நாஸ்ட்ரடாமஸான் மண்டையோட்டை எடுத்து மதுவை ஊற்றிக் குடித்தவன்!!

யார் இந்த நாஸ்ட்ரடாமஸ்?
இவர் ஒரு பிரெஞ்சு கத்தோலிக்கர். இவருடைய மூதாதையர் யூதர்கள்.
இவருடைய பாட்டனார்களிடம் எபிரேய மொழியும் சோதிடமும் 'கபாலா'(Kabbala) எனப்படு யூத மர்ம சாஸ்திரமும் கற்றார். அதன்பின்னர் மருத்துவக்கல்வி பயின்று டாக்டர் ஆனார்.அக்காலத்திய சமய சித்தாந்தங்களையும் தெளிவாகக் கற்றார்.பரவியிருந்த பிளேக் நோயை ஏதோ ஒரு ரகசிய முறையைப் பயன்படுத்தி குணப்படுத்தி வந்தார். மற்றவர்களால் குணப்படுத்தமுடியாத
பலவியாதிகளையும் அவராலே தீர்க்க முடிந்தது.
பிறகு யாருக்குமே தொ¢யாமல் ரசவாத வித்தை, மந்திரவாதம்,ஞான வித்தை முதலியவற்றையும் கற்றுக்கொண்டார். சில ஆண்டுகளில்
மருத்துவத்தில் டாக்டரேட் பட்டமும் பெற்றார். பல காரணங்களால் அவர் ஒரு நாடோடியாக விளங்கினார்.
ஸ்காலிஜர் என்னும் இன்னொரு ஞானியிடம் மேலும் பல மர்ம சாஸ்திரங்களின் நுணுக்கங்களை அறிந்துகொண்டார்.
அக்காலத்தில் கத்தோலிக்க சமயத்தில் இன்க்விஸிஷன்(Inquisition)
எனப்படும் சமயச்சீரமைப்பு நடைபெற்று வந்தது. சமயத்தினுள் புகுந்துவிட்ட பலவகையான கோட்பாடுகளையும் பகுத்தறிவு
வாதத்தையும் ஆராய்ச்சிகளையும் நீக்குவதற்கு மிகக்கடுமையான விசாரணைகளையும்,சித்திரவதைகளையும், தண்டனைகளையும்
சமய அதிகாரிகள் கடைபிடித்துவந்தனர்.

Nostredame's claimed birthplace before its recent renovation, Saint-Rémy-de-Provence

நாஸ்ட்ரடாமஸின் ரகசிய மருத்துவ முறைகள், சோதிடஞானம், மந்திரவாதம் முதலியவைகள் அந்த கத்தோலிக்க சமய அதிகாரிகளை ஈர்த்திருந்தன. ஆகவே அவர் விசாரணைக்கு அழைக்கப்பட்டார். 'இன்குவிஸிஷன்' விசாரணையில் கடுமையான சித்திரவதைகளைப் பயன்படுத்தி வந்தார்கள். பலவகையான சித்திரவதைகளுக்குப் பின்னர்,
விசாரிக்கப்பட்டவர் விசாரணையின் முடிவில் - உயிரோடு இருந்தால் பெரும்பாலும் குற்றவாளி என்று தீர்மானிக்கப்பட்டு உயிருடன்
கொளுத்தப்படுவார்.

ஒருமுறை ஒரு சிறு கிராமத்திலுள்ள கிணற்றிலிருந்து தண்ணீர் இறைத்துக்கொண்டிருந்த இளம் சன்னியாசி ஒருவரைக் கண்டார். உடனே
அவர் இருந்த இடத்திற்குச்சென்று தொப்பியைக் கழற்றிவிட்டும் மண்டியிட்டு அந்த சன்னியாசியின் அங்கியின் நுனியை எடுத்து வணக்கத்துடன்
முத்தமிட்டார். ஒன்றுமறியாத சன்னியாசி காரணம் கேட்டதற்கு அவர் பிற்காலத்து போப் ஆண்டவருக்குத் தம் வணக்கத்தைத் தெரிவித்ததாகக் கூறினார்.

Nostradamus' current tomb in the Collégiale Saint-Laurent, Salon, into which his scattered remains were transferred after 1789.

1551-ஆம் சோதிடக்கணிப்புகளை 1550-ஆம் ஆண்டிலேயே வெளியிட்டார்.
அவர ்கூறியபடி அத்தனை நிகழ்ச்சிகளுமே நடந்துவிட்டன. ஆகவே அதிலிருந்து தொடர்ச்சியாக ஒவ்வொரு ஆண்டும் சொந்தமாகப் பஞ்சாங்கம் தயா¡¢த்து வெளியிடலானார்.

இச்சமயத்தில்தான் உலகின் வருங்காலத்தைப் பற்றி ஆராயலானார்.ஈராண்டுகள் மிகவும் பிரயாசைப்பட்டு கி.பி.1553-ஆம் ஆண்டிலிருந்து கி.பி. 3797-ஆம் ஆண்டுவரை நடைபெறவிருக்கும் நிகழ்ச்சிகளச்சுலோகங்களாக இயற்றிவைத்தார்.

ஹென்றி மன்னனுக்கு மரண ஆரூடம்

அப்போது பிரான்ஸை ஆண்டவர் இரண்டாம் ஹென்றி மன்னர். அவர் எப்போது எப்படி இறப்பார் என்று முன்கூட்டியே நாஸ்ட்ரடாமஸ் தம்முடைய சுலோகத்தில் கூறியிருந்தார். அதன்படி ஒரு வீர விளையாட்டின்போது அவர் இறந்தார். அப்போது அவர் அணிந்திருந்த
பொன்னாலான முகக்கவசத்திலுள்ள துவாரத்தின் வழியாக போட்டியாளா¢ன்
ஈட்டி நுழைந்து அவருடைய கண்ணில் பாய்ந்து மூளைக்குச் சென்று முனை முறிந்து விட்டது. கவசத்தையும் கழற்றமுடியாமல் ஈட்டிமுனையையும் எடுக்க முடியாமல் ஹென்றி துடிதுடித்து இறந்தார்.

இதையெல்லாம் முன்கூட்டியே அறிவித்த நாஸ்ட்ரடாமஸின் சுலோகங்களால் கவரப்பட்டாள் பிரெஞ்சுப் பேரரசி, கேத்தா¢ன் டி மெடிச்சி.ஸொலோன் நகரத்துக்கு தானே நோ¢ல் சென்று நாஸ்ட்ரடாமஸைக் கேத்தா¢ன் சந்தித்தார். 45 நாட்கள் மந்தி¡£கம், ஆவிகளின் தொடர்பு, வானநூல் போன்ற முறைகளைக் கடைபிடித்து வருங்கால நிகழ்ச்சிகளை ஒரு கண்ணாடியின் மூலம் பேரரசியைக் காணவைத்தார்.

சைத்தானின் சீடரா?

அதன்பின்னர் நாஸ்ட்ரடாமஸ் ஐரோப்பா முழுவதும் புகழ் பெற்றார். ஆனாலும்கூட அவரை சைத்தனின் சீடர் என்று கருதியவர்களும் பலர் இருந்தனர். மருத்துவர் என்ற ஹோதாவைவிட சோதிடர் என்ற முறையிலேயே பொன்னும் பொருளும் புகழும் பெற்றார்.

