Showing posts with label கவிஞர். Show all posts
Showing posts with label கவிஞர். Show all posts

Tuesday, July 12, 2011

நான் "மலரோடு' தனியாக என்ன செய்தேன்???

பழைய பாடல்களை கேட்கும் போது சில பழைய பாடல்கள் தரும் சுகத்துக்கு அளவே இல்லைங்க..
நம்மள மாதிரி சின்ன பசங்க கேட்டாலும் ஒரு உன்னதமான சுகத்தை தரும் பாடல்கள்,குறிப்பிட்ட பாடல் வெளிவந்த காலப்பகுதியில் வாழ்ந்தவர்கள் இப்போது அதனை கேட்டால் எத்தனை சுகம்!அத்தனை ஞாபகங்களும் மீட்டப்படுமல்லவா?அந்த வகையில் நான் பகிரப்போகின்ற பாடல் கூட அத்தனை இனிமையானது!

பாடல்:நான் மலரோடு தனியாக
படம்:இரு வல்லவர்கள்
பாடியவர்கள்-டி எம் சௌந்தரராஜன் மற்றும் பி சுசீலா
வரிகள்-கண்ணதாசன்
இசை-வேதா
வெளிவந்த ஆண்டு-1966
தயாரிப்பு-ராமசுந்தரம்
இயக்கம்-கே வி ஸ்ரீனிவாஸ்
வசனம்-கே தேவராஜன்
நடித்தவர்-ஜெய்சங்கர்,விஜயலக்ஸ்மி


நான் மலரோடு தனியாக ஏன் இங்கு நின்றேன்? - என்
மகராணி உனைக் காண ஓடோடி வந்தேன்
நான் மலரோடு தனியாக ஏன் இங்கு நின்றேன்? - என்
மகராணி உனைக் காண ஓடோடி வந்தேன்

நீ இல்லாமல் யாரோடு உறவாட வந்தேன்?
உன் இளமைக்குத் துணையாக தனியாக வந்தேன்

நான் மலரோடு தனியாக ஏன் இங்கு நின்றேன்? - என்
மகராணி உனைக் காண ஓடோடி வந்தேன்

நீ வருகின்ற வழிமீது யார் உன்னைக் கண்டார்?
உன் வளை கொஞ்சும் கைமீது பரிசென்ன தந்தார்?
உன் மலர்க்கூந்தல் அலைபாய அவர் என்ன சொன்னார்?
உன் வடிவான இதழ்மீது சுவை என்ன தந்தார்?
உன் மலர்க்கூந்தல் அலைபாய அவர் என்ன சொன்னார்?
உன் வடிவான இதழ்மீது சுவை என்ன தந்தார்?

நீ இல்லாமல் யாரோடு உறவாட வந்தேன்?
உன் இளமைக்குத் துணையாக தனியாக வந்தேன்

நான் மலரோடு தனியாக ஏன் இங்கு நின்றேன்? - என்
மகராணி உனைக் காண ஓடோடி வந்தேன்

பொன்வண்டொன்று மலரென்று முகத்தோடு மோத
நான் வளைகொண்ட கையாலே மெதுவாக மூட
பொன்வண்டொன்று மலரென்று முகத்தோடு மோத
நான் வளைகொண்ட கையாலே மெதுவாக மூட
என் கருங்கூந்தல் கலைந்தோடி மேகங்களாக
நான் பயந்தோடி வந்தேன் உன்னிடம் உண்மை கூற

என் கருங்கூந்தல் கலைந்தோடி மேகங்களாக
நான் பயந்தோடி வந்தேன் உன்னிடம் உண்மை கூற

நீ இல்லாமல் யாரோடு உறவாட வந்தேன்?
உன் இளமைக்குத் துணையாக தனியாக வந்தேன்

நான் மலரோடு தனியாக ஏன் இங்கு நின்றேன்? - என்
மகராணி உனைக் காண ஓடோடி வந்தேன்


பாடலே ஒரு கவிதைக் களஞ்சியம் தான்!!!அதிலும் நான் தடித்துக் காட்டியுள்ள வரிகளை பாருங்கள்..கண்ணதாசன் ரியலி கிரேட்!!!


