையில் எந்த ஓட்டைகளுமின்றி காட்சிகளை அமைத்து மற்றைய மசாலா பட இயக்குனர்களுக்கு ஹாரி ஒரு 'குட்டு'போட்டிருக்கிறார் என்றே சொல்லலாம்!ஹாரி தான் இப்படி என்றால்,இயக்குனரின் ஒவ்வொரு காட்சிகளுக்கும் உயிர்கொடுத்திருக்கிறார் சூர்யா.சூர்யாவின் நடிப்பு பிரமாதம்!ஆக்க்ஷன் காட்சிகளில் தூள் பரத்துகிறார்.பாடல் காட்சிகளில் துள்ளலான நடனம்,அதுக்கேற்ற நடிப்பு,கோபம் என்று சூர்யாவுக்கே பொருந்திய கதாபாத்திரமாகிவிட்டது சிங்கம்!

என்சிசி ஆபீசர் வேலையை களைந்துவிட்டு பொலீஸ் டியூட்டிக்கு பொலீஸ் ட்ரெஸ்'சை மறுபடி மாட்டிக்கொண்டு சிங்கம் வேட்டைக்கு கிளம்புகையில் நம்மை அறியாமலேயே க்ளாப்ஸ் வாங்கிவிடுகிறார் சிங்கம்!ஹாரி படத்தின் வழமையான டாட்டா சுமோக்கள்,அரிவா,வெள்ளை வேஷ்டி சட்டை கூட்டம்னு இருந்தாலும்,படம் ரெண்டே முக்கால் மணி நேர படமாக இருந்தாலும்,எந்த இடத்திலும் பார்வையாளர்களை சலிப்படைய வைக்காத கதையின் வேகம்,ட்விஸ்ட்டுகள்,சீட் நுனிக்கே இழுத்துவரும் விறுவிறுப்பு... அது தான் சிங்கம் 2....!

சிங்கம் 1'இல் சிங்கத்தின் நாயகியாக வந்த அனுஷ்காவுக்கு போட்டியாக ஹன்சிகா பாடசாலை மாணவியாக வந்து சிங்கத்தின் மேல் காதல் கொள்கிறார்.நன்றாக மெலிந்திருக்கிறார்.அப்படியே அனுஷ்காவை அழகில் ஓரம்கட்டிவிடுகிறார்.விஜயகுமார், விவேக்ராதாரவி,மனோரமா,நாசர் என்று பழைய கூட்டணி இதிலும் தொடர்கிறது.கூடவே சந்தானத்தின் வருகை நகைச்சுவைக்கு அழுத்தம் சேர்த்திருக்கிறது.விவேக்கை விட சந்தானம் அதிகமாய் ஸ்கோர் பண்ணுகிறார்.இரட்டை அர்த்த காமெடிகளுக்கு தியேட்டர் அல்லோலகல்லோலப்படுகிறது!சூர்யா ஒரு பக்கம் மாஸ்னா,சந்தானம் மறுபக்கம் மாஸ்!

தேவி ஸ்ரீ பிரசாத்தின் இசையில் பாடல்கள் ஏலவே வெளிவந்திருந்தாலும், பெரிதாக ஸ்கோர் பண்ணியிருக்கவில்லை.ஆனால் படத்துடன் சேர்த்து பார்க்கையில் பாடல்கள் அனைத்தும் பிடித்திருக்கிறது.எல்லாம் ஹாரி மேஜிக்!ஓபினிங் சாங்'இல் அஞ்சலி வந்து ஆடிச்செல்கிறார்.ஹன்சிகாவின் காதல் பாடலான'புரியவில்லை இது புரியவில்லை'பாடல்  நன்றாக இருந்தது. பாடல் காட்சிகளில் விஜய் போன்று 'முட்டி மூமெண்ட்ஸ்"போடுமளவுக்கு மெருகேறியிருக்கிறார் சூர்யா!

