Showing posts with label ஆஷஸ். Show all posts
Showing posts with label ஆஷஸ். Show all posts

Friday, January 7, 2011

தென்னாபிரிக்க -இந்திய டெஸ்ட் தொடர்(மூன்றாவது போட்டி)!




பல காரணங்களால் இந்திய அணியின் தென்னாபிரிக்க சுற்றுப்பயணம் பிரபலம்,விறுவிறுப்பு பெற்றது..
  • இந்தியா தென்னாபிரிக்க மண்ணில் டெஸ்ட் தொடர் வெற்றியொன்றை பதிய எதிர்பார்த்தமை.
  • டெஸ்ட் தரவரிசையில் முதல் இரு இடங்களில் உள்ள அணிகளுக்கிடையிலான போட்டி..
  • துடுப்பாட்ட பிதாமகனுக்கும் தென்னாபிரிக்கப் புயல் ஸ்டேயினுக்குமிடையிலான போட்டி..
  • ஸ்மித்'க்கும் சாகிர் கானுக்கும் இடையிலான போட்டி..
  • துடுப்பாட்ட தரவரிசையில் முதல் பதினைந்து வீரர்களில் எழு பேர் பங்குபெற்றிய போட்டி
  • பந்துவீச்சாளர் தரவரிசையில் முதல் பதினாறு வீரர்களில் ஆறு பேர் பங்குபெற்றிய போட்டி

முதல் போட்டியில் தென்னாபிரிக்க அணி வெல்ல,இரண்டாவது போட்டியில் இந்திய அணி வெல்ல,தொடரை தீர்மானிக்கும் மூன்றாவதும் இறுதியுமான போட்டி ஜனவரி இரண்டாம் திகதி நியுலண்ட்ஸ் மைதானத்தில் ஆரம்பமானது .நியுலண்ட்ஸ் மைதானம்(cape town ) தான் தென்னாபிரிக்காவில் 338 .2 என்னும் அதிக துடுப்பாட்ட சராசரியைக் கொண்டிருக்கும் மைதானம்!நாணயச் சுழற்ச்சியில் கொஞ்சம் கூட ராசியில்லாத தோனி ஒரு மாதிரியாக மூன்றாவது போட்டியின் போது சரியாக கூறி களத்தடுப்பை தேர்வு செய்தார்.!!(கடந்த பதினைந்து டெஸ்ட்'டுகளில் இரண்டாவது தடவை நாணய சுழற்ச்சியில் வெல்லும் சந்தர்ப்பம்!)

முதலில் துடுப்பெடுத்தாடிய தென்னாபிரிக்கா,அனைத்து விக்கட்டுகளையும் இழந்து 362 ஓட்டங்களைப் பெற்றது.ஒரு கட்டத்தில் எட்டு விக்கட் இழப்புக்கு 283 ஓட்டங்கள் என்று இருந்த தென்னாபிரிக்காவை கலீஸ் இறுதி நிலை துடுப்பாட்டவீரர்களோடு இணைந்து 79 ஓட்டங்களை பகிர்ந்தார்!
ஸ்டெயின் எட்டாவது வீரராக ஆட்டமிழக்கும் போது 99 ஓட்டங்களுடன் இருந்த கலீஸ்,இறுதி 79 ஓட்டங்களில் 62 ஓட்டங்களை பெற்றார்!

பூரண உடல்தகுதி இல்லாமல் விளையாடிய கலீசின் அபார துடுப்பாட்டம் அவரை அதிக சதம் பெற்றோர் வரிசையில் பாண்டிங்'கோடு இரண்டாமிடத்துக்கு உயர்த்தி விட்டது.ஒரு காலத்தில் சச்சின்'னின் சத்தங்கள் சாதனையை பாண்டிங் தான் உடைப்பார் என நம்பப்பட்ட போதிலும் இப்பொழுது அது கலீஸ் பக்கம் திரும்பியுள்ளது!
பந்துவீச்சில் ஸ்ரீசாந்த் ஐந்து,சாகிர் மூன்று,ஷர்மா இரண்டு என்று கைப்பற்றினர்.ஸ்ரீசாந்த் தற்போது இந்தியாவின் பந்துவீச்சு நட்சத்திரமாக மாறி வருகிறார்.கொஞ்சம் ஆக்ரோஷத்தை குறைத்தால் இன்னும் பெயர் வாங்கலாம்.
ஸ்மித் சஹீரின் பந்துக்கு ரொம்பவே பயப்பிடுகிறார்.பதினோராவது தடவை சஹீரின் பந்துக்கு ஆட்டமிழந்தார்.(முன்னர் வாஸ் ஸ்டீபன் பிளெம்மிங் போல).
தொடர் ஆரம்பிக்கும் முன்னர் ஸ்மித் கூறியது போல அம்லாவை ஆட்டமிழக்கச் செய்யாவிட்டால் இந்தியாவால் வெற்றி பெறமுடியாது என்பது ஓரளவு உண்மைதான்.ஒவ்வொரு இன்னிங்க்ஸ்'இலும் தலையிடி கொடுத்திருந்தார்.அதை விட பெரிய தலையிடி கலீஸ்!!


அடுத்து களமிறங்கிய இந்திய அணிக்கு ஆரம்பமே அதிர்ச்சி காத்திருந்தது.தொடரில் பிரகாசிக்காத ஷேவாக் ஸ்டேயினின் பந்துக்கு ஆட்டமிழக்கவும் , திராவிட் ரன் அவுட் முறையி வெளியேற 28 ஓட்டங்களுக்கு இரண்டு விக்கட் பறி போயிருந்தது.அடுத்து களமிறங்கிய சச்சினோடு கம்பீர் மெல்ல மெல்ல கட்டிய இணைப்பாட்டம் 176 ஓட்டங்கள் இந்தியாவை கொஞ்சம் நல்ல நிலைக்கு கொண்டு வந்தது.(முன்னர் 2000 'இல் ஜெயவர்த்தனா,சங்ககாரா அடித்த 168 ஓட்டங்கள் தான் சாதனையாக இருந்தது.)

நூறு அடிப்பார் என எதிர்பார்க்கப்பட்ட கம்பீர் 93ஓட்டங்களுடன் ஹரிஸ்'ஸின் பந்துக்கு ஆட்டமிழக்க,பின்னர் வந்த லக்ஸ்மன்,புஜாரா,தோனி என மூவரும் சொற்ப ஓட்டங்களுடன் அரங்கு திரும்ப போட்டி தென்னாபிரிக்க வசம் மாறியது.லக்ச்மனின் ஆட்டமிழப்பு துரதிஷ்டவசமானது.ஹரிசின் பந்துக்கு சச்சின் ஹரிசை நோக்கி அடிக்க அது ஹரிசின் கையில் பட்டு விக்கட்டில் பட,லக்ஸ்மன் கிரீஸ்'ஐ விட்டு வெளியே நின்றமையால் ஆட்டமிழந்து அரங்கு திரும்பினார்.வேகமாக அடிக்கப்பட்ட பந்து ஹரிஸ்'ஸின் விரலில் இரத்தம் வரவைத்து அடங்கியது.

