ரஹ்மானை தொடர்ந்து ஹாரிஸ் Live Concert!!

தமிழ் சினிமா இசையமைப்பாளர்களில் இளையராஜா, ஏ.ஆர்.ரஹ்மான், யுவன் சங்கர் ராஜா ஆகியோரை தொடர்ந்து ஹாரிஸ் ஜெயராஜும் LIVE CONCERT செய்ய இருக்கிறார்.

இதுவரை இந்தியாவில் நடந்த எந்த ஒரு LIVE CONCERTம் விட இதை பிரம்மாண்டமாக நடத்த திட்டமிட்டிருக்கிறார்கள். இந்த CONCERTக்கான பத்திரிக்கையாளர் சந்திப்பு சென்னையில் நேற்று (செப் 3) நடைபெற்றது.

விளம்பர படங்கள், திரைப்படங்கள் மட்டுமே இயக்கி வந்த 'மதராசபட்டினம்' இயக்குனர் விஜய் இந்த CONCERT-ஐ இயக்க இருக்கிறார்.

IPL T20, FOOTBALL போன்ற விளையாட்டுகளை நடத்துவதில் பங்கேற்ற Techfront இந்த CONCERTஐ நடந்த முன்வந்துள்ளது.

இவ்விழாவில் TECHFRONT கம்பெனியின் இயக்குனர் முரளீதரன் பேசியது : " இந்த CONCERTக்காக போடப்படும் மைதானம் இந்தியாவில் வேறு எங்கும் போடப்பட்டு இருக்காது. அந்த அளவுக்கு பிரம்மாண்டமாக அமைக்க இருக்கிறோம்.

பார்வையாளர்களுக்கு வசதியாக 270 Degree View மேடை அமைக்க இருக்கிறோம். எங்களுடன் இணைந்து பணியாற்ற முன்வந்த ஹாரிஸ் ஜெயராஜுக்கு இந்த சமயத்தில் நன்றியை தெரிவித்துக் கொள்கிறேன்.

இந்த நிகழ்ச்சி முதலில் சென்னையில் அக்டோபர் 2ம் தேதி நடைபெற இருக்கிறது. அதனைத் தொடர்ந்து 16ம் தேதி கோயம்புத்தூர், 22ம் தேதி ஹைதராபாத், நவம்பர் 18ம் தேதி துபாய், டிசம்பர் 2ம் தேதி கோலாலம்பூர் ஆகிய இடங்களில் நடத்த திட்டமிட்டு இருக்கிறோம்.
அதனை தொடர்ந்து SOUTH AFRICA, NORTH AMERICA ஆகிய நாடுகளில் நடத்த முயற்சி மேற்கொள்ளப்பட்டு வருகிறது.

தொழில்நுட்பரீயாகவும் இந்த நிகழ்ச்சியில் பல்வேறு புதுமையான அம்சங்களை கையாள இருக்கிறோம்.

இயக்குனர் விஜய் ஒரு நாள் எனக்கு போன் செய்து "சார் நாங்கள் போட்டோ ஷுட் செய்த போட்டோக்களை பார்த்தேன். அவ்வளவு பிரம்மாண்டமாக இருக்கிறது. ஹாரிஸ் சார் ஒரு சினிமா ஹீரோ மாதிரி இருக்கிறார் என்று சொன்னார் "

இயக்குனர் விஜய் : " ஹாரிஸ் ஜெயராஜ் CONCERTக்கு என்னை இயக்குநராக தேர்வு செய்ததை பெருமையாக கருதுகிறேன். இந்நிகழ்ச்சியை நீங்கள் எதிர்ப்பார்க்காத அளவுக்கு பிரம்மாண்டமாக நடத்த திட்டமிட்டு இருக்கிறோம்.

ஹாரிஸ் சாருடன் இரண்டு படங்களில் பணியாற்ற திட்டமிட்டேன், முடியாமல் போய்விட்டது. இந்த நிகழ்ச்சியின் மூலம் அவருடன் இணைந்து பணியாற்ற இருக்கிறேன்.

சீனா போன்ற நாடுகளில் இருந்து வெளிநாட்டு இசை கலைஞர்கள், மற்றும் நடன கலைஞர்கள் இந்நிகழ்ச்சியில் பங்கேற்க இருக்கிறார்கள் "

ஹாரிஸ் ஜெயராஜ் : " எனக்கு இப்போதே டென்ஷனாக இருக்கிறது. இசையமைப்பாளராக அறிமுகமாகி 10 வருடங்கள் ஆகிறது. எனக்கு இதுநாள் வரை ஒத்துழைப்பு அளித்துவரும் அனைவருக்கும் நன்றி.

என்னை இசையமைப்பாளராக அறிமுகப்படுத்திய இயக்குனர் கௌதம் மேனனுக்கு இந்த சமயத்தில் எனது மனமார்ந்த நன்றியை தெரிவித்துக் கொள்கிறேன்.

3 வருடங்களுக்கு முன்பே இது போன்ற நிகழ்ச்சி நடந்த வேண்டும் என்று விரும்பினேன். ஆனால் சரியான வாய்ப்பு அமையவில்லை. ஒரு வருடத்திற்கும் முன்பு முரளீதரன் அவர்கள் இந்த மாதிரி ஒரு CONCERT செய்து தர வேண்டும் என்று கேட்டார்.

