மைந்தனின் மனதில்...

வடகொரிய தலைவர் இறுதி ஊர்வலம்-சொல்வது என்ன?

2011-12-28T11:19:00.005+05:30

அமெரிக்க வல்லரசுக்கு எதிராக கடைசி வரை போராடிய வடகொரிய தலைவர் கிம் ஜாங்'இன் இறுதி ஊர்வலம் இன்று வடகொரிய தலைநகரில் நடைபெற்றுக்கொண்டிருக்கிறது.எந்த ஒரு உலக நாடுகளுக்கும்,தலைவர்களுக்கும்,மீடியாக்களுக்கும் அழைப்பு விடுக்காது மிகுந்த அவதானத்தோடு நடைபெற்றுக்கொண்டிருக்க்கும் இந்த இறுதி ஊர்வலமானது உலகுக்கு பலவிடயங்களை எடுத்து கூறிக்கொண்டிருக்கிறது என்பது அதனை பார்க்கும் அனைவருக்கும் புரிந்திருக்கும்.

ஒரு தலைவரின் இறுதி ஊர்வலம்...மக்கள் அபிமானம் பெற்ற மனிதரின் இறுதி ஊர்வலம் எந்த வகையில் நடத்தப்படவேண்டுமோ அதனை விட பலமடங்கு மேன்மையாக நடத்திக்காட்டிக்கொண்டிருக்கின்றனர் வடகொரியர்கள்.கிம் ஜாங் இன் மரண இறுதி ஊர்வலம் வடகொரிய தேசிய தொலைகாட்சியிலேயே காட்டப்பட்டுக்கொண்டிருக்கிறது.அதனை சி என் என் தொலைகாட்சி உலகமெங்கும் ஒளிபரப்புகிறது.

மிகவும் திறமையாக ஒழுங்கமைக்கப்பட்ட ஒரு இறுதி ஊர்வலம்.அதிகமாய் பொழியும் பனியின் நடுவே லட்சக்கணக்கான வடகொரிய படைவீரர்கள் ஒருபக்கம்,லட்சக்கணக்கான வடகொரிய மக்கள்,ஆதரவாளர்கள் மறுபக்கம் கண்ணீர்வடிக்க அழுகுரல் ஓங்கி ஒழிக்க மக்களின் அபிமானம் பெற்ற தலைவன் ஒருவனின் இறுதி ஊர்வலம் நடைபெறுகிறது.

இன்னமும் குழம்பிக்கொண்டிருக்கின்றனர் இந்த இறுதி ஊர்வலம் இப்போது தான் நடைபெறுகிறதா அல்லது ஏலவே நடந்து முடிந்து அதன் காட்சிகள் மட்டும் இப்போது ஒளிபரப்பப்படுகிறதா என்று!எத்தனை தான் பொருளாதாரத்தடைகள் விதிக்கப்பட்டாலும்,உலகமே எதிர்த்து நின்றாலும் அந்த தலைவருக்காக,தலைவரின் மாட்சியை போற்றி இத்தனை லட்சக்கணக்கான மக்களின் ஒன்றுகூடல் வடகொரியாவின் வன்மையை வல்லரசுகளுக்கு காட்டி இருக்கும் மீண்டும் ஒரு தடவை!!

காலம்சென்ற கிம் ஜாங்,தனது தகப்பனார் 1994 இல் இறந்த போது அவரின் இறுதி ஊர்வலத்தில் கிம் ஜாங் கலந்து கொள்ளவில்லை.பாதுகாப்பு காரணங்களுக்காக என்று கூறப்பட்டது.ஆனால் இன்று கிம் ஜாங் இறப்பு ஊர்வலத்தில் அவரது மூன்றாவது மகனும் எதிர்கால வடகொரிய தலைவருமான கொம் ஜாங் உன் கலந்துகொண்டிருக்கிறார்.

நேரம் கிடைத்தால் பாருங்கள் அந்த வரலாற்று நிகழ்வை!!

http://edition.cnn.com/2011/12/28/world/asia/north-korea-leader-funeral/index.html?hpt=hp_t1

http://edition.cnn.com/video/?hpt=hp_t1#/video/world/2011/12/27/wr-intv-north-korea-kim-jong-il-funeral-analysis.cnn

http://edition.cnn.com/video/?hpt=hp_t1#

நண்பன் "அஸ்க் லஸ்க்கா" பாடல் வரிகள் கார்க்கியிடமிருந்து!

2011-12-23T08:41:00.008+05:30

நண்பன் படத்தின் கலக்கல் மேலோடி பாடலான அஸ்க்கு லஸ்க்கா பாடலை வைரமுத்துவின் மகன் கார்க்கி எழுதியிருந்தார்.அதன் பாடல் வரிகளை இன்று ரசிகர்களுக்காக வெளியிடுவேன் என்று நேற்று ட்விட்டரில் கூறியபடி இன்று காலை வெளியிட்டு இருக்கிறார்.என்ன வரிகள் என்று குழம்பி கண்டுபிடிக்க முடியாமல் திணறுபவர்களுக்காக இதோ:

முழுப்பாடலும் இதோ:

Gemini Film Circuit

நண்பன்

கண் முன்னே

இசை: ஹாரிஸ் ஜெயராஜ்

குரல் : ஆலாப் ரா ஜு

இயக்கம் : ஷங்கர்

___________________________

எந்தன் கண் முன்னே

கண் முன்னே

காணாமல் போனேனே!

யாரும் பார்க்காத

ஒரு விண்மீனாய்

வீணாய் நான் ஆனேனே!

இதயம் கிழியும் ஒலி கேட்டேன்

இதையா இதையா எதிர்பார்த்தேன்?

மழை கேட்கிறேன்

எனை எரிக்கிறாய்

ஒளி கேட்கிறேன்

விழிகளை பறிக்கிறாய்

கனவை கனவை கலைத்தாயே

தொடர்ந்திட விடுவாயா?

வலிகள் வலிகள் கொடுத்தாயே

நான் உறங்கிட விடுவாயா?

