"காதல் கவிதை"அப்பிடீன்னு தலைப்பு போடவா??

தலைப்பு தான் பாஸ் அப்பிடி..ஆனால் உள்ளே

காதல் எங்கடா கவிதை எங்கடா

நாசமாய் போன உன் பதிவினிலே'ன்னு கேட்டு அடிக்கப்பிடாது ஆமா!

கல்தோன்றி மண் தோன்றா

காலத்தில்

முன் தோன்றிய

முதலுணர்வு

காதலென்பேன்!

காலத்தால் மூத்து

ஆதாம் ஏவாள்

மனங்களில் பூத்து

பிரபஞ்ச இயக்கத்தின்

மூத்த சக்தி

காதலென்பேன்!

எழு கடல் போதாதென்று

கண்ணீர் கடல்

தோற்றுவித்த

இயற்கையில் நுழைந்த

செயற்கை

காதல் என்பேன்!

எழுதாத விரல்களையும்

இறைவன் தலைஎழுத்தை

மீறி

எழுதவைக்கும் கவி

அது காதலென்பேன்!!

தானாய் வரும்

நித்திரையையும்

நிறுத்தி வைக்கும்...

வற்புறுத்தி கேட்டாலும்

தூக்கம் வராமல் வைக்கும்

விந்தை அது

காதலென்பேன்!!

பளிங்கு கல்லை

காதல் சின்னமாக்கி

சாஜகான் பேர் பெற்றதும்

சிறை வாழ்க்கை

அடையப்பெற்றதும்-காரணம்

காதலென்பேன்!

கடவுள் படைத்தது

இருவராயினும்

இன்றுவரை உலக சனத்தொகை

காமம் முதல்கொண்டு

சாதல் கொலை வரை

தீர்மானிக்கும் கடவுள்

காதலென்பேன்!!

காற்றினை தென்றலாக்கிய

சந்திரனை நிலாவாக்கிய

வேதனையை சுகமாக்கிய

மனிதனை கவிஞனாக்கிய

மனங்களை ஆப்பிள் பழமாக்கிய...

சிலர் இறப்புக்கும்

பலர் பிறப்புக்கும்

இவ்வுலக நடப்பிற்கும்

இன்னும் பற்பல பலதுக்கும்

பலம் சேர்க்கும் ஒரே

வார்த்தை...வாழ்க்கை...வாழ்வோம்

காதலுடன்!!

டிஸ்கி:இதனால் சகலருக்கும் அறியத்தருவது என்னவெனில் சுஜாதாவின் தலைப்பு போல் "ஆதலினால் காதல் செய்வீர்"!!

அப்பா அடிச்சா வலிக்கும்

அம்மா அடிச்சா வலிக்கும்

ஆனால் சைட் அடிச்சா வலிக்காது...

நாம சொல்லித்தான் நீங்க எல்லாம் பண்ணுவீங்க எண்டு தெரியும்...ஆல்ரெடி எத்தினைக்கு ஆட்டைய போட்டீங்களோ!!கடவுளே காப்பாத்து!!