விவேக சிந்தாமணியின் பத்தொன்பதாவது பாடலை ஆதாரமாக கொண்டு கண்ணதாசன் இந்த பாடலை படைத்ததாக அவரே கூறி இருக்கிறார்..

அழகிய பூஞ்சோலை. அருகில் சில மரங்கள். பக்கத்திலேயே ஓர் அழகிய பொய்கை. மாலை மயங்கும் நேரம். பூஞ்சோலையைச் சுற்றி வந்தாள், நிலவாய் ஒளிர்ந்து கொண்டிருந்த முகத்தினளான பேரழகுப் பெண் ஒருத்தி.

பூஞ்சோலையில் மிகுதியாகத் தேன் குடித்துவிட்டதால் மயக்கமுற்ற ஒரு கருவண்டு நாவல் மரத்தடியில் அசைவின்றிக் கிடந்தது. பூஞ்சோலையைச் சுற்றி வந்த பேரழகி, ஒரு நல்ல நாவற்பழம் அடிபடாமல் இருக்கிறதென்று எண்ணி மகிழ்வோடு அந்த வண்டைக் கையில் எடுத்துப் பார்க்க முனைந்தாள்.

அவள் கையில் எடுத்ததால் சற்றே விழிப்புற்ற அவ் வண்டு அவள் முகத்தை நிலவு என மயங்கி, ‘இது என்ன, நிலவு இவ்வளவு ஒளி வீசுகிறதே!’ என்று எண்ணமிட்டது; அரைகுறையாக நினைவு பெற்ற நிலையில், தான் தாமரை மலரில் இருப்பதாக உணர்ந்தது.

ஆம்! அப்பேரழகியின் கை, அவ் வண்டிற்குத் தாமரை மலர்போல் இருந்ததாம். திடீரென்று, அந்த வண்டிற்கு நினைவு வந்தது. ‘ இரவு தொடங்கிவிட்டதே, நிலவைப் பார்த்ததும் தாமரை மூடிக்கொள்ளுமே’ என்று எண்ணி அஞ்சிய வண்டு தாமரை மூடுவதற்குள் தப்பிக்க எண்ணிப் பறந்து சென்று விட்டதாம்!

அப்பேரழகிக்கு அதிர்ச்சி! ‘இது என்ன, நாவற்பழம் பறக்குமா?
பறந்தது பழமா, இல்லை வண்டா? என்ன புதுமை இது’ என்று வியப்பில் ஆழ்ந்து விட்டாளாம்!


பத்தொன்பதாவது பாடல் இவ்வாறு வருகிறது,

"தேன்நுகர் வண்டு மதுவினை உண்டு

தியங்கியே கிடந்ததைக் கண்டு

தான்அதைச் சம்புவின் கனி என்று

தடங்கையால் எடுத்துமுன் பார்த்தாள்

வானுறு மதியம் வந்ததென்று எண்ணி

மலர்க்கரம் குவியும் என்று அஞ்சிப்

போனது வண்டோ? பறந்ததோ பழந்தான்?

புதுமையோ இது?எனப் புகன்றாள்."


இதை தான் கவிஞர் கண்ணதாசன்,

"பொன்வண்டொன்று மலரென்று முகத்தோடு மோத
நான் வளைகொண்ட கையாலே மெதுவாக மூட
என் கருங்கூந்தல் கலைந்தோடி மேகங்களாக
நான் பயந்தோடி வந்தேன் உன்னிடம் உண்மை கூற"


என்று வடித்திருப்பார்...!

சிறுவயதில் எனது தந்தையார் இந்த பாடலை அடிக்கடி முணு முணுத்து பாடுவார்.அதனை கேட்டு கேட்டு எனக்கு இந்தப் பாடல் ஆறு எழு வயதிலேயே பிடித்துவிட்டது..பின்னர் அதன் ஞாபகம் மறந்து,பாடல் இசை மட்டும் முணுமுணுப்பேன்.பாடலை எனது பதினெட்டு வயதில் தான் ஒரு வழியாக தேடிபிடித்தேன்.

கேட்க கேட்க சலிக்காத பாடல்...கண்ணதாசனின் கவித்துவமான வரிகளுக்காகவும்,வேதாவின் இசைக்காகவும் கேட்டுக்கொண்டே இருக்கலாம்!!!

