Showing posts with label கலகலப்பு. Show all posts
Showing posts with label கலகலப்பு. Show all posts

Friday, June 14, 2013

'தீயா வேலை செய்யணும் குமாரு'-கலகலப்பு பார்ட்#2..!

                                            

'கலகலப்பு' கூட்டணியான சுந்தர் சி,சந்தானம்,யூடிவி மோஷன் பிக்சர்ஸ் இரண்டாவது முறையாக இணைந்திருக்கும் படம் தான் 'தீயா வேலை செய்யணும் குமாரு'.நடிக நடிகையர் யார் என்று பார்த்தால் சித்தார்த், ஹன்சிகா,சந்தானம்,பாஸ்கி,மனோபாலா,டெல்லிகணேஷ், தேவதர்ஷினி என்று பெரிய லிஸ்டே நீளும்.பெயரை பார்த்தபோதே காமெடி படமாக தான் இருக்கும் என்று தெரிந்திருந்தாலும்,சுந்தர் சி'க்கு காமெடி கைவந்த கலை என்பதால் படம் சற்றே எதிர்பார்ப்பை கூட்டிவிட்டிருந்தது.சந்தானமும் அதற்கு ஒரு காரணம்.

பாட்டன்,பூட்டன்,அப்பா அம்மா,அக்காமார்கள் என்று நாயகன் சித்தார்த்தின் குடும்பமே லவ்வோ லவ்வுன்னு லவ்வி கல்யாணம் செய்துகொண்ட குடும்பம்.ஏரியாவிலேயே லவ்வுக்கென்று ஒரு ட்ரேட் மார்க்குடன் வாழ்ந்து வரும் குடும்பத்தில் பிறந்த சித்தார்த்துக்கு ஏனோ லவ் என்றாலே பிடிப்பதில்லை.காரணம் சில ப்ளாஷ்பேக்'கள்.இப்பிடியே இருந்திடாதேடா, யாரையாவது லவ் பண்ணுடான்னு வீட்டிலும் சரி,வேலை செய்யும் ஐ.டி ஆபீசிலும் சரி ஏகப்பட்ட ஆட்வைஸ்கள்.ஆனால் சித்தார்த்துக்கு பொண்ணும் அமையல,லவ் பண்ணவும் பிடிக்கல..ஏன்,எப்பிடி லவ் பண்றதுன்னு கூட தெரியாம சொதப்பிகிட்டிருக்கார்.அந்த நேரத்தில் தான் ஆபீசுக்கு புதுசா ஒரு பொண்ணு வருது.ஆமா,அது நீங்க நெனைக்கிற மாதிரியே நம்ம ஹன்சிகா தான்.

அவங்கள பாத்தவுடனேயே நம்மாளுக்கு பட்டர்ப்ளை பறக்குதாம்..மெல்லிய காத்து மெதுவா வீசுதாம்..அதாங்க,லவ்வு ஸ்டார்ட் ஆயிருச்சு.ஆனா அங்க தான் ஒரு பிரச்சனை,ஆபீசிலயே ஒரு ஜிம்& ஹாண்ட்சம் பாய் ஹான்சிகாவ பிக்கப் பண்ணிக்க முயற்சிக்கிறான்.ஒரு வழியும் தெரியாத சித்தார்த்க்கு அத்தான் பாஸ்கி ஐடியா குடுக்கிறார்,ஊர்ல 'நோக்கியா' அப்பிடின்னு ஒரு லவ் குரு இருக்கார்.அவர்கிட்ட போனா எல்லாம் சரியாகிடும் அப்பிடின்னு.அந்த லவ் குரு வேற யாருமில்லைங்க..நம்ம சந்தானமே தான்.அந்த பாய்ண்ட்ல இருந்து ஆரம்பிக்கும் லவ் கோர்ஸ் என்னாகிறது,எப்படி ஹான்சிகாவை சித்தார்த் கைப்பிடிக்கிறார் என்பதை மிகவும் கலகலப்பாகவும் விறுவிறுப்பாகவும் சொல்லியிருக்கிறார் சுந்தர் சி.