நல்ல புகழின் உச்சியில் இருந்த நாஸ்ட்ரடாமஸ் கி.பி.1566-ஆம் ஆண்டு
இறந்தார். அவரைப் புதைத்துவிட்டார்கள்.

மண்டை ஓட்டில் மது ஊற்றினான்!

நாஸ்ட்ரடாமஸான் இறப்புக்குப் பின்னர் அவருடைய மண்டையோட்டில் மதுவை ஊற்றி யார் அருந்துகிறார்களோ அவர்களுக்கு நாஸ்ட்ரடாமஸின் சக்திகள் அனைத்தும் வந்துவிடும் என்றும், ஆனால் அவ்வாறு செய்பவர்கள் உடனேயே இறந்துவிடுவார்கள் என்றும் நம்பப்பட்டது.
நாஸ்ட்ரடாமஸ் இறந்து இருநூற்று இருபத்தைந்து ஆண்டுகளுக்குப் பின்னர் கி.பி. 1791-ஆம் ஆண்டு மே மாதத்தில் ஒருநாள் நள்ளிரவில் நாஸ்ட்ரடாமஸான் புதைகுழியைத் தோண்டி அவருடைய சவப்பெட்டியை மூன்றுபேர் திறந்தார்கள். அவர்கள் பிரெஞ்சுப் போர்வீரர்கள். அன்று அவர்கள் மிதமிஞ்சி குடிதிருந்தார்கள். போதை ஏறியநிலையில் அவர்கள் நாஸ்ட்ரடாமஸின் கல்லறையைத் தேடிச்சென்று திறந்தார்கள்.

அந்த சமயத்தில் பிரெஞ்சுப்புரட்சியின் தொடர்பாகக் கலவரம் நடந்து கொண்டிருந்தது.
சவப்பெட்டிக்குள் நாஸ்ட்ரடாமஸின் எலும்புக்கூடு இருந்தது. அதன்கழுத்தில் 'மே, 1791' என்று பொறிக்கப்பட்டிருந்த பித்தளைப்பட்டயம் ஒன்று விளங்கியது. நாஸ்ட்ரடாமஸை 225 ஆண்டுகளுக்கு முன்னர் அடக்கம் செய்யும்போது அந்தப் பட்டயம் அவருடைய கழுத்தில் மாட்டப்பட்டிருக்கவேண்டும்.

அம்மூவா¢ல் ஒருவன் நாஸ்ட்ரடாமஸான் மண்டையோட்டை எடுத்து அதில் மதுவை ஊற்றிக் குடித்தான். அப்போது எங்கிருந்தோ வந்த துப்பாக்கிக் குண்டு ஒன்று அவனுடைய கழுத்தில் பாய்ந்தது.
உடனே நாஸ்ட்ரடாமஸான் புதைகுழிக்குள்ளேயே அவன் விழுந்து மாண்டுபோனான்.
சுற்றி நிகழ்ந்துகொண்டிருந்த கலவரத்தில் யாரோ யாரையோ நோக்கிச்சுட்ட குண்டு அவனுடைய கழுத்தில் பாய்ந்துவிட்டது!

மற்ற இருவருக்கும் 'மே 1791' என்று பட்டயத்தில் எழுதியிருந்த காரணமும் அப்போதுதான் புலப்பட்டது. இன்ன ஆண்டு இன்ன மாதத்தில் தன்னுடைய புதைகுழியை யாராவது திறப்பார்கள் என்று நாஸ்ட்ரடாமஸ¤க்கு 225 ஆண்டுகளுக்கு முன்னமேயே தொ¢ந்திருந்திருக்கிறது. ஆகவேதான் தன்னுடைய கழுத்தில் அந்தப் பட்டயத்தைக் கட்டிக்கொண்டு இறந்திருக்கிறார்.

"புதைகுழியை யார் திறக்கிறார்களோ, அவர்கள் உடனடியாக அதை மூடவில்லையென்றால் பெருங்கெடுதல் நேரிடும்" என்று அவருடைய தீர்க்கதரிசனங்களின் 907-ஆவது பாடலில் கூறியிருந்தார்.அவருடைய புதைகுழியைத் திறந்தவர்களில் மற்றவர்களும் திரும்பிச்
சென்றுகொண்டிருந்தபோது எதிரிகளால் சுடப்பட்டு இறந்தார்கள்.

Michel de Nostredame
Nostradamus: original portrait by his son Cesar
Born	14 December or 21 December December 1503 Saint-Rémy-de-Provence, France
Died	2 July 1566 (aged 62) Salon-de-Provence, France
Occupation	Apothecary, author, translator,astrological consultant
Known for	Prophecy

பதிவுக்கான தகவல் பல மூலங்கலிளிருந்து திரட்டப்பட்டது.

உண்மைத்தமிழனின் தெரியாத பக்கங்கள்!!

குறிப்பு-விக்கிப்பீடியாவிலிருந்து,மற்றும் பல தளங்களில் இருந்து தொகுக்கப்பட்ட பதிவு தான் இது.என் முன்னோர் நான் பதிவிடுவதர்க்காக தொகுத்து வைத்த ஓலைச்சுவடிகளிளிருந்து தொகுக்கப்பட்டதல்ல.வரலாற்று சம்பவங்களும் கதைகளும் படிக்கும் பொது ஒரு வித ஆவல் கிளர்ச்சி எழும்.அப்படிப்பட்ட ஆளாயின் தொடருங்கள்..சில விசயங்களை பகிர்வதால் நமக்கும் ஒருவித திருப்தி...அதில் இதுவும் ஒன்று.குறைந்தது ஒரு ஐந்து பேராவது வாசித்தால் சந்தோசம்!சில விளக்கம் தேவையான முக்கிய சொற்கள் தடித்த எழுத்தில் காட்டப்பட்டுள்ளன..மேலதிக விளக்கம் தேவைப்படின் அதனை கிளிக்கி சென்று பாருங்கள்!

இவன் கி.பி 957 முதல் கி.பி 973 வரை சோழ நாட்டை ஆண்ட சுந்தர சோழனுடைய இரண்டாவது மகனாவான். சுந்தர சோழனுக்கும் சேர நாட்டு வானவன் மாதேவிக்கும் ஐப்பசி திங்கள் சதய நன்னாளில் பிறந்த இவனது இயற்பெயர் "அருண்மொழிவர்மன்". இராஜகேசரி அருள்மொழிவர்மன் என்ற பெயராலேயே தன் ஆட்சியின் தொடக்க காலத்தில் இம்மன்னன் அழைக்கப்பட்டான். இவன் ஆட்சியின் 3ம் ஆண்டு முதலே ராஜ ராஜ சோழன் எனப்பட்டான் (988) தந்தை இறந்ததும் இவன் உடனடியாகப் பதவிக்கு வரவில்லை. 12 வருடகாலஉத்தம சோழனின் ஆட்சிக்குப் பின்னரே இவன் ஆட்சிப் பொறுப்பை ஏற்றுக்கொண்டான். விசயாலய சோழன் நிறுவிய சோழ அரசு இவன் காலத்திலும் இவன் மகன் இராஜேந்திர சோழன் காலத்திலும் மிக உயர்நிலை எய்தியது. இராஜராஜனின் காலம் பிற்காலச் சோழர் வரலாற்றில் மட்டுமன்றித் தென்னிந்திய வரலாற்றிலேயே ஒரு பொற்காலமாகும்.