அஸ்க் லஸ்க்கா பாடல் பற்றி மதன் கார்க்கி தனது ட்விட்டரில் அடிக்கடி ட்விட்டி இருப்பவை:

@madhankarkyMadhan Karky

Humbled by all your wishes and comments for #AskLaska. Big thanks to Director Shankar and@Jharrisjayaraj for giving me this song.

------------------------------------------------------------------

@madhankarkyMadhan Karky

I will blog the full lyrics of #AskLaska and #KanMunnetomorrow. Thanks again for your wishes. Hoping to make many more songs like this :)

------------------------------------------------------------------

@madhankarkyMadhan Karky

Happy to see #AskLaska trending in chennai. A lot of hard work behind the song. Happy to receive all your wishes and comments.

-----------------------------------------------------------------

@madhankarkyMadhan Karky

Every word in the opening of #AskLaska means 'love' in 16 different languages. 'Ask' is love in Turkish and 'Laska' in Slovak,.. #Nanban

------------------------------------------------------------------

@madhankarkyMadhan Karky

Vijayprakash and @chinmayi have added all the magic in #AskLaska. Ultra peppy tune by@jharrisjayaraj. #Nanban

------------------------------------------------------------------

@ChinmayiChinmayi / Chinmayee

ThankYou! RT @kutty_Arvind: #asklaska is highest played in #nanban #soundcloud credits@madhankarky Vijayprakash@Chinmayi @Jharrisjayaraj

-----------------------------------------------------------------

@ChinmayiChinmayi / Chinmayee

Aska Laska has lyrics by@madhankarky and it was amazing to sing for@Jharrisjayaraj sir. Grateful Shankar sir Ok-ed my voice.

-----------------------------------------------------------------

இசை வெளியீடு இன்று நடைபெறவுள்ளமை குறிப்பிடத்தக்கது.

பெருசுக ஆடும் ஆட்டம்!!வைக்கிறேன் பாரு வேட்டு !!

2011-12-21T15:24:00.007+05:30

குறிப்பு:இந்த பதிவில் பெரியவர்களை இந்த வலைப்பதிவின் ஓனர் கேவலமாக திட்டி இருப்பதால் அதை பொறுத்துக்கொள்ளும் மனநிலை கொண்டோர் மட்டும் மேலே வாசிக்கவும்.

"*********** மாவட்டத்தை பிறப்பிடமாக கொண்ட இந்து உயர்குலம்,அரச சேவையில் ஓய்வு பெற்ற மணமகளுக்கு நல்ல துணியை(சாரி துணையை) தேடுகின்றனர்.மணமகன் 55 க்கும் 60 க்கும் இடைப்பட்டவர் ,ஓய்வு பெற்றவர் விரும்பத்தக்கது."

கடந்த ஞாயிற்று கிழமை இலங்கையின் நாளிதழ் வீரகேசரியில் பிரசுரமாகி இருந்த விளம்பரம் தான் இது.நாட்டில மழை பெய்யாம போறது சுனாமி அடிக்கிறதுக்கெல்லாம் இது தான் காரணமாக்கும்.அம்பத்தஞ்சு அறுபது வயசில என்ன கலியாணம் வேண்டி கிடக்குது?பிற்க்காலத்தில,வயசு போன காலத்தில பாத்துக்க ஒரு துணை வேணும்னு இந்த "மண ஆச்சிக்கு" முன்னமே தெரியாதாமா?
அறுபது எழுபது வயசில கல்யாணத்த கட்டி நம்ம உசிர வாங்கிறது.இத பாத்திட்டு ஊர்ல சும்மா சாக கிடக்கிற கிழடுகளும் விளம்பரம் போட்டாலும் போடுங்கள்.அப்புறம் நம்மள மாதிரி யூத்'துக நிலைமை என்னாகிறது?

இதே ஒரு ஆச்சி விளம்பரம் போட்டிருந்ததால ஓகே.ஒரு அங்கிள் விளம்பரம் போட்டிருந்தா எப்பிடி போட்டிருப்பார்?

******** மாவட்டத்தை சார்ந்த இந்து உயர் குளம்,அரச சேவையிலிருந்து ஓய்வு பெற்ற மணமகனுக்கு(?) அழகான,சிவந்த,மெல்லிய,படித்த,நல்ல பழக்கவழக்கம் கொண்ட,முக்கியமா முதியோரை கனம் பண்ணும் மணமகளை எதிர்பார்க்கின்றனர்.சீதனம் ஏற்றுக்கொள்ளப்படும்.

இதையும் பாத்திட்டு சில வீணா போன பெருசுக தங்க பெண்பிள்ளைகளை கட்டி வைக்குங்கள்.மாப்பிளை ஊர் சுத்தமாட்டார்.கண்ட கிண்ட சகவாசம் இருக்காது.காவாலி பசங்க ப்ரெண்ட்ஸ்'சா இருக்கமாட்டாங்கன்னு.கொய்யாலே.
இதை எல்லாம் பாத்துகிட்டு என்ன பண்ணுவீங்க இளைஞர்களே?பொங்கி எழவேண்டாம்?இல்ல சும்மா தான் கேக்கிறன் இவளுகளுக்கெல்லாம் வெக்கமே கிடையாதா?அறுபது வயசில கலியாணம் கட்டிவினம்,மாப்பிள தோழன் தன்னுடைய பேரப்பிள்ளை சகிதமா மணமேடைக்கு வந்திருப்பார் .பொம்பிள்ளை தோழி ஆஸ்பத்திரியில இருந்து படுக்கையோட தூக்கி வந்திருப்பாங்க...இந்த கேடுகெட்ட பிழைப்பு தேவை தானா?

கொஞ்சம் இளமை தூக்கலா இருக்கட்டுமேன்னு தாலி கட்டி முடிஞ்சாப்புறம் "வை திஸ் கொலைவெறி டி" பாட்டு போட்டு ஒரு குத்தாட்டமும் ஆடினீங்கன்னு வையுங்க அங்கிள்ஸ் அண்ட் ஆண்டீஸ்,முதல் கொலை பண்றது நானா தான் இருக்கும் ஆமா!