படம் நீளத்துக்கும் காமெடி பரவிக்கிடக்கிறது.ஒவ்வொரு சீனிலும் சிரிப்பதற்கு ஏதாவது ஒரு மேட்டர் இருக்கும்.அதனால் படம் தொடங்கும்போது சிரிப்பதற்காக திறந்த வாய் படத்தின் இறுதி சீன் வரைக்கும் மூடவேயில்லை. சந்தானத்துக்கு 'ஓகேஓகே'இன்ரோ மாதிரி பைக்கில் இன்ரோ கொடுத்திருக்கிறார்கள்.ஹீரோக்களுக்கே இல்லாத அமர்க்களம் இப்போதெல்லாம் சந்தானத்துக்கு தான் கிடைக்கிறது.தியேட்டரில் விசில் பறக்கிறது.காஸ்டியூம்ஸ் கூட சித்தார்த்தை விட சந்தானத்துக்கு தான் எடுப்பாக கொடுத்திருக்கிறார்கள்.அம்மணி குஷ்பு தான் காஸ்டியூம்ஸ்க்கு பொறுப்பு.

'எங்கேயும் எப்போதும்' சத்யா தான் இசை.சுந்தர் சி தனது காமெடி பலத்தை நம்பி இறங்குவதனாலோ என்னமோ,இசைக்கு பெரிதாக முக்கியத்துவம் கொடுப்பதில்லை.ஓரிரு பாடல்கள் ரசிக்கலாம்.'அழகென்றால் அவள் தானா சஞ்சனா..'ஹிட் ஆகும் வாய்ப்புகள் பிரகாசம்.இசை ஓரளவுக்கு சோடை போனாலும்,பாடல் காட்சிகளில் அமர்க்களப்படுத்தி இருக்கின்றனர்.இரண்டு பாடல்கள் ஜப்பானில் எடுத்திருக்கிறார்கள்,பாடல்கள் அத்தனையையும் பா.விஜய் தான் எழுதியிருக்கிறார்.

                                                  Theeya Velai Seiyyanum Kumaru

கலகலப்பில் அங்காங்க்கே சீரியலாக மரண காமெடி இருக்கும்.ஆனால் இங்கு படம் முழுவதும் லேசான காமெடி வந்திட்டே இருக்கும்.திரைக்கதை வசனத்தில் 'சூதுகவ்வும்' நலன் குமாரசாமி உதவியிருக்கிறார்.படம் எந்த இடத்திலும் தொய்வில்லாமல் செல்வதற்க்கு இதுவும் ஒரு காரனமாய் இருந்திருக்கலாம்.நீ.பொ.வ'வில் சந்தானம் ஜோடியாக வரும் குண்டு பொண்ணு இதிலும் வருகிறார்.ஆபீசில் சித்தார்த் நண்பராக வருபவர் படத்தின் ஆரம்பத்தில் பட்டைகிளப்புகிறார்.கலகலப்பில் வரும் பாட்ஷா அடியாள் முதல்கொண்டு பலர் இதிலும் பிரசன்னம்.சமந்தாவும் விஷாலும் ஒரு காட்சிக்கு வந்துவிட்டு செல்கிறார்கள்.

படத்துக்கு முக்கிய பலம் சந்தானம் தான்.ஹன்சிகா அதே வெள்ளை தக்காளி,என்ன பாடல் காட்சிகளில் நன்றாக இடுப்புக்கு கீழே கவர்ச்சி காட்ட வைத்திருக்கிறார் சுந்தர் சி.தியேட்டரில் முன் இருக்கைகளில் அமர்ந்து பார்ப்பதை தவிர்ப்பது நல்லது.மொத்தத்தில் தீயா வேலை செய்யணும் குமாரு ஒரு முழு நீள காமெடி கலாட்டா..!கட்டாயம் பார்த்து ரசிக்கலாம்.என்னுடைய மார்க் 65/100.

Post Comment

Sunday, May 13, 2012

'கலகலப்பு" ஓகே! "ஓகே ஓகே"- டபுள் ஓகே!!

