லெஸ்பியன்ஸ் தொல்லை.!

கொள்ளுப்பிட்டியில் வேலை விசயமாக சிங்கள நண்பரின் காரில் போய்க்கொண்டிருக்க,சிவப்பு சமிக்ஞை காரணமாக பாதசாரிகள் கடவைக்கு நிறுத்தவேண்டிய தேவை.இரண்டு பெண்கள்,22-25 வயதிருக்கும்,கையைப் பிடித்துக்கொண்டு வீதியை கடந்துசென்றார்கள்.அதனைப் பார்த்த என் நண்பன் உடனே சொன்னான்,'மே தென்னம லெஸ்பியன்ஸ் மச்சான்'..!

போதாதற்கு,கார் கண்ணாடியை இறக்கிவிட்டு,'யூ டூ லெஸ்பியன்ஸ் நோ?'என்று அவர்களிடமே கேட்டான்.அடி விழுமென்று பார்த்தால்,யெஸ் என்று தலையாட்டிவிட்டு நண்பேண்டா என்று சந்தானம் சொல்வது போல மாறிமாறி தோள் மீதி கையைப்போட்டு இறுக்கி அணைத்துக்கொண்டு சென்றார்கள் அந்தப் பெண்கள் உரிமையுடனும், சந்தோசத்துடனும்..!

எனக்கு ஒரே ஆச்சரியம்,'எப்பிடி மச்சான் கண்டுபிடிச்சே?'என்று கேட்டபோது,'மச்சான் UK'ல இருக்கும்போது இதுபோல எக்கச்சக்கமான கப்பிள்ஸை பார்த்திருக்கிறேன்,சில பெண்கள் மிக மிக அழகாக இருப்பார்கள்..ஆனால் லெஸ்பியன்ஸ். ஆண்களை நிமிர்ந்துகூட பார்க்கமாட்டார்கள்'என்றான்.

பெண்கள் பாடசாலைகளில் இது மிக அதிகமாக,ஒரு பேஷனாக இன்றைய காலப்பகுதிகளில் பரவிக்கொண்டிருப்பதாக அண்மையில் ஒரு ஆசிரியர் கூறியிருந்தார்.இவற்றைக் கண்டுபிடித்து தண்டிப்பதற்காகவே தனிப்படை வேண்டும் என்கின்ற அளவில் இருந்தது அவர் பேச்சு.எல்லாம் உண்மைபோல் தான் தெரிகிறது..!

மார்கெட்டிங்க் வேலை..!

'பாஸ் என்கிற பாஸ்கரன்' படத்தில் மார்கெட்டிங் வேலையை 'நாய் வேலை மச்சான்'என்பார் ஆர்யா.உண்மையில் மார்கெட்டிங்கில் சேல்ஸ்மன் வேலையைத் தான் நாய் வேலை எனலாம்.வீதியில் இறங்கினாலே வறுத்தெடுக்கும் மதிய வெய்யிலில் ஒவ்வொரு பேக்குகளை காவிக்கொண்டு ஒவ்வொரு வீடு வீடாகவும் கடை கடையாகவும் அலையும் எத்தனையோ பேரைப் பார்த்திருக்கிறேன்.வியர்த்துக் கொட்டும் ஆனால் கம்பனியின் ஸ்ட்ரிக்ட் ஓர்டர் காரணமாக கழுத்தில் ஒரு டை இறுக்கிக்கொண்டிருக்கும்..பார்க்கவே மிகப் பரிதாபமாக இருப்பார்கள்.

எனது கேரியரின் ஆரம்ப காலங்களில் வேலை தேடும்போது 'Management Trainee'என்கின்ற வார்த்தையில் ஆசைப்பட்டு ஒரு கம்பனிக்குச் சென்று ஏமாந்திருக்கிறேன்.காலையில் கூட்டம் கூட்டமாக கூடி அல்லேலூயா மாதிரி கோஷமிட்டார்கள்.ஏன் இப்படியென்று கேட்டதற்கு இது தான் 'Motivation'என்றார்கள். நானும் சேர்ந்து கூச்சலிட்டேன்.எரிச்சல் தான் மிச்சம்.பின்னர் கையில் ஒவ்வொரு கூப்பனை தந்து ஒவ்வொரு ஏரியாவாக பிரித்து அனுப்பிவிட்டனர்.அப்போது தான் லைட்டாக எனக்கு உறைக்க ஆரம்பித்தது.'அண்ணே ஒரு தண்ணிப் போத்தல் வாங்கிக்கிறேன்'என்று கடைக்குள் சென்று அப்படியே மறுபக்கத்தால் பஸ் பிடித்து அன்றே எஸ்கேப் ஆகிவிட்டேன்.

இவர்கள் வெய்யிலில் அலைவது கூட பரவாயில்லை. ஒவ்வொரு வீட்டிலும் கோலிங் பெல்லை அழுத்திவிட்டு நிற்கும்போது வீட்டுக்காரர் வந்து பிச்சைக்காரன் லெவலில் கேவலப்படுத்தி அனுப்பிவைப்பார்கள் பாருங்கள்..அப்போது தான் இது நாய்வேலை என்று அவர்களுக்கே கன்பேர்ம் ஆகும்..!

பிரம்ம குமாரிகள்..!

பிரம்ம குமாரிகள் பற்றிய எனது பதிவிற்கு கிடைக்கும் எதிர்வினைகள் கொஞ்ச நஞ்சமல்ல.நேரிலும், போனிலும் மணிக்கணக்காக விளக்கங்களும் விமர்சனங்களும் மிரட்டல்களும் கூடவே கணிசமான பாராட்டுகளும்.

உலகம் முழுக்க 190+ நாடுகள்ல நம்ம அமைப்பு இருக்கு.ஏன் ஐ.நா கூட அங்கீகரிச்சிருக்கு.உனக்கென்ன பிரச்சனை என்று இப்போதும் ஒருவர் போனில் அழைத்து அன்பாக 'பாராட்டியிருந்தார்'.சரி எதுவாக இருந்தாலும் நேரில் பேசிக்கொள்ளலாம் என்று துண்டித்துவிட்டேன்.
இன்னொருவர் அழைத்து முருங்கைக்காய்க்கும் எழுச்சிக்கும் சம்பந்தமே கிடையாது.எல்லாம் பாக்கியராஜ் பேன்ஸ் பண்ற அட்ராசிட்டி என்றார்.

வேறொருவர் 'டேய் நான் அஞ்சு வருசமா ஆந்திராவுக்கு போய்வந்துகிட்டிருக்கேன்..ஒருதடவ நீயும் வா,அப்போ தான் பிரம்மகுமாரிகளோட சக்தி என்னென்னு தெரியும்'என்று அழைத்தார்.
ஆந்திராவில் இவர்கள் தங்கள் தியான வலிமையால் தண்ணியே இல்லாமல் விவசாயம் செய்கிறார்கள்.கண்ணால் பார்த்தே காயை பழுக்க வைக்கிறார்கள் என்றார்.அப்படியே மெரசலாகிட்டேன்..!

அனைவரும் தாங்கள் கத்துகிட்ட மொத்தவித்தையையும் என்னிடம் இறக்கித்தொலைக்கிறார்கள்.சீக்கிரமே நானும் பிரம்மகுமாரனாக டியூன் ஆகிவிடுவேன் போல்தான் தெரிகிறது..!

------------------------------------------
இனி பதிவு:

ஆறடி உயரத்திற்கு வளர்ந்திருப்பான்.17-18வயதிருக்கும். கதைக்கும் ஆங்கிலத்தை வைத்து நிச்சயம் ஏதும் சர்வதேச பாடசாலையில் படித்திருக்கவேண்டும் என்று நினைத்தேன்.
அந்த உயர்தர உணவகத்தில் கேக்&சிற்றுண்டி ஒர்டர் செய்ததை,எடுத்துப்போக வந்திருந்தான்.எல்லாம் சரியாக இருக்கின்றதா என்று ஒருதடவை கடைக்காரரிடம் உறுதி செய்துகொண்டான்.

'அசைவம் இல்லைத்தானே?'
'இல்லை சேர்'

'வெங்காயம் இல்லை தானே?'
'இல்லை சேர்'

'உள்ளி சேர்க்கேல தானே?'
'இல்லை சேர்'

'இஞ்சி?'
'இல்லை சேர்'

'சரி பில்லை தாங்க'என்று கேட்டு வாங்கிக்கொண்டான்.

எனக்கு ஆச்சரியமாக இருந்தது.'ஏன் தம்பி,இப்பிடி விசாரிச்சீங்க?' என்று கேட்டேன்.

'நான் பிரம்மகுமாரிகள்ல மெம்பரா இருக்கேன்.அங்க அசைவம் சாப்பிடக்கூடாதெண்டு சொல்லியிருக்காங்க என்றான்.

'அப்போ எதுக்கு வெங்காயம் உள்ளி எல்லாம்?'
'அங்க,எல்லா பொண்ணுகளையும் எங்கட சகோதரிகள் மாதிரித்தான் பாக்க,பழக சொல்லித் தர்றாங்க.அவங்கள நிமிந்து கூட பாக்கிறதில்லை.இந்த வெங்காயம் அதுகள சாப்பிட்டா ஆண்மை உணர்ச்சித்தூண்டல்கள் அதிகரிச்சு எதிர்ப்பால் பக்கம் எங்கள தூண்டும்..அதனால தான் அதையும் சாப்பாட்டில சேத்துக்கிறதில்லை'என்றான்.

'சரி போய்ட்டுவா தம்பி'என்று அனுப்பிவைத்தேன்.பிகர் பார்க்க வேண்டிய வயதில் உணர்ச்சிகளை முழுமையாக அடக்க சொல்லித்தருகிறார்களாம்.வெளியே விசாரித்துப் பார்த்ததில் அந்த அமைப்பில் உயர் பதவிகளில் இருப்பவர்களெல்லாம் 'அனைத்தையும்'அனுபவித்தவர்கள் தான்.தங்கள் காலம் முடிந்துவிட,வாழவேண்டிய இளவட்டங்களை உள்ளே ஈர்த்து 'படுத்திக்கொண்டு' இருக்கிறார்கள்.

ஏற்கனவே பல ஆண்டுகள் அதில் மெம்பராக இருந்து,வெறுத்து வெளியே வந்த நண்பரிடம் இவற்றைக் கூறி,ஏன் இப்பிடி?நீ ஏன் வெளிய வந்தே?என்னாச்சு? என்று கேட்டேன்.