பின்னர் வந்த ஹர்பஜன்,சாகிர்'ரோடு சச்சின் இணைப்பாட்டம் புரிந்து இறுதியில் இந்தியா தென்னாபிரிக்காவை விட இரு ஓட்டங்கள் அதிகம் பெற்று ஆட்டமிழந்தது.சச்சின் 146 ஓட்டங்களையும்(51 ஆவது சதம்),ஹர்பஜன் 40 ,சாகிர் 23 ஓட்டங்களையும் பெற்றனர்!
ஸ்டெயின் ஐந்து விக்கட்டுகளையும் மோர்கல் இரண்டு விக்கட்டுகளையும் பெற்றனர்.
ஸ்டேயினின் பந்துவீச்சு அனைவராலும் புகழப்பட்டது.துடுப்பாட்ட பிதாமகன் சச்சினே தடுமாறி தடுமாறி விளையாடியதை அவதானிக்க முடிந்தது!
என்னைக் கேட்டால் டெஸ்ட்'டில் மக்ராவை விட ஸ்டெயின் சிறந்த பந்துவீச்சாளர் என்பேன்!(hatsoff டு ஸ்டெயின்!)

அடுத்து களமிறங்கிய தென்னாபிரிக்காவுக்கு எதிர்பார்த்ததை போலவே ஹர்பஜன் தலையிடி கொடுத்தார்.சர சரவென அவர் ஸ்மித்,பீட்டர்சன்,ஹரிஸ்,அமலா விக்கட்டுகளை சாய்க்க,ஒரு கட்டத்தில் தென்னாபிரிக்கா தடுமாறி 130 'க்கு ஆறு விக்கட்டுகளை இழந்து தவித்தது.போட்டி அந்தக் கணம் இந்தியாவின் பக்கம் செல்ல அடுத்து வந்த பௌச்சர்(அநேகமாக இறுதி டெஸ்ட் இன்னிங்க்ஸ்) கலீசுடன் இணைந்து மிகவும் இன்றியமையாத இணைப்பாட்டம் ஒன்றை புரிந்து தென்னாபிரிக்காவை காத்திரமான நிலைக்கு கொண்டு சென்றார்.

என்றாலும் பவுச்சர் தனது பாணியில் ஐம்பதுகளிலே ஆட்டமிழக்க..(விக்கட் எடுத்தது டெண்டுல்கர்!!அதிக காலத்துக்கு பிறகு!ஜனவரி 2009 'இக்கு பிறகு!)பின்னால் வந்த ஸ்டேயினும் மோர்க்கலும் கலீசுக்கு பக்கத்துணையாக நின்று கொடுக்க கலீஸ் தனது நாற்பதாவது சதத்தைக் கடந்தார்!இறுதி வரை ஆட்டமிழக்கவில்லை!ஹர்பஜனின் பந்துக்கு ரிவேர்ஸ் ஸ்வீப் அடித்தார் பாருங்கள்..அத்தனையும் பிரம்மாதம்.என்னதான் களத்தடுப்பாளர்கள்;ஐ மாற்றினாலும் மறு திசையில் கலீஸ் ஓட்டங்களை பெற்றார்!

ஒரே போட்டியில் இரண்டு அபார சத்தங்கள்..இரண்டு இன்னிங்க்ஸ்'களிலும் தென்னாபிரிக்காவை தோல்வியிலிருந்து காப்பாற்றிய சத்தங்கள்!!போட்டித்தொடரில் மூன்றாவது சதம்!!ஸ்ரீசாந்த் பந்தினால் முதல் இன்னிங்க்சில் அடிவாங்கிய கலீஸ் ஒருநாள் போட்டித்தொடரில் விளையாடமாட்டார் என எதிர்பார்க்கப்பட்ட கலீஸ்,களத்தடுப்பிட்கு வராத கலீஸ்..வந்து நின்று தனது நாற்பதாவது சதத்தை அடித்தார் என்றால் அதை விபரிக்க வார்த்தைகள் இல்லை!தென்னாபிரிக்க மண்ணில் ஒரே டெஸ்ட்'டில் இரு சத்தங்கள் அடித்த முதலாவது தென்னாபிரிக்க வீரராக கலீஸ் பதிவானார்.

டெண்டுல்கர் மட்டும் பிறந்திடாவிடில் கலீஸ் தான் கிரிக்கட்டின் பிதாமகன்!!ஏன் இப்போதும் கூட என்னைப் பொருத்தமட்டில் அவர் தான் கிரிக்கட்டின் பிதாமகன்..!!
ப்ரட்மனோ,சச்சினோ இல்லை.சச்சின் துடுப்பாட்டத்தில் பிதாமகனாக இருக்கலாம்.ஒரு திறமையான முழு நேர பந்துவீச்சாளர் பெற்றிருக்கக்கூடிய விக்கட்டுகள்..ஒரு தலை சிறந்த துடுப்பாட்டவீரரின் ஓட்டக்குவிப்புகள்,சராசரிகள் என சகலதுறை வீரராக வலம்வரும் கலீசே கிரிக்கட்டின் பிதாமகன் என பிரகடனம் செய்யுங்கள்!

ஹர்பஜன் சிங் எழு விக்கட்டுகளை பதம் பார்த்தார்.ஆரம்பத்தில் மைதானம் அவருக்கு மிகவும் சாதகமாக இருந்தது.பிட்ச்'இன் வெடிப்புகளால் பந்து நன்றாக டேர்ன் ஆனது.சாகிர்,ஸ்ரீசாந்த்,சர்மாவினால் ஹர்பஜனுக்கு சிறந்த ஒத்துழைப்பு வழங்க முடியவில்லை.120 ஓட்டங்களுக்கு எழு விக்கட்டுகள் தான் பாஜியின் வெளிநாட்டு மைதானமொன்றில் பெறப்பட்ட சிறந்த விக்கட் பெறுதியாகும்!
அதே நேரம் ஸ்ரீசாந்த் அபராதம் விதிக்கப்பட்டார்.அடிக்கடி ஆட்டமிழப்புகளை நடுவரிடம் கேட்டதால் போட்டி ஊதியத்தில் பத்து வீதம் அபராதமாக விதிக்கப்பட்டது.

340 ௦ ஓட்டங்கள் என்ற வெற்றி இலக்கோடு இறுதிநாள் களமிறங்கியது இந்தியா.மிகக் கடினமான இலக்குத் தான்.
இந்த மைதானத்தில் நான்காம் இன்னிங்க்ஸ்'இல் அதிகப்படியாக பெற்று வெற்றியீட்டிய ஓட்டங்கள் 334 ஆகத்தான் இருந்தது(அவுச்திறேலியாவால்).அதனை விட ஒரே ஒரு சந்தர்ப்பத்தில் தான் இருநூறுக்கு மேற்பட்ட ஓட்டம் பெற்று வெற்றிஈட்டப்பட்டிருந்தது.
அந்தப் பயமோ என்னமோ இந்தியாவின் இன்னிங்க்சில் அது நன்றாகவே தெரிந்தது.வழமையாக அடித்தாடும் சேவாக்'கே பொறுமை காத்தார்.விளைவு?மோர்க்களின் பந்தில் ஆட்டமிழந்தார்.40 பந்துகளில் வெறுமனே 11 ஓட்டங்களே பெற்றிருந்தார் ஷேவாக்.அடுத்துவந்த திராவிட்'தோடு கம்பீர் இணைப்பாட்டம் புரிந்து கொஞ்சம் ஆறுதல் அளித்தார்.

ஆனால்,போட்டியின் இரண்டாவது அரைச்சதமடித்தபின் அறுபதுகளில் கம்பீரும்,திராவிட் 31 'இலும் ஆட்டமிழந்து செல்ல,பின்னர் வந்த சச்சினும்,லச்மனும் ஆட்டமிழக்காமல் முறையே 14 ,32 ஓட்டங்களை பெற்றிருந்த வேலை போட்டி முடிவுக்கு வந்தது.
சச்சின் 91 பந்துகளில் 14 ஓட்டங்களை பெற்றிருந்தார்.!!
போல் ஹரிஸ் முப்பது ஓவர்களில் வெறுமனே 29 ஓட்டங்களை மட்டுமே வழங்கி இருந்தார்.அதற்குள் 19 ஓட்டமற்ற ஓவர்கள் என்றால் பாருங்கள் இந்தியா போட்டியை சமநிலை செய்ய எவ்வளவு முயட்சித்திருக்கின்றது என்று!

