எலே புதுசா படம் காட்டுறாங்களாம்லே!!

ஐ பி எல் கிண்ணத்தை தொடர்ந்து இரண்டாவது முறையும் சுவீகரித்த சென்னை சுப்பர் கிங்க்ஸ்'இற்கு வாழ்த்துக்கள்..

முரளி விஜய்யின் அதிரடியும் ஹசியின் துணையும்,அஷ்வினின் ஆரம்ப விக்கட்டும் வெற்றிக்கு வழிசமைத்தது எனலாம்..

என்ன மாயமோ மந்திரமோ தெரியல டோனியின் தலைமயில் விளையாடும் அணிகள் இறுதிப் போட்டியின் போது எழுச்சி கொண்டு விளையாடுகிறன..ஹிஹி

முரளி விஜய் இதே தன்னம்பிக்கையுடன் சர்வதேச போட்டிகளில் ஆடி இருந்தால் இப்போது எங்கயோ இருந்திருப்பார்..

சர்வதேச வாய்ப்புகள் வரும்போது சொதப்பி விடுகிறார்..ஆனால் ரெய்னா கொஹ்லி சிறப்பாக அதனை பயன்படுத்துகிறனர்.

பிராவோ ஒரு பிடியை பிடிக்க பாய்ந்த காட்சி தான் இது..

இதை தான் உசிரை கொடுத்து விளையாடுறது என்பதோ??ஹிஹி

பணம் இருந்தால்...உயிர் என்ன உயிர்...ம...ம....மனசையும் கொடுப்பார்கள் என்றேன்!!

தொடர் நாயகனாக கிரிஸ் கேயிலும்,போட்டியின் நாயகனாக முரளி விஜய்யும் தெரிவுசெய்யப்பட்டனர்.

சிறந்த பார்வையாளராக மைந்தன் சிவா தெரிவுசெய்யப்பட்டார்..ஹிஹி

ஐரோப்பிய விமான தயாரிப்பு கம்பனி ஒன்று மெர்சிடீஸ் பென்ஸ் நிறுவனத்துடன் இணைந்து ஹெலிகொப்டர் ஒன்றை உருவாக்கவுள்ளன..

இரு இன்ஜின்களை கொண்டதாக அமையவுள்ள இந்த கெலிக்கொப்டர் வியாபார தேவைகளுக்காக பயன்படவுள்ளதாக அந்த நிறுவனம் கூறியுள்ளது..

சாதாரண இந்தமாதிரியான கெலிக்கொப்டர்கள் ( 5 .5 மில்லியன் அமெரிக்க டொலர்களாகவும்,பென்ஸ் இயந்திரம் பொருத்தியது 8 .5 மில்லியன் அமெரிக்க டொலர்களாகவும் விற்கப்படவுள்ளது..பணக்காரங்க இப்பவே ஆர்டர் பண்ணிக்குங்க..ஹிஹி

இதில் எட்டுப்பேர்கள் அதிகமாக பயணம் செய்யலாமாம்.

உள்ளே வசதிகளை பாருங்கள்..

அடுத்தது ஒரு குறும்படம் பற்றிய செய்தி,யாழ்ப்பாணத்தில் எடுக்கப்படும் இந்த குறும்படத்தின் பெயர் "இப்படியுமா'என்பதாகும்..

எனது பாடசாலை நண்பன்,ஹரிகரன் இயக்குகிறார்..வெகுசீக்கிரம் வெளிவர இருக்கிறதாக கதைக்கும்போது கூறி இருந்தார்.

என்ன கதை பாஸ்'னு கொஞ்சம் கதைய கேட்பமென்றால்,படம் வந்து முழுக்கதை சொல்லும் என்று ஆப் பண்ணிவிட்டார்.

ப்ளாக்'ல போடமுடியுமான்னு கேட்டான்.இது கூட செய்யக்கூடாதா..