நீங்களும் திரும்ப கேளுங்க...உங்களை எங்கேயோ கூட்டிச்செல்லும்!!!

Post Comment

Monday, May 30, 2011

மாப்புள்ளே நீ அடிமையா இல்லை ஆம்பிளையா??

பெண்ணுரிமை பற்றிய கோஷம் குறைவடைந்து தற்போது ஆணுரிமை பற்றி பேச உலகம் தலைப்பட்டுள்ளது..பெண்கள் தினம் கொண்டாடப்பட்டது போல இனி ஆண்கள் தினமும் கொண்டாடப்படும். எனினும் இந்தக் கூச்சல் இன்னமும் பல ஆண்களின் காதுகளை சென்றடையவில்லை..அதைப்பற்றிய விழிப்பு இல்லாமலேயே காலத்தை ஓட்டிக்கொண்டிருக்கிறார்கள்..நீங்களும் அவ்வாறாக இருக்க கூடும்..!!

ஆணுரிமை!!
பெண்ணுரிமை பற்றிப்
பேசிப் பேசியே
ஆணுரிமையை தொலைத்துவிட்டு..
தொலைத்துக்கொண்டு இருக்கும்
ஆண்களின்
எதிர்காலத்துக்கு
ஒரு அலாரம்!!
உரிமைக்காக ஏங்கியவர்களிடம்
தம்முரிமைக்காக
கையேந்த வேண்டிய கையாலாகாத்தனம்..
முதலாளிகள் முதலாளித்துவத்தை
இழந்து போகும் தருணம்..
எந்த சம்பாத்தியத்தை காட்டி
கட்டி ஆண்டானோ
அந்த சம்பாத்தியத்தாலேயே
கட்டுப்பட்ட...
கட்டுப்பட வைத்த
பெண்களின் சாமர்த்தியம்!!
குடும்பத்தலைவன்
இனி தலைவியாவான்
தலைவி இனி தலைவனாவாள்!!
தலைவன் தலை குனிவான்!!
அணுகுண்டால் தாக்குண்டு
வீறுகொண்டெழுந்த
ஜப்பானை போல்
அடக்குப்பட்ட சமுதாயத்தின்
வெற்றி விடியல் போல்
பெண்ணுரிமை பேசிய
பெண்மை இன்று
பெருமை கொள்கிறது
ஆணுரிமை பற்றிய
கேள்விக்கு விதை போட்டுள்ளது!!
ஆண் மகனே..
உனக்கு
அணி சேர்த்த அத்தனையும்
இன்று அவள் கையில்!
உன்னிடம் எதிர்பார்த்த
பெண்ணிடம்
இனி நீ எதிர்பார்ப்பாய்..
அன்பை
ஆதரவை
பணம் முதல்கொண்டு
பால் வரை அத்தனையையும்
இனி அவள் மனம் வைத்தால் தான்
உண்டு என்ற நிலைமை !!
நடப்பு தெரியாமல்
நடமாடும்
ஆண் வர்க்கமே
விழித்தெழு!!
ஆணுரிமைக்கு
குரல்கொடு!!
ஆரம்பத்திலே அறிந்து கொள்
அல்லாவிடில்
அடுத்த நூற்றாண்டு
பெண்நூற்றாண்டாக
மாறும்
நாளை உந்தன்
விடியல் கூட
பெண்ணியம் பற்றி தான்
பேசப்போகின்றது மனிதா!!
யாதுமில்லாமல்
சமத்துவம் நோக்கி
உந்தன் பாதங்கள் செல்லட்டும்!!
காலம் தான் பதில் சொல்லும்!!!

டிஸ்கி:இது பெண்கள் மீதான காழ்ப்புணர்ச்சியில் எழுதப்பட்டதல்ல.மாறாக தூங்கிக்கொண்டிருக்கும் ஆண்களை தட்டி எழுப்புவதற்காக மட்டுமே!!
இருபது ஒட்டு கிடைச்சாலும் இன்ட்லில பிரபலமாக்குறான்கள் இல்லையப்பா..ஆக்சுவலி இது ஒரு மீள் பதிவாக்கும்!

Post Comment

Monday, January 31, 2011

பெண்கள் கவிதையா உங்களுக்கு?