தொடர் நாயகனாகவும் போட்டி நாயகனாகவும் ஜாக்ஸ் கலீஸ் தெரிவானார்!
போட்டித்தொடர் சமநிலை அடைந்தமைக்கு தோனி மகிழ்ச்சியும்,ஸ்மித் கவலையையும் வெளியிட்டிருந்தனர்.
இந்தியா ஒரு அறிய வாய்ப்பை தவறவிட்டுவிட்டதேன்றே கூறமுடியும்.
இரு அணிகளுமே போட்டியில் தோல்வியடைந்து தொடரை இழக்கக்கூடாது என்று விளையாடியமையை அவதானிக்க முடிந்தது.ஸ்மித் உள்ளூர சந்தோசப்பட்டிருந்தாலும் வெளியே கவலையடைந்திருப்பார்..கலீஸ் இருந்திருக்காவிடில் தோல்வி தான்.ம்ம்

ஆஷஸ் ஆரவாரத்தில் பெரும்பாலானோர் இந்த முக்கியத்துவம் மிக்க தொடரை மறந்தே விட்டிருந்தனர்.
என்ன செய்ய..

தொடரில் சிறந்த பெறுபேறு
கலீஸ் மூன்று சதங்கள் அடங்கலாக 498 ஓட்டங்களை 166 என்னும் சராசரியில் பெற்றிருக்கிறார் ஐந்து இன்னிங்க்ஸ்'களில்.பின்னால் சச்சின்..ஆனால் நெருங்கமுடியாத தூரத்தில்(326)!

அதிக விக்கட்டுகள் எடுத்தோர் வரிசையில் ஸ்டெயின்(21),மோர்க்கல்(15) முதலிரண்டு இடங்களிலும் அணிவகுத்து நிக்கின்றனர்.
ஹர்பஜன்(15),ஜாகிர்(10) பின்னால்!


சோகம்
  • இது சச்சினின் தென்னாபிரிக்க மண்ணிலமைந்த இறுதிப் போட்டியாக இருக்கலாம்...(எப்போது ஓய்வோ தெரியாது).அதே போன்றே திராவிட்,லச்மனுக்கும்!
  • கரி கேர்ச்டனின் பயிற்சியின் கீழ் இந்தியா விளையாடிய இறுதி டெஸ்ட் போட்டியாக இருக்கலாம்..
  • மார்க் பவுச்சரின் இறுதி டெஸ்ட் போட்டியாக இருக்கலாம்..

பாராட்டு
வரலாறு மிக்க ஆஷஸ் தொடரை அவுஸ்திரேலிய மண்ணில் வைத்து இங்கிலாந்து 3 -1 என்ற அடிப்படையில் வெற்றியீட்டி சாதனை,வரலாறு
படைத்திருக்கும் இங்கிலாந்து அணிக்கும்,தலைவர் ஸ்ட்ராஸ்,பயிற்றுவிப்பாளர் அண்டி ப்ளவர் மற்றும் என் சக இங்கிலாந்து ரசிகப்பெருமக்களுக்கும்!!
ஆரம்பத்திலேயே கூறினோம் படித்து படித்து நாங்க தான் வெற்றி பெறுவோம் என்று..இல்லை அவுஸ் தான் என்றீர்கள்..என்ன நடந்தது??
ஹஸ்ஸி மட்டும் இருந்திருக்காவிடில்..ஐந்தையும் தந்திருப்போம் முறையாக..
யாருக்கிட்ட!!
(நம்ம அனலிஸ்ட் இப்ப ஒரு காரசாரமான பதிவோட வெய்டிங் எண்டு நினைக்கிறன்.பார்ப்போம்!!)
சச்சின்,கலீஸ் தொடர்பில் ஒரு பூரண ஆராச்சி,அலசல் பதிவொன்றை நான் அனலிஸ்ட் கைகளால் எதிர்பார்க்கிறேன்..நேரமிருந்தால் அனலிஸ்ட்...??


ஆமா இதே உட்சாகத்த,முயற்சிய உலகக்கின்னத்தொடர் பக்கம் திருப்பினால் எப்பவோ உலகக்கிண்ணத்தை வென்றிருப்பார்கள் இங்கிலாந்து அணியினர்!!

குறிப்பு;அவசர அவசரமாக எழுதியது..பிழைகள் இருந்தால் சுட்டிக்காட்டவும்..ஆனால் மன்னிக்கவும்.


Post Comment

Wednesday, December 29, 2010

மண்டியிட்டது மறுபடியும் அவுஸ்திரேலியா!


அவுஸ்திரேலிய ரசிகர்களின் சத்தம் கேட்கவில்லையாம்!!

கடந்த வாரம் நடைபெற்றதை மறப்பதே ஆஷஸ்'இல் வெற்றி பெறுவதற்கான ரகசியம் என மெல்போர்ன் போட்டி தொடங்குவதற்கு முன்னரேயே கெவின் பீட்டர்சன் கூறியிருந்தார்.அதற்க்கேற்றவகையில் அடிலெயிட் தோல்வியை மறந்து களமிறங்கிய இங்கிலாந்து அணிக்கு மிகப் பெரிய வெற்றி கிடைத்திருக்கிறது.
இருபத்தி நான்கு வருடங்களுக்கு பிறகு அவுஸ்திரேலியாவில் இங்கிலாந்து ஆஷஸ்'ஐ தக்கவைத்துக்கொண்டுள்ளது!1956 'ஆம் ஆண்டுக்கு பிறகு அவுஸ்திரேலியாவுக்கு எதிராக இங்கிலாந்து பெற்ற மாபெரும் வெற்றி!!இன்னிங்க்ஸ் மற்றும் 157 ஓட்டங்களால் அபார வெற்றி!!2010 /2011 ஆஷஸ்'இல் இரண்டாவது இன்னிங்க்ஸ் தோல்வி அவுஸ்திரேலியாவுக்கு..ஆஷஸ்'இல் அதிகம் அடிபட்ட தலைவராக பாண்டிங்..!!

மெல்போர்ன்'இல் கடந்த பத்துப் போட்டிகளில் ஒன்பதில் வெற்றி,மூன்றாவது ஆஷஸ் போட்டியில் 267 என்ற மாபெரும் ஓட்ட வித்தியாசத்தில் வெற்றி என்ற சாதகமான சூழ்நிலையில் போக்ஸ்சிங் டே (Boxing Day )போட்டி ஆரம்பமானது.
மெல்போர்ன்'இல் கடந்த 12 போட்டிகளும் வெற்றி,தோல்வி முடிவை தந்திருந்தமையால் இந்தப் போட்டியிலும் ஏதாவது முடிவு கிடைக்குமென நம்பப்பட்டது.

போர்ம் இன்றி தவித்து வரும் பாண்டிங்'கு இந்த மைதானத்தில் சராசரி 62 .42 ,எனவே இந்தப் போட்டியிலாவது பாண்டிங் போர்ம்'கு திரும்புவார் என எதிர்பார்த்தேன்.
கடந்த போட்டியில் காயமடைந்த பாண்டிங் விளையாடாவிட்டால் உஸ்மான் காவஜா விளையாடக்கூடும் என பரவலாக எதிர்பார்க்கப்பட்டது.ஆனால் காயத்தில் பாண்டிங் குணமடைந்தமையால் காவஜா'க்கு விளையாட வாய்ப்புக் கிடைக்கவில்லை.கிளார்க் அல்லது பாண்டிங்'கு பதிலாக காவஜாவை முயற்சி செய்து பார்த்திருக்கலாம்.