அவர் சொன்ன ஐடியா எனக்கு பிடித்து இருந்தது. அதனை மெருக்கேற்றி தரும்படி கூறினேன். இப்போது எனக்கு முழுதிருப்தியாக இருக்கிறது அதே சமயம் பயமாகவும் இருக்கிறது.

இயக்குனர் விஜய் இந்த CONCERTக்கு இயக்குனராக இருப்பதில் எனக்கு மகிழ்ச்சியாக இருக்கிறது. அவருடைய படங்கள் 'மதராசப்பட்டினம்', 'தெய்வத்திருமகள்' ஆகிய படங்களுக்கு நான் ரசிகன்.

நீங்கள் இதுவரை பார்த்த எந்த மாதிரியான CONCERT ஆகவும் இது இருக்காது என்று உறுதி அளிக்கிறேன். மற்ற CONCERT மாதிரி இதில் நிகழ்ச்சி தொகுப்பாளர் கிடையாது. நிகழ்ச்சியை பார்க்கும் மக்கள் கொஞ்சம் கூட சலிப்படையக் கூடாது என்று அனைத்தையும் யோசித்து யோசித்து செய்து வருகிறோம்.

இரண்டரை மணி நேரம் இந்த CONCERT நடைபெறும். இசை, நடனம், என அனைத்தும் கலந்து இருக்கும்.

இவ்வளவு பிரம்மாண்டமான CONCERT என்கிறார்களே, டிக்கெட் விலை அதிகமாக இருக்கும் என யாரும் பயப்பட வேண்டாம். பாமர மக்களும் பார்க்கும் வண்ணம் தான் இந்த CONCERT-இன் டிக்கெட் விலை இருக்கும்.

சென்னை, கோயம்புத்தூர் ஆகிய ஊர்களில் 25 தமிழ் பாடல்கள் தேர்வு செய்து இருக்கிறேன். ஒரு சில பாடல்கள் இரு ஊர்களுக்கும் வேறுபடும். ஹைதராபாத்தில் முழுக்க தெலுங்கு பாடல்கள் இடம் பெரும்.

சினிமாவில் கூட நான் பாடியது கிடையாது. இந்த நிகழ்ச்சியில் முதன் முறையாக நான் பாட இருக்கிறேன்.

இந்த CONCERT-க்கு ஒப்புக் கொண்டு இருப்பதால் கடந்த இரண்டு மாதங்களாக நான் எந்த ஒரு படத்தையும் ஒப்புக்கொள்ள வில்லை. இந்த நிகழ்ச்சிகள் முடிந்தவுடன் 4 மாதங்களுக்குப் பிறகு தான் படங்களை ஒப்புக் கொள்ள இருக்கிறேன். "

========================================================================================

ஒவ்வொரு வருடத்தின் துவக்கத்திலும் இந்திய இளைஞர்கள் மத்தியில் கிங்ஃபிஷர் காலண்டர் பிரபலமாக பேசப்படும். காரணம், அந்த காலண்டரை அலங்கரிக்கும் அழகிகள்.

அந்த காலண்டரில் இடம் பெற மாடல் உலக அழகிகள் இடையே பெரும் போட்டி நிலவும். கிங்ஃபிஷர் காலண்டரில் இடம்பெற்றால் அந்த மாடல் இந்திய அளவில் பிரபலமாவார் என்பதால் தான் இந்த போட்டி.

2011 கிங்ஃபிஷர் காலண்டரில் அலங்கரித்த மாடல்களில் ஒருவர் ஏஞ்சலா ஜான்சன். காலண்டரில் அவர் கவர்ச்சி படங்கள் மூலம் இந்திய இளைஞர்களின் மனதில் இடம் பிடித்தார். 20 வயதேயான ஏஞ்சலா, சென்னையில் பிறந்தவர். இவரது தந்தை மங்களூர் தொழிலதிபர்.

ஏஞ்சலா தன் லட்சியம் சினிமாவில் ஹீரோயின் ஆவது தான் என்று ஒரு பேட்டியில் குறிப்பிட்டார். அதன்படி, இந்தி திரைப்படம் ஒன்றில் நடிக்க பேசியுள்ளனர். ஆனால் படம் தொடங்கும் முன்பே இவருக்கும் ரன்பீர் கபூருக்கும் நெருக்கமான உறவு இருப்பதாகக் கிசுகிசுக்கள் பரவி வந்தன.

ரன்பீர் கபூருடன் கிசுகிசுக்கப்பட்டபோது அதனை வெளிப்படையாக ஒப்புக் கொண்டார். தற்போது ஷாகித் கபூருடன் இணைத்து செய்திகள் வலம் வருகின்றன.

இந்நிலையில் ஏ.ஆர்.முருகதாஸ் இயக்க, விஜய்யின் அப்பா எஸ்.ஏ.சந்திரசேகர் தயாரிக்கும் படத்தில் விஜய்க்கு ஜோடியாக ஏஞ்சலா ஜான்சனை ஒப்பந்தம் செய்யலாம் என்று முடிவு செய்து இருக்கிறார்கள்.

பிரியங்கா சோப்ரா முதலில் விஜய்யுடன் 'தமிழன்' என்ற படத்தில் நடித்தார். பின்னர் பாலிவுட்டில் பரபரப்பான நாயகி ஆனார். எனவே விஜய்யுடன் நடித்தால் ஏஞ்சலாவுக்கும் நல்ல எதிர்காலம் இருக்கும் என இப்போதே திரையுலகினர் ஏஞ்சலாவிடம் சொல்லி வருகிறது கோலிவுட் வட்டாரம்.

Thnx Vikadan