கவிதையாம் பெண்!!
கவிதையாய் சிரிக்கிறாய் நீ..
பாடசாலையில் ஒருவன்..
கவிதையாய் இருக்கிறாய் ..
சீரியசாய் திரிந்த ஒருவன்..
கவிதைக்கு இலக்கணம் நீயடி..
உரிமையோடு இவன்..
கவிதையே நீ தான் என்றார்கள்..
உங்களில் சிலர்..

சத்தியமாக,
கவிதை தெரியாது எனக்கு..!!

என்னை பிடித்திருந்தது
பலருக்கு..
எனக்கு என்ன பிடிக்குமென்று
தெரிந்திருக்க வாய்ப்பு இல்லை!
கவிதையே நீயடி எனில்..
என்ன தான் புரியும் எனக்கு?

சத்தியமாக,
கவிதை தெரியாது எனக்கு..!!

என் நடையிலே கவிதையாம்..
கால்கள் என்ன ஏந்துகை மோனையா?
என் கூந்தலே கவிதையாம்..
கூந்தல் என்ன குறளோவியமா?
என் வதனமே கவிதையாம்..
வதனமென்ன வளர்மதியா?
உதடுகள் ஹைக்கூ கவிதையாம்..
உங்கள் ஹைக்கூ போலே கேவலமாயா?

சத்தியமாக,
கவிதை தெரியாது எனக்கு..!!

ஆண்களுக்கு பெண்ணென்றால்
கவிதை தானா?
பின்னர் எதற்கு கவிஞர்கள் தான்
பின்னெதற்கு கவிதைகள் தாம்!!
கவிதையாம் பெண்..!

டிஸ்கி:ஒரு பெண்ணின் கேள்வி...எனதல்ல!
என்னடா இவன் இப்பிடி எழுதுறானே எண்டு ஜோசிக்க கூடாது பாருங்க!

Post Comment

Wednesday, October 6, 2010

ஒவ்வொரு பதிவரும் கவிஞனாவான்!!

படத்துக்கும் பின் வருவதுக்கும் சம்பந்தமே இல்லைங்க..

கவிதையே தெரியுமா..
உன் பிறப்பிடம் எதுவோ?
நீ பிறந்த காலம் தான் எதுவோ?
அன்று..
கவிஞர்கள் பிறந்தனர்..
அன்று..அவர்கள்
படைத்தது
காப்பியமாச்சு ..
காவியமாச்சு!!
கம்பரால்
கம்பராமாயணமாயிற்று!!
பாமரர்
விளக்கமற்று
நின்றார்..
படித்தோர் கூட
விளக்கலுரை பார்த்து
விளங்கலுற்றார்!!

இன்று..
கவிஞர்கள் உருவாகின்றனர்
உருவாக்கப்படுகின்றனர்..
ஒவ்வொரு பதிவரும்
கவிஞனாவான் என்று
சிந்த்தித்திருப்பாயா
கவிதையே..??
உன்னைச் சுருக்கி
ஹை-கூ என்றார்..
சற்றே பெரிதானால்
பாடல் என்றார்..
என்டர் தட்டி
என்டர் கவிதை என்றார்கள்!!
கவிதையே இது உந்தன்
கலிகாலமா...?
இல்லை
கவிதையின் விடிகாலமா?
காலத்தின் கரங்களில்
பாரத்தை தருகிறேன்!!

ஒரு சின்ன காமெடி தாங்க..சத்தியமா எந்த உள்குத்தும் இல்லைங்கோ!!
பிடிச்சா உங்க ஒட்டு,பின்னூட்டங்களை மறக்காமல் விட்டு செல்லுங்கள்!!

Post Comment

Tuesday, September 7, 2010

ஆதலினால் காதல் செய்வீர்!!



கல்தோன்றி மண் தோன்றா
காலத்தில்
முன் தோன்றிய
முதலுணர்வு
காதலென்பேன்!

காலத்தால் மூத்து
ஆதாம் ஏவாள்
மனங்களில் பூத்து
பிரபஞ்ச இயக்கத்தின்
மூத்த சக்தி
காதலென்பேன்!

எழு கடல் போதாதென்று
கண்ணீர் கடல்
தோற்றுவித்த
இயற்கையில் நுழைந்த
செயற்கை
காதல் என்பேன்!