இங்கிலாந்து அணியில் ஒரே ஒரு மாற்றமாக களைப்படைந்த பின்'னுக்காக(Finn ) டிம் ப்ரெஸ்னன் களமிறக்கப்பட்டார்.காயத்தால் அவதிப்பட்ட அன்டர்சன் மீண்டு வந்து விளையாடினார்.
டாஸ்'சில் வென்ற ஸ்ட்ராஸ் அவுஸ்திரேலியாவை துடுப்பாட பணித்தார்.அதன்படி களமிறங்கிய அவுஸ்திரேலியா முதல் ஓவர்'ரிலேயே தடுமாறத்தொடங்கி 98 ஓட்டங்களுக்கு முற்றாக ஆட்டமிழந்தது.
தடுமாறிய வாட்சன் அன்டேர்சனின் பந்துக்கு இருமுறை வாய்ப்பு வழங்கி பீட்டர்சன்,கொலிங்க்வூத் தவறவிட இறுதியாக 5 ஓட்டங்களுக்கு ற்றேம்லேட்'இன் பந்துக்கு ஆட்டமிழந்து விழாவைத் தொடக்கி வைத்தார்.

அடுத்து வந்த பாண்டிங் ஆரம்பத்தில் மிக அவதானமாக 33 பந்துகளில் 2 ஓட்டங்களை பெற்றார்..என்றாலும் ற்றேம்லேட் விட்டுவைக்கவில்லை.பத்து ஓட்டங்களுடன் ஸ்லிப்'இல் சுவானிடம் பிடிகொடுத்து ஆட்டமிழந்தார்.
அவரைத் தொடர்ந்து போர்ம் இல்லாமல் தவிக்கும் ஹியூக்ஸ்'ம் செல்ல அவுஸ்திரேலியாவின் நம்பிக்கைத் தூண் ஹஸ்ஸி இறங்கினார்.(இம்முறை ஹஸ்ஸி அவுஸ்திரேலியாவை காப்பாற்றக் கூடாது என Fb 'இல் ஸ்டேடஸ் போட்டேன்).
வேண்டுகோள் பலித்து.அன்டர்சன் தனது முதலாவது விக்கட்'டாக ஹசியை அனுப்பிவைத்தார்.முதல் நாளில்
மழை வந்து வந்து குறுக்கிட முன்னர் அன்டேர்சனின் சுவிங்க்ஸ் பந்துக்கு இரையானார் ஹசி.
58 /4 என்று இருந்த போது மழை வந்து குழப்பியது.

ஆடுகளம் எதிர்பார்த்ததை விட அதிக பௌன்ஸ்'ஆனது.
நம்பிக்கையாக ஆடிக்கொண்டிருந்த கிளார்க்,ஸ்மித்,ஹாடின் என மூன்று பேரும் அடுத்தடுத்த மூன்று ஓவர்களில் ஆட்டமிழக்க(34 ,35 ,36 ) 98 ஓட்டங்களுக்கு அனைத்து விக்கட்டுகளையும் இழந்தது அவுஸ்திரேலியா.இது மெல்போர்ன்'இல் அவுஸ்திரேலியாவின் இரண்டாவது குறைந்த ஓட்ட எண்ணிக்கையாகும்.(இதற்க்கு முன்னர் இந்தியாவுக்கு எதிராக 1981 ' ஆம் ஆண்டு 81 ஓட்டங்களுக்கு ஆட்டமிழந்தது).அத்துடன் கடந்த 74 வருடங்களில் ஆஷஸ் போட்டியொன்றில் சொந்த மைதானத்தில் பெற்ற குறைந்த ஓட்டங்களாகும்.
அனைத்து விக்கெட்டுகளும் இங்கிலாந்து seemers 'ஆலேயே வீழ்த்தப்பட்டன.அன்டர்சன் நான்கு,ற்றேமேலேட் நான்கு,ப்ரெஸ்னன் இரண்டு என கைப்பற்றியது போக ஆறு விக்கெட்டுகள் விக்கெட் காப்பாளர் மட் ப்ரயொர்'இடம் பிடி கொடுத்தும்,இரண்டு விக்கெட்டுகள் ஸ்லிப்பில் பிடி கொடுத்தும்,மிகுதி இரண்டும் கலி(gully ) பிரதேசத்தில் பிடி கொடுத்தும் ஆட்டமிழப்பு செய்யப்பட்டது.(ற்றேம்லட் பரோட்'டுக்கான பதிலீட்டு வீரர் என்பது குறிப்பிடத்தக்கது.)

அடுத்து களமிறங்கிய இங்கிலாந்து முதல் நாள் ஆட்ட முடிவின் போது விக்கட் இழப்பின்றி 157 ஓட்டங்களை பெற்றது.குக்,ஸ்ட்ராஸ் ஆரம்ப இணை பத்தாவது தடவையாக 100 கடந்தது.ஸ்ட்ராஸ் 46 ஓட்டங்களை பெற்ற வேளையில் டெஸ்ட் போட்டிகளில் 6000 என்ற ஓட்ட இலக்கை அடைந்த 52 'ஆவது வீரராக பதிவானார்.(11 'வது இங்கிலாந்து வீரர்).

அடுத்த போட்டியிலாவது..??

இரண்டாவது நாள் ஆரம்பிக்க,முதல் மணித்தியாலத்திலேயே ஆரம்ப ஜோடியை அரங்கிற்கு அனுப்பி வைத்தார் சிடில்.
கொஞ்சமாவது மிரட்டக்கூடிய ஒரே பந்துவீச்சாளர் சிடில்'ஆகத் தான் காணப்பட்டார்.தகுந்த உதவி மறுபக்கத்திலிருந்து ஜோன்சனாலேயோ,ஹரிஸ்,ஹில்பென்ஹாஸ்'ஆலேயோ வழங்கமுடியவில்லை.அரைச்சதம் கடந்த பீட்டர்சனையும் சிடில் களையெடுக்க,போர்ம் இல்லாத கோல்லிங்க்வூத் மற்றும் பெல் ஜோன்சன்'நின் பந்தில் சிடில்'லிடம் பிடிகொடுத்து ஆட்டமிழந்தனர்.
இடையிலே பாண்டிங்'இன் திருவிளையாடலும் நடைபெற்றது..ரொம்பவே சூடாக காணப்பட்டார் தலைவர் பாண்டிங்.(வீட்டே அனுப்பப்போகிறார்கள் என்று யாராச்சும் காதில் ஊதிவிட்டிருந்தார்களோ?).நடுவர்களுடன் வாக்குவாதப்பட்டார்..



அதன் காணொளியை இங்கே பாருங்கள்!!

பின்னர் வந்த ப்ரயொர்'ம் ற்றோட்'டும் அருமையான இணைப்பாட்டம் ஒன்றைப் புரிந்து இங்கிலாந்தை உச்ச நிலைக்கு கொண்டு சென்றனர்.இருவருமாக 173 ஓட்ட இணைப்பாட்டத்தை பெற்ற வேளையில் மூன்றாம் நாள் ஆட்டத்தின் போது சிடில் ப்ரயொர்'ஐ அனுப்பி வைத்தார்.பின்னர் ஸ்வான் கொஞ்சம் தாக்குபிடித்து செல்ல இறுதி மூன்று விக்கெட்டுகளும் ற்றோட் 168 ஓட்டங்களை பெற்றிருந்த வேளையில் வீழ்த்தப்பட்டன.
ஸ்வானை ஆட்டமிழக்க ஹடின் பிடித்த பிடி இன்னும் என்னால் நம்பமுடியவில்லை.இரு கைகளையும் ஒன்று சேரப் பிடித்தார் பாருங்கள்..நான் நினைத்தேன் அவருக்கு மேலால் போய் பந்து எல்லைக் கோட்டைக் கடந்தது என்று!!
சிடில் சிறப்பாக ஆறு விக்கட்டுகளை வீழ்த்தினார்.