'இப்பிடித்தான் மச்சான் நானும் கொஞ்ச நாள் பொண்ணப் பாத்தா மண்ணப்பாத்து நடந்தன் மச்சான்..வெங்காயம் முருங்கக்காய் எல்லாம் தொடுறதே இல்லை.எல்லாப் பொண்ணுகளுமே எங்கட சிஸ்டேர்ஸ்ன்னு சொல்லி சொல்லி ஊக்குவிச்ச பெரிய தலையள் கொஞ்ச நாளிலையே உள்ளுக்குள்ளயே சில பொண்ணுகளோட கசமுசான்னு தெரிய வந்திச்சு.சில பெருசுக நமக்கு அட்வைஸ் சொல்லிட்டு,தாங்க ஒரு பிகர செட் பண்ணி செட்டில் ஆகிட்டாங்க.அத பாத்தோன தான் எனக்கு எல்லாம் வெறுத்துப் போச்சு.இவங்கள நம்பிகிட்டு விடிய புருசனுக்கு தேத்தண்ணி போட்டுக்குடுக்காம கூட தியானத்துக்கு ஓடிவருவாளுக பொம்பிளைங்க! இவங்களப்போல ஆக்களும்,இவங்கள நம்பி லச்சக்கணக்கில காச கொட்டுற பெரும்புள்ளிகளும் தான் இவங்கட பலம். அவங்க இருக்கிற வரைக்கும் இவங்கள ஒண்டும் செய்ய முடியாது.ஆனா,இந்த ஜெனரேஷன் பிள்ளைங்க இவங்க பின்னாடி போறாங்க எண்டுறது தான் பெரிய ஆச்சரியம்' என்றான்.

செய்யும் தொழிலையும்,தன்னோட குடும்பத்தையும் சரிவர பாத்துக்கிறவனுக்கு கடவுளும் தேவையில்லை,கள்ளச் சாமியும் தேவையில்லை..!

நண்பிகளுடன் ஒரு கலாட்டா..! 16+

               
                     

'யாரையும் பார்த்தவுடனேயே சூப்பர் பிகரா அட்டுப்பீஸான்னு பார்ப்பது தான் உன்வேலையா?'என்று கடிந்தாள் நண்பி.

'கூடவே என்ன ஜிமிக்கி போட்டிருக்கிறாள்,என்ன கலர் கியூடெக்ஸ் அடிச்சிருக்கிறாள்,என்ன ஹேர் ஸ்டைல் பண்ணியிருக்கிறாள்,'ஐ ப்ரோ' ஷேப் பண்ணியிருக்கிறாளா,கண்ணுக்கு மை அடித்திருக்கிறாளா,அவள் ட்ரெஸ்ஸிங்க் சென்ஸ் எப்படி என்பது பற்றி எல்லாம் கவனித்துவிடுவேன்..

என்ன,சூப்பர் பிகரா அட்டு பிகரான்னு ஒரு அவுட்லைன் சொன்னதுக்கே இப்பிடி திட்டுறியே,மிச்சம் எல்லாம் சொன்னா எவ்ளோ டீப்பா போறாய் நீயி? அப்பிடின்னு கடிச்சு வைச்சிடுவியேன்னு தான் சொல்றதில்லை' ன்னு சொன்னேன்..

ஒரு கணம் மயான அமைதி..
மேசையிலிருந்த பஞ்சர் எங்கோ எறியப்பட்டு நிலத்தில் விழுந்து கிடந்தது...
என் நெற்றியில் லேசாய் இரத்தம்..!

----------------

நண்பர்களுடன் இருந்து சாப்பிட்டுக்கொண்டிருந்தேன்.நண்பி வீட்டிலிருந்து வடை செய்து கொண்டுவந்திருந்தாள்.

'உப்பு சற்று தூக்கல் தான்..இந்தாங்க எடுத்துக்கோங்க' என்று நீட்டினாள்.
நான் எடுத்துக்கவில்லை.

'ஏன் வடை பிடிக்காதோ?'

'இல்லை,உப்பிட்டவரை உள்ளளவும் நினைன்னு சொல்லியிருக்காங்க.. உங்க உப்பு வடைய சாப்பிட்டிட்டு,நாள் முழுக்க உங்களையே நினைச்சிக்கிட்டிருக்க முடியாது பாருங்க..நான் சமந்தா கூட ஆல்ரெடி கமிட்டட்'ன்னேன்.

வடையிலிருந்த உப்பும் மிளகாயும் அவள் கோபத்தீ பட்டு வெடித்துச் சிதறின..அப்போது ஆயிரம் குறியீடுகள் ஒன்றுசேர உணர்ந்தேன்.ஆனால் அதற்கு எல்லாம் ஒரே அர்த்தம் தான்..;
..
....
.......
'வடை போச்சே”..!

--------------------------------------

தட்டிப்பார்த்தேன்...எழும்பவில்லை.
உலுக்கினேன்..ம்ம்ஹும் எழும்புற மாதிரி தெரியல.

காலங்காத்தால எந்திரிக்கணுமே..என்னாச்சு?
மறுபடி தட்டு தட்டென தட்டி உலுக்கிப்பார்த்தேன்..
ம்ஹும்..ஒருவேளை.....?
ச்சே..அப்படியாய் இருக்காது.சிங்கக்குட்டிலே..!!

அப்புறம் ஏன் எந்திரிக்கல?வெளில தெரிஞ்சா அசிங்கமாயிருமே.. கட்டிக்கப்போற பொண்ணுக்கு தெரிஞ்சா?ம்ம்ஹும் இது சரிப்பட்டு வராது..

பாத்ரூம் போய் ஒரு பக்கட் தண்ணீர் எடுத்துவந்து மேலே ஊத்தினேன்.. 'எந்திரிடா பரதேசி..எட்டு மணியாச்சு..வேலைக்கு போகவேணாம்?'

------------------------------

எப்போதும் பெற்றார்,உறவினர்,அயலவர்களுடன் செல்லும் வைபவங்களில் சைட் அடிப்பதற்கும் சுதந்திரமாக கதைப்பதற்கும் வாய்ப்புகள் மிக அரிதாகவே கிடைத்துவிடுகிறது.எங்கு கண்ணை திருப்பினாலும்,நம் கண்களுடன் சேர்ந்து கூடவே பல ஜோடிக்கண்கள் அந்த பக்கமாக திரும்பும்..!

கடந்த சில காலமாக மேற்கொண்டுவரும் ஆய்வுகளின் பிரகாரம்,இளம் பெண்களைவிட திருமணமாகி ஒரு சிறு குழந்தைக்கு தாயாக இருக்கும் பெண்கள் மிக அழகாக இருக்கின்றார்கள் என உள்மனது சொல்கிறது.

இல்லை,அழகான இளம் பெண்கள் அனைவருமே வெகு சீக்கிரம் திருமணம் முடித்து மிக அழகான அம்மாக்களாக மாறிவிடுகிறார்களா என்ன? பீலிங்க் கொன்பியூஸ்ட்...!

---------------------------------

விளக்கு அடித்திரியில் ஊசலாடி எரிந்துகொண்டிருந்தது..

அணைக்கவா..?நூக்கவா..? என்றேன்..

நூத்துவிடு என்றாள் நண்பி..;எதிர்பார்த்தது தான்!!அணைத்துவிடு என்றால்,எங்கே தன்னை அணைத்துவிடுவான் என்கின்ற பயமோ?

மைந்தன் கொடூரமானவன் தான்..ஆனா பொண்ணுகளுக்கு கிடையாது..!

----------------------------------

            
'அங்க கைய வைக்காதே..'என்றேன் கண்டிப்பாக.
அவள் வைத்தாள்...
'ம்ம்ம்ஹும் அப்பிடி வருடாதே...'என்றேன் கூச்சமாக..
வருடினாள்..!

'ஏய்ய்...ஏன் ஆலிவ் Oil தடவிக்கிறே?எனக்கு பிடிக்காது..!'என்றேன்.
'சும்மா இரு உனக்கொண்னுமே தெரியாது..Oil தடவினாத்தான் நல்லா வருடி விடலாம்..!'என்றாள்.வாய் தான் பேசிக்கொண்டிருந்ததே தவிர,கைகள் வருடிக்கொண்டிருந்தன.

'அடியே..இழுத்துவிடாதை..கையோட வந்திட போகுது..'நுள்ளினேன்.
ம்ம்ஹும்,அவள் வேண்டுமென்றே இழுத்துவிட்டாள்..வலித்தது..!

'பரதேசி..பாத்துடி...வலிக்குது..!'
இன்னும் வேகமாக இழுத்தாள்..
அவள் கையோடு வந்தேவிட்டது..!
எழுந்து கண்ணாடியில் பார்த்தேன்..
தலையில் இருந்த கால்வாசி முடியில் அரைவாசி காணாமல் போயிருந்தது..!

-----------------------------------

'போடா லூசு..'என்று நண்பிகள் திட்டும்போது அதில் ஒரு வெட்கமும்,அன்பும்,வார்த்தைகளில் வெளிப்படுத்தமுடியாத ஆயிரத்தெட்டு உணர்வுகளும் கலந்திருக்கும்..!
----------------------------------
ஆடை நீக்கி பருகவா எனக்கேட்டேன்...
ஆடையுடனேயே பருகு என்றாள்;பால்
பெண்பால்..!
-------------------------

                

நீ அதிகம் அசைவம் பேசுகிறாய்..!
எனக்கு அசைவம் ரொம்ப பிடிக்கும்..

நீ சைவத்துக்கு மாறிவிடு..!
எனக்கு,அசைவதற்கு ரொம்ப பிடிக்கும்..அதனால் முடியாது..

எனக்கு அசைவம் பிடிக்காது..என்னைப்போல் பல பெண்கள் இருக்கிறார்கள்..அசைவம் பிடிக்காமலேயே..!
அசைவம் சாப்பிடாவிட்டாலும்,நீ அசைவம் பற்றி பேசுகின்றாய்.. அசைவம் தவிர்க்க முடியாதது சைவமே..!

நான் சைவம் இருக்கட்டும்..நீ வெறும் சவமே...!
சவத்தில் தான் உன் சைவம் இருக்கிறது பெண்ணே..

சவத்தில் இருந்தாலும் பரவாயில்லை..உன் வசத்தில் இருக்காத வரை.!
என் வசத்தில் நீ இல்லையெனிலும் உன் வாசத்தில் தான் நான் வாசம் செய்கிறேன் தினமும்..!

வாசம் பற்றி பேசாதே..அது நிச்சயம் பூ வாசம் கிடையாது..!
பூ வாசம் புறப்படும் பெண்ணே..அதற்கு 'நாம்'பூ வரைய வேண்டுமாமே?

நீ அதிகம் அசைவம் பேசுகிறாய்........!

-------------------------------------

                

'உன்கிட்ட வாய குடுக்கக்கூடாதுடா..நீ ரொம்ப மோசம்'என்றாள் நண்பி.

