Showing posts with label காதலிப்பது எப்படி. Show all posts
Showing posts with label காதலிப்பது எப்படி. Show all posts

Sunday, June 17, 2012

நண்பிக்கு ஓர் கடிதம்(மனதளவில் + )...!!

அன்புள்ள நண்பிக்கு,
ஆண்கள் எளிமையானவர்கள்,பெரும்பாலும் பெண்களை போன்று சிக்கல் இல்லாத பொதுப்படையான நடத்தையை கொண்டவர்கள்.ஆண்களை நாம் கவர்வதற்கு சில தந்திரோபாயங்களை கையாளுதல் அவசியம் என்றுநீ நினைக்கலாம் .உன் நினைப்பு சரியானதே. எனது அப்பா கூறுவார், "தான் எப்போதும் தன் நிலையிலிருந்து மாறமாட்டான் என்ற நினைப்பிலேயே ஒரு ஆண் திருமணம் செயக்கிறான் ஆனால் ஆண்களை தங்களால் மாற்றமுடியும் என்ற நினைப்பிலேயே பெண்கள் திருமணம் செய்கின்றனர்." ஆனால் இந்த இரண்டுமே தவறாகிறது.



ஆண்கள் தாங்கள் விரும்பும் பெண்களிடம் இருந்து சிலவற்றை எதிர்பார்க்கிறார்கள்.அவற்றை கொண்டிருக்கும் பெண் இலகுவாக ஆண்களை கவர்ந்துவிடுகிறாள்.அவற்றில் சிலவற்றை உனக்கு தருகிறேன்:
1 .விளையாட்டுக்களில்,பொது விடயங்களில் ஆர்வம்.
உனக்கு விளையாட்டு பிடிக்கவில்லையா?பரவாயில்லை.யாருக்கு தேவை!நீ தினசரி உன் வாழ்வில் நடப்பவற்றை உன் கணவன்/காதலனோடு பகிர்ந்துக்க ஆசைப்படுகிறாய் அல்லவா,அதே போலத்தான் விளையாட்டு அவர்களுக்கு.முழுமையான விளையாட்டு அறிவு இல்லாவிட்டாலும் கூட,ஓரளவுக்கேனும் தெரிந்து வைத்திரு.அதை போல தான் பொது விடயங்களும்.ஆணின் எதிர்பார்ப்புக்கு இல்லாவிட்டாலும் கூட உன்னை அறிவுடையவளாக,பலதும் தெரிந்தவளாக வைத்திரு.
2 .காதலனின் நண்பர்களை வெறுக்காதே.
ஒரு ஆணை பொறுத்த வரையில் அவனது நண்பர்களை அவன் பெரிதாக கொண்டாடுவான்.எடுத்த எடுப்பிலேயே அவன் நண்பர்களை வெறுத்து பேசுவதை தவிர்த்துவிடு.ஆரம்பத்தில் நண்பர்களை பற்றி நன்றாக பேசு உன் கணவன்/காதலனிடம்.சிறிது காலம் செல்கையில் கணவன் உன்னை சுற்றி வர ஆரம்பிப்பான்.கணவனை முந்தானையில் முடிந்து வைத்திருக்க சொல்லுவார்கள்?அது உந்தன் திறமை.கணவனுக்கு எது அதிகம் பிடிக்கிறதென்பதை அறிந்து அதற்க்கேற்ப்ப அவனை திருப்திப்படுத்தி உன்னை சுற்றி வர வை.அப்புறமாக மெது மெதுவாக தீய நண்பர்களின் சகவாசம் பற்றி எடுத்துக்கூறு.உன்னை தன் வாழ்க்கையில் பெறுமதிமிக்கவளாக கருதும் எந்த ஒரு ஆணும் உன் பேச்சை கேட்பான்.