படத்தில் ஒரு இலங்கை வில்லனும் வருகிறார்.ஆம்,ஒரு சிங்கள வில்லனை அழைத்து சிங்கத்தை போட்டுத்தள்ளும் பொறுப்பை ஒப்படைக்கிறார்கள் வில்லன் க்ரூப்.ஆனால் இறுதியில் தாங்களே அவனை போட்டுத்தள்ளி யிருந்தார்கள்.தமிழனுக்கு கெடுதல் விளைவித்த சிங்களவனை அழைத்து அடித்து கொன்று பழிதீர்த்திருக்கிறார்கள் என்றார் பக்கதிலிருந்த ஒருவர். கூடவே 'இந்து சமுத்திரத்த ஆளுவது இந்தியா' தாண்டா அப்பிடின்னு ஒரு பஞ்ச் வரும் படத்தில்.அது கூட இப்போதிருக்கும் சீனா-இந்தியாவின் இந்து சமுத்திர போட்டியில் இந்தியா தான் 'தலை'அப்பிடின்னு சீன அரசுடன் நல்லுறவாடும் இலங்கைக்கு விடுத்திருக்கும் எச்சரிக்கை என்றும் அதே நண்பர் கமெண்ட் அடித்தார்.சிரித்து மகிழ்ந்தேன்.

படத்தில் குறைகள் என்று சொல்லிக்கொள்ள பெரிதாக எதுவுமே இல்லை. வழக்கமாகவே ஹாரி படங்களில் சத்தம்,வன்முறை அதிகமாக இருக்கும். க்ளைமேக்ஸ்'இல் மசாலா படத்துக்கே உரிய  ஒரு சில லாஜிக் பிழைகள் தென்படலாம்.அதை தவிர வேறு குறைகள் தெரியவில்லை. உலகம் முழுவதுமாக  2400 தியேட்டர்களில் ரிலீஸ் ஆன சிங்கம்-2,அடுத்த இரண்டு வாரத்துக்கு போட்டியில்லாமல் சக்கைபோடு போடப்போகிறது.காரணம் அடுத்த பெரிய படமான மரியான் 19ஆம் தேதி தான் வெளிவருகிறது.அதனால் சிங்கம் 1'ஐ போல சிங்கம் 2'உம் மெகா ஹிட் அடிக்கும் போல்தான் தெரிகிறது!

என்னுடைய மார்க் 73/100

(Brit tamil இணையத்துக்காக எழுதியது)
--------------------------------------------

படம் வருமுன்னரே ஒரு விமர்சனம் எழுதி சிங்கம்-2'ஐ கலாய்த்து ஓட்டியிருந்தேன்.அதுக்கு நேர் எதிர்மாறு படம்.முதல் விமர்சனம் படிக்க:

"சிங்கம் 2"-முதல் விமர்சனம்-செம்ம வேட்டை..!!!

"சிங்கம் 2"-முதல் விமர்சனம்-செம்ம வேட்டை..!!!

படம் ஒன்று வெற்றி அடைந்தால்,அதன் இரண்டாம் பாகத்தையும் சூட்டோடு சூடாக வெளியிடும் காலகட்டத்தில் தமிழ் சினிமா இப்போதிருக்கிறது.பில்லா-நாகராஜசோழன் எம் எல் ஏ-முனி-விஸ்வரூபம்-துப்ப்பாக்கி என்று அதே வரிசையில் இப்போது இயக்குனர் ஹாரியின் 'சிங்கம்'.

விஜய் வேண்டாமென்று நிராகரித்த கதைகள் வேறு நடிகர்கள் நடித்து ஹிட் ஆகியிருக்கின்றன.அப்படியான ஒன்று தான் சூர்யாவின் சிங்கம்.அதன் முதல் பாகம் வந்து ஹிட் அடிக்க,இந்தியிலும் அஜய் தேவ்கன்,காஜல் நடிப்பில் ரீமேக் ஆகி வெளியாகியது.அந்த வெற்றியை தொடர்ந்து,சிங்கம் பார்ட் 2 வெளிவந்திருக்கிறது.ஏற்கனவே படத்தின் ட்ரெயிலரில் சூர்யா அனைத்து சேனல்களிலும் மணிக்கு மூன்று முறை வந்து 'யார்லே..எலே வாங்கலே..." அப்பிடின்னு அரிவாவ கையில வைச்சு மிரட்டி அப்பாவி ஜனங்களை தியேட்டருக்கு வான்னு மிரட்டியிருந்தார்.எங்க போகாமல் விட்டால் வெட்டிவிட்டிடுவாரோன்னு பயந்து நானும் போயிட்டேன்.. அதன் பின்னர் நடந்தது என்ன?