இறுதியாக 513 ஓட்டங்களுக்கு ஆட்டமிழந்தது இங்கிலாந்து.முதல் இன்னிங்க்ஸ்'இல் அவுஸ்திரேலியாவை விட இங்கிலாந்து 415 ஓட்டங்களைப் பெற்றமையானது ஆஷஸ் வரலாற்றில் அதிகப்படியான ஓட்ட முன்னிலையாகும்.(அதிகப்படியானது இலங்கை அணியால் தென்னாபிரிக்க அணிக்கு எதிராக கொழும்பில் பெற்ற 587 ஓட்டங்களே காணப்படுகிறது.அத்துடன் முதல் இன்னிங்க்ஸ் அனைத்து அணிகளாலும் பெறப்பட்ட அதி கூடிய 6 ஓட்ட முன்னிலைகளில் 4 சந்தர்ப்பங்கள் இலங்கை அணியாலேயே பெறப்பட்டன என்பது சிறப்பு!)

மூன்றாம் நாள் மதிய போசனத்துக்கு பின்னர் களமிறங்கிய அவுஸ்திரேலியா ஒரு கட்டத்தில் 98 /1 என்று இருந்தது.வட்சன் 54 ஓட்டங்களுடன் ஆட்டமிழக்க மூன்றாம் நாள் முடிவின் போது ஆறு விக்கட்டுகளை இழந்து வெறுமனே 169 ஓட்டங்களை மட்டுமே பெற்றிருந்தது அவுஸ்திரேலியா.(கடந்த பதினோரு இன்னிங்க்ஸ்'களில் வட்சன் 50'களில் ஆட்டமிழக்கும் ஐந்தாவது சந்தர்ப்பம் இது!)
பாண்டிங் 20 ௦,கிளார்க் 13 என்று போக,அடுத்து வந்த நம்பிக்கை நட்சத்திரம் ஹசி பூச்சியத்துடன் அரங்கு திரும்பினார்.
வாட்சன்,பாண்டிங்,ஹசி என முக்கிய விக்கட்டுகளை ப்ரெஸ்னன் வீழ்த்தினார்.

ரயன் ஹரிஸ் அடுத்த போட்டியில் விளையாடப்போவதில்லை.சத்திரசிகிச்சை செய்யவேண்டிய நிர்ப்பந்தத்தில் உள்ளார்.அவருக்கு பதிலாக யார் விளையாடப் போகிறார்கள் என்பது கஷ்டமான கேள்வி.ஜோன்சன்,சிடில்,ஹில்பென்ஹாஸ் தான் இப்போது மிஞ்சியுள்ள கூட்டணி.அதிலும் ஹில்பென்ஹாஸ் மூன்று போட்டிகளில் நான்கு விக்கட்டுகள்,73 .5 என்ற சராசரியுடன் காணப்படுகிறார்.அடுத்த போட்டியில் இவரை சேர்ப்பார்களா என்பதும் சந்தேகம்.ஸ்டீபென் ஸ்மித் பாண்டிங்,கிளார்க்'ஐ விட கொஞ்சம் பரவாயில்லை துடுப்பாட்டத்தில்!!பந்துவீச்சு பரிதாபம்.ஹோரிட்ஸ்'ஐ அடுத்த போட்டியில் கட்டாயம் களமிறக்குவார்கள்.(கடந்த இரண்டு ஸ்டேட் டெஸ்ட் போட்டிகளில் இரண்டு சதங்களை அடித்திருக்கிறார்.பந்துவீச்சாளராக இல்லாவிடிலும்,துடுப்பாட்டவீரராக களமிறக்கலாம்..ஹிஹி).
அல்லது ஸ்டீவ் o 'கீபி(steve o 'keefe ),ஜாசன் க்றேசா'வை பரீட்சிக்கலாம்..

துடுப்பாட்டம் பாண்டிங்,கிளார்க்,ஹியூக்ஸ் சொதப்புகின்றனர்.பாண்டிங் 16 ,கிளார்க் 21 என்று சராசரியை வித்துக்கொண்டிருக்கின்றனர். பில் ஜாக்ஸ்,காவஜாவை அடுத்த போட்டியிலாவது களமிறக்கலாம்.பாண்டிங் அடுத்த போட்டியில் விளையாடமாட்டார் என நம்பப்படுகிறது.அவரது விரல் காயத்தை காரணம் காட்டி விளையாடாமல் இருக்கப்போகிறார்.அதை தான் அனைவரும் விரும்புகிறனர்.ஹிஹிபாண்டிங்'இன் எதிர்காலம் கேள்விக்குறி.துடுப்பாட்டம் சொதப்பல்..மைதானத்தில் நடத்தை சொதப்பல்.இயன் சப்பல் பாண்டிங்'கு போட்டித் தடை விதித்திருக்க வேண்டும் என்று கூறியதிலிருந்தே எவளவு கடுப்பாக இருக்கிறார்கள் என்று புலனாகும்.

இங்கிலாந்தில் பெரிதாக மாற்றங்கள் இருக்கப்போவதில்லை.கோல்லிங்க்வூத் தான் மாற்றம் தேவையெனில் மாற்றப்படவேண்டிய ஆள்.குக்,ஸ்ட்ராஸ்,பெல்,பீட்டர்சன்,ப்ரயொர் என்று அனைவரும் வெளுத்துக்கட்ட தயாராகவே உள்ளனர் சிட்னியில். ஆனால் வெற்றி பெற்ற அணியையே அடுத்த போட்டியில் களமிறக்க அண்டி பிளவர் விரும்பக்கூடும்.நானும் அதையே விரும்புகிறேன்.கடைசிப் போட்டியிலாவது கோல்லிங்க்வூத் போர்ம்'க்கு வரமாட்டாரா என்ற நப்பாசை தான்!!அடுத்த போட்டியிலும் குக் ஒரு அரைச்சதம் ஆவது அடித்தால் நான் முதலே கூறியது போலே தொடர் நாயகன் விருதை தட்டிச் செல்லலாம்.அல்லது அண்டேர்சனுக்கும் வாய்ப்பு இருக்கிறது.
காயத்திலிருந்து மீண்டு வந்து இந்தப் போட்டியில் அன்டர்சன் முதல் இன்னிங்க்ஸ்'இல் வீழ்த்திய நான்கு விக்கெட்டுகள் அபாரம்!!சுழலுக்கு சாதகமான சிட்னியில் ஸ்வான் சாதிப்பார் என நம்பலாம் ..ஆனால் அவுஸ்திரேலியாவின் சார்பாக யார் சாதிக்கப்போகின்றார் என்பதே கேள்வி.சிடில் இரு இன்னிங்க்ஸ்'களில் தலா ஆறு விக்கட்டுகள் வீழ்த்தினாலும்,மற்றைய இன்னிங்க்ஸ்'களில் சொதப்பல் தான்.
பதிலீட்டு வீரர்களான ற்றேம்லேட்,ப்ரெஸ்னன் ஆகியோர் இங்கிலாந்து வெற்றிக்கு சிடப்பாக பங்களிக்கின்றனர்.ஆனால் அவுஸ்திரேலியாவுக்கு அவர்களது முக்கிய வீரர்களே(key players ) தடுமாறுகிறனர்.
சிடில் நாற்பது ஓட்டங்களை எடுத்தார் இறுதியில் ஹடினோடு சேர்ந்து..அவ்வாறு கூட ஆட முடியவில்லை பாண்டிங்,கிளார்க்,ஹியூக்ஸ்'ஆல்!!இம்முறை படு அவமானமாக போனதற்கு காரணம் ஹசி ஒரு அரைச்சதமாவது அடிக்காததே காரணம்.
வெற்றிக்களிப்பு!!இங்கிலாந்து ரசிகரான எனக்கு உணர்ச்சி பொங்குகிறது!!