                

சிறந்த இயக்குனர் சுந்தர் சி'யின் இருபத்தைந்தாவது படம் கலகலப்பு அண்மையில் வெளியான ஓகே ஓகே படத்தை விட அதிக வரவேற்ப்பை பெற்றிருக்கிறது என்று பரவலாக செய்திகள் வந்தவண்ணமுள்ளன.முதலே இந்தப்படத்தை பார்த்துவிடவேண்டும் என்ற ஆவல் இருந்ததனாலும்,விமர்சனங்கள் அனைத்தும் ஆகா ஓகே என்று வந்திருந்ததனாலும் படத்தை பார்க்கலாம்னு முடிவுபண்ணி பார்த்தாகிவிட்டது.

படத்தின் பழைய பெயரான "மசாலா கபே" என்ற பெயரில் ஒரு ஹோட்டல்..அதற்க்கு பரம்பரை வாரிசுகளாக இருவர்;விமல் மற்றும் சிவா.பாழடைந்துபோயி இருக்கும் ஓட்டலை எவ்வாறு முன்னேற்றுகிறார்கள்,காப்பாற்றுகிறார்கள் தத்தமது காதலில் எவ்வாறு ஜெயிக்கிறார்கள் என்பதை லாஜிக் ஏதும் குறுக்கிட்டிட கூடாது என்பதனாலோ என்னமோ நகைச்சுவையாக சொல்ல முயன்று....அதில் ஒரு பாதியில் வெற்றியும் பெற்றிருக்கிறார் சுந்தர் சி.

ஆமாங்க..ஒருபாதியில் மட்டுமே!!வின்னர்,லண்டன்,உள்ளத்தை அள்ளித்தா போன்ற மரண காமெடி படங்களின் இயக்குனர் சுந்தர் சி'யா கலகலப்பு இயக்குனர்?சொல்லவே இல்ல!
படம் தொடங்கி இடைவேளை மட்டும் படு மொக்கையான திரைக்கதை நகர்வுகள்..விமல் வரும் காட்சிகள் தான் அவ்வாறு எனில் நம்ம தமிழ்பட ஹீரோ சிவா பண்ணும் சேட்டைகளில் கூட பெரிதாக நகைச்சுவை எடுபடவில்லை.சிவாவோடு ஒப்பிடுகையில் விமல் கொஞ்சம் சீரியஸ் கேரக்டர் படத்தில்.சிவாக்கு சுத்தமாக நடிப்பே வராது என்று தெரிந்தும் கூட அவருக்கேற்ற மொக்கை காட்சிகளை வைக்க சுந்தர் சி தவறிவிட்டார் என்றே தோணுகிறது.சிவா இந்த கேரக்டருக்கு தெரிவுசெய்யப்பட்டதே நகைச்சுவையை கூட்ட தான் என்றாலும்,நடந்தது என்னமோ எதிர்பார்க்காதது தான்!

சீரியல்களில் இருக்கும் சுவாரசிய நகர்வுகள் கூட இல்லாதமாதிரி முதல் பாதியை அமைத்திருக்கிறார்கள்.பெரிதான காமெடியோ,பாடல்களோ,உருப்படியான கதையோ எதுவுமே இல்லாத சுத்த போர் தான் முதல் பாதி.பாடல்கள் இரண்டாம் பாதியிலும் சொதப்பல் தான்.எந்தப்பாடலுமே ஹிட் இல்லை.யார் மியூசிக் என்று பார்க்க கூட தோணவில்லை.இடைவேளையோடு எழும்பி போயிருக்கலாம்..அவ்வாறு செய்ய விடாமல் பண்ணியது டிக்கட் காசு அல்ல....சந்தானம் தான்.



இரண்டாம் பாதி ஆரம்பமே பெரும்பாலும் க்ளைமாக்ஸ் ஆரம்பம் போல தான்!அப்போது தொடங்கிய க்ளைமாக்ஸ் சேசிங் படம் முடியும் வரையில் நீடித்தது.இடைவேளைக்கு பின்னர் தான் இது சுந்தர் சியின் படம் என்று கூறலாம்.சேசிங் என்ன பைட்டிங் என்ன...அனைத்திலும் காமெடியை புகுத்தி படுத்தி எடுத்திருக்கின்றனர்.சந்தானம் வருகை தான் படத்தின் சுவாரசியத்தையும்,ஏன் காமெடியையும் தூக்கி நிறுத்தியது எனலாம்!மனோபாலாவும் சந்தானமும் அஞ்சலியை கடத்திய சீனில் ஒரு சேசிங் வைப்பார்கள் பாருங்கள்...முடியல..!படத்தின் டாப் காமெடி அந்த சேசிங்'கும் பைனல் பைட்டும் தான்!அஞ்சுவட்டி அழகேசனாக வரும் இளவரசுவும் அடிக்கடி சிரிக்கவைக்கிறார்.வெறும் கவர்ச்சிக்காகவே அஞ்சலியும் ஓவியாவும்..நன்றாக காட்டி நடித்திருக்கின்றனர்.