ஆரம்பமே அமர்க்களம் தான்.ஒரு காலேஜுக்குள் புகுந்து ரவுடிக்கும்பல் ஒன்று அட்டகாசம் செய்துகொண்டிருக்கிறது.பொண்ணுங்க மேல கைவைக்கிறதும்,எதிர்த்து கேக்கிறவங்கள அடிச்சு நொறுக்கிறதுமா இருக்கும்போது,இத பாத்து பொறுக்கமுடியாத அஞ்சலி துரைசிங்கம் ஐயாவுக்கு(அதாங்க சிங்கம் பார்ட் 2) போன் போட்டு சொல்றாங்க.சர்ர்னு ஒரு பொலீஸ் ஜீப்ல வந்து இறங்கிறார் சூர்யா.அப்பிறம் என்ன? ஓட ஓட அடி..இடைக்கிட,உசரம் பத்தாம போக,பாஞ்சு பாஞ்சு அடிக்கிறார்...அதுக்கு 'பாஞ்சு அடிச்சா பதினஞ்சு டன் வெயிட்டா..'''அப்பிடின்னு ஒரு பஞ்ச் சொல்லி சமாளிச்சிக்கிறார்.பைட்டு சீன் முடிஞ்ச சந்தோசத்தில காலேஜ் பொண்ணுங்க கூட ஆட்டம் போடுறார்.அஞ்சலி சேர்ந்து ஆடுறாங்க.இத தூத்துக்குடில படமாக்கியிருக்காங்க.எல்லாரும் இவர் புகழ் பாடுறாங்க.'இட்ஸ் சிங்கம் டான்ஸ்"அப்பிடின்னு காலேஜ்ல ஆட்டம்போடுறாங்க.

சென்னை ரவுடிஸ் எல்லாரையும் ஆல்ரெடி போட்டு தள்ளினதால,இம்முறை கொஞ்சம் பெரிய ரவுடீஸ் கொண்டுவர வேண்டியது அவசியம் எண்டதால,கதைய கொஞ்சம் அரசியலோட சம்பந்தப்படுத்தி,ஆப்ரிக்கா வரைக்கும் கொண்டு போயிருக்கிறார் ஹாரி.கதை ஆப்ரிக்காவுக்கு போகுது இடைவேளைக்கு அப்புறமா தான்.'ஐ ஆம் வெயிட்டிங்க்' அப்பிடின்னு துப்பாக்கில விஜய் பஞ்சு வைச்ச மாதிரி 'வாங்கலே......" அப்பிடின்னு ஆப்ரிக்க தீவிரவாதிகளுக்கு அடித்தொண்டையில சவால் விடுறார் ஈஸ்வரசிங்கம்.

சிங்கம் முதல் பாகத்திலேயே அனுஷ்கா மேட்டர்,கல்யாணம் கட்டிக்கிற அளவுக்கு வந்திட்டதால,இந்த பார்ட் 2'ல புதுசா ஹன்சிகாவ இறக்கியிருக்காங்க.ஹன்சிகா கொஞ்சம் மெலிஞ்சு காலேஜ் பொண்ணா வர்ராங்க.அனுஷ்கா இடைவேளைக்கு முன்னாடி கொஞ்ச சீன்லயும், இடைவேளைக்கு அப்புறமா க்ளைமாக்ஸ்லயும் ஒருதடவை வர்றாங்க.அதை தவிர படம் முழுக்க ஹன்சிகா தான் ஆட்சி பண்றாங்க.அனுஷ்காவுடன் பாடல் காட்சிகளில் துள்ளி துள்ளி நடிச்ச சூர்யா ஹன்சிகா எண்டதால,தரையிலயே நின்னு நடிக்கிறாப்லே.ஹன்சிகாவோ, அனுஷ்காவோ,ரெண்டு பேருமே சூர்யாவோட அம்மா மாதிரி தான் இருக்காங்கப்பா..!

நம்மகூட ஜாலியா இருந்த பய இப்போ குளுகுளு ஹன்சிகாவ கண்டவுடன அந்த பக்கம் தாவிடிச்சே அப்பிடின்னு பீலிங்ல இருந்த அனுஷ்காவுக்கு ஒரு டெமோ குடுத்து விளக்குறார் சூர்யா.அத கேட்டிட்டு,வழமையான மோட்டு ஹீரோயின் மாதிரி 'உங்கள புரிஞ்சுக்கிட்டேங்க..ஐ லவ் யு சோ மச்" அப்பிடின்னு உருகுறாங்க அனுஷ்கா..அட இதில்லாம் எதுக்குன்னு கேக்கிறீங்களா?அடுத்த பாட்டு போடுறதுக்கான சிச்சுவேசனாம்!!