3 .அவனது நகைச்சுவையை ரசிக்க பழகு.
உனக்கு நகைச்சுவை பிடிக்காதா?பரவாயில்லை..உன் கணவன்/காதலன் பீட்சா சாப்பிடுகையில் முழுவதையும் உண்ண நினைப்பானா?இல்லை ஆனால் நாம் நினைக்கிறோம் அல்லவா? அதை போல தான்.பொய்கள் பெண்களுக்கு பிடிக்காது.ஆனால் அவன் சொல்லும் சில ஜோக்ஸ்'க்கு சிரிப்பதால் ஒன்றும் குறைந்து விடாது தானே!நீ நினைப்பவை உன் ஆணிடம் இருந்து கிடைப்பது அவசியம் என்றால் இந்த வகையான வேலைகள் நீ செய்து தான் ஆகவேண்டும்.
4 .காதல்,ரொமான்ஸ்,செக்ஸ்
முக்கியமாக நீ பெற்றோர்கள் பேசிவைத்த ஆணை திருமணம் செய்கிறாய் என்றால்,மேல்கூறிய மூன்று விடயங்களிலும் கொஞ்சமாவது பாண்டித்தியம் பெற்றிருத்தல் அவசியம்.முக்கியமான பரீட்சை ஒன்றுக்கு எதுவித தயார்ப்படுத்தல்களும் இன்றி செல்ல முடியுமா?நேர்முகப்பரீட்சை ஒன்றுக்கு தயார்ப்படுத்தல் இல்லாமல் முகம்கொடுக்க முடியுமா?இல்லை அல்லவா?அதே போல தான் வாழ்க்கையும்.குறித்த வயதுகளில் அறியவேண்டியவற்றை அறிந்து வைத்திருப்பது உன் பொறுப்பு ஆகிறது.இந்த விடயத்தில் ஆண்களின் பார்வைகள் வேறுபாடும்.உனது ஆண் எந்த வகையறா என்று தெரியும் முன்னர் நீ தெரியவேண்டியத்தை தெரிந்து வைத்திருந்தால் உனது பக்கம் இருக்கின்ற ஆபத்து தவிர்க்கப்படுகிறது.

5 .உடனடி முடிவுகள் எடுத்தல்.
அனேக பெண்களுக்கு இருக்கின்ற பிரச்சனை இது.ஒன்றையும் ஆராய்ந்து பார்க்காமல் மேலோட்டமாக ஒரு முடிவு எடுத்து அதன் பால் இயங்குவது.இது பல சமயம் பிரச்சனைகளில் தான் முற்றுப்பெறுகிறது.ஒரு பத்திரிகை/இணைய செய்தியின் தலைப்பை பார்த்து செய்தியை ஊகித்தல் போன்றது இது.தலைப்பு உன்னை திசைதிருப்பலாம்.உள்கிடக்கை வேறாக இருக்கலாம்.உடனே தவறான முடிவெடுப்பதை விடுத்து ஆராய்ந்து முடிவெடுக்கும் பெண்கள் ஆண்களை கவருகிறார்கள்.
6 .மேக் அப்,அலங்காரங்கள்
பெரும்பாலான ஆண்கள் அதிகப்படியான மேக் அப் பண்ணும்,அலங்காரம் பண்ணும் பெண்களை வெறுக்கிறான்.தனக்கு எது அழகாய் இருக்கும் என்று உனக்கு நன்றாக தெரிய வேண்டும்.மேக் அப் ரசனை இல்லாத பல பெண்கள் இலகுவாக ஆண்களின் வெறுப்பை சம்பாதிக்கிறார்கள்.அளவான,எளிமையான அழகூட்டல் பெரும்பாலான ஆண்களை கவருகிறது.
7 .உறவுகள்,அயலவர்கள் பற்றி எப்போதும் கதைக்காதே
பெரும்பாலான தொலைகாட்சி நாடகங்கள் பார்த்தோ,அல்லது இயல்பாகவோ,இந்த குணம் பெரும்பாலான பெண்களில் காணப்படுகிறது.எப்போதும் பிறரை பற்றி குறை பேசும் பெண்களை ஆண்களுக்கு பிடிக்காது.அதுவும் இன்று போன்ற மிகவும் பிசி'யான காலங்களில் இத்தகைய "பெறுமதி சேர்க்காத கதைகள்"ஐ ஆண் வெறுக்கிறான்.அதே போல் அதிகமான அலட்டல் கதைகளும் ஒரு ஆண் உன்னை வெறுப்பதற்கு காரணமாகலாம்.
8 .தனிப்பட்ட உறவுகளை ஆயுதமாக்காதே.
பெரும்பாலான திருமணம் முடித்த பெண்கள் பற்றி அதிக நகைச்சுவை துணுக்குகள் வாசித்திருப்பாய்.தினசரிநடக்கும் சம்பவங்களை வைத்து இரவில் பெண்கள் பழிவாங்குவார்கள். இது போன்ற உத்திகள் சிறிது நாட்கள் உபயோகப்பட கூடும்.பின்னர் அதுவே உன் மீதான ஈர்ப்பை கொலை செய்துவிடவும் கூடும்.
9.ரூல்ஸ் பேசுவது கூடாது