எழுதாத விரல்களையும்
இறைவன் தலைஎழுத்தை
மீறி
எழுதவைக்கும் கவி
அது காதலென்பேன்!!
தானாய் வரும்
நித்திரையையும்
நிறுத்தி வைக்கும்
வற்புறுத்தி கேட்டாலும்
தூக்கம் வராமல் வைக்கும்
விந்தை அது
காதலென்பேன்!!

நினைவு பளிங்கு கல்லை
காதல் சின்னமாக்கி
சாஜகான் பேர் பெற்றதும்
சிறை வாழ்க்கை
அடையப்பெற்றதும் காரணம்
காதலென்பேன்

கடவுள் படைத்தது
இருவராயினும்
இன்றுவரை உலக சனத்தொகை
காமம் முதல்கொண்டு
சாதல் கொலை வரை
தீர்மானிக்கும் கடவுள்
காதலென்பேன்!!
காற்றினை தென்றலாக்கிய
சந்திரனை நிலாவாக்கிய
வேதனையை சுகமாக்கிய
மனிதனை கவிஞனாக்கிய
மனங்களை ஆப்பிள் பழமாக்கிய
சிலர் இறப்புக்கும்
பலர் பிறப்புக்கும்
இவ்வுலக நடப்பிற்கும்
இன்னும் பற்பல பலதுக்கும்
பலம் சேர்க்கும் ஒரே
வார்த்தை...வாழ்க்கை...வாழ்வோம்
காதலுடன்!!

டிஸ்கி:இதனால் சகலருக்கும் அறியத்தருவது என்னவெனில் பாலகுமாரனின் தலைப்பு போல் "ஆதலினால் காதல் செய்வீர்"!!
நாம சொல்லித்தான் நீங்க எல்லாம் பண்ணுவீங்க எண்டு தெரியும்...ஆல்ரெடி எத்தினைக்கு ஆட்டைய போட்டீங்களோ!!கடவுளே காப்பாத்து!!

காதலிக்கும் காதலிக்க போகும் காதல் பிடிக்காமலிருக்கும் யாராயினும் பதிவு பிடித்திருந்தால் உங்கள் கருத்தை ஓட்டாக பின்னூட்டமாக விட்டுச்செல்லுங்கள்!

Post Comment

Wednesday, August 18, 2010

வைரமுத்து-தெரிந்தவை தெரியாதவை!


பெயர்:கவிப்பேரரசு வைரமுத்து

பிறந்த இடம்:வடுகப்பட்டி கிராமம்,தேனீ மாவட்டம் தமிழ்நாடு,இந்தியா.

பிறந்த தேதி:ஜூலை 13 ,1953 .

தகப்பனார்:ராமஸ்வாமி தேவர்.

தாயார்:திருமதி அங்கம்மாள்

மனைவி:பொன்மணி

மகன்:கார்க்கி ,கபிலன்

எழுத ஆரம்பித்தது:7'வது வயதில்

  • 12 வயதில் பாடல்கள் எழுத முடிந்தது
  • 14 வயதில் யாப்பு வடிவிலான வெண்பா கவிதை எழுத முடிந்தது.
  • பாடசாலை இறுதி ஆண்டு பரீட்சையில் மதுரை மாவட்டத்திலேயே முதலாவதாக தேர்வு பெற்றார்.
  • உயர் கல்வியை சென்னை பச்சையப்பா கல்லூரியில் மேற்கொண்டார்.
  • பத்தொன்பதாவது வயதில் முதல் கவிதை தொகுப்பான "வைகரை மேகங்கள் "வெளியிட்டார்.
  • உயர் கல்வி: M.A. தமிழ் இலக்கியம்(தங்கப்பதக்கம்)
  • திரைப்பட அறிமுகம்:பாரதிராஜாவின் "நிழல்கள்"திரைப்படத்தில் "பொன்மாலைப்பொழுது"என்ற பாடல்.
  • முதல் வசனமெழுதிய படம்-நட்பு.