முளைச்சு மூணு இல்லை விடலை உனக்கெல்லாம் காதல் கல்யாணம் கத்தரிக்காய் கேக்குதான்னு இனி எவனாச்சும் கேட்டு பாருங்க...மவனே..முளைச்சு முப்பத்தாறு கழுதை வயசான இந்த கிழடுகளே இந்த ஆட்டம் போடும்போது,நம்ம வயசில நாம சரியான வேலை தான் பண்றம்னு சட்டை காலர தூக்கிவிடுங்க மச்சான்ஸ்!!

இப்பிடியே போய்க்கிட்டிருந்தா நீங்க போயி அம்மா அம்மா எனக்கு கல்யாணம் செய்ஞ்சு வையம்மான்னு கேட்டா அம்மா சொல்லுவா இப்ப தான் அந்த தாத்தாவுக்கே ஆகி இருக்கு..உனக்கு இன்னும் நாற்பது வருஷம் இருக்கு கம்னு கிட என்பா...தேவையா?இல்ல தேவையாங்கிறேன்?

எந்திரிச்சு நிக்கவே வக்கில்லையாம் அம்பத்தஞ்சு வயசில கல்யாணம் கேக்குதாம்...

கலிகாலம் கலிகாலம்னு அடிக்கடி புலம்பிற பெருசுகளே,ப்ளான் பண்ணி நம்மள புலம்ப வைச்சிட்டீங்கள்'ளே!விடமாட்டான் இந்த இளைஞர்களின் காவலன்,இளைஞர்களின் ஆழ்வார்,இளைஞர்களின் மாப்பிள்ளை மைந்தன் சிவா!!(அப்பாடி எல்லாத்தரப்பையும் திருப்திப்படுத்தியாச்சு!!)

இனி எந்த பெருசாச்சும் உங்களை கேவலப்படுத்தினா என் ப்ளாக்'ஐ காட்டி நச்சுன்னு அவங்க வாயை மூட வையுங்க மக்களே!(அவங்களாச்சும் நம்மள வாசிக்கட்டும்).
இப்படி ஏதாச்சும் 'காலாவதியான கல்யாணம்' நடப்பதாய் கேள்விப்பட்டால் உடனே நம்ம சங்கத்துடன் தொடர்புகொள்ளுங்க.மிச்சத்தை நாங்க பாத்துக்கிறம்!!

சங்கத்து முகவரி:
'இளைஞர்கள் தன்மான படையணி"
தலைமையகம்:நம்பர்......
என்ன எங்கடா நம்பர காணோமேன்னு தலைய பிச்சிக்கிறாங்க பாருங்க பெருசுக.ஏன் வீடு தேடிவந்து போட்டுத்தள்ளவா?
சிக்கமாட்டான் இந்த மைந்தன் சிவா!!

"சில்வண்டு சிக்கும்...சிறுத்தை சிக்காதிலே!!!

மயக்கம் என்ன+போராளி =யதார்த்தம்

2011-12-16T11:15:00.004+05:30

கடந்த ஒரு வாரத்தினுள் வெற்றிகரமாக இரண்டு படங்களை பார்த்து முடித்துவிட்டேன்,சசிக்குமாரின் "போராளி" மற்றும் தனுஷின் "மயக்கம் என்ன".
தமிழ்ப்படங்கள் பார்பதற்கும்,பதிவுகள் போஸ்ட் பண்ணுவதற்கும் என்னமோ இப்போது பெரிய ஆர்வம் இருப்பதில்லை.இரண்டுக்குமே குறைந்தது மூணு மணிநேரம் ஒதுக்கிவிட வேண்டும்.அடிக்கடி பதிவுலக நண்பர்கள் முணுமுணுப்பது போல,இப்போதெல்லாம் பதிவுகளை வாசிப்பவர்களை விட எழுதுபவர்களே அதிகமாய் இருக்கிறார்கள்..எனக்கும் அதில் கொஞ்சம் உடன்பாடு தான் ஆனால் இன்ட்லி தனது சேவையில் ஏற்படுத்திய மாற்றம் தான் பெரிய தாக்கத்தை ப்ளாக் பார்ப்போரின் எண்ணிக்கையில் ஏற்படுத்தி இருந்தது என்பது நான் கண்ட உண்மை.

யதார்த்த சினிமா வகையறாவுக்குள் இந்த மயக்கம் என்ன மற்றும் போராளி படங்களை சேர்த்துக்கொள்ளலாம்.சசிக்குமார்,சமுத்திரக்கனியின் வழமையான போர்முலாவில் வெளிவந்திருந்தாலும் கூட "போராளி" சமூகத்துக்கு ஒரு நச் மெசேஜ் ஒன்றை வழங்கியிருக்கிறது.சமூகத்தாலேயே பல மனநலம்குன்றியவர்கள் உருவாகிறார்கள்,உருவாக்குபவர்கள் உருவாக்கிவிட்டு கைவிட்டு சென்றுவிடுகிறார்கள்.மனநலம் குன்றியோரில் பெரும்பாலானோரை உருவாக்கிய பெருமை இந்த சமூகத்துக்கே உடையது என்று சசிக்குமார் படத்தில் தனது கதாபாத்திரம் மூலம் வெளிப்படுத்தி இருக்கிறார்.முக்கியமாக உறவினர்கள்.சொந்த உறவை விட நட்பே பெரியது என்று நாடோடிகளில் தொடர்ந்ததை போராளியிலும் தொடர்ந்திருக்கிறார்.சசிக்குமாரின் வாயிலிருந்து வெளிவரும் வசனங்கள் ஒவ்வொன்றும் அவ்வளவு ஷார்ப்!!சமுத்திரக்கனியின் எழுத்து பிரகாசிக்கிறது.

"சொந்தமெல்லாம் சும்மா...அவனவன் வாழ்க்கையை அவனவன் தான் பாத்துக்கணும்"
"எப்பவோ கிடைக்கிற பால்கோவாவை விட இப்ப கிடைக்கிற பப்பரமிட்டாய் தான் முக்கியம்"
இப்படி படம் முழுவதும் பல பன்ச் வசனங்கள் கொட்டிக்கிடக்கிறது!இந்த இரண்டு வசனங்களும் படம் பார்த்த எபெக்ட்டில் பேஸ்புக்கில் பகிர்ந்துகிட்டது.

