Sunday, September 5, 2010

என்ன இது ஒரு நாள் தானா?



ஆசிரியர் தினம் அக்டோபர் 5 கொண்டாடப்படுகிறது ஒவ்வொரு ஆண்டும்.இன்னும் ஒரு மாதம் இருக்கிறது சரியாக!..ஆண்டில் ஒரு நாள் மட்டும் ஆசிரியர்களை வாழ்த்தாமல் காலம் முழுவதும் நாம் அனைவரும் கற்பித்த ஆசான்களை மறக்காமல் இதயத்தில் ஆலயம் கட்டி வழிபட வேண்டும்..அதுவே ஆசான்களுக்கு நாம் வழங்கும் மரியாதை மதிப்பு எல்லாமே..

நான் யாழ்ப்பாணம்(இலங்கை)சென் ஜோன்ஸ் கல்லூரியில் படித்து வெளியேறியவன்.அவர்கள் ஞாபகார்த்தமாக,என் நண்பர் ஒருவரின்(அடிக்கடி பின்னூட்டமிடும் வள்ளல் "அனுஷாங்" தான்)வேண்டுகோளுக்கமையவும் எழுத்தப்பட்ட கவிதையை எனது பதிவுலகில் பதிவோம் அதற்கு இன்று தான் நல்ல சூழ்நிலை என்பதால் பதிவிடுகிறேன்..



பார் போற்றும்
பரியோவானில்
நாம் போற்றும்
கனவான்களே..
ஆசிரியர்களே!
பரியோவான் ஆலயத்தில்
எம்மை ஆட்கொண்ட
பெருந்தகைகளே!

கல்விச் சூரியன்களே
உங்கள் கதிர் பட்டு
உயிர்ப்புற்ற தாவரங்கள் நாம்!

சொல்லுக்கு அரிச்சந்திரன்
வரலாற்றிலே!
வில்லுக்கு அர்ச்சுனன்
பாரதத்திலே!
அன்புக்கு அன்னை எமக்கு
ஆரம்பத்திலே
பண்புக்கு பரியோவான்
பார்புலத்திலே!!

பற்றுத்தான் நம்
பரியோவான் மேல்
அன்பு எங்கள்
ஆசிரியர் மேல்!!

கற்று நாம்
ஆளாக
தானாக நாம்
பாராள

ஏதாக எமக்கமைந்த
படிக்கற்கள் நீங்கள்!

எமக்கு அறிவு புகட்டிய
அறிவாலயத்தின் முத்துக்களே!
விதையாய் வீழ்ந்தோம்
முதலாம் ஆண்டில்.
விருட்சமாய் மாற்றினீர்கள் எம்மை
பதின்மூன்று ஆண்டுகளில்!

பள்ளி சேரும் முன்னே
இருவர் தானே உலகம்
பள்ளி சேர்ந்த பின்னே
நீங்கள் தான் எங்கள் உலகம்!

கண் மூடிப் போற்றுகின்றோம்
இக்கணம்
கண் எதிரே நீங்கள்!
மனம் திறந்து வாழ்த்துகிறோம்
திறந்த பொஸ்தகம் நீங்கள்!

நும் செயலால்
அறிவால்
நடத்தையால்
நாகரீகத்தால்
முன் மாதிரியாய்
திகழ்ந்தீர்..
எம்மை செதுக்கினீர்!

துவண்டு போன போது
தட்டிக் கொடுத்தீர்
தோல்விகள் சூழ்ந்த போது
தட்டிக் கொடுத்தீர்
தோளோடு தோள் நின்ற
தோழனானீர்!

கற்பித்த காலங்களில்
கல்வியா கற்பித்தீர்?
அனைவரும் கூடி இருப்பதால்
வெளிப்படட்டும் உங்கள் ரகசியம்!
கல்வியோ கலைகளோ
பண்போ பணிவோ
பழக்கவழக்கமோ
எது விட்டீர்??
நேரம் தவறாமை
நன் நெறி பிறழாமை
தீயோர் சொல் கேளாமை
அப்பப்பா எதனை நான் அடுக்க!!