வேலைக்கு போகும் பெண்ணாக இருந்தால் கணவரிடம் பாதிவேலைகளை செய்ய சொல்லி கட்டாயப்படுத்தி ரூல்ஸ் பேசுவது எந்த ஆணுக்குமே பிடிக்காதது.கறாராக சொல்லுவதை விடுத்து அன்பாக உங்கள் கணவன் கேட்கும் வகையில் உக்திகளை பாவித்து வேலை வாங்கலாம். ஆணவத்தின் நீலாம்பரி கேரக்டரை விட அன்பான கேரக்டர் தான் அடிபணியச் செய்யும் என்பதை உணர்ந்துகொள்.


10.பொய்சொல்லவைக்காதே
ஆண்கள் உண்மைகளை மறைப்பதால் தான் பெண்கள் கேள்விகேட்கிறார்கள்..அல்லது பெண்கள் கேள்வி கேட்பதால் தான் ஆண்கள் உண்மையை மறைக்கிறார்கள் என்று இருபக்கமாகவும் விவாதிக்கலாம்.ஆனால் அனுமதிக்ககூடிய உண்மை இருந்தும் உன் கேள்வியால் ஆண் பொய் சொல்கிரானாயின் அது ஆபத்திலே முடியும்.புதிதாக ஒரு புடவை கட்டினால் இந்த புடவை நல்லாயிருக்கா என்று கேட்பது வேறு. ஆனால் எப்போது பார்த்தாலும் நான் அழகா இருக்கேனா? இல்லையா? என்று கேட்டு கணவரை நச்சரிப்பது. கணவர் தர்ம சங்கடத்தில் நெளிந்து பொய் சொல்ல வேண்டிருக்கும். எனவே இந்த மாதிரியான கேள்விகளை தவிர்த்து விடு.



இவையனைத்தும் உன்வாழ்வை பிரகாசமாக்கவே அன்றி வேறெதுக்குமல்ல.கருத்தில்கொள்வதும் கொள்ளாமல் விடுவதும் உன்னுடைய இஷ்டம்..மீண்டும் அடுத்த கடிதத்துடன் சந்திக்கும்வரை...
-Friend .



சரி என்னமோ எனக்கு தோன்றியதையும்,பலரின் கருத்துக்களையும் கொண்டே இப்பதிவை உருவாக்கினேன்.இது ஆணாதிக்கத்தின் ஒரு அங்கம் என்று கூப்பாடு போடும் பெண்களாய் இருந்தால்,கூப்பாடு போடுவதை விடுத்து,உங்கள் பார்வையில் ஆண்கள் எவ்வாறு இருக்கவேண்டும் என்று கூறுங்கள்..என்ன தான் இருக்கிறதென்று பார்ப்போமே!

+++++++++++++++++++++++++++++++++++++++++++++++++++++++++++++

வலைப்பூ அறிமுகம்


நான் இதுவரையில் எந்த பதிவர் அறிமுகமும் தந்ததில்லை எனது வலைப்பூவில்.இன்று ஒரு அறிமுகம் தருகிறேன்.இவர் ஒரு புதிய பதிவர் என்று கூற முடியாவிட்டாலும் கூட,ஒரு பொது அறிமுகம் ஏற்படுத்திக்கொடுக்கவேண்டிய ஒரு இளைய பதிவர்.இவரின் எழுத்துக்கள் ஒவ்வொன்றும் ஆழமானவை.சிந்திக்கத்தூண்டுபவை.எடுத்து எழுதும் ஒவ்வொரு தலைப்புக்கும் அவர் பதிவினூடு செய்யும் வாதம் மிக அருமையாக இருக்கும்.நன்றாக எழுதுகிறார்.சீரியசாக எழுதுகிறார்.வரைட்டியான பதிவுகள் தருகிறார்.அவர் தான்"கிஷோகர் IN பக்கங்கள்" என்னும் வலைப்பூவை எழுதிவரும் கிஷோகர்.அவரின் வலைப்பூ இதோ:

"கிஷோகர் IN பக்கங்கள்"
சிறந்த எழுத்துக்கு வரவேற்ப்பு கொடுப்பது இன்றியமையாதது.எதோ என்னால் முடிந்த பணி.