("சிலோன் பாராட்டா" ஸீன்)

நாடோடி படத்தில் காட்டு காட்டிய 'சம்போ சிவசம்போ"போல போராளியிலும் ஒரு சேசிங் சாங்,அத்துடன் முதல் பாடலான "வெடி போட்டு பாடடா" பாடலும்,அது காட்சிப்படுத்தி இருக்கும் விதமும் கட்டாயம் நாடோடிகளை ஞாபகப்படுத்தும்!அதை தவிர பாடல்களுக்கு படத்தில் பெரிதான முக்கியத்துவம் இல்லாததாலோ என்னமோ பெரிதாக மனதோடு ஒட்டிக்கொள்ளவில்லை.

நுனி நாக்கு இங்கிலீஸ் பேசும் கூட்டம் ஒரு பிரச்சனைன்னு வந்திட்டா ஒதுங்கி நின்று வேடிக்கை பார்க்க மட்டுமே செய்வார்கள் என்று வரும் காட்சி உண்மைகளை தொட்டு செல்கிறது.சாதாரணமாக வீதியிலோ வேறு எங்கிலுமோ ஏதும் பிரச்சனைன்னு வந்திட்டா களத்தில் இறங்கி வேலை செய்பவர்களில் இந்த நுனி நாக்கு இங்கிலீஸ் கூட்டமோ,"ப்ரோபெஸ்சனல்ஸ்" என்று தங்களை அடையாளப்படுத்திக்கொள்ளும் கூட்டமோ இருக்காது என்பது உங்களுக்கே தெரிந்திருக்கும்,ஏன் நாங்களும் அந்த கூட்டத்துள் ஒருவராய் இருக்கவும் கூடும்!

மனிதனின் மிருககுணம் வெளிப்படுவதும் வெளிப்படாமல் இருப்பதும் அவனை சுற்றி இருப்போர் கைகளிலேயே இருக்கிறது.தங்கள் சுயநலனுக்காய் மற்றவனை பைத்தியக்காரன் ஆக்கவும் இந்த சமூகம் பின்னிற்காது,மன நலம்குன்றியோர் மீது அதிக கரிசனை தேவை என்று பல நல்ல செய்திகளை சொல்லி முற்றுகிறது போராளி திரைப்படம்.இரண்டாம் பாதி சற்று அதிகமான வன்முறைக்காட்சிகள் காட்டப்பட்டிருந்தாலும் கூட,படத்தின் கருவுக்கு அது தேவைப்படுகிறது.சசிக்குமார்க்கு இன்னொரு வெற்றிப்படமாய் போராளி அமையும்!!

அடுத்த படைப்பில் இந்த நாடோடிகள்,போராளி படங்களின் தாக்கத்திலிருந்து விடுபட்டு வித்தியாசமான படைப்பொன்றையே சசிக்குமாரிடமிருந்து எதிர்பார்க்கிறோம்.அடுத்தபடத்தில் மறுபடியும் சுவாதியா??(சசிக்குமார்+சுவாதி எப்போ கல்யாணம்?அழகான ஜோடி!)

-------------------------------------------------------------------------------------

"மயக்கம் என்ன" செல்வராகவனின் அடுத்த வித்தியாசமான படைப்புன்னு சொல்லலாம்.தம்பி தனுஷை வைத்து வித்தியாசமான கதைக்களத்தில்,"கால- களத்தில்" பெரிய நட்சத்திர பட்டாளம் இன்றி ஆர்ப்பாட்டமின்றி வழங்கி இருக்கும் அடுத்த யதார்த்தமான படைப்பு.படம் வந்த சில நாட்கள் இணையப்பக்கம் தலைவைத்துப்பார்க்க முடியவில்லை.காச்சு மூச்சென்று படத்தை பற்றி ஏகப்பட்ட எதிர்மறையான,காரசாரமான விவாதங்கள்.அந்தளவுக்கு என்ன தான் இருக்கிறது படத்தில் என்று பார்க்கும் ஆவலும்,கடந்த வாரத்தில் கிடைத்த எதிர்பாராத ஓய்வான மணித்தியாலங்களும் "மயக்கம் என்ன" படத்தை பார்க்க வைத்துவிட்டன.

எனக்கென்னமோ செல்வராகவனின் வாழ்க்கையை ஆராய்ந்து பார்த்தால்,அவரின் அடுத்த படங்களின் கதைகளை கூட கண்டறியலாம் என்று தோன்றுகிறது.அவரின் படக்கதைகள் சொந்த வாழ்க்கையில் நடந்த கதை போலத்தான் தெரிகிறது.
ஒரு சராசரி இளைஞன் தன் வாழ்க்கையில் வெற்றி பெற,தனது இலட்சியத்தை அடைய போராடும் போது ஏற்படக்கூடிய தடங்கல்களும்,எதிர்பாராத திருப்பங்களும் ஒன்று சேர,எப்போது,எப்படி தன் இலச்சியத்தை அடைகிறான் அதற்காக எவற்றை எல்லாம் தாங்கிறான் என்பதை புகைப்பட கலைஞனாக ஆசைப்படும் தனுஷின் "ஜீனியஸ்"கரெக்டரின் மூலம் செல்வராகவன் எவ்வித குழப்பங்களுமின்றி காட்டி இருக்கிறார்.

பாத்திரத்துக்கு சரியான கதாநாயகன்.எத்தகைய நடிப்பையும் இலகுவில் வெளிப்படுத்திவிட்டு செல்கிறார் தனுஷ்..படத்தின் மையக்கருவை தவிர்த்து,படத்தில் இடம்பெறும் ஆண்-பெண் காட்சிப்படுத்தல்கள் தான் பலரின் கவனத்தை திசை திருப்பி எதிர்மறை விமர்சனங்கள் வெளிப்படுத்த தூண்டி இருக்கிறது.இவர்கள் எல்லாம் எந்தக்காலத்தில் இருக்கிறார்கள் என்று தெரியவில்லை.நாட்டில் உண்மையில் என்ன நடக்கிறது என்பது பற்றிய அறிவாவது இவர்களிடம் இருக்கிறதா?எங்கள் சமூகத்தில் இன்றைய காலகட்டத்தில் இத்தகைய ஆண் பெண்,டேட்டிங் கலாச்சாரம் இல்லை என்று முற்றாக மறுத்துவிட முடியுமா இவர்களால்?இன்னமும் ஒரு ஐந்து பத்து வருடங்களில்,சமூக வலைத்தளங்களின் அபரிதமான வளர்ச்சியாலும்,கலாச்சார முன்னேற்றம்,மேற்கத்திய கலாச்சார ஊடுருவல்கள் என்பவற்றால்,படத்தில் காட்டப்பட்டிருக்கும் விடயங்கள் சர்வசாதாரணமாய் நடந்தேறிக்க்கொண்டிருக்கப்போகிறது.