இடைவேளைக்கு அப்பிறமா ஆப்ரிக்கா போகனும்கிறதால அந்த இடத்தில ஹாரி ஒரு பஞ்ச் வைக்கிறார்..'ஊரு விட்டு ஊரு..நாடு விட்டு நாடு...கண்டம் விட்டு கண்டம் குறிக்கோளோட பாஞ்சு தாக்கிற சிங்கம் டா' அப்பிடின்னு.ஒவ்வொரு பஞ்சும் பறந்து பறந்து கையால ஓங்கி எதிலயாவது அடிச்சு தான் சொல்றார் சூர்யா.ஏன்னா,அப்போதான் நங்கூரம் மாதிரி நச்சின்னு மனசில பதியுமாம்.

கண்டம் விட்டு கண்டம் தேடி போற ஈஸ்வர சிங்கம் அயன் படத்தில கருப்பனுக கூட டீல் வைச்சிக்கிற மாதிரி டீல் வைச்சு மெயின் வில்லனான முகேஷ் ரிஷி'யயும்,தென்னாபிரிக்க நடிகர் ஒருவரையும் கண்டுபிடிக்கிறார்.க்ளைமாக்ஸ் பைட் நைஜீரியால நடக்குது.

இசை தேவிஸ்ரீ பிரசாத்.பெரிதாக வேலையில்லை இவருக்கு.சிங்கம் ஒன்ரின் பாடல்களுக்கு எக்ஸ்ராவா ரெண்டு ஸ்வரத்த போட்டு பாட்டை ரிலீஸ் பண்ணியிருக்காப்லே!'காதல் வந்தாலே காலிரண்டும் தன்னாலே'பாடலை போலவே ஒரு பாடல் அதே போல செட் போட்டு அதே போல குனிஞ்சு குனிஞ்சு ஆடியிருக்காப்லே சூர்யா!"கன்னுக்குள்ள கண்ண வைச்சு என்ன சுடாதை"எண்ட டூயட் தான் அது.

விவேக்கு முதல் பாகத்தில எரிமலை எப்படி பொறுக்கும்னு ஆட்டுப்புழுக்கைய ஆத்தில கரைச்சு பர்போம்மன்ஸ் காட்டியிருந்ததால,இந்தவாட்டி ப்ரொமோசன் குடுத்து இன்ஸு ஆக்கியிருக்காங்க,அதாம்பா இன்ஸ்பெக்டர்.நாடுவிட்டு நாடு,கண்டம் விட்டு கண்டம் பாயும்போது தமிழ் நாட்டில சிங்கத்துக்கு உதவி பண்றது நம்ம எரிமலை தான்! 

"ஓடு மீன் ஓட உறுமீன் வரும்வரைக்கும் காத்திருக்குமாம் கொக்கு"காத்திருந்து கண்ணி வைச்சவன பிடிச்சிருக்கேன்..ஒரு பய தப்பமுடியாது"அப்பிடின்னு சொல்லும்போதாச்சும் 'இது தப்பாச்சே" அப்பிடின்னு எந்திரிச்சு ஓடியிருக்கனும்..முதல் பாகத்தில தமிழ் நாட்டு எதிரிகளையும்,இரண்டாம் பாகத்தில சர்வதேச எதிரிகளையும் போட்டு பந்தாடியிருக்கிறதால,மூணாவது பாகத்தில ஏலியன்ஸ் கூட பைட்டு வைக்கலாம்னு ஹாரியும் சூரியாவும் ப்ளான் போட்டிருக்காங்கப்பா.அதுக்கு ஒரு ட்ரெய்லர் விட்டு அதில "ஊரு விட்டு ஊரு,நாடு விட்டு நாடு,கண்டம் விட்டு கண்டம்,கெரகம் விட்டு கெரகம் பாஞ்சு தாக்கும் அப்பலோ சிங்கம்டா" அப்பிடின்னு பஞ்ச் வைப்பாரு.'வாங்கலே.." அப்பிடின்னு வாண்டட்டா ஏலியன்ஸ இங்க கூப்பிடுவாரு..அதுக்கு முன்னாடி நாம வேற கெரகம் ஒன்னுக்கு போயிடணும்பா..! 

'போங்கலே................!"

'தீயா வேலை செய்யணும் குமாரு'-கலகலப்பு பார்ட்#2..!