வாரம் ஒரு பதிவு என்றளவில் சுருங்கி இருக்கிறேன்..பார்க்கலாம் வாரம் எதுவரையில் என்று! :)

Post Comment

Saturday, July 16, 2011

சயிட் அடிக்கலாம் வாங்க:மனதை திற காதல் வரட்டும்-பாகம் 2

குறிப்பு:இது காதல் சம்பந்தமான எனது பார்வை மட்டுமே.சரியாகவும் இருக்கலாம்.ஏன் பிழையாகவும் கூட!!பிழைகளை சுட்டி காட்டுங்கள்.இது ஒரு தொடர் பதிவு.அதன் இரண்டாம் பாகம் இன்று.இதன் முதல் பாகமான "மனதை திற காதல் வரட்டும்-பாகம் 1 " இல் காதலின் ஆரம்பம் பெரும்பாலும் சயிட் அடிப்பதனாலே என்று கூறி இருந்தேன்.
அதனை படிக்காதவர்கள் இதை கிளிக்குங்கள்.


"The best and most beautiful things in the world cannot be seen or even touched- they must be felt with the heart." - Helen Keller

"Love isn't finding a perfect person. It's seeing an imperfect person perfectly." - Sam Keen

இன்றைய பதிவிலும் சயிட் அடித்தலை பற்றி சற்று விரிவாக ஆராயலாம் என்று நினைக்கிறேன்.
இந்த விடயத்தில் ஒரு கருத்துக் கணிப்பு நடாத்தினால் அதை வைத்தே ஒரு புத்தகம் எழுதிவிடலாம் காரணம்,நாம் அனைவருமே ஒவ்வொரு நுட்பங்களை தெரிந்து வைத்திருப்போம் சயிட் அடிப்பதற்கு.ஐயோ எனக்கு ஒரு முறைகளும் தெரியாதே என்று முழிப்பவர்கள் நீங்கள் என்றால்,உங்களுக்கு கொஞ்சம் வழிமுறைகளை என்னால் தர முடியும் என நினைக்கிறேன்.

Romantic Couple Online Dating

ரோட்டில் நின்று காய்வதை மேலோட்டமாக அனைத்து பெண்களுமே கேவலமாய் தான் பேசுவார்கள்.உங்கள் நண்பிகள் உங்களை வீதியில் நின்று வெட்டி அரட்டை அடிப்பதை கண்டால் நக்கலாக ஏதும் கமென்ட் அடிப்பார்களே?அதை தான் கூறுகிறேன்.ஆனால் நீங்கள் வீதிகளில் நின்று செய்யும் காரியத்தை (அதுதாங்க சயிட் அடித்தல்)என்ன தான் நக்கல் அடித்தாலும்,பொண்ணுங்க அதனை தான் விரும்புகிறார்கள் உள்ளே மனதிலே!

தன்னை ஒரு ஆண் பார்க்கிறான் என்றால் தான் பெண்களுக்கே தங்களை பிடித்து போகிறது.அடடா ஒருத்தன் பார்க்கும் அளவுக்காவது தாங்கள் அழகா இருக்கமே என்று நினைக்க தோன்றுகிறது.திரைப்படங்களில் நக்கலடிப்பது போல,அவர்கள் ஆடை அலங்கரித்து வீட்டால் வெளிக்கிட்டு திரும்பி வீடு சேரும்போது ஆகக் குறைந்தது ஒரு கமென்ட் ஆவது கிடைத்திருந்தால் தான் அவர்கள் மனசு குளிர்கிறது.நாங்க அப்பிடி இல்லை என்று கூறும் பெண்கள் மன்னிச்சு..நான் பொதுவாக கூறுகிறேன்.