இராசராச சோழன் சோழர்களின் புகழ் பெற்ற மன்னர்களுள் ஒருவனாவான். 'சோழ மரபினரின் பொற்காலம்' என்று போற்றத்தக்க வகையில் ஆட்சி செய்த இம்மன்னனின் ஆட்சிக்காலம் கி.பி 985 முதல் கி.பி 1012 வரையாகும். இவன் மகன் முதலாம் இராசேந்திரன்காலத்தில் சோழநாடு கடல் கடந்து பரவச் செய்யும் பெருமைக்கு அடிகோலியதும் இம்மன்னனே. இராஜராஜ சோழனின் முப்பதாண்டு ஆட்சிக்காலமே சோழப் பேரரசின் வரலாற்றில் மிக முக்கியமாக விளங்கியது. ஆட்சி முறை, இராணுவம், நுண்கலை, கட்டடக்கலை, சமயம், இலக்கியம் ஆகிய பல்வேறு துறைகளில் புதிய எழுச்சியைக் கண்ட சோழப்பேரரசின் கொள்கைகளை இவனுடைய ஆட்சியில் உருப்பெற்றவையே.

ஈழப் போர்

ஈழம்

இராஜராஜனால் வென்று கைப்பற்றப்பட்ட நாடுகளுள் ஈழமும் ஒன்று என்பதை இம்மன்னனது 'திருமகள் போல' என்று தொடங்கும் கி.பி. 993ம் ஆண்டு மெய்க்கீர்த்தியால் அறியலாம். 'கொடுமை மிக்க சிங்களர்கள் வசமிருந்த ஈழ மண்டலத்தை இம்மன்னன் கைப்பறியதன் மூலம், இவனது புகழ் எண் திசைகளிலும் பரவியது', 'தஞ்சையில் இராஜராஜ சோழன் எடுப்பித்தசிறந்த கோயிலுக்குஈழத்தின் பல கிராமங்களை இவனுடைய 29ம் ஆண்டில் தானமாக அளித்தான்' என்றும் ஈழப்படையெடுப்பைப் பற்றி திருவாலங்காட்டுப் பட்டயங்கள் சிறப்பாகக் குறிப்பிடுகின்றன.

இப்படையெடுப்பின் பொழுது ஈழ மண்டலத்தில் ஆட்சி புரிந்து கொண்டிருந்தவன், கி.பி 981ம் ஆண்டில் பட்டம் பெற்ற ஐந்தாம் மகிந்தன் என்பவனாவான். முதலாம் இராஜேந்திரனின்தலைமையில் சோழப்படை சென்ற பொழுது இம்மன்னனே ஆட்சியில் இருந்தான். ஆனால் இராஜராஜனின் இப்படையெடுப்பைப் பற்றி மகாவமிசம் குறிப்பிடவில்லை. 'மகிந்தன் ஆட்சியில் பத்தாம் ஆண்டிற்குப் பிறகு(கி.பி 991) ஓர் இராணுவப் புரட்சி ஏற்பட்டு அதன் விளைவாகப் பெரும் குழப்பம் விளைந்தது; கேரள கன்னடவீரார்களின் செல்வாக்கு இவன் நாடு முழுவதும் பரவியதே இந்த குறைபாட்டிற்கு காரணமாக இருக்கலாம். இராணுவ புரட்சியின் விளைவாய் மகிந்தன், ஈழ மண்டலத்தின் தென் கிழக்கிலுள்ள ரோகண நாட்டிற்கு தப்பி ஓடிவிட்டான். இதனால் ஈழ மண்டலத்தின் வடபகுதியை இராஜராஜன் எளிதில் கைப்பற்றி மும்முடிச் சோழ மண்டலம் என்று அதற்குப் பெயரிட்டான்.' என்று கல்வெட்டுகள் குறிப்பிடுகின்றன.

இராஜராஜ சோழனின் சுவர் ஓவியம் தஞ்சைப் பெருவுடையார் கோவிலில் கிடைத்தது.^[3]

ஈழப் படையெடுப்பின் விளைவுகள்

சோழப்படையெடுப்பு ஈழநாட்டில் ஒரு நிலையான விளைவை ஏற்படுத்தியது, ஓராயிரம் ஆண்டிற்கு மேலாக ஈழத்தின் தலைநகராக விளங்கிய அநுராதபுரம் இப்போரில் சோழரால் அழிக்கப்பட்டது. இந்நகரில் இராணுவ காவல் நிலையமாக விளைங்கபொலன்னறுவை சோழரது புதிய தலைநகராக்கப்பட்டது. இராஜராஜ சோழனுக்கு முன்னர்ஈழத்தின் மீது படையெடுத்துச் சென்றதமிழ் மன்னர்கள், அதன் வடபகுதியை மட்டும் கைப்பற்றுவதையே தங்கள் குறிக்கோளாகக் கொண்டிருந்தனர். ஆனால் இராஜராஜ சோழன் ஈழ மண்டலம் முழுமையையும் கைப்பற்றித் தன் ஆட்சிக்குட்பட்டதாக எண்ணியதால் பழைய தலைநகரை விடுத்து புதிய தலைநகரை அமைத்துக் கொண்டான்.

பிற்காலத்தில் சிங்கள வேந்தனாகிய முதலாம் விஜயபாகு, அனுராதபுரத்தில் முடிசூட்டப் பெற்றான் என்றாலும் பொலன்னறுவையைத் தொடர்ந்து தன் தலைநகரமாகக் கொண்டு ஆட்சி செய்தான்.

ஈழத்தில் சோழக் கோயில்கள்

இராஜராஜனின் கல்வெட்டுகள் பல, ஈழத்தில் உள்ளன. ஈழத்தைச் சோழர் கைப்பற்றியதைக் கொண்டாடும் வகையில் பொலன்னறுவையில் இராஜராஜன் சிவனுக்கு ஒரு கற்றளி எடுப்பித்தான். பொலன்னறுவை நகரின் சுவர்களுக்குள் அமைந்துள்ள இந்த அழகிய சிவாலயம் ஈழ நாட்டில் காணப்படும் புராதனச் சின்னங்களில் இன்றளவும் நன்கு பாதுகாக்கப்பட்டுள்ளது. இதன் கட்டட அமைப்பைக் காணும் பொழுது இது கி.பி 10 மூதல் 12ம் நூற்றாண்டுகளுக்குள்ளேயே கட்டப்பட்ட சோழர்காலத்துக் கோயில்கள் போன்றே(தஞ்சை பெரிய கோயில் இவ்வகைக் கோயில்களில் மிகவும் சிறந்தது) அமைந்துள்ளது.

இராணுவம்

கடற்படை, உள்நாட்டின் படை ஆகிய அனைத்திற்கும் அரசரே தலைவர் ஆவார். இப்படை பல பிரிவுகளாக அமைந்து ஒவ்வொரு பிரிவும் தனிப்பெயரால் அழைக்கப்பட்டது. இவை ஒன்றுபட்ட அமைப்பாகவே இயங்கின.