இயக்குனர் செல்வராகவன்,கதாநாயகன் தனுஷ்,நாயகி ரிச்சா,ஒளிப்பதிவாளர் ராம்ஜி,மற்றும் இசையமைப்பாளர் ஜி வி பிரகாஷ்குமார் ஆகிய ஐவருமே படத்தில் வாழ்ந்திருக்கின்றனர்.யாமினி மாதிரியான கேரக்க்டர்கள் நிஜ வாழ்வில் பையன்களுக்கு ஆபத்து தான்.அவதானம் அவசியம்!அதே சமயம் தனுஷின் நண்பர் போல எவனும் தான் செட் பண்ணும் பொண்ணை குளிக்கும்போது கூட அவளுக்கு பல்லி என்றால் பயம்,பார்த்துக்கொண்டிரு நான் அவசரமாய் ஆயி போயிட்டு வாறன் என்று விட்டுவிட்டு போகமாட்டான்.நண்பர் சுந்தர் அனைத்து காட்ச்சிகளிலுமே அப்பாவியாய் ரிச்சாவை தனுஷுக்கு தாரை வார்த்துக்கொடுப்பதிலேயே குறியாய் இருப்பது போல காட்டி இருக்கிறார்கள்.சில சினிமாத்தனங்கள் இருந்தாலும் கூட,செல்வராகவன் தனது பாணியை இந்தப்படத்திலும் விட்டுக்கொடுக்கவில்லை.

அடுத்த தலைமுறைக்கான படம் என்று செல்வா முன்னமே கூறி இருந்தார்.உண்மையில் அடுத்த தலைமுறைக்கும்,இன்றைய இளைஞர் தலைமுறைக்குமான படம் தான் மயக்கம் என்ன!
அடுத்ததாய் தனுஷை வைத்து ஒரு படம் எடுப்பதாக இருந்தால் செல்வராகவன்,ப்ளீஸ் அதிலும் தனுஷை ஒரு பைத்தியக்காரன் ரேஞ்சுக்கு காட்டிவிடாதீர்கள்.
அதென்னமோ தெரியவில்லை அடுத்தவன் பொண்டாட்டியை ஆட்டையை போடும் படங்கள் தனுஷுக்கு மட்டுமே வைத்துவிடுகிறது.முன்னர் "யாரடி நீ மோகினி".இப்போது "மயக்கம் என்ன":P

இலச்சியத்துக்காக ஓடிக்கொண்டிருக்கும் இளைஞர்களுக்காக...

மாமல்லன்(ன்னன்)தைமூர்-மன்னர்க்கெல்லாம் மன்னன்!

2011-11-22T10:44:00.000+05:30

குறிப்பு:இந்த வீரனின்/கொடுங்கோலனின்(உங்கள் விருப்பப்படி வைத்துக்கொள்ளுங்கள்) வரலாற்றை உங்களுக்கு பகிரத்தூண்டிய சக பதிவர் ஜனா அவர்களுக்கு தான் முதலில் நன்றிகள் சொல்ல வேண்டும்.பல மாதங்களாகிவிட்டது அவர் கேட்டு.நான் பெயரை கூட மறந்து கடந்த வாரம் தான் மீண்டும் கேடு தேடி அலசி கண்டு பிடித்து ஒன்று சேர்த்து ஒரு அப்திவாக்கி வைத்து உங்களுடன் பகிர்கிறேன்.வரலாறுகளை வாசிக்கும் போது என்ன ஒரு இன்பம்..பலருக்கு இதே விதமான ஆசை இருப்பதை கண்டிருக்கிறேன்..நீங்களும் ஒரு வரலாற்றுப் பிரியர் எனில் தொடர்ந்து செல்லுங்கள்!

தைமூர் (6 ஏப்ரல் 1336-19 பெப்ரவரி 1405) 14 ஆம் நூற்றாண்டைச் சேர்ந்த துருக்கிய-மங்கோலியரான பேரரசர் ஆவார். இவர் மேற்கு ஆசியா, மத்திய ஆசியா ஆகியவற்றின் பெரும் பகுதிகளைக் கைப்பற்றி தைமூரியப் பேரரசை நிறுவினார். தைமூரிய வம்சத்தை உருவாக்கியவரும் இவரே. இப்பேரரசு, இந்தியாவில் முகலாயப் பேரரசாக 1857 ஆம் ஆண்டுவரை நீடித்தது.

மங்கோலிய ஆக்கிரமிப்பாளர்களின் வழி வந்த தைமூரின் இனத்தவர் துருக்கிய அடையாளத்தையும் மொழியையும் கொண்டவர்களாக மாறிவிட்டனர். பாரசீகக் கல்வியும், உயர்ந்த நாகரிகமும் கொண்டு விளங்கிய இவர் தனது மூதாதையர்களின் பேரரசை மீள்விக்க எண்ணம் கொண்டார். இவரது காலத்தில் துருக்கிய இலக்கியத்தில் முக்கியமானவை சில எழுதப்பட்டன. துருக்கியப் பண்பாட்டின் செல்வாக்கும் விரிவடைந்து செழித்தது.

தைமூர் ஒரு போரியல் மேதை. போர் உத்திகளில் தனது திறமையை வளர்த்துக் கொள்வதற்காக ஓய்வு நேரங்களில் சதுரங்கவிளையாட்டில் ஈடுபடுவார். முழுமையான அதிகாரத்தைக் கொண்டு விளங்கிய இவர் ஒருபோதும் எமிர் என்னும் பதவிக்கு மேலாகத் தன்னைப் பெருமைப்படுத்தி அழைத்துக் கொண்டதில்லை.