இது டபுள் மீனிங்கா சிங்கிள் மீனிங்கா என்று இன்னமும் தலையை பிய்த்துக்கொண்டிருக்கிறேன்..! கில்லாடிப் பெண்கள்...!!

----------------------------------

'கீழே பதிச்சு விடுங்கோ..'என்றாள்.
'போதும் போதும்,நேரா விடுங்கோ'என்றாள்.
'மேல கீழ மாறி மாறி விடுங்கோ..'என்றாள்.
'இடைக்க நிப்பாட்டி நிப்பாட்டி போடுங்கோ..'என்றாள்.

'உன்னோட ஏலாது..இந்தா பிடி ரிமோட்டை நீயே வைச்சிக்க'ன்னு சொல்லி ஏ/சி ரிமோட்டை அவள் கையில் திணித்துவிட்டு,விட்டத்தைப் பார்த்து வெறுமனே சிரித்துக்கொண்டான்..!

-------------------------------------


அனைத்துப் பெண்களுமே அழகானவர்கள் தான்.

என்ன,80வீதமான பெண்களுக்கு தங்களுக்கு பொருத்தமான ஆடை அணிகலன்களை சரியாக தெரிவுசெய்யத் தெரியவில்லை..!
----------------------------------

'நாயே...குரங்கு..பன்னி..கழுதை'ன்னு ஒரு பொண்ணு என்னை ஓயாமல் திட்டிக்கொண்டிருந்தாள்.

'பொண்ணுக திட்டுறது எனக்கு ரொம்ப பிடிக்கும்..கோபத்தில் அவங்க முகம் கொடுக்கும் Expressions'ஐ ரசித்து,கவனித்துக்கொண்டிருப்பதால் அவர்கள் திட்டுவது என் காதில் விழுவதில்லை'என்றேன்.அவள் திட்டுவதை விட்டுவிட்டு என்னசெய்வதென்று முழுசினாள்.

நான் மறுபடி கண்ணடித்தேன்.இம்முறை திட்டு விழவே இல்லை,மாறாக ஒரு புன்னகை..! 

----***-----

கற்பழிப்புக்கு உண்மையான காரணம் என்ன?..!

தந்தை மகளை வன்புணர்வு செய்வது,சொந்தங்களுக்குள்ளேயே சீரழிப்புகள், சிறுமிகள் மீதான வன்முறைகள் என்று பெண்கள் மீதான வன்முறை எல்லைகடந்து சென்றுகொண்டிருக்கிறது.அதனை சில பெண்ணியவாதிகள் பயன்படுத்திக்கொண்டு, ஒட்டுமொத்த ஆண் சமுதாயமே வக்கிரம் கொண்டவர்கள், அடக்குமுறை கொண்டவர்கள் என்று தங்கள் மிகைப்படுத்தப்பட்ட கற்பனைகளை அவிழ்த்துவிடுகின்றனர். வெறி கொண்ட காமுகர்களை மற்றைய ஆண்களால் அடக்க முடியவில்லை,இவர்களும் அவர்களுக்கு நிகரே என்று சாதாரண பெண்கள் மனதில் குழப்பத்தை உண்டாக்கி சமுதாய கட்டமைப்பில் சில சமயங்களில் பிரச்சனைகளை ஏற்படுத்திவிடுகின்றனர் இந்த பெண்ணியவாதிகள்.சரி அவர்களை பற்றி பின்னால் ஒரு பதிவில் பார்ப்போம்.

இருபத்தி மூன்று வயதான கல்லூரி மாணவி ஒருவரை இந்திய தலைநகர் டெல்லியில் ஓடிக்கொண்டிருந்த பேரூந்தில் பலர் ஒன்றுசேர்ந்து கற்பழித்து,தலையில் இரும்பு கம்பியால் தாக்கி,உடல் முழுவதும் காயங்களுடன் விட்டு சென்றிருக்கின்றனர் சில காமுகர்கள்.பலத்த சர்ச்சையை தோற்றுவித்துக்கொண்டு,இந்திய பாராளுமன்றம் வரை பிரச்சனை விஸ்வரூபமெடுத்திருக்கிறது.உயிருக்கு போராடும் குறித்த மாணவியை சோனியா காந்தி வைத்தியசாலையில் சென்று பார்வையிட்டிருக்கிறார்.இது டெல்லியில் நடந்தமையால் இந்தளவு தாக்கம் செலுத்தியிருக்கிறது.இதுவே வேறு சிறு மாநிலங்களாக இருந்திருந்தால் வெறும் பத்திரிகை செய்தியுடன் முடிவடைந்திருக்கும்.இந்தியா எங்கு செல்கிறது,வல்லரசாகுமா என்று ஆளுக்காள் கேள்வி கேட்டுக்கொண்டிருக்க,சத்தமே இல்லாமல் இந்தியா இங்கு தான் சென்றுகொண்டிருக்கிறது என்று "மொபைல் காங் ரேப்" மூலம் காட்டியிருக்கின்றனர் சில காமுகர்கள்!

இந்தியன் எக்ஸ்போ நெட் (Indianexponet) பத்திரிகையை நிறுவியோரில் ஒருவரும், இந்திய சமூக,அரசியல் விடயங்களை  எழுதிவருபவருமான இஷான் மோகன் (Ishaan  Mohan ), இந்தியாவில் அதிகரித்துவரும் கற்பழிப்புகளுக்கான காரணங்களாக பத்து விடயங்களை தனது பத்திரிகையில் எழுதியிருந்தார்.அதனை தமிழாக்கி வெளியிடுகிறேன்,காரணம் அந்த பத்து காரணங்களையும் பார்க்கும் போது நிச்சயம் அவை உங்களுக்கு எதோ ஒருவகையில் மனதை உறுத்தக்கூடும்.

பொருளாதார ஏற்றத்தாழ்வு

உயர் வாழ்க்கைத்தரமுள்ள குடும்பங்கள்,சாதாரண,கீழ்நிலை வாழ்க்கைத்தரம் கொண்ட குடும்பங்கள் என்று பல பொருளாதார வேறுபாடு கொண்ட குடும்பங்கள் ஒன்று சேர்ந்த சமூகமாக தான் எமது சமூகம் இருந்துகொண்டிருக்கிறது.அடைய முடியா எதிர்பார்ப்புகளை அடைந்துகொள்ள கற்பழிப்பு ஒரு வழியாக பலருக்கு தென்படுகிறது.ஒரு தரப்பு மறு தரப்பை தாக்க/அடைய பெண்கள் தான் இலகுவான இலக்காக மாறிவிடுகின்றனர்.

ஒருதடவை ரேப் செய்பவன் அத்துடன் நிறுத்துவதில்லை-பிடிபடாதவரையில்!

ஒருவன் ஒருதடவை கற்பழிப்பவன் அத்துடன் நின்றுவிடாமல் இரண்டாவது,மூன்றாவது என்று தனது சாதனை பயணத்தை தொடர்ந்துகொண்டிருக்கிறான்.கற்பழிப்புக்கு ஆளாகும் பெண்களில் பலர் அதுபற்றி முறைப்பாடு செய்வதிலோ,குறித்த நபருக்கு எதிராக நடவடிக்கை எடுப்பதிலோ முனைப்பு காட்டுவதில்லை காரணம்,தமது பெயர் அடிபடும் வாழ்க்கை பாதிக்கப்பட்டுவிடும் என்கின்ற பயத்தினால்.பெரும்பாலான வழக்குகள் உடனே முடிவடைந்துவிடுவதில்லை,காலம் காலமாக இழுபடும்.இப்படியான காரணங்களால் ஒதுங்கும் பெண்கள்,கற்பழிப்பவன் மேலும் தனது கைங்கரியத்தை செய்வதற்கு வாய்ப்பு ஏற்படுத்திக்கொடுக்கின்றனர்.

சில சமயங்களில் இப்படி "பொது"வுக்கு பயந்த,குடும்ப மானம் மரியாதை என்று பயப்பிடும் குடும்பங்களை சேர்ந்த பெண்கள், இந்த காமுகர்களின் விருப்பத்தெரிவாக அமைந்துவிடுகின்றனர்.எப்படியோ தான் தப்பிவிடுவேன் என்று தெரிந்துகொண்டே காரியத்தில் இறங்குகிறான் அவன்.

       

பாலியல் குற்றம் புரிவோரை நாமே அங்கீகரிக்கின்றோம்!

கேவலமான விடயம் ஆனால் அதுதான் உண்மை..ஒரு பெண் கற்பழிக்கப்பட்டுவிட்டால்,அவள் தன்னால் கெட்டவள்-தூய்மையற்றவள் என்கின்ற எண்ணம்,மனப்பாங்கு தான் இங்கு பெரும்பாலானோரிடம் காணப்படுகிறது.அவள் அனைவராலும் ஒதுக்கப்படுகிறாள்.சமூகத்தால்,உறவினர்களால்,கூட இருப்போரால் ஏன் பெற்றோரால் கூட தமது மகள் தப்பிழைத்தவள் என்ற ரீதியில் தான் அவள் நோக்கப்படுகிறாள்.எந்த மாப்பிள்ளை வீடுகளும் அப்படியான ஒரு பெண்ணை தமது மருமகளாகக ஏற்றுக்கொள்ள விரும்பமாட்டார்கள்.

காம களியாட்டங்கள்   

பெரும்பாலான ஆண்களுக்கு பெண்கள் தொடர்பில் பல்வேறு "காம களியாட்ட"எண்ணங்கள் மனதில் உண்டு.இன்றைய இளைஞர்கள் சமந்தா மீது கிறுக்கு கொண்டிருப்பதும்,முன்னோர் குஷ்புக்கு கோயில் கட்டியதும் இந்த களியாட்டங்களில் ஒரு வகையே!இது ஆரோக்கியமானது தான் ஆனால்,ஒவ்வொருவரின் மனநிலையை பொறுத்தே அது அவருடன்,அவருக்கு சொந்தமானவருடன் முடிவடைகிறதாஅல்லது  மற்றைய பெண்களை வன்புணர்வு செய்யும் நிலை வரை கொண்டு சென்றுவிடுகிறதா என்பது அமைகிறது.

ஒருவன் பெண்கள் மீது எத்தகைய மதிப்பு கொண்டிருக்கிறான் என்பது அவனது அப்பா அவன் அம்மா மீது கொண்டிருக்கும் மதிப்பு,மற்றைய பெண்கள் மீது பொதுவாக கொண்டிருக்கும் மதிப்பு என்று பல காரணங்கள் தீர்மானிக்கின்றன.இன்றும் உலகில் பெண்கள் என்றாலே அவர்கள் ஆண்களின் காமத்தேவைக்கு பயனாகும் ஒரு "உபகரணம்" என்கின்ற மனப்பாங்கு பல ஆண்கள் மத்தியில் காணப்படுகின்றது.