ஆகவே,வெளிப்படையாக திட்டினாலும் நீங்கள் சயிட் அடிப்பதை விரும்பாத பொண்ணுங்க யாருமே இருக்கமுடியாது என்பது எனது கணிப்பு.நீங்கள் சயிட் அடிப்பதோடு மட்டும் நிறுத்தி விட்டால்!!நீங்கள் அதை தாண்டி வேறு ஏதும் தகாத நடத்தையில் இறங்கினால் அதனை எந்தப் பொண்ணுமே ரசிக்க மாட்டாள் என்பது நிதர்சனம்!ஆகவே நீங்கள் உங்களையும் நல்லவனாக காட்டிக்கொள்ளுதல் இந்த இடத்தில் அவசியமாகிறது!


முதல் சயிட்டிங்கிலேயே முட்டாளாகி விட்டால் அப்புறம் குறிப்பிட்ட பொண்ணிடம் நீங்கள் நல்ல பெயர் வாங்குவது குதிரைக்கொம்பு தான் நண்பர்களே!நீங்கள் திறமையான ஒரு ஆணாக(அது தாங்க சகலகலா வல்லவன்)ஒரு சில சயிட்டிங்கிலேயே நீங்கள் விரும்பும் பெண்ணை உங்கள் பக்கம் காதலிக்க வைக்க முடியும்.அனைவராலும் இது சாத்தியமானதன்று.அனால் முயற்சி செய்து பாருங்கள்.முடியாதது எதுவுமல்ல நண்பர்களே!அப்படியும் முடியாவிட்டால் என்ன அவசரம் ஒரு கிழமையில் லவ் பண்ணி அடுத்த கிழமை கல்யாணம் கட்டும் அவசரமா??மெல்ல நிதானித்து உங்கள் ஒவ்வொரு நடவடிக்கைகளையும் திட்டமிடுங்கள்!எதையுமே ப்ளான் பண்ணி பண்ணனும் என்று வரும் வடிவேல் காமெடி..அது காமெடி மட்டுமல்ல உண்மையும் கூட..காதலிலும் இந்த "பிளானிங்"என்பது மிக மிக முக்கியமானது நண்பர்களே.இந்த பிளானிங் இல்லாமல் சொதப்பிய பல நண்பர்களை நான் பார்த்திருக்கிறேன்!

சரி ஆண்கள் பக்கம் மட்டும் எழுதினால் பெண்கள் கோபித்துக்கொள்ள மாட்டார்களா?(ஹிஹி எதோ பெண் ரசிகைகள் கோடிப்பேர் இருக்கிற மாதிரி!).பெண்களும் ஆண்களை விட சயிட் அடித்தலில் சளைத்தவர்கள் இல்லை என்று முன்னைய பதிவில் கூறி இருந்தேன்.ஆனால் அவர்கள் கொஞ்சம் புத்திசாலிகள்.தாங்கள் சயிட் அடிக்கிறோம் என்பதை வெளியில் காட்டிக்க மாட்டார்கள்...குறிப்பாக ஆண்களுக்கு. பெரும்பாலான ஆண்கள் தங்களை யாரும் பெண்கள் சயிட் அடித்தால் அவர்கள் பின்னாலேயே போவார்கள் என்று நன்றாகவே தெரிந்து வைத்திருக்கின்றனர் பெண்கள்.அதனாலேயோ என்னமோ பெண்கள் தாங்கள் சயிட் அடிப்பதை மறைக்கின்றனர்.

பலரும் கூறுவதை போல,காதலில் ஆண்கள் முதலில் தேடிப்போவதே நல்லது.பெண்கள் எதாவது சாதகமான சைகைகளை ஆணை விட முதலில் காட்டுவாளேயானால்,அந்த பெண்ணை குறிப்பிட்ட ஆண் சற்று இளக்காரமாக பார்க்கும் நிலையே எங்கும் காணப்படுகிறது,(மறுபடியும் "பெரும்பாலான சந்தர்ப்பங்களில்")அல்லது ஆண் தனது குறுகிய கால தேவைக்காக பயன்படுத்த கூட முனையக்கூடும்.ஆகவே எதுவாக இருந்தாலும் பெண்கள் கொஞ்சம் ஆறுதலாக நிதானித்து இரண்டாவது நகர்வாக தங்கள் நகர்வை மேற்கொள்வது சிறந்தது என்பது கண்கூடு!