நீங்கள் சிற்பிகள்!
எங்களை செதுக்கினீர்கள் !
நீங்கள் தலைவர்கள்!
எங்களை வழி நடத்தினீர்கள்!
நீங்கள் "குரு"க்கள்!
எமக்கு ஞானம் தந்தீர்!
நீவிர் ஒவ்வொருவரும் அகராதிகள்!
விளக்கங்கள் தந்தீர்!




வாழ்த்துக்கள் கூற
நான் பெரும் கவிஞனுமல்ல!
வாழ்க்கையில் மைல்கற்கள்
தொட்டவனுமல்ல!
உங்களின் மாணவன்
சீடர்களில் ஒருவன்
நன்றிகள் சொல்ல நினைக்கும்
அந்த
ஆயிரம் உள்ளங்களில் ஒருவன்
இத்தனை தகுதிகள் போதும்
என் ஆசானை வாழ்த்துரைக்க
வாழ்க என மனமுவக்க
நெஞ்சங்கள் கூடி
உங்கள்
பெருமைகளை எடுத்துரைக்க!

நும் புகழ் தான் பேச
என்ன இது
ஒரு நாள் தானா?
அத்தனை தானா
பந்தம்?
வாழ்க்கையோடு இணைந்த
சொந்தம் ஆசான்கள்
!




டிஸ்கி:இந்தியாவில் இன்று கொண்டாடப்படுகிறது ஆசிரியர் தினம் ....!அத காலை செய்திகளில் பார்த்து இலங்கையிலும் இன்றைக்கும் என்று எண்ணி பதிவிடப்போய் இத்தோடு 3 வாட்டி எடிட் பண்ணிட்டன் பதிவை!மன்னித்தருளுக!!

Post Comment

Friday, September 3, 2010

பதினெட்டு வயதில்!!





இதுவும் ஒரு புதிய முயற்சி தான்..எப்போதும் தனியே கவிதைகளை மட்டும் பதிவிடுவதன் மூலம் உங்கள் கடுப்பை கிளறிவிடுவதை தவிர்ப்பதற்காக இன்று வித்தியாசமாக ஏதும் பண்ணலாமே என்று எண்ணிக்கொண்டு கழிவறையில் உட்கார்ந்து சிந்த்தித்துக்கொண்டிருந்த போது என் பொறியில் (அதாங்க மூளையில்)தட்டியது இந்த எண்ணம்!

இது வரை வந்த தமிழ் திரை இசை பாடல்களின் முதல் வரியை மட்டும் வைத்து கோர்வை ஆக்குவதன் மூலம் ஒரு "கவிதை"?? என்ற வடிவில் பதிவிடலாமே என்று முயற்ச்சித்தேன்..அதன் வெளிப்பாடு தாங்க இது!
"தமிழ்ப்படம"என்று அவங்க உல்டா பண்ணி பண்ணும் போது..நாம பதிவர்கள் மட்டும் சளைத்தவர்களா என்ன!!
அது சரி அதுக்கும் தலைப்புக்கும் என்ன சம்பந்தமெண்டு தானே கேக்குறீங்க..என்ன பண்ணுறது இப்பிடி கிளுகிளுப்பா தலைப்பு வைச்சா தான் நம்ம இளைய சமுதாயத்துக்குபிடிக்குது!!
சரி இப்ப பாருங்க..பாத்திட்டு இது எங்கயோ கேட்ட மாதிரி இருக்கு பார்த்த மாதிரி இருக்கு எண்டு பின்னூட்டமிட்டீன்களோ...விளைவுகளுக்கு நான் பொறுப்பாளி இல்லைங்கோ!!