நகைச்சுவை படம் என்று கூறி எடுக்கப்பட்ட படத்தில் ஒரு 65 % கொட்டாவி வரவைத்த ஸீன்கள் தான்!சந்தானமும் இல்லாவிடில் படத்தை ஒரு படு மொக்கை படமாகதான் கூறி இருக்கமுடியும்.ஒரு நல்ல நடிகர்கள் கூட்டணியை சுந்தர் சி அவரேஜ்'ஆக பயன்படுத்தியுள்ளார் போல் தான் தெரிகிறது.இடைவேளைக்கு பின்னர் வரும் காமெடியில் ஒரு 30 % ஆவது முதல் பாதியில் வருமாறு கவனம் செலுத்தி இருக்கலாம்.பாடல்களும் சொதப்பல் என்பதால் படு போர்'ரான முதல் பாதி படத்தின் பெரிய வீக்னெஸ்.

சந்தானம் என்ற ஒரே ஒரு துருப்பு சீட்டை கொண்டு ஓகே ஓகே'யில் ராஜேஷ் பண்ணிய படம் முழுதும் வரும் ரணகள காமெடிக்கு முன்னால் கலகலப்பில் இத்தனை பேரை கொண்டு சுந்தர் சி(நகைச்சுவைக்கு புகழ் போன இயக்குனர் )செய்தது வந்து என்னமோ கம்மி தான்.ஓகே ஓகே பாடல்களும் சூப்பர்..ஒளிப்பதிவு சூப்பர்.இதில் அவை எல்லாம் மைனஸ்.ஒரு சில வசனங்களை தவிர வேறு எந்த காமெடி வசனங்களும் மனதில் நிற்கவில்லை.ஓகே ஓகே யில் வந்த பல நகைச்சுவை பன்ச்'கள் இப்போ கூட மனப்பாடம்.



சந்தானமும் இல்லை என்றால் சுந்தர் சி தனது இருபத்தைந்தாவது படத்தை "கலகலப்பு' என்று இல்லாமல் "களோபரம்" என்று தலைப்பு வைத்திருக்கலாம்!!

கட்டாயம் போயி பாருங்கன்னு சொல்லமாட்டேன்...கொஞ்ச நாள் பொறுமையா இருங்க..படத்தின் இரண்டாம்பாதியில் வரும் நகைச்சுவை காட்சிகள் தொலைக்காட்சியில் பார்த்து மகிழலாம்!நிச்சயமா சார்..கடுப்பாக்கிட்டார் சுந்தர் சி..கையில் வேறு படமோ நடிக்கும் வேலையோ இல்லாதவிடத்து இந்த ஒரு படத்தை வடிவாக கவனித்து ரசிகர்கள் கையில் தந்திருக்கலாம்.
 
ஓகே ஓகே'க்கு ஒரு 70 மார்க்கு போட்டால் கலகலப்புக்கு ஒரு 55 மார்க்கே போடலாம்!!என்னமோ தெரியல பதிவுலகில எல்லாரும் சுப்பர் மரண காமடி என்று புகழ்வதை பார்த்தால் எதற்கோ இலவச விளம்பரம் செய்கிறார்கள் போல் தான் தோன்றுகிறது!!ஆனால் எதுவுமே இல்லாத சுறா,ராஜபாட்டை படங்களை போயி தியேட்டரில் பார்ப்பதை விட இதை பார்க்கலாம்!

குறிப்பு:அஞ்சலி மேடம் பேசாமல் கல்யாணம் கட்டி செட்டில் ஆவது தான் அவங்களுக்கும் நல்லது பாக்கிற எங்களுக்கும் நல்லது..!சகிக்கல!!


Post Comment

Related Posts Plugin for WordPress, Blogger...