நான் அடிச்சால் தாங்கமாட்டாய்!!

எனக்கு கோபமே வராதுன்னு நான் அடிக்கடி பொய் சொல்லி இருக்கேன் நெருங்கிய பலரிடம்..ஆனால் உண்மையில் சில பல விசயங்களுக்கு நான் கோபப்படுவேன்..அதில் முக்கியமானது நேரம்..ஆமாம் நேரம் சரியாக கடைப்பிடிக்காவிடில் நல்ல கோபம் வரும் எனக்கு..எனது பாடசாலை "Panctuality" அதுதாங்க நேரம் தவறாமையை சீராக கற்பித்ததாலோ என்னமோ ஒரு நேரத்தை கூறிவிட்டு நேரம் தாமதமாய் வருபவர்களை எனக்கு கண்ணில் காட்ட கூடாது..அவ்வளவு கோபம்வரும்.

இவ்வாறு ஒவ்வொருத்தருக்கும் ஒவ்வொரு விசயங்களில் கோபம் வருவது சகஜம்.எனக்கு கோபமே வராதுன்னு யாராச்சும் சொல்பவர்களாய் இருந்தால் அவர்கள் நிச்சயம் பொய் கூறுபவர்களாகவோ அல்லது பூமியின் அதிசய பிறவிகளாகவோ இருப்பார்!

அடிக்கடி கோபப்படுபவனை யாருமே பொருட்படுத்தமாட்டார்கள். “அவன் எதுக்கெடுத்தாலும் இப்படித்தான் கோபப்படுவான். விட்டுத்தள்ளு’ என்று சொல்லிவிட்டுப் போய்விடுவார்கள். ஆனால் கோபப்படாமல் வாழும் ஒருவன் எப்போதாவது கோபப்பட்டால் சுற்றியுள்ள அனைவரும் மிரண்டு போய்விடுவார்கள். எப்போதாவது வெளிப்படும் கோபத்திற்கு சக்தி அதிகம் என்பதை நாம் புரிந்து கொள்ள வேண்டும். அதனால்தான் பெரியவர்கள் சாதுமிரண்டால் காடு கொள்ளாது என்று சொல்வார்கள்.

கோபம் பசியை போன்றது..சாதி மத பேதமின்றி அனைவருக்கும் வரும்."என்னடா நீ அடிக்கடி எல்லாத்துக்கும் கோபப்படுறியாமே' அப்பிடி நீங்க கேட்டு பாருங்க கோபமே வராதவரிடம்..அன்று தெரியும் அவருக்கும் கோபம் வரும் என்று..ஹிஹி எல்லாம் ஒரு விஷப் பரீட்சை தான்!சிலருடைய கோபம் வரையறைக்குள் கட்டுக்குள் இருக்கும்.சிலரது கோபம் அணு ஆயுதம் போல பரவி வெடிக்கும் ஆற்றலை கொண்டது!

கோபம் இரு வகைப்படும் பெரும்பாலும்.ஒன்று உள்ளுக்குள் உடைந்து சிதறும் கோபம்..மற்றயது வெளிப்படையான கோபம்.வெளிப்படையான கோபம் பல ரச நாடகங்களை நடத்தும்.இதே உள்கோபம்,சில வேலை நம் உயர் அதிகாரிகளிடமோ அல்லது சீனியர்களிடமோ ஏற்படும்.அதை வெளிப்படுத்த முடியாத சூழலில் உள்ளுக்கே புகைந்து கருகும்.

இந்த வீடியோவை பாருங்கள்..உங்களில் என்ன தவறு இருக்கிறதென்று புரியும்!

அமைதியாக வாழப் பழகிக் கொள்ளுங்கள். அமைதியாக வாழ்பவர்களுக்கு எப்போதும் இந்த சமுதாயத்தில் மதிப்பும் மரியாதையும் அதிகம் என்பதை புரிந்து கொள்ளுங்கள். கோபத்தால் எந்த ஒரு நன்மையும் விளைந்ததாக சரித்திரமில்லை. அன்பாய் வாழ்ந்தவர்கள் அழிந்து போனதாகவும் சரித்திரமில்லை

மொத்தத்தில் கோபம் என்னும் கொலை வாள் வெட்டிச்சாய்த்த வாழ்க்கைகள் ஏராளம் ஏராளம்.எண்ணிலடங்காதவை.கோபமும் மன்னிப்பும் நாணயத்தின் இரு பக்கங்கள் போன்றன என்பர்.நான் சொல்வது மட்டுமே சரி,மற்றையவர்கள் சொல்வது தவறானவை என்பதே பெரும்பாலான கோபங்களின் அடிப்படையாக அமைகின்றன.சுய நலமே கோபத்தின் அடி நாதம்.அனைவரும் மன்னிக்கும் பண்பை வளர்த்துக்கொண்டால் கோபங்கள் துளிரிலேயே கருகிவிடும்.அதற்காக மற்றவர்கள் மன்னிக்க இருக்கிறார்கள் என்று வீணே கோபப்படாதீர்கள்..

அப்புறம் கந்தசாமி,அந்நியனிடம் புகார் அளித்துவிடுவேன் நானே!!

ஒரு பெண் வேலைக்கு செல்வதற்காக வீதி வழியே சென்று கொண்டிருந்தாள். அவள் ஒரு பிராணிகள் விற்கும் கடையில் ஒரு கிளியை பார்த்தாள்.

அந்த கிளி அவளிடம் சொன்னது, “ஏ, பெண்ணே, நீ ரொம்ப அசிங்கமாக இருக்கிறாய்.”

அந்த பெண்ணுக்கு கோபம் வந்து விட்டது. ஆனால் அமைதியாக வேலைக்கு சென்று விட்டாள்.

அவள் வேலை முடிந்து வீட்டிற்கு திரும்பும் போது அதே கடை வழியாக வந்தாள்.
அப்போதும் அந்த கிளி சொன்னது, “ஏ, பெண்ணே, நீ ரொம்ப அசிங்கமாக இருக்கிறாய்.”
அவளுக்கு மறுபடியும் கோபம் வந்தது. இம்முறையும் அவள் அமைதியாக வீட்டிற்கு திரும்பி விட்டாள்.

மறுநாள் வேலைக்கு செல்லும்போது மறுபடியும் அந்த கிளி, “ஏ, பெண்ணே, நீ ரொம்ப அசிங்கமாக இருக்கிறாய்.” என்றது. இப்போது அவள் கடைக்காரரிடம் சென்று முறையிட்டாள். கடைக்காரார் கிளியிடம் அப்படி சொல்லக் கூடாது என்றார். பின் அந்த பெண்ணிடம் கிளி மறுபடியும் அப்படி சொல்லாது என வாக்குறுதி தந்தார்.

அவள் மாலை வீடு திரும்பும் போது அந்த கிளி கூப்பிட்டது,”ஏ, பெண்ணே”

அவள் ”என்ன” என்றாள்

கிளி சொன்னது, “உனக்கே தெரியும்”!!!

படிச்சிட்டு ஓட்டு போடாம போனா நான் கோபமாயிடுவேன்..ஹிஹி கருத்து சொல்லாவிட்டால் கொலை தான்!!

ஜோக் இணையத்தில் சுட்டது.ஹிஹி