இவன் வலிமை மிக்க

காலால் படை

குதிரைப்படை

யானைப்படை (குஞ்சரமல்லர்)

கடற்படை

வில்லேந்திய வீரர்கள் ( வில் படை )

ஆகிய நான்கையும் கொண்டிருந்தான்.இவற்றின் எண்ணிக்கை தெளிவர தெரியவில்லை. காலால் படையில் ஏறக்குறைய பதினோரு லட்சம் பெரும் , யானைப்படையில் ஏறக்குறைய அறுபது ஆயிரம் போர் யானைகள் இருந்ததாக சீன குறிப்பு ஒன்றில் காணப்படுகிறது.இராஜேந்திர சோழன் பிற்காலத்தில் திறமையாகப் பயன்படுத்திய கப்பற்படை இராஜராஜன் காலத்திலேயே சிறந்த முறையில் உருவாக்கப்பட்டது

தான் கைபற்றிய நாடுகளில் எல்லாம் அரசு இயந்திரங்கள் சரிவர இயங்க ஆளுநர்களையும் ஏனைய அலுவலர்களையும் நியமித்தார்.அதேவேளை ஒவ்வொரு நாட்டிலும் அமைதி காக்கும் படை ஒன்றையும் விட்டுச் சென்றார். ஈழத்தில் அவர் விட்டு வைத்திருந்த வேளைக்காரர் படையின் எண்ணிக்கை 90,000 என்று தெரிகிறது. இப்படி ஒரு மாபெரும் சோழப்பேரரசை நிறுவ அவர் மேற்கொண்ட போர்களில் எல்லாம் அவர் பயன்படுத்திய சேனைகளின் எண்ணிக்கை பதினொரு லட்சத்திற்கும் மேலென்று கணக்கிட்டிருக்கிறார்கள். 31 படை பிரிவுகள் கொண்ட இத்தகைய அளவிலான சேனையைப் பராமரிப்பதற்கும், நிருவகித்து பயன்படுத்துவதற்கும் அசாத்திய திறமையும் நிருவாகத்திட்டமிடல் அறிவும் இருந்திருக்க வேண்டும்

இராசராச சோழன் காலத்தில் சோழ நாடு.1014 C.E.
ஆட்சிக்காலம் கி.பி. 985 - கி.பி. 1012
title இராசகேசரி
தலைநகரம் தஞ்சாவூர்

அரசி உலக மாதேவியார்
வானவன் மாதேவியார்
சோழ மகாதேவியார்
பிள்ளைகள் இராசேந்திர சோழன்
மாதேவடிகள்
குந்தவை
முன்னவன் உத்தம சோழன்
பின்னவன் இராசேந்திர சோழன்
தந்தை சுந்தர சோழன்
பிறப்பு தெரியவில்லை
இறப்பு கி.பி. 1014

ராஜ ராஜ சோழன் பெருமைகளை உரைக்கும் காணொளி ஒன்று..பலர் பாத்திருக்க கிடைத்திருக்காது.பாருங்கள் ஒருவித உணர்ச்சி உங்கள் மனதில் தோன்றும்!

ஆரம்பத்தில் தாஜ்மகால் வந்தாலும்,ஐந்தாவது நிமிடத்தில் இருந்து....வேண்டாம் பாருங்கள் நீங்களே!

தஞ்சை கோவில்

தஞ்சை பெரிய கோவிலின் கோபுரம் அல்லது விமானம் ஒரே கல்லால் கிட்டத்தட்ட 80 டன் எடை கொண்டது.(ஆனால் திருச்சிராப்பள்ளி நகரிலிருக்கும் டாக்டர் மா. இராசமாணிக்கணார் வரலாற்று ஆய்வு மையத்தின் இயக்குநர், வரலாற்று ஆய்வு மேதை டாக்டர் இரா. கலைக்கோவன் அவர்கள் தமது ஆய்வர்களோடும் இந்தியத் தொல்லியல் அளவீட்டுத்துறையின் அலுவலர்களின் துணையுடனும் விமானத்தின் உச்சிவரை ஏறி இது ஒரே பாறையால் ஆனது அல்ல, பல கற்களை இணைத்து ஒரே பாறை போன்று தோற்றும் வண்ணம் மிக நேர்த்தியாக இணைக்கப்பட்டிருக்கிறது என்றும் கண்டறிந்திருக்கிறார்.) பக்கத்தில் மலையோ அல்லது பெரிய பாறையோ இல்லாத இடத்தில் எவ்வளவு பெரிய கல் எங்கிருந்து எப்படி கொண்டு வரப்பட்டது என்பது இன்னும் மர்மம் தான்.கோவிலை சுற்றிலும் சாய்வான மணல் மேடுகளை அமைத்து யானைகளின் மூலம் கோபுர உச்சிக்கு கொண்டு செல்லப்பட்டது.பாலகுமாரன் எழுதிய உடையார் புதினத்தில் இதை பற்றி விரிவாக எழுதப்பட்டுள்ளது

.

தஞ்சாவூரைச் சுற்றியுள்ள பகுதிகளில் கற்பாறைகள் மிகவும் குறைவு. ஆகவே, ஆரம்ப காலத்தில் செங்கல் மற்றும் சுண்ணாம்புக் கலவையைப் பயன்படுத்தியே கோயில்கள் கட்டப்பட்டன. இதை மாற்றியமைத்தவர் கண்டராதித்த சோழரின் (ஆட்சி: கி.பி. 949 -957) மனைவி செம்பியன்மா தேவியார்! பிறகே சோழமண்ணில் அற்புதமான கற்கோயில்களைக் கட்டத் துவங்கினார்கள். பெரியகோயில் மூலம் அதன் உச்சத்தைத் தொட்டான் ராஜராஜசோழன்!

வீரசோழ குஞ்சர மல்லன், நித்த விநோத பெருந்தச்சன் மற்றும் குணவான் மதுராந்தகன் - இந்த மூவரும்தான் பெரிய கோயிலைத் திட்டமிட்டுக் கட்டிய தலைமை அர்க்கிடேக்டோடுகள்! கோபுரத்தின் நிழல் தரையில் விழாது என்ற கூற்று பொய் .கோபுரத்தின் நிழல் தரையில் நன்றாகவே விழும்! .கோயிலுக்குமுன் உள்ள ஒரே கல்லில் செதுக்கப்பட்ட பெரிய நந்தி பிற்பாடு நாயக்கர் ஆட்சிக் காலத்தில் அமைக்கப்பட்டது

கி.பி.1014'ல் கும்பகோணத்துக்கு ஆறு கிலோ மீட்டர் தொலைவிலுள்ள உடையலூரில் ராஜராஜன் இறந்தார். அங்கே மன்னரைப் புதைத்த இடத்தில் ஒரு பள்ளிப் படைக் கோயில் கட்டப் பட்டது. ( ஒட்டன்தோப்பு கிராமத்தில், வயற்புரத்தில் ஒரு மூலையில் உள்ள மணல் மேடுதான் பள்ளிப்படையின் மிச்சம். அங்கே, புதையுண்டிருக்கும் சோழர் காலத்திய சிவலிங்கத்தையும் நாம் காணலாம்! )

சோழரின் 450 ஆண்டுகால புக்ழபெற்ற வாழ்வு விஜயாலய சோழனின் காலத்தில் தொடங்கியது. ஆயினும் அவர்தம் மகோன்னத காலம் ராஜராஜன் என்ற அந்தப் பெரும் ஆற்றல் அரியணை ஏறியபோதுதான் தொடங்கியது. அந்த ஆற்றல் ஏற்படுத்திய அலையில் சில நூற்றாண்டுகள் பயணம் செய்து, விஜயாலய சோழனின் நேர்வழி வாரிசுகள் 1279ல் அழிந்து போனதோடு சோழரின் இனம் யாருமே நன்றி நினைக்காத ஒரு நிலையில் புவியின் பரப்பிலிருந்தே மரைந்து போனது.ஆயினும் ராஜராஜன் என்ற ஒப்பில்லா மறத்தமிழனின் புகழ் ராஜராஜீஸ்வரம் என்ற அவர் கல்லில் எழுதிய காவியம் இருக்கும்வரை நிலைத்திருக்கும். உலகமும் அவரைக் கைகூப்பித் தொழும்.