                                            

'கலகலப்பு' கூட்டணியான சுந்தர் சி,சந்தானம்,யூடிவி மோஷன் பிக்சர்ஸ் இரண்டாவது முறையாக இணைந்திருக்கும் படம் தான் 'தீயா வேலை செய்யணும் குமாரு'.நடிக நடிகையர் யார் என்று பார்த்தால் சித்தார்த், ஹன்சிகா,சந்தானம்,பாஸ்கி,மனோபாலா,டெல்லிகணேஷ், தேவதர்ஷினி என்று பெரிய லிஸ்டே நீளும்.பெயரை பார்த்தபோதே காமெடி படமாக தான் இருக்கும் என்று தெரிந்திருந்தாலும்,சுந்தர் சி'க்கு காமெடி கைவந்த கலை என்பதால் படம் சற்றே எதிர்பார்ப்பை கூட்டிவிட்டிருந்தது.சந்தானமும் அதற்கு ஒரு காரணம்.

பாட்டன்,பூட்டன்,அப்பா அம்மா,அக்காமார்கள் என்று நாயகன் சித்தார்த்தின் குடும்பமே லவ்வோ லவ்வுன்னு லவ்வி கல்யாணம் செய்துகொண்ட குடும்பம்.ஏரியாவிலேயே லவ்வுக்கென்று ஒரு ட்ரேட் மார்க்குடன் வாழ்ந்து வரும் குடும்பத்தில் பிறந்த சித்தார்த்துக்கு ஏனோ லவ் என்றாலே பிடிப்பதில்லை.காரணம் சில ப்ளாஷ்பேக்'கள்.இப்பிடியே இருந்திடாதேடா, யாரையாவது லவ் பண்ணுடான்னு வீட்டிலும் சரி,வேலை செய்யும் ஐ.டி ஆபீசிலும் சரி ஏகப்பட்ட ஆட்வைஸ்கள்.ஆனால் சித்தார்த்துக்கு பொண்ணும் அமையல,லவ் பண்ணவும் பிடிக்கல..ஏன்,எப்பிடி லவ் பண்றதுன்னு கூட தெரியாம சொதப்பிகிட்டிருக்கார்.அந்த நேரத்தில் தான் ஆபீசுக்கு புதுசா ஒரு பொண்ணு வருது.ஆமா,அது நீங்க நெனைக்கிற மாதிரியே நம்ம ஹன்சிகா தான்.

அவங்கள பாத்தவுடனேயே நம்மாளுக்கு பட்டர்ப்ளை பறக்குதாம்..மெல்லிய காத்து மெதுவா வீசுதாம்..அதாங்க,லவ்வு ஸ்டார்ட் ஆயிருச்சு.ஆனா அங்க தான் ஒரு பிரச்சனை,ஆபீசிலயே ஒரு ஜிம்& ஹாண்ட்சம் பாய் ஹான்சிகாவ பிக்கப் பண்ணிக்க முயற்சிக்கிறான்.ஒரு வழியும் தெரியாத சித்தார்த்க்கு அத்தான் பாஸ்கி ஐடியா குடுக்கிறார்,ஊர்ல 'நோக்கியா' அப்பிடின்னு ஒரு லவ் குரு இருக்கார்.அவர்கிட்ட போனா எல்லாம் சரியாகிடும் அப்பிடின்னு.அந்த லவ் குரு வேற யாருமில்லைங்க..நம்ம சந்தானமே தான்.அந்த பாய்ண்ட்ல இருந்து ஆரம்பிக்கும் லவ் கோர்ஸ் என்னாகிறது,எப்படி ஹான்சிகாவை சித்தார்த் கைப்பிடிக்கிறார் என்பதை மிகவும் கலகலப்பாகவும் விறுவிறுப்பாகவும் சொல்லியிருக்கிறார் சுந்தர் சி.