அனைத்து இடங்களிலும் போலீஸ் நிற்கமுடியாது.

திருடனாய் பார்த்து திருந்தாவிட்டால் திருட்டை ஒழிக்க முடியாது என்பது போல இத்தகைய பாலியல் வன்புணர்வு செய்வோராக திருந்தாவிட்டால் கற்பழிப்பை தடுக்க முடியாது என்பதே உண்மை. கற்பழிப்பை தடுக்க நாட்டின் ஒவ்வொரு சந்து பொந்துகளிலும் போலீஸ் பாதுகாப்பு வைக்க முடியாது.எமது நாட்டின் மக்களில் ஒரு குறித்த வீதமானோர் கற்பழிப்போராக இருக்கின்றனர்.பலருக்கு சில பயங்கள்,தடைகள் காரணமாக முயற்ச்சியில் இறங்காமல் இருக்க,சிலர் மட்டும் துணிந்து இறங்கிவிடுகின்றனர்.

நடத்தை கெட்ட பெண்களே கற்பழிக்கப்படுகின்றனர். 

இந்திய போலீசில் கூட கற்பழிப்பு புகார் கொடுக்க எந்த பெண்ணாவது சென்றால், "நீ நடத்தை கெட்டவள்,அதனால் தான் இப்படி நடந்தது" என்று தான் போலீசாரே கூறுமளவுக்கு இந்திய கலாச்சாரம்,மெண்டாலிடி அனைவரிடமும் ஊறிப்போய் இருக்கிறது.போலீசார் கூட அதே சமூகத்திலிருந்து, அதாவது வாய்ப்பு கிடைக்காத-வெறுப்படைந்த,கீழ்த்தரமான சிந்தனை கொண்ட சமூகத்திலிருந்தே வந்திருப்பதால் அவர்களையும் திருத்த முடியாது.அவர்களிடமிருந்து நல்ல சிந்தனைகளையோ, முற்போக்கான எண்ணங்களையோ எதிர்பார்க்க முடியாது அதே சமயம் அப்படி எண்ணம் கொண்டவர்களை போலீஸ் வேலைக்கு சேர்த்துக்கொள்வது என்பதும் நடைமுறைக்கு ஒத்துவராதது.

               

அம்மாக்களால் முடியும்!

சமூகத்தில் ஒரு முக்கிய மாற்றத்தை கொண்டுவர "அம்மாக்களால்"முடியும்.தனது மகள் எப்படி உடையணிகிறாள், ஜீன்ஸ் போடுகிறாளா,போடும் சட்டை உடலில் எங்கு தங்குகிறது எங்கு விலகுகிறது என்று பார்த்து திருத்தும் அம்மாக்கள் தமது ஆண் பிள்ளைகளையும் வளர்ப்பிலேயே திருத்த முடியும்,சீரிய எண்ணங்களை சிறுவயதிலிருந்தே அவர் மனங்களில் விதைக்க முடியும்.அத்தகைய ஆரம்பகால விதைப்பு தான் எதிர்காலத்தில் ஆரோக்கியமான சமுதாயம் உருவாக காரணமாகிறது. ஒருத்தி விபசாரியாக இருந்தாலும் கூட அடிப்படையில் அவள் ஒரு பெண் தான் என்கின்ற எண்ணம் ஆண் பிள்ளைகளின் மனதில் வரவேண்டும்;அதற்க்கு அம்மாக்கள் உதவவேண்டும்-இது எதிர்கால அம்மாக்களுக்கும் பொருந்தும்.

பாலியல் கல்வி 

இன்றைய பெரும்பாலான இளைஞர் யுவதிகள், பாடசாலையில் கற்றுத்தரும் மேலோட்டமான பாலியல் கல்வியில் தெரிந்துகொள்ளும் விடயங்களை விட(சிலருக்கே அந்த வாய்ப்பும்!) போர்னோ படங்கள் பார்ப்பதன் மூலம் அது சம்பந்தமாக தங்கள் அறிவை வளர்த்துக்கொண்டுள்ளனர்.ஆனால் பழமைவாத சிந்தனைகளோடு இருக்கும் சில ஊடகங்களும்,மக்களும் இத்தகைய பாலியல் கல்வி அவசியமற்றது என்று கூக்குரலிட்டு இந்த சமநிலையை குழப்பிவிடுகின்றனர்.சிறுவர்களுக்கு மட்டுமல்லாது வயது வந்தோருக்கும் இன்று பாலியல் கல்வி அவசியமாகிறது.ஆனால் பாலியல் என்ற வார்த்தையை கண்டாலே துடித்து ஒதுங்கும் பலர் எங்களை சுற்றி இருந்துகொண்டு தான் இருக்கின்றனர்.

ஆங்கில-இந்தி சிந்தனை வேறுபாடு

ஆங்கில மொழியில் படித்தவர்கள் சமுதாயத்தில் செக்ஸ் என்பது எந்தளவு ஆரோக்கியமானது,எந்தளவு பொதுவானது என்பது பற்றிய புரிதல் தேவையான அளவு வந்துவிட்டது.ஆனால் மறுபக்கம் இந்தி பேசும் சமூகத்தில்(இது மற்றைய அனைத்து மொழிகளுக்கும் பொருந்தும்) அத்தகைய புரிதல்கள் இன்னமும் வந்துவிடாமல் "செக்ஸ் என்பது ஒரு கெட்ட சமாசாரம்" என்கின்ற புரிதலுடன் தான் பெரும்பாலானோர் இன்னமும் வாழ்ந்துகொண்டிருக்கின்றனர்.

இந்த இந்தி -ஆங்கில மொழி சமூகத்துக்கிடையிலான இடைவெளி வெகு சீக்கிரம் குறைக்கப்பட்டு பாலம் அமையப்பெறல் வேண்டும்.அல்லது தொடரும் காலங்களிலும் பெண்கள் மீது தான் முழுமையான குற்றச்சாட்டு இடம்பெற்றுக்கொண்டிருக்கப்போகிறது.

மனவுறுதி கொண்ட பெண்கள் வேண்டும் 

பெண்கள் என்றால் மென்மையானவர்கள், எதையுமே தீரமாக எதிர்கொள்ள தெரியாதவர்கள் என்கின்ற எண்ணத்தை மாற்றி,பெண்கள் எதையும் எதிர்கொள்ளும் வல்லமை கொண்டவர்களாக வளர்க்கப்பட வேண்டும்.அவர்கள் மீது குடும்ப பொறுப்பு என்கின்ற பெரிய பாரத்தை மட்டும் செலுத்திவிடாது இது போன்ற விடயங்களில் ஒரு தெளிவான மனப்பாங்கை வளர்க்கவேண்டிய கட்டாயம் இருக்கிறது.எந்த சமூகத்திலும் கற்பழிப்பு இருக்கின்றது ஆனால் எங்கள் சமூகத்தில் தான் கற்பழிக்கப்பட்ட பெண் தப்பானவளாக,தூய்மையில்லாதவர்களாக கருதப்படும் மனப்பாங்கு இருக்கிறது..

மனதில் தூய்மையாக,எண்ணங்களில் சுத்தமான மனிதர்களை மதியுங்கள்-உடல் ரீதியாக பார்க்காமல்!

--------------------------------------

மருத்துவ கல்லூரி மாணவி தான் ஆரம்பத்தில் நான் குறிப்பிட்ட சம்பவத்தில் பாதிக்கப்பட்ட பெண்.இரவு படம் பார்த்துவிட்டு பதினோரு மணிக்கு பஸ்ஸில் வரும்போது தான் இது நடந்திருக்கிறது என்கிறார்கள்.சாமம் பன்னிரண்டு மணிக்கு சுதந்திரமாய் பெண்கள் நகைகளோடு(!) நடமாடும் காலம் இன்னமும் வந்துவிடவில்லை என்பதை படித்த பெண்கள் அறியாதவர்களா என்ன! எத்தகைய கல்விமுறைகளும்,சட்டதிட்டங்களும் காமுக மிருகங்களை காமம் வெறிக்கேறிய தருணங்களில் கட்டுப்படுத்தி விடுவப்போவதில்லை.அதை உணர்ந்து தங்களுக்கேற்ற பாதுகாப்பில் பெண்களும் கொஞ்சம் அவதானமாய் இருப்பது அவசியம்.   

குற்றவாளிகள் தூக்கிலிடப்பட வேண்டும் என்று தான் இந்த செய்தியை கேட்கும் எந்த மனமும் துடிக்கும்.ஆனால் பாலியல் வறட்சியை உருவாக்கி விடுவதும் இதே மனங்கள் தான் இதே சமூகம் தான்.திருமண வயதை பிந்திய இருபதுகளாகவும்,முப்பதுகள்,நாற்பதுகளாகவும் கொண்ட ஆண்களில் பெரும்பாலானோர் பாலியல் வறட்சியால் விரக்தியடையும் நிலைமை கானப்பட்டுக்கொண்டே தான் இருக்கிறது.தூக்கிலிடவேண்டும் என்று கூறும் மக்கள் தான் பாலியல் கல்வி வேண்டாம் என்கின்றனர் -விபசாரத்தை முற்றாக ஒழிப்போம் என்கின்றனர். பழமைவாத எண்ணங்களிலிருந்து எப்போது அனைவரும் வெளியேறுகின்றனரோ, அன்று தான் ஒரு விடிவு..! அதற்கு பின்னர் தூக்கிலிடுவோம் !!

குறிப்பு:கற்பழிப்புக்கு வன்புணர்வு என்றும் ஒரு நாகரிகமான பதம் உள்ளது.நான் கற்பழிப்பு என்பதை பாவித்த காரணம்,வன்புணர்வு எனும்போது பெரும்பாலானோர் மனதில் கற்பழிப்பு எனும் சொல் ஏற்படுத்தும் தாக்கத்தை இது ஏற்படுத்துவதில்லை.

இது பற்றி மேலும் பல தகவல்களை திரட்டி எழுதுமாறு நண்பர்கள் சிலர் கேட்டிருந்தனர்.ஆனால் இந்த பதிவு நீண்டு செல்வதை நான் விரும்பவில்லை.வாசிப்போரும் (ஒரு சிலரை தவிர)விரும்பமாட்டார்கள் என்று தெரியும்.
  

சமந்தாவின் "நீதானே என் பொன்வசந்தம்"..!