தஞ்சை பெரிய கோயிலின் நிழல் பற்றி உங்களுக்கு தெரிந்த உண்மைகளை சொல்லுங்கள் நண்பர்களே...!பதிவு பலரை அடைய விரும்பினால் ஓட்டு போட்டு செல்லுங்கள்!

பாடசாலைக் காதல்-காதலி யார்னு சொன்னா...

ஆயிரத்தி தொள்ளாயிரத்தி தொண்ணூற்றி நான்கு..வரலாறுகளில் மிக முக்கிய

இடம் பிடித்த ஆண்டு..ஆமாம் நான் ஆண்டு ஒன்று பயில பாடசாலை சேர்ந்த ஆண்டு..

புத்தம் புதிதாய் கொப்பிகள்,புத்தகப்பை,பென்சில்,ரப்பர்(அழி ரேசர்,அது தான் எங்கட பெயர்)

புது சப்பாத்து சொக்ஸ் எண்டு பாடசாலை சேர்ந்த காலம்..

கூர் மாத்தி பென்சில் மீதான காதல் !!

எல்லா பாடசாலையிலும் அப்பிடியோ தெரியாது,எங்கள் பாடசாலையில் நான்காம் வகுப்பு,ஐந்தாம் வகுப்பில் தான்

பேனை பாவிக்கலாம்..அது மட்டும் பென்சில் தான்..காலையில் அம்மா தீட்டி தருவதும்,அதை கொண்டு போயி எழுதி உடைப்பதும்,

கீழே விழுந்து உடைப்பதும் என்று பென்சில்கள் படாத பாடு படும்.

பென்சில் கூர் உடைஞ்சா,அது பெரும் பாடு..

எல்லாரிட்டையும் கட்டர்(ஷார்ப்னர்)இருக்காது..

கடன் வாங்கணும்.அதுக்கு கெஞ்சணும் பலரிட்டையும்..ஈசியா தந்திடமாட்டாங்க...

அதனாலோ என்னமோ எனக்கு பேனா மீது காதல் பிறந்தது...எப்படா பேனா பாவிக்க

விடுவாங்க எண்டு...

பென்சில் பாவிக்கிரதால நாம இன்னும் சின்ன பிள்ளையள் எண்டு எனக்குள்ளே

ஒரு குறுகிய மனப்பாங்கு..

ஏதும் பிழையாக எழுதிவிட்டால் அதை அழி ரப்பரால் அழிச்சு அழிச்சு கொப்பி 'கோப்பி' கலரில் கரும் பிரகாசமாய்

இருக்கும்..அதுவும் சில பயலுகள் ரேசர் இல்லாவிட்டால்,எச்சில் போட்டு கையால் தேய்ப்பார்கள் பாருங்கள்,

கொப்பி பேப்பரில் ஓட்டை விழுந்து முதல் பக்கம் தெரியும் ஒட்டையூடு!!

எனக்கு முதலாம் ஆண்டில் இருந்தே நடராஜா பென்சில் தான்..சிவப்பு,கருப்பு நிறம் கலந்த பென்சில்..

சும்மா டம்மி லோக்கல் பென்சில்களை விட கொஞ்சம் குவாலிட்டி கூடின பென்சில் அது..

அப்போது ஐந்து ரூபாய் என நினைக்கிறேன்..லோக்கல் டம்மி பென்சில் மூன்று ரூபாய்..

ரெண்டு ரூபாய் தான் அதிகம் என்றாலும் அந்த காலத்தில் அதன் பெறுமதியே வேறு...

ஒரு ராத்தல் பாண் ஒன்பது,எட்டு ரூபாய் வித்த காலம்..இப்போ அம்பது ரூபாய்..

பணவீக்கத்தை பாருங்கள் கணக்கிட்டு.

முப்பத்தி அஞ்சு பேர் கொண்ட வகுப்பில ஒருத்தன் ரெண்டு பேர் தான் 'கூர் மாத்தி பென்சில்' வைச்சிருப்பாங்க..

மத்தவங்களுக்கு தரமாட்டாங்க..அந்த காலத்தில கொஞ்சம் ஹை பை'யான பென்சில் அது..

பதினைஞ்சு ரூபாய் வித்ததாக்கும்..

ஒரு கூர் முடிஞ்சா,அதை கலட்டி பின்னால் செருகினால் புதுதாய் ஒரு கூர் முன்னால் வரும்..

செம கலர்புல்லாய் இருக்கும்..எங்களுக்கெல்லாம் கொள்ளை ஆசை..

ஆனால் கடைசிமட்டும் எனது நான்காம் ஆண்டு வரைக்கும் அது கிடைக்கவே இல்லை..

கரேஷ்'னு ஒரு நண்பன்,அவன் தான் பெரும்பாலும் முதலாவதாய் வருவான் வகுப்பில்,அவன் வைத்திருந்தான்

கூர் மாத்து பென்சில்...

அவனுடைய அப்பா,புஸ்தக கடை வைத்திருந்ததாக ஞாபகம்..ஆகவே அவன் கடைக்கு போயி ஆட்டைய போட்டிருப்பான் இலகுவாய்...

எனக்கு அந்த வாய்ப்பு இல்லாமல் போய்விட்டது..

நான் ரெண்டாவது மூணாவதாய் வருவதாலோ என்னமோ,எனக்கு

நடராஜா பென்சில் தான் கடைசி மட்டும்..

பின்னர்,ஐந்தாம்,ஆறாம் ஆண்டுகளில் கிடைத்தாலும்,அந்த முதலாம் ரெண்டாம் ஆண்டுகளில் வந்திருக்க கூடிய கிக் இல்லாமல் போய்விட்டது எனக்கு..

பென்சிலை வைத்து பதிவு போட்ட முதல் பதிவர் நான் அப்பிடீன்னு தமிழ்மணம் அவார்டு தர்றதா பேசிக்கிட்டாங்க!!ஹிஹி உங்களுக்கு ஒரு விடயம் தெரியுமா??இன்னும் மூன்று நாட்களில் நான் பதிவுலகுக்கு வந்து ஒரு வருடம் ஆகின்றது ஹிஹி ஐ ஜாலி!!பாடசாலைக் காதலோடு அடுத்து ஹன்சிகா.. .

ஜெயிலுக்கு போன வரலாறு-2 !!!

ஆட்டோ ஒன்னில ஏத்திட்டு போனாங்க என்னைய..வடிவேலுவ வா மாப்பிள கொண்டு போய் வைச்சு வைச்சு அடிக்கிறம் எண்டு கூட்டிட்டு போற மாதிரியே எனக்கு ஒரு பீலிங் அந்த நேரத்திலையும்..

மனுஷனுக்கு எந்த நேரத்திலையும் காமெடி வரலாம்னு எனக்கு அப்போ தான் தோணிச்சு..

கொண்டு போயி ஒரு செல்'லுக்க போட்டாங்க.அங்க என்னோட இருந்தது இன்னொரு மனுஷன் ஒரு முப்பது வயசு இருக்கும்.

