முத்தெடுக்க ஆர்வலர் இல்லை
கவித்தேன் பருக
பசியுடன் யாருமில்லை
வாலியும் முத்துவும் தான்
கவிஞரெனில்
மற்றோர்கள் ஏது செய்ய?
புலமை வாய்ந்த பலருக்கு
புகழ் தான் வைக்கவில்லை
ஏன்
அடையாளமே கிடைக்கவில்லை
ஆள் மனமே நீ யோசி!
பதிவுலகில் கூட கண்டேன்
ஆயிரமாம் கவிதை பூண்ட
ஆணித்தர கருத்து தந்த
ஒரு சில பாரதியார்கள்
சில பல கண்ணதாசன்
பின்னூட்டல் யாதுமின்றி
பின்தொடர ஆட்களின்றி
கவிதைக்கு மதிப்பு இன்றி
ஆளுக்கே அடையாளமின்றி...
அப்பப்பா.
ஏன் இந்த பாகுபாடு?
ஏன் இல்லை ஈடுபாடு?
ஆள் மனமே நீ யோசி!
கல் கூட கை பட்டால் தான்
முத்தாக வெளிப்படுமே
இவர்களுக்கேங்கே வெளிப்பாடு?
யாரில் நான் குறை தான் சொல்ல??
விடியாத இவர்கள்
வாழ்வில்
விடியல் தான் எப்போது??
விடையில்லா
வினாவோடு
விளக்கமில்லாமலே என் பேனா!!