           

எனக்கொரு தயாரிப்பாளர் கிடைத்து ஒரு இயக்குனர் ஆகியிருந்தால்....என்று ஆரம்பித்து எத்தனையோ காதல் படங்கள் வெள்ளிவிழா காண்பது போல கனவுகள் கண்டிருக்கிறேன்.ஒரு இரண்டரை மணிநேரம் ரசிகர்களை சலிக்காமல் தியேட்டர் இருக்கையில் கட்டிப்போடுவது என்ன அவ்வளவு பெரிய விடயமா என்று எனக்கு மட்டுமல்ல பலருக்கு இவ்வாறான சிந்தனை இருந்திருக்க கூடும்.ஆமாம் அது மிக கடினமான பணி தான் என்பதை கெளதம் மேனன் நிரூபித்திருக்கிறார்.மின்னலே,வாரணம் ஆயிரம்,விண்ணைத்தாண்டி வருவாயா போன்ற அழகிய காதல் கதைகளை தந்த கௌதமின் மற்றுமொரு காதல் படைப்பு தான் நீதானே என் பொன்வசந்தம்!

சிறு வயதிலேயே ஒன்றாக பழகிவரும் ஜீவா,சமந்தா இருவர்களுக்கிடையிலும் அவர்களது இளமை வாழ்வின் ஒவ்வொரு காலப்பகுதியில் ஏற்படும் சந்திப்புகள்-பிரிவுகள்,காதல்,ஏக்கம்,துன்ப இன்பங்கள்,ஈகோக்கள் மற்றும் விட்டுக்கொடுப்புகள் பற்றியது தான் படத்தின் கதை.காதலர்கள் தமக்கிடையில் வளர்த்துக்கொள்ளும் ஈகோக்கள்,சரியான புரிந்துணர்வு இல்லாமை எத்தகைய விளைவுகளை ஏற்படுத்தும் என்பதை சொல்ல முனைந்திருக்கிறார் கெளதம்.

படத்தின் மைனஸ்கள்

1.மெதுவான-நீண்ட இழுவை காட்சிகள் 

படத்தின் முதல் பாதியில் பெரும்பாலான காட்சிகள் பார்ப்போரை சீக்கிரமாக முடித்துவிடு,அல்லது போவர்ட்(Forward) பண்ணி விடு என்று முனக வைத்திருந்தது.அந்தளவுக்கு இழுவையாக இருந்தன.கவுதம் படங்கள் என்றாலே வசனங்கள் மிக மெல்லிய குரலில் தான் நடிகர்களிடமிருந்து வெளிப்படும்.

முதலே ஊகிக்க வைக்க முடிந்த காட்சிகள்..இடைவேளை வரும் காட்சியில் சரி அடுத்து இடைவேளை தான் என்று காட்சி தொடங்கிய போதே தெரிந்திருக்கும்.ஆனால் அதையே சில நிமிடங்களுக்கு இழுத்திருப்பார்.இப்படியான காட்சிகள் பல படம் முழுவதும் கொட்டாவி விட வைத்தது.கெளதம் படங்கள் படத்துடன் ஓட்டவைத்துவிடுவன.அந்த மாஜிக் இப்படத்தில் பெரும்பாலான இடங்களில் தவறவிடப்பட்டிருந்தது.

2.இளையராஜா இசை 

கௌதமின் பெரிய பலமே ஹாரிஸ் ஜெயராஜின் அற்புதமான இசை என்றால் மறுக்க முடியாது.கௌதமின் காதல் காட்சிகளுடன் ஒன்றுசேர்ந்து இசையால் மயக்கிவிடுவார் ஹாரிஸ்.ஆனால் நீதானே என் பொன்வசந்தம் படத்தில் கெளதம் தனக்கு தானே எடுத்துக்கொண்ட ரிஸ்க் தான் இளையராஜாவை ஒப்பந்தம் செய்தது.இளையராஜாவின் பீரியட் முடிவடைந்துவிட்டது என்று தெரிந்தும் எதோ ஒரு குருட்டு நம்பிக்கையில் அவருடன் சேர்ந்துகொண்டார் கெளதம்.விளைவு படத்தில் தெளிவாக தெரிந்தது. 

சற்றே சில காட்சிகளில் கெளதம் சறுக்கும்போது ஹாரிஸ் தனது பின்னணி இசையால் அந்த சறுக்கல்களை மூடி மறைத்துவிடுவார்.vtv'யில் ரஹ்மானும்,மின்னலே,வாரணம் ஆயிரத்தில் ஹாரிஸும் என்ன செய்தார்கள் என்று சொல்ல தேவையில்லை. ஆனால் இளையராஜா அந்த சறுக்கல்களை ஊதிப் பெருதாக்கி காட்டியிருக்கிறார்.படத்தின் பெரும்பாலான இடங்களில் பாடல்களோ,பின்னணி இசையோ கவரவே இல்லை.படத்தின் "மிகப்பெரிய மைனஸ்" இசை தான் என்று அடித்து கூறலாம்.அதுவும் படத்தின் முக்கிய காட்சிகளில் இளையராஜா பாடும் இரைச்சல்கள் "ஐயோ வேண்டாம்"ராகம்.

இரண்டாம் பாதியில் பாடலுக்கு படமா இல்லை படத்துக்கு பாடலா எனுமளவுக்கு பாடல்கள் வந்தவண்ணம் இருந்தன.ஏலவே பெரிதாக கவராத பாடல்கள் படத்தில் தொடர்ந்து வரும்போது ஏற்படும் அவஸ்தை அப்பப்பா..பெரும்பாலானோர் படம்பார்க்க வந்த போது தான் முதன்முதலாக பல பாடல்களை கேட்டிருந்தனர்.இது கெளதம் படங்களில் இதுவே முதன்முறையாக இருந்திருக்கும்!

3.சந்தானம்-நகைச்சுவை 

சந்தானம் வந்த காட்சிகள் சிறு கலகலப்பை ஏற்படுத்தியிருந்தது உண்மை தான்.ஆனால் முழுக்க முழுக்க காதல் படம் என்று முடிவாகிவிட்ட பின்னர்  செருகப்பட்ட நகைச்சுவைகள் அவசியம் தானா என்று கெளதம் ஜோசித்திருக்கலாம்.காரணம் காதல் காட்சிகள்,காதல் வசனங்கள் பார்ப்போர் மனதில் ஏற்படுத்தும் தாக்கங்களை,கூடவே இருந்துகொண்டு சந்தானம் கொடுக்கும் கவுண்டர் காமெடிகள் குலைத்துவிடுகின்றன.

சந்தானத்துக்கென்று தனி காமெடி ட்ராக் வேறு.விண்ணைத்தாண்டி வருவாயாவில் சில காட்சிகளை உல்ட்டா பண்ணி எடுக்கப்பட்டிருந்தது.இப்படியான சந்தானத்தின் சில காட்சிகளையும்,வேறு சில மொக்கை சீன்களையும் கத்தரித்து படத்தை ட்ரிம் ஆக்கியிருந்தால் படம் பார்ப்போரை கொட்டாவி விடவைத்திருக்காது.

படத்தின் ப்ளஸ்கள் 

1. சமந்தா 

எங்கே சமந்தா பற்றி காணவில்லை என்போருக்கு! படம் முழுக்க சமந்தா தான்.அல்லது சமந்தாவை முன்னிலைப்படுத்தியே படம் பண்ணியிருக்கிறார் கெளதம் என்றும் கூறலாம்.அழகோ அழகு அப்படி ஒரு அழகு.தராசின் இருபக்கமும் சமனாக வீற்றிருந்த காஜல்-சமந்தா போட்டியில் சமந்தா வெற்றிபெற்றுவிடுகிறார்.

ஆனால் விண்ணைத்தாண்டி வருவாயா "ஜெஸ்சி"அளவுக்கு பலரை கவர்ந்திருக்காது என்பது உண்மை;காரணம் சமந்தாவின் பாத்திரம் அப்படி.ஜீவாவுக்காக ஏங்கும் ஆனால் ஈகோ கொண்ட பாத்திரம்.இதே ஜீவா சமந்தாவுக்கு ஏங்கும் வகையிலும்,சமந்தா கண்டுக்காத மாதிரியும் படம் வந்திருந்தால் சமந்தா நிச்சயம் ஜெஸ்சியை தாண்டி மனங்களில் இடம்பிடித்திருப்பாள். 

2. படத்தின் இறுதி ஒருமணிநேரம் 

எனக்கு படத்தின் இரண்டாம் பாதி பிடித்திருந்தது.அதிலும் இறுதி ஒரு மணிநேரம் ஜீவா,சமந்தாவுடன் ஒன்றிவிட்டேன்.அதுவும் இறுதி அரை மணிநேரம் மிக  அழுகையை தவிர்க்க போராடினேன் என்னுமளவுக்கு கவர்ந்திருந்தது. காதலை சொல்லவேண்டும் என்ற எண்ணத்துடன் தேடிவரும் துணையும்,அதனை கிடைக்கும் ஒவ்வொரு சந்தர்ப்பத்திலும் சொல்லவிடாமல் தடுக்கும் ஈகோவும் மாறி மாறி வந்து உணர்ச்சிவெள்ளமாக்கி விட்டிருந்தது.

அதுவும் அடுத்தநாள் காலை திருமணத்தை வைத்துக்கொண்டு முதல்நாள் இரவு சமந்தா ஜீவா இருவரும் தமது காதல் வாழ்க்கையில் இடம்பெற்ற முக்கியமான இடங்களை போய் பார்க்கும் சந்தர்ப்பங்களில் "அட நாய்களே யாராச்சும் ஒருவராவது ஈகோவை விட்டு மனசை திறந்து பேசி தொலைங்கடா" என்று ஏங்க வைத்தது.

-------------------------------------

கெளதம் மேனன் படங்களுக்கு எப்பவுமே எதிர்பார்ப்புக்கு பஞ்சமிருக்காது.நடுநிசி நாய்கள் வாங்கிக்கட்டியதாலும், விண்ணைத்தாண்டி வருவாயா'க்கு அடுத்து வரும் காதல் படம் என்பதாலும் படத்துக்கான எதிர்பார்ப்பு எகிறி இருந்தது.காபி ஷாப்'பில் காபி சாப்பிடும் ஜீவா-சமந்தா படங்களை பலர் தத்தமது பேஸ்புக் ப்ரோபைல் போட்டோவாக்கிவிட்டிருக்க மறுபக்கம் சமந்தா சமந்தா என்று பையன்கள் ஜொள்ளுவிட்டுக்கொண்டு இருந்தார்கள்.பெண்களில் பலருக்கு ஜீவா பிடித்த நாயகனாகி இருந்தார்.ரஹ்மான்-ராஜா ரசிகர்கள் மீண்டும் ஒருதடவை முட்டிக்கொள்ள பாடல்கள் சந்தர்ப்பம் கொடுத்திருந்தது என அனைத்து தரப்பும் இப்படத்தை எதிர்பார்த்திருந்தனர்.