ஒரு மாலை இளவெயில் நேரம்..
வராக நதிக்கரையோரம்..
கருகரு விழிகளால்
கண்கள் இரண்டால்
சுட்டும் விழி சுடரே
உயிரே உயிரே
அஞ்சலி அஞ்சலி
என் காதலே!
மார்கழிப்பூவே
மலரே மௌனமா?

ஒரு பொய்யாவது சொல் கண்ணே
சொல்லாயோ சோலைக்கிளி?
ஏன் பெண்ணென்று பிறந்தாய்?
மனசுக்குள்ளே காதல் வந்திச்சா?
முதல் முதலாய்?
லேசா லேசா?
ஓமனப்பெண்ணே!
நேற்று இல்லாத மாற்றம் என்னது?
ரகசிய கனவுகள்..
சின்ன சின்ன ஆசை
இருபது கோடி நிலவுகள் கூடி
பூங்காற்றிலே உன் சுவாசத்தை
இரவா பகலா
முன் பனியா..
அது ஒரு காலம் அழகிய காலம் !!

வேறென்ன வேறென்ன வேண்டும்
புது வெள்ளை மழை
மின்னலே நீ வந்ததேனடி?
எனக்கென ஏற்கனவே பிறந்தவள் இவளோ!
அழகிய லைலா!
என்னை கொஞ்சம் மாற்றி..

பதினெட்டு வயதில்
அலைபாயுதே!
பால் போல பதினாறில்
அழகான புள்ளி மானே
ஈரமான ரோஜாவே
கண்ணே கலைமானே
கேளடி கண்மணி
உசிரே போகுதே உசிரே போகுதே
டெலிபோன் மணி போல்!
சௌக்கியமா கண்ணே?
அந்தி மழை பொழிகிறது!
சொட்ட சொட்ட நனையுது
என்ன இது என்ன இது..!!

என்ன விலை அழகே
எவனோ ஒருவன்
எங்கேயோ பார்த்த மயக்கம்
மனம் விரும்புதே உன்னை உன்னை!
நீ நடந்தால் நடை அழகு!
சிறு பார்வையாலே கொன்றாய் என்னை
இரு விழி உனது!
தாலியே தேவையில்லை நீ தான் என் பொண்டாட்டி!

சரி என்ன தான் கோபதாபங்கள் இருந்தாலும் சொல்லிட்டு போங்கோ..பிடிச்சிருந்தா ஓட்ட போட்டு போங்கோ!



Post Comment

Wednesday, September 1, 2010

சின்ன ராசாவே உல்ட்டா மொக்கை!!

எல்லாத்துக்கும் முதல்ல இந்த சின்ன ராசாவே பாடலை பாருங்கள்.(பாடல் தெரியாதவர்கள் மட்டும்)

பிரபல்யமான அந்த பாடலை தற்பொழுது ஆட்ட நிர்ணய சதியில் சிக்கியுள்ள பாகிஸ்தான் கிரிக்கட் அணியின் தலைவர்(டெஸ்ட் அணியின் என்று குறிப்பிட வேண்டும் அல்லாவிடில் "கன்கொன்" கண்டு பிடித்து விடுவார்!)சல்மான் பட் மற்றும் ஒரு நாள் அணித்தலைவர் அப்ரிடி ஆகியோருக்கு இடையில் நடைபெறும் உரையாடல் போல அந்த பாடலை உல்டா பண்ணி எதோ ட்ரை பண்ணி இருக்கேன்..சும்மா நீங்களும் தான் பாடிப்பாருங்களேன்!!