படம் நீளத்துக்கும் காமெடி பரவிக்கிடக்கிறது.ஒவ்வொரு சீனிலும் சிரிப்பதற்கு ஏதாவது ஒரு மேட்டர் இருக்கும்.அதனால் படம் தொடங்கும்போது சிரிப்பதற்காக திறந்த வாய் படத்தின் இறுதி சீன் வரைக்கும் மூடவேயில்லை. சந்தானத்துக்கு 'ஓகேஓகே'இன்ரோ மாதிரி பைக்கில் இன்ரோ கொடுத்திருக்கிறார்கள்.ஹீரோக்களுக்கே இல்லாத அமர்க்களம் இப்போதெல்லாம் சந்தானத்துக்கு தான் கிடைக்கிறது.தியேட்டரில் விசில் பறக்கிறது.காஸ்டியூம்ஸ் கூட சித்தார்த்தை விட சந்தானத்துக்கு தான் எடுப்பாக கொடுத்திருக்கிறார்கள்.அம்மணி குஷ்பு தான் காஸ்டியூம்ஸ்க்கு பொறுப்பு.

'எங்கேயும் எப்போதும்' சத்யா தான் இசை.சுந்தர் சி தனது காமெடி பலத்தை நம்பி இறங்குவதனாலோ என்னமோ,இசைக்கு பெரிதாக முக்கியத்துவம் கொடுப்பதில்லை.ஓரிரு பாடல்கள் ரசிக்கலாம்.'அழகென்றால் அவள் தானா சஞ்சனா..'ஹிட் ஆகும் வாய்ப்புகள் பிரகாசம்.இசை ஓரளவுக்கு சோடை போனாலும்,பாடல் காட்சிகளில் அமர்க்களப்படுத்தி இருக்கின்றனர்.இரண்டு பாடல்கள் ஜப்பானில் எடுத்திருக்கிறார்கள்,பாடல்கள் அத்தனையையும் பா.விஜய் தான் எழுதியிருக்கிறார்.

                                                  

கலகலப்பில் அங்காங்க்கே சீரியலாக மரண காமெடி இருக்கும்.ஆனால் இங்கு படம் முழுவதும் லேசான காமெடி வந்திட்டே இருக்கும்.திரைக்கதை வசனத்தில் 'சூதுகவ்வும்' நலன் குமாரசாமி உதவியிருக்கிறார்.படம் எந்த இடத்திலும் தொய்வில்லாமல் செல்வதற்க்கு இதுவும் ஒரு காரனமாய் இருந்திருக்கலாம்.நீ.பொ.வ'வில் சந்தானம் ஜோடியாக வரும் குண்டு பொண்ணு இதிலும் வருகிறார்.ஆபீசில் சித்தார்த் நண்பராக வருபவர் படத்தின் ஆரம்பத்தில் பட்டைகிளப்புகிறார்.கலகலப்பில் வரும் பாட்ஷா அடியாள் முதல்கொண்டு பலர் இதிலும் பிரசன்னம்.சமந்தாவும் விஷாலும் ஒரு காட்சிக்கு வந்துவிட்டு செல்கிறார்கள்.

படத்துக்கு முக்கிய பலம் சந்தானம் தான்.ஹன்சிகா அதே வெள்ளை தக்காளி,என்ன பாடல் காட்சிகளில் நன்றாக இடுப்புக்கு கீழே கவர்ச்சி காட்ட வைத்திருக்கிறார் சுந்தர் சி.தியேட்டரில் முன் இருக்கைகளில் அமர்ந்து பார்ப்பதை தவிர்ப்பது நல்லது.மொத்தத்தில் தீயா வேலை செய்யணும் குமாரு ஒரு முழு நீள காமெடி கலாட்டா..!கட்டாயம் பார்த்து ரசிக்கலாம்.என்னுடைய மார்க் 65/100.

"குட்டிப்புலி"-சசிக்குமாருக்கு முதல் தோல்வி...?

            

சிங்கம் பார்ட் 2 தொலைக்காட்சிகளில் கொடுக்கும் அலப்பரை விளம்பரங்களுக்கு சற்றும் குறையாமல் சசிக்குமாரின் 'குட்டிப்புலி'க்கும் விளம்பரங்கள் சீறிப்பாய்ந்தன.காரணம் சன் பிக்சர்ஸ்.படம் வெளிவரமுன்னதாகவே அவர்கள் வெளியிடும் ஏராளமான முன்னோட்ட காட்சிகளை வைத்தே படத்தின் கதை இது தான்,படத்தின் சுவாரசியங்கள் இவை தான் என்று பட்டியல்போட்டு காட்டுவது சன் பிக்சர்ஸ்க்கு கைவந்த கலை!'என் மகன் சிங்கம் மாதிரி..ஆனா பெயர் தான் புலி'அப்பிடின்னு சரண்யா பொன்வண்னன் வேறு மணிக்கொருமுறை உருவேற்றிக்கொண்டிருந்தார்.