ஆனால் நடந்தது?"நீதானே என் பொன்வசந்தம் " படு மொக்கை படமாகவோ அல்லது சுப்பர் ஹிட் காதல் படமாகவோ வந்திருக்க வேண்டியது.ஆனால் கெளதம் இரண்டுக்கும் இடையில் கொண்டுவந்து முடித்திருக்கிறார்.முதல் பாதி போன்றே இரண்டாம் பாதியும் அமைந்திருந்தால் படம் படு மொக்கையாகவும்,இரண்டாம் பாதி போன்று முதல் பாதி அமைந்திருந்தால் படம் சூப்பர் ஹிட் ஆகவும் அடித்திருக்க வாய்ப்பிருந்தது.. தவறவிட்டுவிட்டார் கெளதம் மேனன்.படம் படு மொக்கையாக வந்திருந்தால் கூட கவலை வந்திருக்காது,இப்படி முடிந்துவிட்டதே நடுவில் என்று தான் கவலை. 

சமந்தா அழுது புலம்பி வெளிக்காட்டிய கவலைகளை அழாமல் வெளிக்கொணர்வதில் ஒரு ஆணாக வெற்றி பெற்றிருக்கிறார் ஜீவா. சமந்தாவுக்கும் நடிப்பதற்கு ஸ்கோப் இருந்தது படத்தில்.படம் முழுவதுமே இவர்களை சுற்றித்தான் பின்னப்பட்டிருக்கிறது.அவர்களை தவிர என்றால் சந்தானமும்,சந்தானத்துக்கு ஜோடியாக வரும் பெண் கேரக்டர் தான் பெரும்பகுதியை ஆக்கிரமித்திருந்தது.

ஹாரிஸ்/ரஹ்மான் இருந்திருந்தால் அவர்கள் படத்தை நிச்சயம் இதைவிட ஒரு உயரத்துக்கு கொண்டு சென்றிருப்பார்கள் என்று நிச்சயமாக கூறலாம்.அத்துடன் கௌதமும் டப்பா காலி போல தெரிகிறது.மீண்டும் மீண்டும் பழைய படங்களை ஞாபகப்படுத்தும் காட்சிகள்.சாய்ந்து சாய்ந்து, என்னோடு வாவா மற்றும் இடையிடையே ஒலிக்கும் நீதானே என் பொன்வசந்தம் பாடல்கள் கொஞ்சம் ரசிக்க வைக்கின்றன.

அங்காங்கே சில முத்த காட்சிகளும் உண்டு ஆங்கில பட சிச்சுவேசனில்..!

இது படத்தை பற்றிய "எனது"பார்வை மட்டுமே.எனக்கு பிடித்த விடயங்கள் பலருக்கு பிடிக்காமல் போயிருக்கலாம்.பிடிக்காத விடயங்கள் பிடித்து போயிருக்கலாம்.சிலருக்கு இரண்டாம் பாதி பிடிக்கவில்லை ஆனால் எனக்கு நன்றாக பிடித்திருந்தது.

கட்டாயம் பாருங்கள் என்று சொல்வதை விட ஒருதடவை பார்க்கலாம் என்று சொல்லலாம்.காதல் பீலிங்கில் இருப்பவர்கள்,காதலிக்க இருப்பவர்கள், எப்பவாச்சும் ஒரு உறவுக்குள் நுழைய இருப்பவர்கள் "கட்டாயமாக" பரிந்துரைக்கிறேன். படம் படு குப்பை என்கின்ற ரீதியில் விமர்சனங்கள் போய்க்கொண்டிருக்கின்றன.முழுதாக பார்க்காமல் விட்டுவிடலாம் என்று மறுத்துவிட கூடிய படமல்ல இது.

கெளதம் இனிமேலும் ராஜாவை தெரிவுசெய்வார் என்று தோன்றவே இல்லை.அத்துடன் மற்றைய இயக்குனர்களும் இதனை முன்னுதாரணமாக கொள்ளக்கூடிய வாய்ப்புகள் அதிகம்.கெளதம் மேனன் அடுத்த படைப்பையாவது சிறப்பாக கொடுப்பார் என நம்புவோம்.மறுபடி சூர்யா,ஹாரிஸை நோக்கி தான் போகவேண்டும்.

படத்துக்கு எனது மார்க் - 60

நயிட்டியில் அலையும் மாதவிகள்..! |16+|

நேரம் மாலை ஆறு முப்பது.

இரண்டாம் மாடியில் இருக்கும் வீட்டு பால்கனியில் நின்று பார்க்கும்போது அவன் இன்றும் தன் அறையில் லாப்டாப் முன்னாடி அமர்ந்துகொண்டிருப்பது தெரிந்தது.இன்றும் ஒரு அரைமணி நேரம் நின்று பார்த்துவிடுவது என்ற எண்ணத்துடன் இடுப்பழவே உயரமான பால்கனி  சுவற்றின்மீது சாய்ந்துகொண்டு அவனின் அறையினை அடிக்கடி நோட்டம்விட்டுக்கொண்டு இருந்தாள் மாதவி.

இன்று நேற்றல்ல,அவன் அந்த வீட்டுக்கு குடிவந்த காலத்திலிருந்து தினசரி காலை மாலை என்றும் பார்க்காமல் அவன் அறை கதவு திறந்திருக்கும் பொழுதெல்லாம் மாதவி,பால்கனியில் உலவ மறப்பதில்லை! "அவன்"தான்; "பெயர் எல்லாம் தெரிந்துகொண்டு தான் சைட் அடிக்க வேண்டும் என்று சட்டம் மட்டும் இருந்தால் உலகத்தில 95 வீதமானோர் பாடு ரொம்பவே கஷ்டமாயிடும்" என்று ஜோசித்துக்கொண்டாள்.

ஒரு அரை மணிநேரம் மீனுக்காய் காத்திருக்கும் கொக்கு மாதிரி பால்கனியில் நின்றால்,மீன் ஓரிரு தடவையாச்சும் வெளியே வந்து எட்டிப்பார்த்துவிட்டு செல்லும் என்பது மாதவியின் காத்திருப்பு கற்றுக்கொடுத்த பாடம்.நயிட்டியில் இருக்கும் பெண்கள் மீது ஆண்களுக்கு ஒரு கிரேஸ் இருப்பது மாதவி பலர் கண்களை அவதானித்ததில் இருந்து கற்றுக்கொண்ட இன்னொரு பாடம்.கற்றுக்கொண்ட பாடங்களை எல்லாம் ஒன்றுசேர பிரயோகிப்பதில் மாதவி படு கில்லாடி.

எத்தனை வேலைகள் இருந்தாலும், தினசரி கடமைகளில் இதுவும் ஒன்றாகிப்போனது;காரணங்கள் என்ன என்பது பற்றி இவள் பெரிதாக அலட்டிக்கொள்ளவுமில்லை.அவனை பார்க்காத நாள் ஏனோ அவளுக்கு முழுமையடைவதில்லை.அவளது நண்பிகளில் பலர் தாங்களும் இந்தமாதிரி அடிக்கடி இப்போது நடந்துகொள்வதாக சொல்வதை கேட்கையில்,இதுவொரு பொதுவான விஷயம் தான்;தப்பில்லை என்கின்ற தைரியம் மாதிவிக்கு ஒரு மேலதிக தூண்டுதலை கொடுத்திருந்தது.அளவான மாவு நிறமும்,நயிட்டி தவிர்ந்த எந்த ஆடையாய் இருந்தாலும் திமிறி நிற்கும் அவள் அழகுகளும் நயிட்டியோடு கூட்டணி அமைத்து பால்கனி சுவரில் மெதுவாய் சாய்ந்து நிற்கையில்,வீதியால் செல்லும் எந்த ஆணும் திரும்பிப்பார்க்காமல் சென்றதில்லை.

பால்கனியில் நிற்கையில் வீட்டு ஹாலில் இருந்த மஞ்சள் வெளிச்சம் நயிட்டியில் இருந்த மாதவியின் அழகை வர்ணித்து காட்டியதோ என்னமோ,அவளை காத்திருக்க வைக்க பிடிக்காமல் காயப்போட்டிருந்த துணிகளை எடுப்பது போல வெளியில் வந்தான் அவன்.இலவசமாய் கிடைக்கும் கில்மாவை எந்த இளைஞன் தான் வேண்டாமென்பான்!என்னதான் இவள் வலிந்து போய் பால்கனியில் நின்றாலும்,"அவன்"வெளியில் வந்ததை உடனேயே கண்ணெடுத்து பார்க்க திராணியற்று தன்பார்வையை கீழே வீட்டு படலைபக்கம் திருப்பிய மாதவி,என்ன ஜோசித்தாளோ  என்னமோ கண்ணிமைக்கும் நொடியில் உள்ளே சென்றுவிட்டாள். 

ஒன்றுமே புரியாமல்,என்னவாய் இருக்குமென்று ஜோசித்துக்கொண்டு அவன் சாவகாசமாய் கீழே பார்க்கவும்,வேலைமுடிந்து வந்த அவளின் கணவன் படலையை திறக்கவும் சரியாகவிருந்தது..!மாதவி ஹாலில்,குழந்தைக்கு இரவு உணவை அவசரமாய் குழைத்து வாயில் தள்ளுவது மெதுவாக சாத்தப்பட்ட கதவிடுக்கில் தெரிந்து மறைந்தது.

-{யாவும் கற்பனை} 

பெண்களுக்கு யாரை பிடிக்கிறது?Sweet Boys Vs Bad Boys..!

இன்றைய பதிவு கூட எங்கள் இளமையுடன் சம்பந்தப்பட்ட பதிவு தான்.சற்றே நீளமான பதிவு,ஆனால் ரொம்பவே பயனுள்ளது(தேவைப்படுவோருக்கு)!!

பையன்களை பொதுவாக இரண்டாக பிரித்து பார்க்கலாம்.அதுவும் பெண்களின் மொழியில் சொல்வதானால் ஒன்று "ஸ்வீட்டான பையன்"(Good/Sweet boy) மற்றையது "கெட்ட பையன்"(Bad boy). பெண்கள் ஒரு பையனை ஸ்வீட்டாகவோ/கெட்ட பையனாகவோ தீர்மானிப்பதற்கு பல காரணிகள் இருக்கலாம்.அது ஒவ்வொரு பொண்ணுக்கும் வேறுபடும்.