பெற்ற விருதுகளில் சில :

  1. தமிழ் நாடு அரசின் மாநில விருது-1981
  2. தேசிய விருது-1986 (முதல் மரியாதை )
  3. M.G ராமச்சந்திரன் விருது-1989
  4. கலைமாமணி விருது-1990
  5. தேசிய விருது-1993 (ரோஜா)
  6. தேசிய விருது-1995 (கருத்தம்மா)
  7. தேசிய விருது-1995 (பவித்திரா)
  8. தேசிய விருது-2000 (சங்கமம்)
  9. தேசிய விருது-2003 (கன்னத்தில் முத்தமிட்டால்)
  10. பத்மஸ்ரீ விருது -2003.
  11. சாகித்திய அக்கடமி விருது-2003 (கள்ளிக்காட்டு இதிகாசம்)
வைரமுத்துவின் முதலாவது திரைப்பட பாடலாகிய பொன் மாலை பொழுது பாடல் உங்களுக்காக.முதல் பாடலே மிகப்பெரிய வெற்றி பெற்ற பாடலாகும்.அன்று தொடங்கிய வைரமுத்துவின் பயணம் இன்னும் ஓயாமல் இந்திரன் வரை ஒலித்துக்கொண்டு தான் இருக்கிறது :



பதிவு பிடித்திருந்தால் மறக்காமல் ஒட்டு போட்டு செல்லுங்கள் மற்றவர்களையும் பதிவு சென்றடைவதற்காக..

Post Comment

Friday, August 13, 2010

தபு ஷங்கரின் வெட்கத்தை கேட்டால் என்ன தருவாய் ??



தபு ஷங்கரை இளையோர் மத்தியில் பிரபலமாக்கியது அவரின் வெட்கத்தை கேட்டால் என்ன தருவாய் என்ற கவிதை தொகுப்பாகும்..அதிலே உள்ள அத்தனை கவிதைகளும் இளசுகள் உள்ளத்தை வருடுவன!அந்த வகையில் என்னுள்ளத்தை வருடிய சில கவிதைகளை உங்களுக்காக காட்ச்சிப்படுத்துகிறேன் அந்த கவிதை தொகுப்பிலிருந்து!

முதலாவது கவிதையை நீங்கள் அடிக்கடி கேட்டிருப்பீர்கள்..

அழகான பொருட்ட்கள் எல்லாம்
உன்னை நினைவு படுத்துகின்றன
உன்னை நினைவுபடுத்துகின்ற எல்லாமே
அழகாக தான் இருக்கின்றன!

நான் எது கேட்டாலும்
வெட்கத்தையே தருகிறாயே
வெட்கத்தை கேட்டால்
என்ன தருவாய்?

உன்னை இருட்டில் நிற்க வைத்து
என் சந்தேகங்களை தீர்த்துக்கொள்ள
வேண்டும்.வெளிச்சம் என்பது
உன்னிடமிருந்து தான் வீசிக்கொண்டிருக்கிறதா
ஆனால் உன்னை அருகில் வைத்துக்கொண்டு நான்
இருட்டை எங்கு தேடுவேன்!

உன் கண்களின் பார்வையிலிருந்து
விரல்களின் அசைவிலிருந்து..கொலுசின்
ஓசையிலிருந்து தான் நான் காதலை கற்றுக்
கொண்டேன் ஆனாலும் உனக்காக நான்
கற்று வைத்திருக்கும் காதலை எல்லாம்
உனக்கு வழங்க ஆரம்பித்தால் தாங்க
முடியாது உன்னால்!

இந்த பரந்த புல் வெளியில்
நடக்க விட்டு வேடிக்கை பார்க்கலாம்
பூக்களிடையே நிற்க வைத்து அழகு பார்க்கலாம்
வேறு என்ன செய்ய முடியும்
உன்னை!

தபு ஷங்கரின் கவிதைகள் டவுன்லோடு செய்து முழுமையாக பார்க்கவேண்டுமெனில் கீழே தரப்பட்ட லிங்கில் கிளிக்குங்கள்!
TABU SANKAR's VETKATHAI KETAL ENNA THARUVAI - Tamil Kavithaigal

தபு ஷங்கரின் கவிதைகள் காணொளி உங்களுக்காக..




பின்னூட்டல்கள் மற்றும் உங்கள் ஓட்டுகளை எதிர்பார்த்து..

Post Comment

Related Posts Plugin for WordPress, Blogger...