சுப்பிரமணியபுரம்-நாடோடிகள்-போராளி-சுந்தரபாண்டியன்னு வெற்றிகளை மட்டுமே தந்துகொண்டிருந்த சசிக்குமாரின் ஐந்தாவது தமிழ்படம் குட்டிப்புலி.இயக்கம் அறிமுக இயக்குனர் முத்தையா.இவர் இயக்குனர் பூபதி பாண்டியனின் அசிஸ்டண்ட்டாக கொஞ்சகாலம் வேலைபார்த்தவர்.இசை ஜிப்ரான்.ஏற்கனவே 'வாகை சூடவா' மற்றும் 'வத்திக்குச்சி'யில் தன்னை நிரூபித்தவர்.'சர சர சாரைக்காத்து வீசும் போது' புகழ் ஜிப்ரான்.ஒளிப்பதிவு மகேஷ் முத்துசாமி.'வில்லேஜ் தியேட்டர்ஸ்' தயாரிக்க,சன் பிக்சர்ஸ் வழங்க,ரெட் ஜெயன்ட் மூவிஸ் வெளியிட்டிருக்கிறது.

தனது ஊரான ஸ்ரீவில்லிபுத்தூரில் முத்தையா தெருவில் பார்த்து வளர்ந்த ஒரு உண்மை கதாபாத்திரத்தை சசிக்குமார் வாயிலாக திரையில் காட்டியிருக்கிறேன் என்று ஒரு பேட்டியில் இயக்குனர் முத்தையா கூறியிருந்தார்.சரி படம் எப்படி வந்திருக்கிறது என்று பார்ப்போம்.

சண்டியருக்கு மகனாய் பிறந்த சசிக்குமார் தானும் சண்டியராக ஊரில் வலம்வருகிறார்.பிறந்து சின்னவயதிலேயே தந்தை இறந்துவிட தாய் சரண்யா பொன்வண்ணன் தான் பாசத்துடன் வளர்த்துவருகிறார்.மகனும் அம்மா மீது நல்ல பாசம்.சண்டித்தனத்தால் அங்காங்கே விதைத்து வைத்திருந்த விதை எப்போது வெட்ட வரும் என்கின்ற பயத்தால்,திருமணமே செய்யக்கூடாதென்று பெண்ணை பார்த்தால் மண்ணை பார்த்து நடக்கிறார். இப்படியான தருணத்தில் வரும் வம்புகளும்-சண்டைகளும்-பழிவாங்கல்களுக்கும் மத்தியில் லக்ஷ்மிமேனன் மீது வரும் காதலும்-அம்மா பாசமும் என்று படம் செல்கிறது.

சன் பிக்சர்ஸ் கொடுத்த அலப்பரை,ஒரே போர்முலாவுக்குள் சுற்றும் சசிக்குமார் என்று இந்தப்படம் மீது இருந்த பயத்தை படம் நிரூபித்திருக்கிறது.சசிக்குமாரின் முதல் நாங்கு படங்களும் ஒரே மாதிரியானவையாக இருந்தாலும் அதற்குள் ஒரு சுவாரசியம், விறுவிறுப்பு,காட்சிகளின் ஒருங்கிணைப்பு படங்களை வெற்றிபெற வைத்தன.குட்டிப்புலியில் அவை எல்லாமே மிஸ்சிங்.சசிக்குமார், சரண்யா, லக்ஷ்மிமேனன்,ஆடுகளம் முருகதாஸின் நடிப்பு அருமை.ஆனால் அதனை உரியமுறையில் பயன்படுத்திக்க அறிமுக இயக்குனர் தவறிவிட்டார்.

தாட்டியரே தாட்டியரே என்று சசிக்குமார் அறிமுகமாகும் காட்சியிலும் சரி,'பெருசாட்டம் பாத்தாய்..சிறுசாட்டம் பாத்தாய்..புலியாட்டம் பாக்றியா' என்று பஞ்ச் அடித்து சிலம்பில் ஆடும்போதும்,அடடான்னு நம்மளுக்குள் ரத்தம் பாயும் வேகத்தை அடுத்தடுத்த காட்சிகளில் கட்டாயமாக சிதைத்து விட்டிருக்கிறார்கள்.இடையில் ஒரு காபி குடித்துவிட்டு வரலாம்னு பலதடவை தோன்றவைத்த முதல் சசி படம் இது தான்.அந்தளவு இழுவை.படம் முழுவதுமாய் 'கனா காணும் காலங்கள்' செட் ஒண்ணு வந்து படத்துக்கு இன்னமும் வெறுத்தனமாய் இழுவை வைத்துவிட்டு போகிறார்கள்.காதல்,காதல் ஆட்வைஸ்,காமெடி என்கின்ற பெயரில் அவர்கள் பண்ணும் அலம்பல் தாங்கமுடியவில்லை.