பரதேசி அது குடு(போதை பொருள்) அடிக்கிற ஆளு...

என்னையே உத்து உத்து பாத்திட்டிருந்தான்..எனக்கு அப்பவும் வடிவேலு காமெடிதான் மனசுக்க ஓடிச்சு..

வெலவெலத்து போயி இருந்த எண்ட மூஞ்சிய பாத்து பரிதாபப்பட்டு பக்கத்து செல்'லுக்க மாத்தி விட்டாங்க..

அங்க ஒரு மூணு பொடியங்க...

நான் போன நேரம் தொடக்கம் சத்தமாக கதைக்கிறதும் வாய் விட்டு பெரிதாக சிரிக்கிறதும்னு ஜாலியா இருந்தாங்க..

போனவுடன என்னை பத்தி கேட்டாங்க..சொன்னேன்,தாங்களும் அப்பிடி தான் பிடிபட்டதாம்..ரெண்டு நாளா இருக்கினமாம் உள்ளே..

அடடா அப்போ நானும் ரெண்டு நாள் இருக்கணுமா...

நேரம் மாலை எழு மணி இருக்கும் செல்'லுக்க போடேக்க...

உள்ள இருந்த மூணு பசங்களும் யாழ்ப்பாணம்..கிட்டத்தட்ட எனது பாடசாலைக்கு அருகாமையில் தான் அவர்களது வீடுகள்..

சோ,கதை நம்ம ஊரு பிகருங்க பத்தி ஆரம்பிச்சுது..

அடே அந்த சுண்டுக்குளில படிச்சா,அத பண்ணினா இதப் பண்ணினா ....இப்போ என்ன பண்றா...அப்பிடி மிகவும் முக்கியமான விடயங்கள்

அலசி ஆராயப்பட்டது...

இடைக்கிடையில் காமெடி கதை வந்தால் பெரிதாக சிரித்தோம்..

எங்க சத்தம் சும்ம்மா இருந்த மாமாவை குழப்பி இருக்கணும்...அடிக்கடி வந்து தன்னுடைய சப்பாத்து

காலை தூக்கி காட்டிட்டு போனார்..அதுக்கும் அசராம கெக்கட்டம் போட்டு சிரித்தானுகள்..

எனக்கு உள்ளுக்க நடுக்கம்..

இப்பிடியே கதை இரவு பத்து மணி வரைக்கும் போக,நித்திரை வருதுன்னு ஒவ்வொருத்தனா தூங்க ஆரம்பிச்சிட்டாங்க..

எனக்கு பழக்கமில்லாத இடம்..எப்பிடி தூக்கம் வரும்,அவங்களுக்கு ரெண்டு நாள் அனுபவம் இருக்கே!!

வெக்கை வேறு..அவியுது...அப்போ தான் யாரு மாணிக்க வாசகரோ,திருநாவுக்கரசரையோ ஒரு சுண்ணாம்பு அறைக்குள்ள வைச்சிருந்தான்களாம்..

அதுவும் ஞாபகம் வந்தது...பாவம் மனுஷன் எம்புட்டு கஷ்டப்பட்டிருக்கும்..

எனக்கு தூக்கம் வரவே இல்லை...கம்பிகளை எண்ணி பார்த்தேன்..சரியாக எட்டு கம்பி...

எனது வாழ்க்கையில கம்பி எண்ணினேன் முதல் முறையாக..எத்தினை பேருக்கு அந்த சந்தர்ப்பம் கிடைக்கும்!!

கம்பிகளூடே வெளியில பாத்திட்டிருந்தன்.இரவு நேர கடமைக்கு மூணு பெண் போலீஸ் பிள்ளைங்க வந்திருந்தாங்க..

ரெண்டு பேர் கொஞ்சம் சுமார் தான்..ஒருத்தி கொஞ்சம் எடுப்பாக இருந்தாள் சிங்களத்தி..

ஹிஹி வேறென்ன வேறென்ன வேண்டும்...பாத்திட்டிருந்தால் போதும்...

இரவையும் உந்தன் கால்.........என்று பாட்டு வேறு...

அவளும் என்னை பார்த்தாள்...நான் பார்ப்பது அவளுக்கு தெரிந்திருந்தது..

நல்ல காலம் பெரியவனிடம் சொல்லி குடுக்கவில்லை...இல்லாவிட்டால் நொங்கு எடுத்திருப்ப்பார்கள்..

அன்னிக்குன்னு பாத்து கவிதை கவிதையா கொட்டுதுங்க...மனசுக்க..

ஒரு பொஸ்தகமும் பேனாவும் இருந்திருந்தா ஒரு கள்ளிக்காட்டு இதிகாசமே படைத்திருப்பேன்!!

ஒரு வருஷம் ப்ளாக்'ல போடுற அளவு கவிதை கிடைத்திருக்கும்!!

அப்பிடி ஒரு நினைவு..கனவு...நேர மேல மணிக்கூடு...ஒவ்வொரு செக்கனும் ஒவ்வொரு யுகங்கள் ஆக

மாறிக்கொண்டிருந்தது..பாவம் ஆயுள் தண்டனை கைதிகள் எல்லாம் எவ்வாறு தான் உயிரோடு இருக்காங்களோ!!!

எதோ போலீஸ்காரி இருந்ததாள்ள கொஞ்சம் கிளு கிளுப்பா போச்சு நையிட்டு...

அன்னிக்கு இரவே என்னுடைய மாமா எல்லாரும் வந்து என்னைய எடுக்க முயற்சி செய்திச்சினம்...ஆனா முடியல..

எப் ஐ ஆர் போட்டிட்டாங்களாம்..அதால காலைல தான் விடலாம்னு அனுப்பிட்டாங்க,.

எதோ ஒரு இரு மணி நேரம் கண் அயர்ந்த ஞாபகம்..

விடிஞ்சிருச்சு...உறவினர் ஒருவர் வந்திருந்தார்..பெரியவன் வரட்டாம்னு கூப்பிட்டான் என்னைய,..

போனேன்..விசாரித்தான் என்ன பண்றீங்க...எங்க இருக்கீங்க..எப்ப பல்கலைக்கழகம் தொடங்குது அப்பிடீன்னு இங்கிலீசில...

அப்பாபி அவனுக்காச்சும் இங்கிலீசு தெரிந்திருந்தது!!!

சரி போயிட்டு வாங்கன்னு அனுப்பி வைச்சாங்க...உள்ளுக்கிருந்த மற்றைய நண்பர்களிடமும் சொல்லாமல் ஓடி வந்துவிட்டேன்...

ஒரு நாள் முதலமைச்சர் மாதிரி ஒரு நாள் நண்பர்கள் ...அதற்க்கு பிறகு ஒரு நாள் வீதியில் கண்டு கதைத்தோம்..

ஹிஹி இது தான் நண்பர்களே நான் ஜெயிலுக்கு போன வரலாறு..வரலாற்று பதிவு!!

அன்னிக்கு நான் பிடிபட்ட நாள் ஜூலை மாதம் ஒரு நாள்..அது விடுதலை புலிகளின் ஒரு முக்கிய நாள்..அதை கவனிக்காம நாம ஏரியா விட்டு ஏரியா போயிருக்கம்...ஹிஹி பிடிச்சாங்க போட்டாங்க விட்டிட்டாங்க..!!!!