Salman butt:சல்மான் பட்ட் நான்... காசோ கைய கடிக்குது!
டண்டடகன் டன் டன் டன் டண்டடகன்
வக்கார்... உன்ன கேளாம சூதாட்டம் இங்கே நடக்குது!
டண்டடகன் டன் டன் டன் டண்டடகன்
வாங்குற சம்பளம் பத்தாது-அதால
அடிக்கிற ரன்ஸ்'உம் நிக்காது
அட பிடிச்சிட்டான் பிடிச்சிட்டான்
கையோட பிடிச்சிட்டான் ஆசிப்பே!
ஆமீரே!
சல்மான் பட்ட் நான்... காசோ கைய கடிக்குது!
டண்டடகன் டன் டன் டன் டண்டடகன்
வக்கார்... உன்ன கேளாம சூதாட்டம் இங்கே நடக்குது!
டண்டடகன் டன் டன் டன் டண்டடகன்

Afridi:குள்ளப்பய கதைய கேட்டு
வெள்ளை பய சொல்ல கேட்டு
ரூம்'அ பூட்டி நைஸ்'ஆ தானே
வாங்காதே நீ கையில் துட்டு!

Butt:கொஞ்சம் பொறு அப்-ரி-டி
சிக்கிட்டேன் நான் கீரிப்பிடி
ஆசிப்,ஆமிர்,பட்'டும் தானே
பேப்பர்'இல வந்தோம் தானே!
Afridi:அட பட்'டுப்பய..... தூண்டில் அவன் போட
ஆசையிலே.. மாட்டி நீ தானே...............
அட சிக்கிட்டாய் மாட்டிட்டாய்
சீரழிஞ்சு போப்போறாய் ....நீ தானே
காசு கைய கடிக்குதா!!
லஞ்சம் வாங்காம
அடிக்கடி ராத்திரி விடியுதா!

Asif,Aamir:சின்குசிக்கு சிக்குஜா சின்குசிக்கு
சின்குசிக்கு சிக்குஜா சின்குசிக்கு
சின்குசிக்கு சிக்குஜா சின்குசிக்கு
சின்குசிக்கு சிக்குஜா சின்குசிக்கு

Butt:லண்டன் பக்கம் போகும் நாம
காசு பணம் கொஞ்சம் பாத்து
உக்காந்து தான் சுளையா பாக்க
சூதாட்டம் தான் சிம்பிள் வொர்க்'கு!

Afridi:ஒன் டே போட்டி நேரம்...
டுவென்டி டுவென்டி நேரம்..
உன்ட கதை முடிஞ்சு
வாழ்க்கையையே அழிஞ்சு!

Butt:சிறு சம்பளம்... வாங்கும் அப்-பரி-டி
இது லம்ப்பாக.... வரும் சொர்க்கம் தான்...
அட சிக்கிட்டேன் மாட்டிட்டேன்
சீரழிஞ்சு போயிட்டேன் ....நான் தானே
காசு கைய கடிச்சதே!
லஞ்சம் வாங்காம
அடிக்கடி ராத்திரி விடிஞ்சதே !
சல்மான் பட்ட் நான்... காசோ கைய கடிக்குது!
டண்டடகன் டன் டன் டன் டண்டடகன்
வக்கார்... உன்ன கேளாம சூதாட்டம் இங்கே நடக்குது!
டண்டடகன் டன் டன் டன் டண்டடகன்
வாங்குற சம்பளம் பத்தாது-அதால
அடிக்கிற ரன்ஸ்'உம் நிக்காது
அட பிடிச்சிட்டான் பிடிச்சிட்டான்
கையோட பிடிச்சிட்டான் ஆசிப்பே!
ஆமீரே!
கடைசில நெசமாவே சித்தெறும்பு இல்ல பெரிய கட்டெறும்பே கடிக்குதுங்க..யாராச்சும் ஏதாச்சும் பூச்சி மருந்து வாங்கி அனுப்புங்கப்பா!

பாத்தா மட்டும் பத்தாதுங்க ..உங்க ஓட்ட போட்டு பின்னூட்டமிட்டு போங்க..இல்லாட்டி உங்களையும் ச்கோட்லன்யார்ட் போலீஸ்'கிட்ட மாட்டி விட்டிடுவன்!!

Post Comment

Related Posts Plugin for WordPress, Blogger...