மூன்றாவது டெஸ்டில் அவுஸ்திரேலியா வெல்ல முக்கிய காரணம் ஜோன்சனின் எழுச்சியே என்று முன்னர் கூறியிருந்தேன்..இந்த போட்டியில் தோற்றதற்கு காரணம் யாருமே எழுச்சி பெறவில்லை!!நித்திரை போலும் அனைவரும்!
பெரும்பாலும் இங்கிலாந்து இந்த ஆஷஸ் தொடரை வென்றுவிட்டது என்றே கூற முனைப்பு வருகிறது..ஆனால் மீண்டும் அவுஸ்திரேலியா எழுச்சி கொள்ளுமா?சிட்னி வரை பொறுத்திருப்போம்!!
அவுஸ்திரேலிய அணியினரின் பலம் பலவீனங்களை லோஷன் அண்ணாவும்,அனலிஸ்ட் கன்கொனும் நன்றாக விளக்குவார்கள் என எதிர்பார்க்கிறேன்!!(பாவம் இருவரும்..விடிய விடிய ஒரே அழுகையாம்!!)
அடுத்த ஆஷஸ்...கட்டாயமாக நீங்கவரமாட்டீங்க கை குலுக்க பாண்டிங்!!

Post Comment

Sunday, December 19, 2010

குடை கவிழ்ந்த இங்கிலாந்து!!


என்னத்த சொல்ல..
இது தான் என்னுடைய பதிலாக இருந்தது இன்று முழுவதும்..துவண்டு போயிருந்த அவுஸ்திரேலியாவின் ரசிகர்களின் வெற்றிக்களிப்பின் வெளிப்பாடான அன்புத்தொல்லையால்(?) திக்குமுக்காடிவிட்டேன்.

இங்கிலாந்து வென்றால் தொடர் சப்பென்று போகும் என எதிர்பார்க்கப்பட்ட ஆஷஸ் தற்போது மறுபடி உயிர்த்திருக்கிறது என்றால் அது பேர்த் டெஸ்ட் போட்டி மாற்றிய விதம் தான்!
இருநூற்றி அறுபத்தேழு ஓட்டங்களால் அவுஸ்திரேலியா வெற்றி என்பது நான் கொஞ்சம் கூட எதிர்பார்க்காத சம்பவம்..ஆறு மாதங்களின் பின்னர் முதல் வெற்றி.முதலிரண்டு போட்டிகளின் பின்னர் விடிவில்லை அவுஸ்திரேலியாவுக்கு என்றிருக்க பாண்டிங்'இன் நம்பிக்கைக்கு நன்றி செலுத்தியிருக்கிறார் மிட்செல் ஜோன்சன்..பழைய ஜோன்சனை எப்போது பார்க்கலாம் என்று ஆவலாயிருந்த ரசிகர்களுக்கு விருந்தானது மூன்றாவது ஆஷஸ் போட்டி.வழமை போல தனது பந்தின் மூலமும் துடுப்பின் மூலமாகவும் தான் போர்ம்'க்கு வந்தது மட்டுமன்றி அவுஸ்திரேலியாவையும் வெற்றிப் பாதைக்கு கொண்டு சென்று விட்டார்.தனியாளாக என்று கூற மாட்டேன் ஆனால் அவரின் எழுச்சி தான் ஏனையோரின் எழுச்சிக்கு காரணமென்றால் மறுக்க இயலாது.
போடு மச்சான் அஞ்சு..
உண்ட போலு நஞ்சு!!

முதல் இன்னிங்க்ஸ்'இல் பெற்ற 62 ஓட்டங்கள் தான் போட்டியை அவுஸ்திரேலியாவின் பக்கம் திருப்பிய முக்கிய காரணி..அத்துடன் 32 ஓட்டங்களுக்கு ஆறு விக்கட்டுகள் என்ற சிறந்த பெறுதியும்,இரண்டாவது இன்னிங்க்ஸ்'இல்
ஹரிஸ்'இற்கு பக்கபலமாக பெற்ற 3 விக்கட்டுகளும் அடிலெயிட் அவருக்கு மிக ராசியான மைதானம் என பெயரைக் கொடுத்திருக்கிறது,.நான்கு டெஸ்ட்'டில் மொத்தமாக 30 விக்கெட்'டுகளை 18 .33 என்ற சராசரியில் சாதித்திருக்கிறார் ஜோன்சன்.

கிட்டத்தட்ட பார்த்தால் அவுஸ்திரேலியாவுக்கு இன்னிங்க்ஸ் வெற்றி மாதிரித் தான்.இரண்டாம் இன்னிங்க்ஸ்'இல் பெற்ற 309 ஓட்டங்களை விட ஒரு ஓட்டம் அதிகமாக எனது இங்கிலாந்து அணி இருந் இன்னிங்க்ஸ்'இலும் சேர்த்துப் பெற்றிருக்கிறது.முதல் இன்னிங்க்ஸ்'இல் ஜோன்சனும் இரண்டாவது இன்னிங்க்ஸ்'இல் ஹரிஸ்'சும் போட்டுப் புரட்டியிருக்கிறார்கள்.ஹரிஸ்'இற்கு இரண்டாம் இன்னிங்க்ஸ் பந்துவீச்சுப் பெறுதி அவரின் சிறந்த டெஸ்ட் பெறுதி(6 /47 ).
எழுச்சி!!

அவுஸ்திரேலிய அணியின் சொத்தான ஹசி விளையாடிய ஆறு இன்னிங்க்ஸ்'இலும் ஐம்பது ஓட்டங்களுக்கு மேல்!!
மனுஷன் அந்தமாதிரி போர்ம்'இல் இருக்கிறார்.மொத்தமாக 517 ஓட்டங்களை 103 .4 ௦ என்னும் சராசரியுடன் அதிக ஓட்டம் குவித்த வீரர்கள் பட்டியலில் குக்'ஐ பின் தள்ளி முதலிடத்தில் உள்ளார்.ஹசி,ஹாடின் இருவரும் அவுஸ்திரேலியா தடுமாறும் ஒவ்வொரு சந்தர்ப்பத்திலும் கை கொடுத்திருக்கின்றனர்.பாண்டிங் மோசமாக ஆறு இன்னிங்க்ஸ்'களிலும் சேர்த்து 83 ஓட்டங்கள்.சராசரி 16 !!கிளார்க் 115 ஓட்டங்கள்.இதில் பாண்டிங்'கு இப்போது கையில் காயம் வேறு..ஏழரைச் சனி உச்சத்தில் நடனம்!

இங்கிலாந்தில் நான் எதிர்பார்த்த கொலிங்க்வூட் ,பெல் இருவரும் சோபிக்கவில்லை.மொத்தமாக 62 ஓட்டங்களை 15 .5 என்னும் சராசரியுடன் கொண்டிருக்கிறார் கொலிங்க்வூட்.அடுத்த போட்டியிலாவது போர்ம்'க்கு வருவார் என நம்புகிறேன்.ப்ரயர்'ம் பெரிதாக சோபிக்கவில்லை பயிற்சி ஆட்டத்தை தவிர்த்து.மூன்று போட்டிகளிலும்(4 இன்னிங்க்ஸ்) மொத்தமாக 49 ஓட்டங்களை மட்டுமே பெற்றிருக்கிறார்.
சொதப்பல்..தொடருமா?