வரலாற்றில், அவரது வாழ்நாளிலும் கூட, தைமூர் ஒரு முரண்பட்டவராகவும், சர்ச்சைக்கு உரியவராகவும் இருந்தார். பல கலைகளை ஆதரித்த இவர், பல சிறந்த கல்வி மையங்களின் அழிவுக்கும் காரணமாக இருந்தார்.

முகம்மது துக்ளக் என்னும் பாதுஷா டில்லியை ஆண்டுகொண்டிருந்த போது தனது படைகளுடன் வந்த தைமூர் கோட்டை வாயிலில் முகம்ம்மது துக்ளக்கின் படையை தோற்கடித்து அரண்மனையினுள் புகுந்து சூறையாடி டெல்லி வீதிகளில் இரத்தம் ஓட செய்தது இரண்டு வாரங்களில் திரும்பி சென்றதாக வரலாறுகள் கூறுகிறன!

குர்-இ அமீர் என்பது ஆசியாவைக் கைப்பற்றி ஆண்ட தைமூர் அல்லது தாமர்லான் என்பவரின்சமாதிக் கட்டிடம் ஆகும். இது இன்றைய உசுபெகிசுத்தானில் உள்ளசமர்க்கண்ட் என்னும் இடத்தில் உள்ளது. பிற்காலத்து முகலாயக் கட்டிடக்கலை சார்ந்த சமாதிக் கட்டிடங்களுக்கு முன்னோடியாக அமைவதால் இசுலாமியக் கட்டிடக்கலை வரலாற்றில் இது சிறப்பிடம் பெறுகிறது எனலாம். தைமூரின் வழிவந்தவர்களும் வட இந்தியாவை ஆட்சி செலுத்தியவர்களுமான முகலாயப் பேரரசர்கள் இதனை பின்பற்றிக் கட்டிய கட்டிடங்களுள்உமாயூனின் சமாதி, தாஜ் மகால் என்பவை குறிப்பிடத்தக்கவை. இக் கட்டிடம் பிற்காலத்தில் பெருமளவு திருத்த வேலைகளுக்கு உள்ளாகியுள்ளது

இச் சமாதிக் கட்டிடத்தின் கட்டிட வேலைகள் 1403 ஆம் ஆண்டில், தைமூரின் மகனும் முடிக்குரிய வாரிசுமாகிய முகம்மது சுல்தானும்,பேரனும் சடுதியாக இறந்தபோது அவர்களுக்காகக் கட்டப்பட்டது. தைமூர் தனக்காக ஒரு சிறிய சமாதிக் கட்டிடத்தை சகிரிசாப்சுஎன்னும் இடத்தில் அவரது அக்- சாரய் மாளிகைக்கு அருகில் கட்டியிருந்தார். ஆனால், 1405 ஆம் ஆண்டில் சீனா மீது படையெடுத்துச் செல்லும்போது தைமூர் இறந்தார். சகிரிசாப்சுக்குச் செல்லும் வழி பனிமூடி இருந்ததால் தைமூரை இவ்விடத்திலேயே அடக்கம் செய்யவேண்டி ஏற்பட்டது. தைமூரின் இன்னொரு பேரனான உலுக் பெக் இக் கட்டிடத்தைக் கட்டி முடித்தார்.

உலகம் முழுவதையும் வென்று, தம் அதிகாரத்தின் கீழ்கொண்டு வரவேண்டும் என்று, வெறிபிடித்து அலைந்த மாவீரர்களுள் தைமூரும் ஒருவர். அவருக்கு ஒரே கால்தான் உண்டு. போரின்போது மற்றொரு காலை இழந்துவிட்டார்.

உஸ்பெகிஸ்தான் மன்னனான தைமூருக்கும் துருக்கி சுல்தான் பெயசித்துக்கும் பலநாட்களக அவமானகரமான கடித போக்குவரத்து நடைபெற்று வந்தது.பெயசித் தனக்கு சமமான மன்னன் என தைமூரை கருதவில்லை.குறுநில மன்னனுக்கு அனுப்புவது போல தைமூருக்கு கடிதம் எழுதி வந்தார்.கோபமடைந்த தைமூர் பெயசித் மேல் படை எடுத்தான்.அந்த காலத்தில் பேயசித்தை எதிர்க்கும் மன்னனே உலகில் இல்லை.ஐரோப்பிய மன்னர்கள் அனைவரையும் தோற்கடித்து ஐரோப்பாவை பிடிக்கும் ஆற்றல் பெற்றிருந்தார் பேயசித்.செர்பிய மன்னன் அவரிடம் போரில் தோற்று தன் தங்கை டெஸ்பினாவை அவருக்கு திருமணம் செய்து வைத்து தன் நாட்டை காப்பாற்றி கொண்டான்.

இத்தகைய வலிமை வாய்ந்த மன்னர் மத்திய ஆசிய நாட்டோடி கூட்டம் ஒன்றின் தலைவனான தைமூரை தனக்கு சமமானவனாக ஏற்காததில் வியப்பில்லையே?எப்படியோ..போர் மூண்டது. தோல்வியே அடையாத ஆட்டோமான் படை ஒரே நாளில் தைமூரிடம் தோற்று பேயசித் தன் குடும்பத்துடன் தைமூரிடம் பிடிபட்டார்.பெயசித்தை கூண்டில் அடைத்து வைத்த தைமூர் அவர் கண்முண் டெஸ்பினாவை பலாத்காரம் செய்தான்.அதன்பின் அவரை விடுதலையும் செய்துவிட்டான்.

அவமானமடைந்த பேயசித் அதன்பின் ரொம்பநாள் உயிரோடு இருக்கவில்லை.அதன்பின்னர் ஆட்டோமான் வம்சத்தில் பத்துராணி என ஒருவர் இருக்கும் வழக்கமே ஒழிந்து விட்டது.பட்டத்து ராணி இருந்தால் தானே இப்படி அவமரியாதைக்கு உள்லாவார்கள்?மன்னர் யாரையும் கல்யாணம் செய்துகொள்லாமல் அடிமைகளாக மட்டுமே பெண்களை வைத்திருந்தால்??