இடைவேளைக்கு முன்பு சாகும்படி வெட்டுப்பட்டு விழும் சசிக்குமார் இரண்டாம்பாதியில் உடனடியாகவே 'ரிக்கவர்' ஆகி 'பைட்' பண்ணுகிறார். முதல் பாதி தான் கொஞ்சம் ஆவரேஜ்,இரண்டாம் பாதியில் தூக்கி நிறுத்திவிடுவார்கள்(விடுங்கடான்னு வேண்டிக்கிட்டேன்)என்கின்ற எதிர்பார்ப்பை, இதனைவிட முதல் பாதி பரவாயில்லை என்கின்ற அளவுக்கு இரண்டாம்பாதி மழுங்கடித்துவிடுகிறது.இறுதியில் ஒரு சின்ன டுவிஸ்ட் வைத்து 'பெண்மைக்கு அழகு வீரம்' அப்பிடின்னு முடித்திருக்கிறார்கள். இதைவிட சொல்ல வேறேதுமில்லை படத்தில்.!So Sad...

படத்தில் மொத்தமாக நான்கு பாடல்கள்.வைரமுத்துவும்,முனைவர் முத்துக்குமாரும் எழுதியிருக்கிறார்கள்.பத்மலதா-சக்ரவர்த்தி இணைந்து பாடிய 'அருவாக்காரன்' பாடலும்,கோல்ட் தேவராஜ் பாடிய 'காத்து காத்து' மற்றும்,'தாட்டியரே தாட்டியரே' பாடல்களும் லேசாக மனதில் நிக்கின்றன.இவற்றை தவிர்த்து அங்காங்கே பழைய பாடல்களையும்,'அக்காமக அக்காமக' ரீமிக்ஸ் பாடலையும் பயன்படுத்தி ஒருமாதிரியாக ஒப்பேற்றியிருக்கிறார்கள்.இசை வாகை சூடவா 'ஜிப்ரானா' என்று கேட்கவைக்கிறார்.இயக்குனர் புதிதாய் இருக்கையில்,ஒரு நல்ல இசையமைப்பாளரை பயன்படுத்தியிருக்கலாம்! இடையிடையே 'ஆடுகளம்' படத்தின் பின்னணி இசையை காப்பி பண்ணியிருக்காரோ என்றும் எண்ணவைக்கிறது!

சண்டிக்கட்டில் திரியும் சசிக்குமார் ஒரு சமயம் பான்ட்-சர்ட்-கூலிங் க்ளாஸ்-ஷூ சகிதமாய் கெட் அப் கொடுக்கும்போது அம்மாவிடம் கேட்கிறார் 'ஏம்மா,மக்கள் இதை ஏத்துக்கொள்வாங்களா?" அப்பிடின்னு.ஏன் இல்லை!! எந்த கெட் அப்'பாக இருந்தாலும் சசிக்குமாரின் பலமான கதையும் அவர் நடிப்பும் இருந்தால் நிச்சயம் மக்கள் ஏற்றுக்கொள்வார்கள் தான்!கிராமத்து கதைகளும்,கிராமத்து 'கெட் அப்'புகளும்,கிராமத்து குத்தும், தாடி, மீசை,அரிவா,சாதி போன்றவற்றை விட்டு சசிக்குமார் வெளியில் வரவேண்டிய நேரம் வந்தாகிவிட்டது.இனியாவது சுதாகரித்துக்கொண்டால் ஒரு நல்ல நடிகன்-இயக்குனரை தமிழ் சினிமா இழக்கவேண்டி ஏற்படாது.

குட்டிப்புலி-சசிக்குமார் ரசிகர்கள் வேண்டுமானால் பார்க்கலாம்.அதைவிட பெஸ்ட் ஆப்சன்,சசிக்குமாரின் பழைய நான்கு பட டிவிடிகளை வாங்கி பார்ப்பது..!என்னோட மார்க் 55/100.