பரோட்'கு பதிலாக அணியில் வந்த த்ரேம்லேட் எட்டு விக்கட்டுகளை வீழ்த்தி நம்பிக்கை தந்திருக்கிறார்.இரண்டாம் இன்னிங்க்ஸ்'இல் பெற்ற 5 /87 டெஸ்டில் அவரது சிறந்த பந்துவீச்சுப் பெறுதி. பின்(finn )5 விக்கட்டுகள் ,அன்டர்சன் நான்கு விக்கட்டுகள் எடுத்திருந்தாலும் ஸ்வான் தடுமாறுகிறார்.பிட்ச் பௌன்ஸ் என்றதால் சுழலுக்கு பெரிதாக சாதகமான சூழல் இருந்திருக்காது.ஷேன் வார்ன் கூட பெரிதாக சாதிக்கவில்லை இந்த பேர்த் மைதானத்தில்.பார்ப்போம் அடுத்த டெஸ்ட்'டில்.

முப்பத்தியாறாவது பிறந்த தின பரிசாக பாண்டிங்'கு பேர்த் வெற்றி அமைந்திருக்கிறது.முதல் டெஸ்ட்'டில் சிடிலுக்கு ஹாட்ரிக் கிடைத்தது பிறந்தநாளுக்கு.நம்ம இங்கிலாந்துக்காரருக்கு பிறந்த நாள் ஏதும் இல்லையோ??
அய்யா நம்மள வாழவைச்சிட்டாங்க!!

மெல்போர்ன்'இல் தொடங்கும் நான்காவது டெஸ்ட்'டில்(பொக்சிங் டே)
அவுஸ்திரேலியா அதே அணியுடன் களமிறங்குகிறது,பிளஸ் நம்பிக்கையுடன்!
தற்பொழுது ஜோசனை எல்லாம் இங்கிலாந்து தரப்பு மீதே.நிச்சயமாக ஸ்டுவேர்ட் பரோட்'ஐ இங்கிலாந்து அணி ரொம்பவே மிஸ் பண்ணுகிறது.என்றாலும் தோல்விக்கு முக்கிய காரணம் துடுப்பாட்டமே.எனவே துடுப்பாட்டத்தில் மாற்றங்கள் நிகழ வாய்ப்புள்ளது.பெல்'ஐ பீட்டர்சனுக்கு முன்னர் களமிறக்கினால் அவரின் துடுப்பிட்கு வேலை வைக்கலாம் என நினைக்கிறேன்.
கடந்த நான்கு டெஸ்ட்' போட்டிகளிலும் பேர்த்'தில் முன்னூறு ஓட்டங்களால் தாண்டி பெறப்பட்டிருக்கின்றமையால் இங்கிலாந்து துடுப்பாட்ட வீரர்கள் நன்கு விளையாடி இருந்தால் வெற்றி இடம் மாறி இருக்கும்.அவ்வாறு நடந்திருந்தால் அடுத்த இரண்டு டெஸ்ட்'டும் இங்கிலாந்தே வென்றிருக்கும் காரணம் அவுஸ்திரேலியர்களின் மனநிலை முற்றாக குழம்பி இருந்திருக்கும்.ஆனால் நடந்தது வேறு...
இரண்டு இன்னிங்க்ஸ்'இலும் இருநூறுக்கு குறைவான ஓட்டங்கள்..பலம் வாய்ந்த துடுப்பாட்ட வரிசைக்கு சோதனை!யாரும் நிதானமானவர்களாக காணப்படவில்லை.வந்தார்கள் போனார்கள்.நின்று துடுப்பாட மறந்துவிட்டார்கள்.

இப்போது முக்கிய விடயம் என்னவெனில் இங்கிலாந்து வீரர்கள் தங்கள் மனநிலையை திடமாக வைத்திருப்பதே.அல்லாவிடில் மெல்போர்ன் டெஸ்ட்'டும் அவர்கள் வசம் இல்லாமல் போய்விட வாய்ப்புள்ளது.
திறமையில் எந்தக்குறையும் இல்லை.மெல்போர்ன் நம் வசமே....(நம்பிக்கை தாங்க வாழ்க்கை)!!


டிஸ்கி:பாண்டிங் ஏதும் சூதாட்டம் பண்ணி இருப்பாரோ இங்கிலாந்து துடுப்பாட்டவீரர்களோடு??ஹிஹி

Post Comment

Tuesday, December 7, 2010

ஆட்டம் காணும் அவுஸ்திரேலியா!!


கவியுலகம் கவிகளிலிருந்து சற்றே விலகிப் பயணிக்க முடிவு செய்துள்ளது...
காரணங்கள் பல இருப்பினும் உரிய சந்தர்ப்பம் வரும் பொழுது அதை கூறுகிறேன்..
ஆனால் உங்களை இம்சைப் படுத்திய கவிதைகள் தொடர்ந்தும் இடம்பெறும்..அதற்குத் தான் முன்னுரிமையும் கூட!

இளைஞர்கள் மத்தியில் அதுவும் கிரிக்கெட் ஞானம் உள்ள இளைஞர்கள் மத்தியில் தற்போது பரபரப்பாக பேசப்பட்டுக்கொண்டிருக்கப்படும் விடயம் சாம்பல் தொடர் (Ashes series) பற்றியதே!
தொடர் ஆரம்பிக்கும் முன்னரையே இங்கிலாந்து விசிறிகளும்,அவுஸ்திரேலியா விசிறிகளும் சண்டையிடத்தொடங்கி விட்டிருந்தனர்.
அது சமூக வலைத்தளங்களிலும் சரி..நேரில் காணும்போதிலும் சரி..விளையாடுபவர்கள் வைரிகளாக இல்லாவிட்டாலும் இவர்கள் வைரிகளாகும் அளவிற்கு வாக்குவாதங்களும்,நியாயம் கட்பிதல்களும் இடம்பெறுகின்றன..
நான் கூட அதில் ஒருவன் என்பதில் பெருமை(ஹிஹி).நான் இலங்கை விசிறி அது போக எந்த அணியாவது அவுஸ்திரேலியாக்கு எதிராக விளையாடினால் அதற்கு ஆதரவு அளிக்கும் தலையாய கடமை எனக்கு!!

நாம் (இங்கிலாந்து விசிறிகள்) கூறியது போலே இங்கிலாந்து வெற்றிப் பாதையில் பயணம் செய்யத் தொடங்கியுள்ளது அதுவும் இரண்டாவது டெஸ்ட்'டில் இன்னிங்க்ஸ் மற்றும் 71 ஓட்டங்களால் மாபெரும் வெற்றி!!
அவுஸ்த்றேலியர்கள் தோல்வியை எதிர்பார்த்திருந்தாலும் இன்னிங்ஸ் தோல்வியை கனவிலும் எதிர் பார்த்திருக்க மாட்டார்கள்!!
அடிலெயிட் மைதானத்தில் 500 -600 ஓட்டங்கள் முதல் இன்னிங்க்ஸ் இல் தேவைப்படும் ஆனால் அவுஸ்திரேலியர்கள் பெற்றதோ 245 மட்டுமே.
அப்போதே அவர்களுக்கு நடுக்கம் ஆரம்பித்திருக்க வேண்டும்.அது இன்னிங்க்ஸ் தோல்வியில் கொண்டுவந்து முடித்திருக்கிறது.
துடுப்பாட்டம்,பந்து வீச்சு,களத்தடுப்பு என அனைத்திலும் இங்கிலாந்து அவுஸ்திரேலியாவை விட சிறப்பாகவே காணப்பட்டது.
முக்கியமான நேரங்களில்,முக்கியமான இங்கிலாந்து வீரர்களின் பிடிகளை தவற விட்டதும் தோல்விக்கு காரணம்.இல்லாவிடில் போட்டியை சமனாவது செய்திருக்கலாம்.
வாழைப்பழம் உரித்து வாய்க்குள் போடுவது போல வந்த பிடிகள் கூட தவற விடப்பட்டன.
வழமையாக ரசிகர்கள் திரண்டிருக்கும் மைதானம் வெறிச்சோடியது போல் காணப்பட்டது.
அவர்களுக்கு முதலே முடிவு தெரிந்துவிட்டதோ என்னமோ..நான்காம் நாள் முடிவின் போது கிளார்க் ஆட்டமிழந்தது அவுஸ்திரேலியர்களுக்கு பெருத்த அடி.
அது வரையில் எனக்கு கூட கொஞ்சம் பயம் இருந்தது போட்டி சமநிலையில் முடியுமோ என்று.காரணம் மழையும் வரும் சாத்தியம் இருந்தது.