பெண்கள் போகிறபோக்கில் சயிட் அடித்துவிட்டு சென்றுவிடுகின்றனர்.ஆண்களை போல "ஆவென்று காஞ்ச மாடு கம்பில........."மாதிரி சயிட் அடித்து நாங்களும் சயிட் அடிக்கிறோம் என்று வெளிப்படையாக வெளிப்படுத்தமாட்டார்கள்.ஆனால் அவர்களும் சயிட் அடிப்பார்கள்..நீங்கள் திறமையானவராக இருந்தால் அதனையும் இலகுவில் கண்டு பிடிக்கலாம்!

பெரும்பாலும் சயிட் அடிக்கும் நுட்பங்கள் உங்களுக்கு தெரிந்திருக்கும்..எனக்கு தெரிந்த ஒரு சில நுட்பங்களை உங்களுடன் பகிர்ந்து கொள்கிறேன்(ஹிஹி இதெல்லாம் நீ ட்ரை பண்ணினதான்னு கேக்கப்பிடாது கேட்ட கோபம் வரும் ஆமா!)

பெரும்பாலும் பொண்ணுங்களை கூட்டிக்கிட்டு போற அம்மாக்கள்,வீதியில் பொடிப்பசங்க நின்றால் அவங்களையே பாத்திட்டு வருவாங்க எங்க நம்மட மகளை சயிட் அடிக்க போறாங்களோன்னு(அப்பிடி என்ன பயமோ!).அப்பிடி அம்மாக்கள் பார்க்கும் போதே மகளை நீங்க சயிட் அடிச்சா அவங்கட மனசு எவ்வளவு வருத்தப்படும்.ஆகவே முதலில நீங்க செய்யவேண்டியது,அம்மாக்களின் கவனத்தை திருப்பணும்..எப்படி??அம்மாக்கள் உங்களை பார்க்கும் போது நீங்க மகளை பார்க்காமல் அம்மாக்களை பாருங்கள்..அவர்கள் வெட்கத்தில் வேறு பக்கம் பார்ப்பார்கள் உடனே!அப்புறம் என்ன நீங்க மகளை சயிட் அடிக்கலாம் ஒரு பிரச்சனையும் இல்லை!!


எப்பவுமே நண்பர்கள் தானே ஊறுகாய் நமக்கு...(நண்பேண்டா!)பொண்ணு ஒரு பக்கம் வாராங்க என்றால்,நீங்க அவங்களை பார்க்கும் வகையில் நின்றுகொண்டு நண்பரை பொண்ணு வரும் பக்கம் முதுகை காட்டியவாறு நிக்க வைத்து கதையுங்கள்(பாவ்லா தான்)..அப்போது பொண்ணு ஜோசிக்கும்,அட அவன் வேலையாதான் நிக்கிறான்..நான் வரேக்க சயிட் அடிக்கிறான் எண்டு..அத விட்டிட்டு,நீங்களும் நண்பர்களும் சேர்ந்து சயிட் அடித்தால்,அப்புறம் பிடிச்சு பாருங்கோவன் அந்த பொண்ணை!இவன் நான் வர்றத பாத்திட்டு தான் இப்பிடி பாவ்லா பண்றான் எண்டு கண்டுபிடிச்சிடுவாங்க சில ப்ரில்லியன்ட் பொண்ணுங்க..அப்புறம் உங்க பாடு சிரிப்பு தான் ஹிஹி !!

cute love pictures with quotes. cute love pics and quotes

இன்னொரு வகை இருக்கு,பொண்ணுங்களை சயிட் அடிக்கிறமென்று காட்டிக்காமலே சயிட் அடித்தல்..அதுக்கு பொண்ணுங்களோட அதீத நம்பிக்கையை பெற்றிருத்தல் அவசியம் நீங்க.பல பொண்ணுங்களை நெருங்கி பழகிக்கொண்டே சயிட் அடிக்கலாம்.சில வேளை அவர்களும் உங்களை உங்களுக்கு தெரியாமலே சயிட் அடிக்கக்கூடும்!!!பொண்ணுங்களை சாதாரணமாக எடை போடாதீங்க நண்பர்களே!!

"நாணம்" என்ற சொல்லுக்கு
வடிவம் கொடுக்கின்றாய் நீ
நினைத்து வந்தது
நினைவின்றி போக உன்
நிழலாக நான்!