ஹிஹி நீங்க ஜோசிக்கிறத பாத்தா,எதோ அவனுகள் என்னைய கும்மின மாதிரியும்,நான் அதை மறைக்கிற மாதிரியுமல்லோ கிடக்குது...நானும் ஜெயிலுக்கு போனான் நானும் ஜெயிலுக்கு போனான்!!!

போலீசில் பிடிபட்ட பிரபல பதிவர்!!-வரலாற்றுப் பதிவு !!!

சொந்தக்கதை சோகக்கதை எண்டுவாங்களே....? அதை தான் சொல்ல போகிறேன் நான் இப்போ.. எண்ட வாழ்க்கையில அப்பிடி ஒண்டு நடந்திருக்கு.. அப்போது நான் உயர்தரம் முடித்து கொழும்புக்கு வந்த நேரம்.. போர்மேகங்கள் உச்சக்கட்டமாய் இருந்தது..எப்போது என்ன நடக்கும் எது நடக்கும்னு தெரியாத நிலைமை.. திடீர் திடீர்னு சுற்றிவளைப்புகள்,தேடுதல்கள்,கைதுகள் என்று அமர்க்களப்படும் கொழும்பு.. போலீஸ் பதிவு என்று ஒரு பதிவு அனைவரும் கட்டாயமாக வைத்திருக்க வேண்டும்..(அது எடுப்பது பெரிய விஷயம்..சில வேளைகளில் ஒரு நாள் கூட மெனக்கிட வேண்டி வரும்!)தேடுதல் சுற்றிவளைப்புன்னு நடந்தா கொழும்பு வாழ் மக்களின் தேசிய அடையாள அட்டை இலக்கம் ஒன்று.. மற்றைய மாவட்டத்துக்கு மாவட்டம் இலக்கம் மாறுபடும்..இலக்கம் ஒன்றை தவிர வேறு இலக்கம் அவங்கட கண்ணில மாட்டுப்பட்டால் தீவிரமாய் சோதிக்கப்படுவார்கள்..என்பதால் எங்களுக்கெல்லாம் நடுக்கம்.. ஒரு நாள் இவ்வாறு வெள்ளவத்தையிலிருந்து களுபோவில'க்கு ஒரு நண்பன் வீட்டுக்கு சென்றேன்.அவன் தன்னிடம் கனக்க wrestling சிடி இருக்கு வா தாறன் எண்டவன்.அதனால நானும் ஆசையில போனான் இன்னொரு நண்பனையும் இழுத்துக்கொண்டு.. அங்க போய் ஒவ்வொரு சிடி சிடியை ப்ளேயரில் போட்டு பாத்து நல்ல மேட்ச் இருக்கிற சிடியல தனியா சேர்த்துவைக்கிற வேலையில ஈடுபட்டுக்கொண்டிருந்தம்.. திடீரெண்டு பார்த்தா நாலஞ்சு போலீஸ்காரன்கள் உள்ளுக்கு வந்திட்டாங்கள் திடுதிடுப்பெண்டு.. என்னடா கறுமம் இப்படியா நடக்குது எண்டு வெலவெலத்து போய் எழும்பி நிண்டா, வந்தவனுகள்'ல ஒருத்தன் (அவந் தான் தல போல)கேட்ட முதல் கேள்வி இது என்ன சிடி என்று.. சிங்களத்தில் தான்..அப்போது கொழும்புக்கு வந்து சில மாதங்களே என்றமையால் சிங்களம் பெரிதாக தெரியாது.. நாங்க அது எல்லாம் wrestling சிடி தான் எண்ட அவனுக்கு நம்பிக்கை இல்லை.. அரைகுறை இங்கிலீசில் 'புளு புளூ பிலிமா "எண்டு.. ஐயோ சேர் அம்மா சத்தியமா இது wrestling சிடி தான் எண்டு சொன்னோம்..நம்பாமல் போட்டுப்பாத்தான் ஒண்டு ரெண்டை.. பாத்தவன் யாழ்ப்பாணம் என...இங்க ஏன் வந்தனை எண்டான்.. அப்புறம் எடு ஐடி,பொலீஸ்பதிவு எண்டான்..ஐடியை வாங்கி !! இல்ல,யுனிவெர்சிட்டி அனுமதி கிடைச்சிருக்கு அதுக்கு தான் வந்தனான் என்றேன் தெரிஞ்ச சிங்களத்தில்... அப்போ யுனிவெர்சிட்டி அடையாள அட்டையை காட்டு எனக்கு எண்டான் அவன்.. எங்க போறது நான்??அனுமதி மட்டும் தான் கிடைத்தது..பல்கலை போனால் தானே ஐ டி தருவாங்க.. அந்த பிக்காலி பயல்ட்ட இன்னும் தரேல ஐ டி எண்டு இங்கிலீசில சொன்னேன்.. பயபுள்ள அவனுக்கு இங்கிலீசு தெரியாது..எனக்கு சிங்களம் தெரியாது.. பக்கத்தி பக்கத்தி வீடுகளில ஒரே பொண்ணுங்க வந்து வேடிக்கை பாக்குதுகள்.. நாம வேற சமூகத்தில கொஞ்சம் பவுசான ஆக்கள்.. வந்த ஆட்டோ ஒன்றை மறித்து வா ஸ்டேசனுக்கு எண்டு கூட்டிக்கொண்டு போயிட்டான்... முந்தி ஒரு வீட்டில இளவட்ட பொடியள் நடமாட்டம் கூட இருந்தா போலீசில மாட்டிவிடுற சம்பவங்களும் நடந்திருக்கு... ஆனா அவங்க வந்த காரணம் வேறு.. அதென்ன காரணம்?? அப்புறம் என்ன நடந்தது?? காத்திருங்க பல kilu கிளு விடயங்கள் அடுத்த பதிவில்!!

நெப்போலியன் பேனாபார்ட் இறந்தது எப்படி??

17-ஆம் நூற்றாண்டின் பிற்பகுதியில் பிரான்ஸ் தேசத்தின் ஆளுகைக்குட்பட்ட ஒரு சின்னஞ்சிறிய தீவில் 'போனபர்ட்' என்றுஅழைக்கப்படும் குடும்பத்தில் பிறந்த நெப்போலியன் தன்னுடைய இருபதாவது வயதிலேயே போர்வீரனாக வாழ்க்கையை தொடங்கியவன். தன் வாழ்நாளின் பாதிக்கும் மேற்பட்ட நாட்களை யுத்த களங்களிலேயே கழித்தவன். நெப்போலியனின் போர் தந்திரங்களும், போரிடும் முறையும்,படைவீரர்களிடையே ஆற்றும் வீரம் மிக்க சொற்பொழிவுகளும், ஐரோப்பிய நாடுகளை ஒவ்வொன்றாக தன் ஆளுகைக்கு கீழ் கொணர்ந்த திறனும் உலகின் வரலாறு அறிஞர்களால் உன்னிப்பாக கவனிக்கப்பட்டவை ஆகும்.