.முதலே வந்திருக்கலாமோ?

முதல் டெஸ்ட்'டில் சொபிக்கத்தவறிய ஜோன்சன்,ஹில்பென்ஹாஸ் இரண்டாவது டெஸ்ட்'டில் நீக்கப்பட்டு போலின்ஜெர்,ரயன் ஹரிஸ் ஆகியோரை சேர்த்து வகுத்த தாக்குதல் திட்டம் இங்கிலாந்து துடுப்பாட்ட வீரர்களால் நிர்மூலமாக்கப்பட்டது.(இலங்கைல பிறந்து தாக்குதல் ,நிர்மூலம் போன்ற வார்த்தைகள் உடலோடு ஒட்டி விட்டன போலும்!).அனைத்து துடுப்பாட்ட வீரர்களும் சதம் அடிக்கும் போர்ம்'இலேயே இருக்கின்றனர் இங்கிலாந்துக்கு.ஆனால் அவுஸ்திரேலியாக்கு வாட்சன்,ஹஸ்ஸி,ஹடின் தவிர மிகுதிப் பேர் ச்ன்ம்பிக்கை அளிக்கும் நிலையில் இல்லை.
இதே நிலைமை தொடர்நதால் அடுத்த டெஸ்ட்'டிலும் மண் கவ்வ வேண்டியது தான்!

பரபரப்பாக பேசப்பட்ட பீட்டர்சன்-டோஹெர்ட்டி போட்டி சப்பென்று போனது.227 என்ற தனது டெஸ்ட்'டில் அதி கூடிய ஓட்டங்களை பீட்டர்சன் விளாச,அதில் அதிகம் அடி வாங்கியது டோஹெர்ட்டி தான்.அவரின் ஒரு ஓவருக்கு கிட்டத்தட்ட 6 ஓட்டங்கள்(5 .85 )பெறப்பட்டன.இறுதியில் பீட்டர்சனின் விக்கட்டை பெற்றதன் மூலம் தனது ஆயுட்கால சந்தோசத்தை பெற்றிருப்பார் டோஹெர்ட்டி(கெயிலின் விக்கட்டை லக்மால் கைப்பற்றியது போல!).
டோஹெர்ட்டி'க்கு பெரும்பாலும் டெஸ்ட்'டுக்கான சங்கு ஏற்கனவே ஊதப்பட்டு விட்டது.அவருடன் கட்டிச்'சும் போகப் போகிறார்.நாலு இன்னிங்க்ஸ்'இல் அதிகபட்சமாக 43 ஓட்டங்களையே பெறமுடிந்தது.

450 ஓட்டங்களுடன் குக் 225 எனும் சராசரியுடன் துடுப்பாட்ட இயந்திரமாக இந்த ஆஷஸ் தொடரில் விஸ்வரூபம் கொண்டுள்ளார்.சதம் பெற தவித்த பீட்டர்சனும் இரண்டாவது டெஸ்ட்'டில் பெற்ற இரட்டை சதத்துடன் இன்னமும் ஓட்டங்களுக்காக வெறியுடன் இருப்பார் என்பதில் சந்தேகமில்லை.அவுஸ்திரேலியா சார்பாக ஹஸ்ஸி தான் அதிகபட்சமாக மொத்தம் 340 ஓட்டங்களை பெற்றுள்ளார்.தொடர்ந்து சொதப்புகிறார் நோர்த்.அவர் அடுத்த டெஸ்ட்'டில் காணாமல் போகக்கூடும்.

தலா 9 விக்கெட்டுகளுடன் பின்(finn) மற்றும் ஸ்வான் ஆகியோரும்,எட்டு விக்கட்டுகளுடன் அன்டேர்சனும் அதிக விக்கட் எடுத்தவர்கள் பட்டியலில் தற்போது முன்னணி பெறுகின்றனர்.அவுஸ்திரேலியா சார்பாக சிடில் ஆறு விக்கட்டுகள் கைவசம் வைத்து கொஞ்சமாவது நம்பிக்கை தருகிறார்..ஆனால் அந்த ஆறு விக்கட்டும் முதல் டெஸ்ட் 'டிலேயே பெறப்பட்டது.நான் அதிகம் எதிர்பார்த்த ப்ரோட் இரண்டு டெஸ்ட்'டிலும் சோபிக்கவில்லை.அவரும் பெரும்பாலும் மூன்றாவது டெஸ்ட்'டில் விளையாடமாட்டார்.ஆனால் இங்கிலாந்து இன்னொரு வாய்ப்பு வழங்கலாம்.இன்னிங்க்ஸ் வெற்றி பெற்ற அணியை மாற்றாமல் அடுத்த டெஸ்ட்'டுக்கும் களமிறக்க கூடும்.

டெஸ்ட்'தரவரிசையில் மூன்றாம் இடத்தில் உள்ள இங்கிலாந்து வரும் காலங்களில் முதலிடம் பிடிக்க வாய்ப்புகள் பிரகாசம்!!ஹெய்டன்,கில்லி,பாண்டிங்(சோபிக்கின்ற),வார்னே,மக்கிராத்,லீ என மிரட்டிய அவுஸ்திரேலியா தற்பொழுது மாற்று வீரர்களைத் தேடவேண்டிய துர்பாக்கிய நிலையில் உள்ளது.
புதிய வீரர்களுக்கு இதைவிட ஒரு பெரிய வாய்ப்பு அவுஸ்திரேலிய அணியில் கிடைக்காது.தங்கள் இடத்தை சிறப்பாக உறுதிப்படுத்துவார்களாயின் எதிர்காலத்தில் தொடர்ந்து விளையாட வாய்ப்புகள் கிடைக்கும்.
சோர்ந்து போயுள்ள அவுஸ்திரேலியாக்கு எழுச்சி கொடுப்பவரே தற்பொழுது ஹீரோ ஆக மாற வாய்ப்புள்ளது.
இன்னிங்க்ஸ் தோல்வியடைந்த அவுஸ்திரேலியா எழுச்சி பெற்று அடுத்த மூன்று டெஸ்ட்'டில் இரண்டை வெல்லுவது என்பது அசாத்தியமானதே.எனவே இந்த ஆஷஸ் தொடர் நம்ம இங்கிலாந்து வசம் என்பது எனது எண்ணம்!
எதிர்காலம்?

மொத்தத்தில் 2010 /௨௦௧௧ ஆஷஸ் தொடர் பல பேரின் தலைவிதியை தீர்மானிக்கப் போகிறது என்பதே உண்மை!


Post Comment

Related Posts Plugin for WordPress, Blogger...