ஸ்வீட்டான பையன்

அமைதியான,தினசரி சண்டையில்லாத வாழ்க்கையை கொண்டுநடத்துகின்ற ,திறந்த மனதுடைய,வெளியில் கூட்டி செய்கின்ற,செலவுக்கு பணம் தருகின்ற,பேஸ்புக் ட்விட்டரில் தனது துணையை பற்றி புகழ்கின்ற,பொதுவில் அன்பானவனாக காட்டிக்கின்ற,ஒவ்வொரு சண்டையிலும் பெண்ணை வெல்ல அனுமதிக்கின்ற,அவள் சொல்லும் அனைத்தையும் ஆமோதிக்கின்ற,உறவுக்கு பாதகமான நபர்களுடன் தொடர்புகளை துண்டிக்க சொல்லும் போது அதனை செய்வனே செய்கின்ற,நண்பர்களுடன் அதிகநேரம் செலவு செய்யாமல் அவளுடனேயே இருக்கின்ற,அவளின் நண்பிகள் "இவன் தான் உனக்கு பொருத்தமானவன்" என்று கூறும்படி நடக்கின்ற பையனை தான் "ஸ்வீட்டான பையன்" என்கிறார்கள் பெண்கள்.

இதனுள் இன்னமும் பல உதாரணங்களை சேர்த்துக்க முடியும்.

கெட்ட பையன்

மிக கடுமையான நடத்தையை கொண்ட,கொடூரமான சிந்தனை கொண்ட,கோபக்கார,பெண்ணை வெளியில் எங்கும் கூட்டி செல்லாத,தானாக மெசேஜ்/கோல் செய்து பேசாத.பொதுவில் ஒன்று சேர நடக்காத,கை கோர்க்காத,அவன் செலவுக்கெல்லாம் தான் பணம் செலவு செய்யணும் என்கின்ற,துணையின் பிறந்த நாளைக்கூட ஞாபகம் வைத்திருக்காத,நண்பர்களுடன் கூத்தாடுகின்ற,அவளை விட நண்பர்கள் தான் முக்கியம் என்று நினைக்கின்ற,புகை,குடி, என்று ஆர்ப்பரிக்கின்ற,அவளின் நண்பிகளின் மனதை வெல்லாத,எந்தக்கருத்துக்கும் எதிராக கதைக்கின்ற,தானே தனியே தீர்மானம் எடுக்கின்ற எந்த ஒரு ஆணும் பெண் பார்வையில் கெட்ட பையன் தான்.இதை விட நீங்கள் நினைப்பவற்றையும் சேர்த்துக்கொள்ளுங்கள்.

இந்த "கெட்ட பையன்" என்பதன் "பார்வை" ஆளுக்காள் வேறுபடும்.ஒரு பெண் எந்தளவுக்கு விட்டுக்கொடுப்புடனும்,புரிந்துணர்வுடனும் வாழ்க்கையை கொண்டு நடத்துகிறாள் என்பதிலேயே நல்ல பையன்,கெட்ட பையன் தொடர்பிலான அவளது பார்வை வேறுபடுகிறது.ஒருவளுக்கு கெட்ட பையனாக இருக்கும் ஒருவன் அவள் அவனிடம் வெறுக்கும் விடயங்களை அனுசரித்து போகும் ஒரு பெண்ணிடம் நல்ல பையனாகிறான்.

இணையத்தில் சுட்ட சில சம்பவங்கள்:

Girlfriend: I miss you, can I meet  you tonight?

Good Boy: Why don’t you tell me earlier? My mum wants me to stay for family reunion dinner tonight.

Bad Boy: I was just about to ask you the same babe (I have to think on a way to escape the dinner  tonight.)

Girlfriend: Can I have a real kiss for my birthday?

Good  Boy : Err..

Bad Boy: Just a kiss?

Girlfriend: I feel like hittin' a bar tonight. It's Wednesday's Ladies' Night. What d'ya say?

Good Boy: It's so sad you love the bar more than your church. 

Bad Boys: As you wish babe. 9 sharp?

Girlfriend: My boss shouted at me today for breaking her favourite vase.I'm so stress right now :'(

Good Boy:Why you always careless?You should be more careful next time if you don't want to lose your job.

Bad Boy: Here..let me hug you. Don't cry babe. (after a while)... What's her car flat number?

Girlfriend: Wow..these grapes look scrumptious. Do you think the farm manager will sue me if I caught picking a two or three of em now?

Good Boy: Don't do that. I'm not responsible if we get into trouble ok.

Bad Boy: Pick six. half-half.

பெண்கள் என்ன செய்கின்றனர்?

பெரும்பாலான பெண்கள் தாங்களே தங்களுக்கு பொருத்தமான பையனை "பல தெரிவுகளில்" இருந்து தெரிவு செய்கின்றனர்.தங்களைஆண்கள் "துரத்துவதை" பெண்கள் விரும்புகின்றனர்.எந்தப்பெண்ணுமே அதை விரும்புகிறாள்."கெட்ட பையன்" என கூறப்படும் பையன்களின் "துரத்தல்கள்"ளினால் கவரப்பட்டு ஏமாற்றப்பட்டு,அந்த காயத்தை வைத்துக்கொண்டு மிகுதி அனைத்து ஆண்களுக்கும் அதே வர்ணத்தை பூசிவிடுகிறார்கள்.உண்மையிலே "கெட்ட பையன்"எப்பவுமே கெட்ட பையன் தான்.அவர்களுக்கு பெண்கள் மீதான எண்ணம் எப்போதும் ஒரே மாதிரியாகவே இருந்துவிடப்போகிறது.பெண்கள் ஆண்களை வெறுக்க முக்கியகாரணமாக அவர்களே இருந்தும்விடுகிறனர்.அதனால் தான் சில பெண்கள்“I Hate Boys” என்கின்ற விளிம்பு நிலைக்கு சென்றுவிடுகிறனர்.

மறுபக்கத்தில்,"ஸ்வீட்டான பையன்"களை அடையும் பெண்கள் நேர் எதிராக நடந்துவிடுகிறனர்.அந்த பையன் ஸ்வீட்'டாக இருப்பதன் அனுகூலங்களை தங்கள்வசப்படுத்தி "advantage " எடுக்க நினைக்கும் பெண்கள் இறுதியில் "கெட்ட பெண்'ணாகவே மாறிவிடுகிறனர்.இதனால் அந்த பையனின் ஸ்வீட்டான தன்மையை மாறவைக்கின்றனர்.அவனை தன் தேவைகளுக்கு பயன்படுத்திக்கொள்கிறனர்.(தங்களை கடுமையானவர்களாக,கோபக்காரர்களாக காட்டுதல்,ஏமாற்றுதல்,கதைப்பதற்கு மெசேஜ்,கோல்(Call) செய்யாமல் விடுதல்).


யார் மனிதன்?

ஒரு முழுமையான மனிதன் எனப்படுபவன் நல்லது,கெட்டது இரண்டும் கலந்தவன்.மனிதன் என நான் குறிப்பட்டதன் காரணம் எவன் ஒரு பெண்ணை முழுமையாக பாவிக்க தெரிந்தவன்,அவளை சரியாக நடத்த தெரிந்தவனோ அவனே மனிதன்.அவன் அன்பான,பண்பானவனாய் இருப்பான்.பெண்ணுடன் முரன்படுவான்.மறுத்துரைப்பான்.ஆனால் பின்னர் அவளுடன் சமாதானமாவான்.வெளியில் கூட்டி செல்வான்.பிடித்ததை வாங்கி தருவான்.எவனுமே தினசரி தன்னை வடிவாக கவனிக்கவேண்டும்,வெளியில் கூட்டி செல்லவேண்டும் என்று அடம்பிடிக்கும் பெண்களை விரும்பமாட்டான்.

தினசரி நீ வாங்க நினைப்பவற்றுக்கு பில் கட்டமாட்டான்.உன்னை வெளியில் கூட்டி செல்வான்,உன் கரம்பிடிப்பான்..ஆனால் பொதுவில் உன்னை அறைந்துவிடமாட்டான்.உன்னைப்பற்றி மற்றையோருக்கு பெருமையாய் சொல்வான்..ஆனால் உனக்கும் தனக்கும் இடையிலான தனிப்பட்ட விடயங்களை வெளிப்படுத்தமாட்டான்.உனது பிறந்ததினம்,முக்கிய நாட்களை ஞாபகம் வைத்திருப்பான்.அத்தருணம் உன்னுடன் நேரத்தை கழிப்பதில் உவகை கொள்ளுவான்.ஆனால் அதேசமயம் தனக்கான நேரத்தை ஒதுக்கியும் கொள்வான்.ஒவ்வொருவரும் அவரவர்களுக்கான வாழ்க்கையை தீர்மானித்துக்கொள்ளுதல் அவசியம்.திருமணமானால் ஒரே ஒரு வாழ்க்கை என்பதெல்லாம் பேசுவதற்கு நன்றாக இருக்கலாம்.ஆனால் தங்களுக்கான பாதையை தீர்மானித்துக்கொள்பவர்களே இறுதி வரை நிலைக்கிறார்கள்.

பையன்கள் எப்போதும் ஸ்வீட் பையனாக இருக்க வேண்டிய அவசியமில்லை.பெண்களுக்கு முதுகெலும்பு இருக்கின்ற ஆண்களை தான் மிகவும் பிடிக்கும்.இன்னொரு பெண்ணை பற்றி பேசி துணைவியாரை கடுப்பாக்க நினைக்காதீர்கள்.உண்மையான மனிதன் தன்னைச்சார்ந்த விடயங்களை எவ்வாறு கையாளலாம் என்று தெரிந்திருப்பான்.தனக்கு தானே சேற்றை எடுத்து பூசிக்கொள்ள விரும்பமாட்டான்.

ஒரு "கெட்ட" பையனின் நடத்தையை அனைத்து ஆண்கள் மீதும் திணிக்கப்பாக்காதீர்கள் பெண்களே.அனைவரும் ஒரே மாதிரியானவர்கள் அல்லர்.பையன் கெட்டவனாயின்,அது அவன் தவறல்ல.முதலிலேயே அதனை கண்டுபிடிக்க தெரிந்திருக்காத நீங்கள் தான் கெட்ட பெண் ஆகிறீர்கள்.அதே சமயம் பையன் அளவுக்கு அதிகமான ஸ்வீட் ஆயின் அதனை கொஞ்சம் குறைக்க சொல்லுங்கள்.அதிகப்படியான ஸ்வீட் உங்கள் பற்களை சேதம் செய்துவிடும்.அவன் மனதை தாக்கலாம் உங்களால் முடியும் என்று முயர்ச்சிக்காதீர்கள்.அது அப்படியான பையன் உங்களுக்கு கிடைத்தமையை நிராகரிக்கும் காரணமாகிவிடலாம்!