ஹிஹி என்ன சொல்றீங்க??பாகம் இரண்டு பிடித்திருக்கிறதா??
தொடரும்.........
இதெல்லாம் நமக்கு ஒரு மேட்டர்னு சொல்றான் என்று நினைத்தால்,உங்கள் கமென்ட் இந்த பதிவுக்கு தேவையற்றது நண்பர்களே!

Post Comment

Monday, July 11, 2011

மனதை திற காதல் வரட்டும்-பாகம் 1!!!

குறிப்பு:இது காதல் சம்பந்தமான எனது பார்வை மட்டுமே.சரியாகவும் இருக்கலாம்.ஏன் பிழையாகவும் கூட!!பிழைகளை சுட்டி காட்டுங்கள்.இது ஒரு தொடர் பதிவு.அதன் முதல் பாகம் இன்று.

"If you're gonna tell someone you love them, make sure you're not telling a lie"

வணக்கம் நண்பர்களே..
காதல் என்பது என்ன தான் கேட்டு கேட்டு சலித்த விடயமாக இருக்கட்டும்,திரைப்படங்களில் அரைத்த விடயமாக இருக்கட்டும்,ஒவ்வொருத்தர் மனதிலும் அது வந்துவிட்டால் அது முதன்மையானது,புதியது,தெய்வீகமானது!!ஒவ்வொருத்தருக்கும் அவரவர் காதல் தான் மற்றையவர்களது காதலை விட முதன்மையாக தெரியும்..யாருடைய காதல் பெரியது என்று போட்டி வைத்து முடிவு பண்ண கூடிய விடயம் அல்ல இந்த காதல்!


எந்த ஒரு மனிதனும் தனது வாழ்க்கையில் தெரிந்தோ தெரியாமலேயோ காதலில் விழுகிறான்.நீ காதலித்திருக்கின்றாயா அல்லது காதல் வந்திருக்கிறதா என்று நீங்கள் ஒருவனை அல்லது ஒருத்தியை பார்த்து கேட்கும் பொது பதில் இல்லைஎன்று வருகிறதாயின் குறிப்பிட்ட நபர் பொய் சொல்கிறார் என்றே அர்த்தம்.
அனைத்துக்கும் முதல் படி இந்த சயிட் அடித்தல்..!!
இதற்க்கு நூலுவிடுதல்,ரூட்டு போடுதல்,கண்ணடித்தல்,கவர் பண்ணுதல் என்று பல பல சொல்ப்பிரயோகங்கள் பல்வேறு இடங்களில் வழக்கிலிருந்தாலும்,மேட்டர் ஒன்றே!!காலம் காலமாக மாறாது தொடரும் மனித நடத்தைகளில் இதுவும் ஒன்று என பெருமையாக கூறிக்கொள்ளலாம்!
உங்க தாத்தா சயிட் அடித்திருப்பார்.உங்க அப்பா சயிட் அடித்திருப்பார்..இப்போது நீங்கள்..நாளை உங்கள் பிள்ளைகளும் இதனை செய்வார்கள்.

சைட் அடித்தல் என்று வரும்போது,பெரும்பாலான ஆண்கள் அதனை தங்களது நாளாந்த கடமையாக செய்துவருகின்றனர்..அனைத்து ஆண்களும் அதை செய்வனே செய்கின்றனர்.நீ சயிட் அடிக்கிறாயா என்றால் ஆம் என்று ஒத்துக்கொள்வார்கள்.(சிலர் மனைவிமார்களுக்கு பயந்து இல்லை என்று கூறுபவர்களும் உண்டு).பெரும்பாலான மனைவிகளுக்கு கணவன் இன்னொரு பெண்ணை சயிட் அடிப்பது அறவே பிடிக்காமல் இருக்கலாம்.இதை பற்றி "நீயா நானா" கோபிநாத் ஒரு நிகழ்ச்சியை நடத்திருந்தார்.அதில் பெண்கள் கேட்ட கேள்வி,இதே மாதிரி நாங்கள் மற்றைய ஆண்களை சயிட் அடித்தால் நீங்கள் என்ன செய்வீர்கள் சும்மா இருப்பீர்களா என்பதே!இது நிற்க,