அதன்பின் இருநூறு வருடங்களுக்கு ஆட்டோமான் சுல்தான்கள் யாரும் பட்டத்து அரசிகளை வைத்திருக்கவில்லை.ஆட்டோமான் வம்சத்தின் ஒப்பற்ற மாமன்னரான சுல்தான் சுலைமான் மட்டுமே இந்த பழக்கத்தை உடைத்தெறிந்து உக்ரேனிய அழகி ரோக்சலீனாவை மணந்துகொண்டார்.ரோக்சலினாவும் ஒன்றும் சாதாரண பெண் இல்லை.ஆட்டோமான் வம்சத்தையே முடித்து கட்டியவர் என வரலாற்றில் திகிலுடன் கூறபடுபவர்.

14-15-ம் நூற்றாண்டில் ஆசியாவை கலங்கடித்த தைமூர் இறந்தபோது, அவனது கல்லறையில் ஒரு சின்னம் பொறிக்கப்பட்டது, அது குறிப்பிடுவதாவது "இந்தக் கல்லறை திறப்பவர்கள் மண்ணில் போர் சூழும்". 1941-ல் ரஷியாவைச் சார்ந்த ஜெரசிமொவ் என்ற ஆராய்ச்சியாளர், தைமூரின் கல்லறையைத் தனது ஆராய்ச்சிக்கு உட்படுத்தினார். தைமூரின் உயரம், தோற்ற அமைப்பு, மன்கோலிய அடையாளம் அனைத்தையும் உறுதிபடுத்தினார். அதேசமயம் ரஷியாவில் நாசிகளின் தாக்குதல் நடந்தது. 1942-ல் தைமூரின் உடல் மறுபடியும் அடக்கம் செய்யப்பட்டவுடன், அன்றைய தினமே, ரஷியா ஸ்டாலின்கிரெட்டில் மாபெரும் வெற்றியை ஈட்டியது. நம்ப முடிகிறதா உங்களால்...!!

தைமூரியப் பேரரசின் எமிர்
தைமூர்

உஸ்பெகிஸ்தானின் ஷஹ்ரிசாப்ஸ் என்னும் இடத்தில் உள்ள தைமூரின் சிலை
ஆட்சிக்காலம்	1370-1405
முடிசூட்டு விழா	1370, பால்க்
முழுப்பெயர்	தாமெட் சிங்கிசிட் கான்
பிறப்பு	ஏப்ரல் 6, 1336
பிறப்பிடம்	ஷாஹ்ரிசாப்ஸ்,திரான்சாக்சியானா
இறப்பு	பெப்ரவரி 19, 1405 (வயது 69)
இறந்த இடம்	ஒட்ரார், சிர் தார்யா
புதைக்கப்பட்டது	குர்-எ அமிர்,சமர்க்கண்ட்
முன்னிருந்தவர்	அமிர் ஹுசைன்
பின்வந்தவர்	காலில் சுல்தான்
அரச குடும்பம்	தைமூரியர்
தந்தை	முக்ஹம்மத் தரகாய்
தாய்	தெக்கீனா மொஹ்பேகிம்

THE TEXT FOR THE PARAGRAPH GOES HERE

ஒஸ்தி மாமே!! பவர்ஸ்டார் டாப்பு!!

2011-11-20T09:58:00.011+05:30

எனக்கொரு பழக்கம் இருக்கு..எதிலேயுமே ஒஸ்தியா இருக்கணும்னு.பதிவு போட்டால் தினசரி போடணும்னு நெனைப்பேன்.பதிவு போடாவிட்டால் கூட தினசரி போட கூடாதுன்னு நெனைப்பேன்.அதே மாதிரி தானுங்க சாப்பிடனும்னா டெய்லி சாப்பிடுவேன்.இல்லாவிட்டால் நாளுக்கு மூணு வேளை சாப்பிடுவேன்.எங்க இருந்து இந்த கெட்ட பழக்கம் வந்திச்சுன்னே தெரியல எனக்கு.

ஆனா இந்த பழக்கம் வேற யாருக்கும் உதாரணமா ஒரு தெலுங்கு பயலுக்கு இருந்திச்சின்னா நான் தொலைஞ்சேன்..பயலு ரீமேக் பண்ணி சாப்பிடாம இருக்கானு சொல்லுவாங்க.அதுதான் இல்ல ஒரு பீட்டர் பய இப்பிடி இருந்தான்'னாலும் எனக்கு தான் கஷ்டம்க.வெளிநாட்டுகாரன் habbit 'டை காப்பி பண்ணி ரீலு விடுரான்னு சொல்லுவாங்க.ஆந்திராகாரனுக்கு பசிச்சா எனக்கு பசிக்ககூடாதா பாஸ்?பசிச்சா அவனும் அம்மா பசிக்குதுன்னு தானே கத்துவான்?பீட்டரா இருந்தா மம்மி ஹங்ரி அப்பிடீன்னு ஷௌட்(shout ) பண்ணுவான்.

அத விடுங்க

இந்த கதையை உங்களுக்கு வழங்குவது ஒஸ்தி எலிப்பொறி கம்பனி ப்ரைவேட் லிமிட்டட்!!நமக்கு பாகிஸ்தானில் கிளைகள் கிடையாது!

ஒரு நாளு எனக்கு செம பசி வந்திரிச்சு.என்னடா இது அதிசயமா இருக்கே,(ஏன்'னா நமக்கு பசி வாறதின்னா அது ஒரு சம்பவம்'க)என்ன காரணம்னு தேடி பாத்தாக்க அதுக்கு காரணம் ஒரு எலி'ன்னு தெரிய வந்திச்சு.எலி எனக்கு பசிய தூண்டி விட்டிட்டு இந்தியா பாக்கிஸ்தான் பார்டர்க்கு ஓடி போயிரிச்சு.இது தான் சமயம்னு தமிழ்நாட்டு எலி ப்ளேக் நோயை பரப்ப பாக்கிஸ்தானுக்கு போயிரிச்சு தொலைச்சான் ஒசாமா பின்லாடன் அப்பிடீன்னு பத்திரிகை மீடியா எல்லாம் பரபரப்பு நியூஸ் விடுறாங்க.இந்த பரபரப்பில பால் விலை ஏற்றமோ கனிமொழி சிறை ஏற்றமோ ஜுஜுபி மேட்டராச்சுன்னா இந்த எலியோட பவர பாருங்க!