புதிய முயற்ச்சிகளை ஊக்குவிப்போம்,நாங்களும் முயற்ச்சிப்போம் உருப்படியா ஏதாவது பண்ணுவதற்கு.

முற்றுமுழுதாக மாணவர்களால் தயாரிக்கப்படும் குறும்படம்..அதற்காக நீயும் மாணவனான்னு கேக்கப்பிடாது..

நாம எல்லாம்...வேணாம்..

நான்கு வருட அடைப்புக்கு பின்னர்,காசா எல்லையை எகிப்த்து திறந்துவிட்டது நேற்று.

இந்த நடவடிக்கை,பாலஸ்தீனிய மக்களை சுதந்திரமாக(கொஞ்சமாவது)நடமாட வழிசமைத்திருக்கிறது என்கிறார்கள் சம்பந்தப்பட்டோர்..

இஸ்ரேலின் தாக்குதலிலிருந்து தப்புவதற்கு இது உதவலாம்.

முதல் பஸ்'இல் பயணிக்க நூற்றுக்கணக்கானோர் அடிபட்டு திரண்டிருந்ததை காணமுடிந்தது.

கடந்த 2007 'இல் இந்த பாதை மூடப்பட்டது அனைவருக்கும் தெரியும் தானே?எனினும் இப்பகுதியூடாக ஆயுதங்கள் கடத்தப்படுவதை தவிர்க்க பாதுகாப்பு நடவடிக்கையில் தமது படையினர் ஈடுபடுவார்களேன்று எகிப்து கூறியுள்ளது.

அமெரிக்கன் மிச்சூரி மாநிலத்தை கடுமையாக தாக்கிய சூறாவளியின்

கோரமுகங்கள் தான் இவை..கிட்டத்தட்ட நூற்றி அம்பது பேர் உயிர் இழந்திருப்பதாக செய்திகள் தெரிவிக்கின்றன..

ஒரு வைத்தியசாலையும் கடுமையாக பாதிக்கப்பட்டிருக்கிறது..

வாகனங்கள் வீடுகள் என அனைத்தும் தூக்கி எறியப்பட்டிருக்கின்றன..

கார் எப்படி கிடக்கின்றது என்று பாருங்கள்..

வெம்ப்ளி ஸ்டேடியத்தில் உலகின் மிக முக்கியமான இரண்டு கால்ப்பந்தாட்ட கழக அணிகளுக்கிடையில் சாம்பியன்ஸ் லீக் இறுதிப்போட்டி நடைபெற்றது நேற்று இரவு..மன்செஸ்டர் யுனைட்டட் மற்றும் பார்சிலோனா அணிகளுக்கிடையில்..

எனது பிடித்தமான அணி மான்செஸ்டர் யுனைட்டட் தான்..ஆனால் லயனல் மெஸ்ஸி பார்சிலோனாவுக்காக விளையாடியதால்,

எந்த அணி வெற்றி பெற்றாலும் சந்தோசம் என்றிருந்தேன்..பார்சிலோனா தான் இந்த வருடத்தின் மிகச்சிறந்த விளையாட்டு அணியாக ஆல்ரெடி தெரிவு செய்யப்பட்டு இருந்தது..

எனிலும்,மான்செஸ்டர் சவால் கொடுக்குமென எதிர்பார்க்கப்பட்டது.

இறுதியில் பார்சிலோனா 3 -1 என்ற அடிப்படையில் சாம்பியன்ஸ் லீக் கிண்ணத்தை கைப்பற்றி வரலாறு படைத்தது..

வில்லா,மெஸ்ஸி என பலமான பார்சிலோனா அணி தான் இவ்வருடத்தின் உலகின் தலைசிறந்த கால்ப்பந்தாட்ட கழக அணி என்பதில் சந்தேகம் இல்லை..

அப்புறம் மக்களே??இன்னிக்கு சண்டே..லைப்ப என்ஜாய் பண்ணுங்க..மூஞ்சியல உம்முன்னு வைச்சிக்காம..