இதே கேள்வியை பெண்களிடம் கேட்டு பாருங்கள் நீங்கள் சயிட் அடித்திருக்கிறீர்களா என்று?உங்களுக்கு கிடைக்கும் பதில் பெரும்பாலும் இல்லை என்பதே!காரணம்,ஒன்று வெட்கம்,மற்றையது இது தான் சைட் அடித்தல் என்று தெரியாமலேயே அதை பண்ணிக்கொண்டிருப்பார்கள் சில பெண்கள்!சிலருக்கு சில ஆண்களை பார்த்தால் ஸ்மார்ட்'டாக தோன்றும்..ரசிப்பார்கள்..ஆனால் சயிட் அடித்தாயா என்றால் இல்லை என்பார்கள்..
ஆகவே ஆண்களோ,பெண்களோ மொத்தத்தில் சயிட் அடிக்காதவர்கள் மிக மிக குறைவே..அவ்வாறு யாரும் இருந்தால்,அவர்களுக்கு வேறு ஏதும் வருத்தங்கள் இருக்ககூடும்!!
கூர்ந்து கவனித்தீர்களேயானால்,காதலுக்கு முதல் படியே இந்த சயிட் அடித்தல் தான்!
ஒரு பெண் அழகாய் இருந்தாளாயின் அவளை பார்க்க தூண்டும் எந்தவொரு ஆணுக்கும்.அது இயற்க்கை.அதே போல தான் பெண்களுக்கும்!
அதை முழுவதுமாய் தப்பென்று கூறமுடியாது.நான் சயிட் அடிக்கமாட்டேன் எந்தவொரு பொண்ணையும் நிமிர்ந்து கூட பார்க்கமாட்டேன் என்று எந்த ஒரு ஆம்பிளையாவது கூறுவானா?அவ்வாறு கூறினால் அவன் அடுத்த "நித்தியானந்தாவாக" முயற்ச்சிக்கிறான் என்று தெளிவாக கூறலாம்.
சில விடயங்களை பொத்தி பொத்தி வைக்கும் போது தான் அதன் வீரியம் கூடுகிறது.அந்தந்த நேரங்களில் அவற்றை அவ்வாறே விட்டு விடுவீர்களேயானால் விளைவுகள் பெரும்பாலும் குறைவாகவே இருக்கும்!

கல்யாணம் கட்டும் வரையில் தாராளமாக சயிட் அடியுங்கள்.உங்களை யாராலையும் தடுக்க முடியாது நிறுத்த முடியாது.உங்களுக்கென்று ஒருத்தி/ஒருவன் வந்துவிட்டால் வாழ்க்கையில்,அப்புறம் நீங்களாக தான் முடிவெடுத்து கொள்ள வேண்டும் இவற்றை நிறுத்துவோமா,குறைப்போமா,அல்லது தொடர்வோமா என்று.அது நீங்கள் உங்கள் துணைக்கு கொடுக்கும் முக்கியத்துவத்தின் அளவில் தங்கியுள்ளது.அதை விடுத்து நான் நல்ல பையன் சயிட் அடிக்க மாட்டேன் என்று கூறி உங்களை மட்டுமல்லாது,உங்கள் துணையையும் வீணே ஏமாத்தாதீர்கள்.
சில விடயங்கள் நீங்கள் மனது வைத்தால் தவிர்க்க முடியும்..
Affectueux Couples Photo

படங்களில் காட்டுவதை போல ஒரு செக்கன்ட் பார்த்தவுடன் பத்திக்கொள்வதல்ல காதல்!கதைகளுக்கு சரிப்பட்டு வருமே ஒழிய நிஜத்தில் அல்ல!ஆனால் ஒரு செக்கன்ட் பார்த்தவுடன் பத்துவது வேண்டுமானால் காமத்துக்கு சரியாக இருக்கலாம்.ஒரு செக்கன்ட் பார்த்தவுடன்,வேறு ஒருவிடயங்களையுமே அலசாது காதலில் விழுந்து அவளை வாழ்க்கைத்துணையாக்கியோர் எத்தனை பேர் கூறுங்கள் பார்க்கலாம்??


சின்னப்பயல்..இவனுக்கென்ன தெரியும்..வெறுமனே பூச்சாண்டி காட்டுகிறான் என்று நினைப்பவர்கள் "எஸ்" ஆகிடுங்க.நாம எல்லாம் சாஜகானுக்கே அட்வைசு கொடுத்தவங்க !!

Post Comment

Related Posts Plugin for WordPress, Blogger...