சில பல பெண்களுக்கு ஸ்வீட் பையன்களை பிடிக்கும்...சிலருக்கு கெட்ட பையன்களை பிடிக்கும்.அது ஒரு வகையான கவர்ச்சி.ஒரு ஆணுக்கும் பெண்ணுக்குமிடையே அந்த கெமிஸ்ட்ரி வேலை செய்ய ஆரம்பித்துவிட்டால்,ஸ்வீட் என்ன கெட்ட பையன் என்ன அதெல்லாம் கண்ணுக்கு தெரியப்போவதில்லை. கெட்ட பையன்களை பெண்களுக்கு பிடிப்பதற்குபல காரணங்கள் இருக்கலாம்.அவற்றுள் சில:

*இலகுவாக தம்வசப்படுத்திவிடக்கூடிய,பணியவைத்துவிடக்கூடிய ஆண்களை விட எதிர்த்து நிக்கின்ற,பணியவைக்க கடினமான ஆண்களை அவர்கள் விரும்புகிறார்கள்.தினசரி அவனால் ஏற்படக்கூடிய சவால்களை சமாளிக்க எதிர்பார்க்கிறார்கள்.

*சில பெண்கள் நீண்ட கால உறவுகளை தவிர்த்து குறுங்கால வாழ்க்கை வாழப்பிடித்தவர்கள் கெட்ட பையன்களை தெரிவுசெய்கிறார்கள்.

**பெண்கள் ஒரு ஆண் முன்னின்று தன்னை வழிநடத்துவதை விரும்புகிறாள்(அதிகமானோர்).

***தானே முடிவெடுக்க கூடிய,ஆண்மையான தோற்றம் கொண்ட,பிரச்சனை ஒன்று வந்தால் எதிர்த்து நின்று எதிர்கொள்கின்ற பையன் கெட்டவனாக இருந்தாலும்,அவனே தன்னை பாதுகாப்பான் என்கின்ற நம்பிக்கை கொண்ட பெண்கள் இருக்கிறார்கள்.

****கெட்ட பையனாக இருப்பவன் "உறவுகளில்" கூட கடினமானவனாய் இருப்பான் என்று விரும்புவர்களும் உண்டு.

உண்மையில் "ஸ்வீட் பையன்" என்று தன்னைத்தானே கூறிக்கொள்ளும் பையன் "கெட்ட பையனாக" இருப்பதற்கான வாய்ப்புகளே அதிகம்.அல்லது வேறு சில பிரச்சனைகள் அவனை சூழ இருக்கவும் கூடும்.நல்ல பையனாக இருந்து பலரால் ஏமாற்றப்பட்டு கெட்ட பையனாக மாறி இருப்பவர்களும் எம் சமுதாயத்தில் ஏராளம்.ஆனால் ஒரு அமைதியான நீண்ட கால உறவை எதிர்பார்க்கும் எந்தப்பொண்ணும் ஸ்வீட்டான பையனை தான் கெட்ட பையனை விட அதிகமாக முன்னுரிமை கொடுத்து தெரிவுசெய்கின்றனர்.




உங்களை ஏமாற்றிக்கொள்ளாதீர்கள்!

எந்த ஸ்வீட் பையனாவது தான் ஸ்வீட்டாக இருந்த ஒரே காரணத்தால் தனது உறவு பாதிக்கப்பட்டு முறிவடைந்தது என்று கூறுவானாயின்,அவன் ஒரு வாழ்க்கையை கொண்டு நடத்த தேவையான தகுதியை,உறுதியை கொண்டிருக்கவில்லை என்று தான் கூறமுடியும்.ஸ்வீட்டாக இருப்பது பெண்களுக்கு பிடிக்கும்.ஆனால் அதிகப்படியான ஸ்வீட் பையன்கள் தங்கள் துணையின் வாழ்க்கையை சுவாரசியமற்றதாக்கி விடுகின்றனர்.அதே நேரத்தில்,என்ன தான் ஸ்வீட்டாக இருந்தாலும்,சில பையன்களின் தனிப்பட்ட சில குணாதிசயங்கள் வாழ்க்கையை பாழாக்கிவிடுகின்றன.இதை விட கெட்ட பையனே மேல் என்று பெண்களை எண்ண வைத்துவிடுகின்றனர்.

பெண்களை கவர்வதற்கு நல்ல பையனாகவோ/கெட்ட பையனாகவோ தங்களை பாவித்துக்கொள்பவர்கள் தங்களையே ஏமாற்றிக்கொள்கின்றனர்.தன்னுடைய உண்மையான குணாதிசயங்களை வெளிப்படுத்தும் ஒருவன் ஏதாவது ஒரு சந்தர்ப்பத்தில் தனக்கு பொருத்தமான துணையை பெற்றுக்கொள்வான் என்பதில் சந்தேகமில்லை.திருமணத்துக்கு பின்னரான வாழ்க்கையில் கூட அவன் பெரிய பிரச்சனைகளை எதிர்கொள்ள வேண்டிய தேவை இருக்காது.

உறவொன்றை ஆரம்பிக்கும்போது ஓகே,இவனை/இவளை திருத்த முடியும்/மாற்ற முடியும் என்ற நினைப்பில் பையனோ பெண்ணோ தயவு செய்து வாழ்க்கை எனும் உறவில் குதித்துவிடாதீர்கள்.அவ்வாறு ஒரு உறவுக்குள் இணைவதால் ஏற்படும் பிணக்குகள் பிரச்சனைகள் ஏராளம்.சிறுவயது முதல்கொண்டு உங்கள் சில உங்களாலே சகிக்கமுடியாத குணங்களை மாற்றிய முயர்ச்சித்திருப்பீர்கள்.என்ன நடந்தது?உங்களால் முடிந்ததா?அவ்வாறு குறைக்க முடிந்திருந்தாலும் எதோ ஒரு சந்தர்ப்பத்தில் அந்த குணம் வெளிப்பட்டிருக்கும் அல்லவா? அதே போல தான் உங்கள் வருங்கால துணை கூட!உங்களை உங்களால் மாற்ற முடியாத போது எவ்வாறு இன்னொருவரை உங்களால் மாற்ற முடியும் என்று நினைக்கிறீர்கள்?அதனால் ஏமாந்தும் போகிறீர்கள்?

யார் உங்கள் தெரிவு?

ஸ்வீட் பையனை தெரிவு செய்யும் போதோ,கெட்ட பையனை தெரிவு செய்யும் போதோ, பெண்கள் தங்களது பழக்கவழக்கம்,நடத்தை,குணா நலன்களை கருத்தில் கொண்டு முடிவெடுத்தல் அவசியமாகின்றது.ரொம்பவே அடக்கமான அமைதியான,பயந்த,நாட்டு நடப்புகள்,வெளியுலகம் தெரியாத பெண்கள் ஸ்வீட்டான பையன்களை தெரிவு செய்தால் அவர்களது வாழ்க்கை பெருமளவு பிரச்சனைகள் இல்லாமல் சீராக செல்வதற்கான வாய்ப்புகள் அதிகம்..மென்மையான சுபாவம் கொண்ட பெண்கள் கெட்ட பையன்களை தெரிவு செய்தலோ,மென்மையான ஸ்வீட் பையன்கள் ஆர்ப்பாட்டமான,கொஞ்சம் கடினமான கையாள்கை தேவைப்படும் பெண்களை தெரிவு செய்தலோ அவ்வளவு நல்லதன்று.

உங்களுக்கு வரப்போகும் துணை(ஆணோ/பெண்ணோ) எந்த குணதிசயங்களை,பழக்கவழக்கங்களை,வாழ்க்கை முறைமைகளை கொண்டிருக்க வேண்டும்என்று எப்போது எதிர்பார்க்க தொடங்குகிறீர்களோ,அதற்க்கு முன்னதாகவே உங்களை ஒன்றுக்கு இரு தடவை சுய பரிசோதனை செய்துகொள்ளுங்கள்.உங்கள் குண நலன்கள்,பழக்கவழக்கங்கள்,நடத்தைகளை அறிந்து கொள்ளுங்கள்.ஒரே குணாதிசயங்களி கொண்ட இருவர் திருமண பந்தத்தில் இணைவது சுவாரசியமற்றது என்று பேசுவதற்கு நன்றாக இருக்கலாம்..உண்மையாகவும் இருக்கலாம் ஒரு அளவுக்கு.ஆனால் வெவ்வேறு ஒன்றுக்கொன்று முரணான குணாதிசயங்களை கொண்டவர்கள் திருமண பந்தத்தில் இணைந்து படும் அல்லல்பாடுகள் வேதனைகளை பார்க்கையில் ஒரே குணாதிசயங்களை கொண்டவர்கள் சேர்வதில் எந்த தப்பும் கிடையாது!

நீண்ட கால பந்தத்துக்கு ஸ்வீட் பாய்ஸ் தான் ஒத்துவருகிறார்கள் என்று கூறப்படுகிறது.ஒவ்வொரு முடிவும் ஒவ்வொரு தனிநபரையும் சார்ந்து வேறுபடும்.முடிவு உங்களுடையது.காரண காரியங்களை விளக்குவதே இந்த பதிவின் நோக்கம்.
----------------------------------------

இவ்வளவு நேரம் நான் பேசியதை பற்றிய ஒரு அருமையான காணொளி ஒன்று இன்று கிடைக்கப்பெற்றது.ஆதியிலிருந்து இன்று வரையான பெண்களின் பார்வை ஸ்வீட்டான பையன்களை நோக்கியா அல்லது கெட்ட பையன்களை நோக்கியா என்றும்,இறுதியில் யார் வெற்றி பெறுகிறார்கள் என்றும் தெளிவான காரணங்கள் மற்றும் வாதங்களுடன் சொல்கிறது.இதை கட்டாயம் பாருங்கள் என்று இதை வாசிக்கும் ஒவ்வொருவரையும் கேட்டுக்கொள்கிறேன்.பயனுள்ளது.

விகடனில் என்னைப்பற்றி:

இவ்வார "விகடன்"வரவேற்பரையில் எனது வலைப்பூ பற்றிய அறிமுகம் வெளிவந்துள்ளது.தமிழின் முன்னணி இதழில் என்னைப்பற்றி அறிமுகம் தந்த விகடனுக்கு நன்றிகள்..எனது வலைப்பூ பார்வையாளர்களுக்கு கடமைப்பட்டிருக்கிறேன்..நன்றிகள் தோழர்களே!!

ஜொள்ளும்,லொள்ளும் என்றைக்கும் தொடரும் என்று மீண்டும் ஞாபகப்படுத்திக்கொண்டு,மீண்டும் அடுத்த சுவாரசியமான பதிவில் சந்திக்கும் வரை..