1812 இல் இடம் பெற்றுத் தோல்வியில் முடிந்த பிரான்சின் ரஷ்ய ஆக்கிரமிப்பு நெப்போலியனுக்கு ஒரு திருப்புமுனையாக அமைந்தது. இப் படையெடுப்பு, நெப்போலியனின் படைகளைப் பெரும் அழிவுக்கு உள்ளாக்கியது. இதிலிருந்து மீள்வதற்கு அதற்கு முடியவில்லை. அக்டோபர் 1813 இல், ஆறாவது கூட்டணி, லீப்சிக் என்னுமிடத்தில் நெப்போலியனின் படைகளை முறியடித்து, பிரான்சுக்குள் நுழைந்தன. 1814 ஏப்ரலில், கூட்டணி நெப்போலியனைப் பதவியில் இருந்து இறக்கி எல்பாத் தீவுக்கு நாடு கடத்தியது. ஓராண்டிலும் குறைவான காலத்தில் நெப்போலியன் மீண்டு வந்து இழந்த அரசைக் கைப்பற்றினான். எனினும் 1815 ஜூன் இல் வாட்டர்லூ என்னுமிடத்தில் அவன் இறுதித் தோல்வியைச் சந்தித்தான். இதன் பின்னர் அவனது வாழ்நாளின் இறுதி ஆறாண்டுகளும் பிரித்தானியரின் கட்டுப்பாட்டுக்குள் இருந்த சென் ஹெலேநாத் தீவில் கழிந்தது.

நெப்போலியன் போனபார்ட் மரணம் தொடர்பில் பல்வேறுவிதமான ஊகங்கள் இதுவரை வெளியாகியுள்ளன.

நெப்போலியன் ஆர்சனிக் விஷம் காரணமாக மரணமடைந்தான் என்று ஒரு கருத்தும், நெப்போலியன் சிறை வைக்கப்பட்ட அறை பற்றிய ஆய்வுகளிலிருந்து, அந்த அறையின் சுவரை அலங்கரித்த ஓவியத்தில் விஷம் பூசப்பட்டு இருந்தது. அந்த ஓவியத்தில் பாம்பின் விஷத்தை ஒரு வர்ணமாகப் பயன்படுத்தி இருந்தார்கள். அந்த ஓவியத்தின் அருகிலேயே நெப்போலியன் இருந்ததால், விஷத்தைச் சுவாசித்து சுவாசித்து இறந்துவிட்டார் என்று ஒரு தரப்பு ஆய்வாளர்களும், சுவரில் ஓவியத்தினை ஒட்ட பயன்படுத்தப்பட்ட பசையில் விஷத்தைக் கலந்திருந்தார்கள். பசி தாங்கமுடியாமல் நெப்போலியன் ஓவியத்தினைக் கிழித்துத் தின்றதால் இறந்தார் என்று இன்னொரு தரப்பினர் அறிவித்தனர்.

ஆனால், நெப்போலியன் மரணம் தொடர்பிலான புதிதாகவெளியாகியுள்ளஆய்வுத்தகவலின் பிரகாரம் மாவீரன்நெப்போலியன் இயற்கை மரணம்அடைந்ததாகதெரிவிக்கப்படுகின்றது.

இந்த ஆய்வினை இத்தாலியின் அணு பெளதிகவியல் தொடர்பான தேசிய நிறுவகம்(NINP) மேற்கொண்டமை குறிப்பிடத்தக்கதாகும்.

தொன்மை கோட்பாட்டினை மையமாகக் கொண்டு இந்த ஆய்வுத்தகவல் வெளியிடப்பட்டுள்ளமை குறிப்பிடத்தக்கதாகும். இந்த ஆய்வில், குழந்தைப் பருவ மற்றும் இறப்புக்கு முந்திய காலப்பகுதிற்கும் இடைப்பட்ட பேரசனுடைய முடிகளின் பல்வேறு மாதிரிகளை ஆய்வாளர்கள் ஆய்வுக்குட்படுத்தினார்கள்.

ஆய்வுக்காக எடுக்கப்பட்ட முடிகளினை சிறியதொரு அணுக்கருவியின் மையத்திலிட்டு அவற்றின்மீது நியூத்திரன்களுடன் தாக்குதல் மேற்கொள்ளப்பட்டது. இதன்போது ஆர்சனிக் ஸ்திரமற்றதாகவும், ஒன்று சேராமலும், காமா மற்றும் வீற்றா கதிர்களும் வெளியாகியமை குறிப்பிடத்தக்கதாகும்.

கதிர்வீசலினை அளவீடுசெய்தபோது, ஆய்வுக்காக எடுக்கப்பட்ட முடிகளில் ஆர்சனிக் மட்டமானது 100 தடவைகள் சாதாரணமாகவே இருந்தது.
நெப்போலியனின் மகன், மனைவி மற்றும் அவருடன் சமகாலத்தில் வாழ்ந்தவர்களின் முடிகளினை ஆய்வுசெய்தபோதும் ஒரே முடிவே கிடைத்ததாம்.

ஆட்சியிலிருந்து வெளியேற்றப்பட்டு சென் ஹெலெனா தீவில் சிறை வைக்கப்பட்ட நெப்போலியன் பாரியளவில் ஆர்சனிக் விஷத்தினை உள்ளெடுத்ததன் காரணத்தினாலேயே மரணமாகியதாக பலரும் நம்புகின்றனர்.

முதலாம் நெப்போலியன் Napoléon I
பிரான்சின் பேரரசன் இத்தாலியின் மன்னன் சுவிஸ் கூட்டமைப்பின் இணைப்பாளன் ரைன் கூட்டாட்சியின் காப்பாளன்
நெப்போலியன் தனது படிப்பகத்தில், ஜாக்-லூயி டேவிட் 1812 இல் வரைந்தது
ஆட்சிக்காலம்	மார்ச் 20, 1804–ஏப்ரல் 6,1814 மார்ச் 1, 1815–ஜூன் 22,1815
முடிசூட்டு விழா	டிசம்பர் 2, 1804
முழுப்பெயர்	நெப்போலியன் பொனபார்ட்
பிறப்பு	ஆகத்து 15 1769
பிறப்பிடம்	கோர்சிக்கா
இறப்பு	மே 5 1821 (அகவை 51)
இறந்த இடம்	சென் ஹெலெனா
புதைக்கப்பட்டது	பாரிஸ்
முன்னிருந்தவர்	பிரெஞ்சு கொன்சுலேட் முன்னைய அரசன்:பதினாறாம் லூயி(இ. 1793)
பின்வந்தவர்	நடப்பின் படிபதினெட்டாம் லூயி De Jure நெப்போலியன் II
துணைவி	ஜோசெஃபின் டெ பியூஹார்னை மரீ லூயி
வாரிசுகள்	நெப்போலியன் II
அரச குடும்பம்	பொனபார்ட்
தந்தை	கார்லோ பொனபார்ட்
தாய்	லெற்றீசியா ரமோலினோ

என் முன்னோர்கள் நான் பதிவிடுவதர்க்காக எழுதிவைத்த குறிப்புகளல்ல இவை.. விக்கிப்பீடியா போன்ற தகவல் மூலங்களிலிருந்து தான் எடுத்தேன். நெப்போலியன் என்று போய் விக்கிப்பீடியாவில் தேடி வாசிப்பவர்கள் எத்தனை பேராக இருக்கும்?? அதனை நான் தொகுத்து இங்கே தரும் போது ஒரு முன்னூறு நானூறு பேராவது பலனடைவார்கள் என்ற எண்ணத்தில் தான் பகிர்ந்துகொள்கிறேன்.. !! இவ்வாறான பதிவுகள் தொகுக்கப்பட்ட பதிவுகலாயினும்,இவற்றுக்கு நீங்கள் கொடுக்கும் ஆதரவை பொறுத்து தான் வரும்காலங்களில் தொடர முடியும் நண்பெர்ஸ்...