இப்போ உலக எலிப்படை சங்கத்தில அந்த எலி தான் மாஸ் ஹீரோ!!ஒஸ்தி மாமே ஒஸ்தி மாமே இது தான் இப்போ அவரு நடந்தாலும் சரி இருந்தாலும் சரி பேக் ரவுண்ட் மியூசிக்கு!

எதையுமே பாத்தீங்கன்னா சும்மா காய விட கூடாதுங்க.காய விட்ட அது பெருசாகி பழுத்து பழமாயிடும்.அப்புறம் எலி வந்து கடிச்சு நாசமாக்கிடும் பாருங்க.இதே மாதிரி தான் என் ப்ளாக்'க்கும்!கொஞ்ச நாள் காய விட்டதால என்னைய "இளைப்பாறிய பதிவர்" லிஸ்ட்டில சேர்த்திட்டாங்க.விட்டிடுவனா?போட்டேன் பாருங்க ஒரு பதிவு..

அது மட்டுமில்ல எதோ பாரிஸ் தமிழ் சிறந்த படைப்புகளுக்கு பல பரிசுக குடுக்க போறதா கேள்விப்பட்டேன்..நல்ல உள்ளங்கள் யாராச்சும் இந்த பதிவை ரெக்கமென்ட் பண்ணிவிடுங்க.எப்படியும் முதல் பரிசு எனக்குன்னு ஆல்ரெடி முடிவாயிரிச்சாம்.உங்களுக்கும் ஒரு பங்கு தாரேன்!

-----------------------------------------------------------------------------------

அழகிய தமிழ்மகன் இவரை பாரு
அதிரடி ஸ்டயிலில் பவர் ஸ்டார்'ரு!
கொடைகளில் இவனுக்கு சவால் யாரு?
படை பலம் நிரம்பிய பவர் ஸ்டார்'ரு!!
குழந்தையின் உள்ளம் சிறுத்தையின் கண்கள் பாரு...
தடைகளை எல்லாம் உடைப்பவரே ஸ்டாரு!!

நம்ம தலைவர் லத்திகா புகழ் பவர் ஸ்டார் ஸ்ரீனிவாசனின் லத்திகா பாடல் ஒன்று.அஜித் விஜய் எல்லாம் எந்த மூலைக்கு..தலைவர் மாஸ் தான் இனி நம்ம வேலைக்கு!!தலைவர் புகழ் நாளுக்கு நாள் நிச்சயமாக அதிகரிப்பதோடு மட்டுமல்லாது விசிறிகளும் அதிகரித்தே வருகிறார்கள் என்பதுடன் அடுத்த படமான 'ஆனந்த தொல்லை" படத்துக்கான எதிர்பார்ப்பு எகிறுகிறது!இதனால் அடுத்த படம் நிச்சயமாக ஐநூறு நாட்கள் ஒடுமேன்பதில் எந்த ஐயமுமில்லை!

------------------------------------------------------------------------------------

இது தான் சாரு நிவேதிதா'வின் புதிய நாவலான எக்சைல்'இன் அட்டை படம்!இந்த படத்தின் கருப்பொருள் கொஞ்சம் வில்லங்கமானது..விளங்கினவர்கள் புத்திசாலிகள்.ஒண்ணுமே புரியாவிடில் கமெண்ட்டில் கேளுங்க சொல்றேன்!

------------------------------------------------------------------------------------------------------------------

"அநாகரீகமாக எழுதுபவர்களும் இத்தகைய சமூக வலைதளங்களில் இருக்கிறார்கள். சுவற்றில், தியேட்டரில் கழிவறைகளில் இப்படிப்பட்ட கிறுக்கல்களைப் பார்த்திருக்கிறேன். ஆனால், அத்தகைய கிறுக்கல்களை இப்படிப்பட்ட சமூக வலைதளங்களில் போட அவர்கள் தயங்குவதில்லை. அப்படிப்பட்ட தகவல்களைப் பரப்புவதில் அவர்களுக்கு ஒரு சந்தோஷம்."

பெருவாரியான மக்களைச் சென்றடையும் ஒரு சமூக வலைதளத்தை தவறாக பயன்படுத்துகிறார்கள். மற்றவர்களைத் திட்டுவதாலோ, குறை சொல்வதாலோ அவர்களின் வெற்றியை நீங்கள் பறித்துவிட முடியாது அப்பிடீன்னு சூர்யா ஒரு பேட்டியில சொல்லி இருக்கார்.

இந்த சன்டிவி வேலாயுதத்தை ரா-ஒன்'க்கு பின்னால் வரிசைப்படுத்தி இருக்கிறது.ரா ஒன் இரண்டாம் இடத்திலும் முதலாம் இடம் சொல்ல தேவை இல்லை.ஜெயா டிவி ரேட்டிங் நான் பார்க்கவில்லை.அதில் வேலாயுதம் முதலாவதாய் வந்து இருக்கும் என்பது நிச்சயம்.எந்த மீடியா தான் இப்போது நடுநிலையாக இயங்குகிறது.அரசியலிலும் சரி வியாபாரத்திலும் சரி தங்களை "ஒஸ்தி"ப்படுத்துவதிலேயே குறியாய் இருக்கிறனர்.

-------------------------------------------------------------------------------------------------------------------

வெஸ்ட் இண்டீஸ் அணிக்கு எதிரான மூன்றாவது டெஸ்டில், சச்சின் தனது 100வது சதத்தை அடித்தால், மும்பை கிரிக்கெட் சங்கம் (எம்.சி.ஏ.,) சார்பில் 100 தங்க காசுகள் பரிசு வழங்கப்படும் என தெரிவிக்கப்பட்டுள்ளது.முதல் இரண்டு போட்டிகளிலும் சதம் அடிப்பார் அடிப்பார்னு எல்லாரும் எதிர்பார்க்க மறுபக்கம் திராவிட் தான் சதம் அடித்துக்கொண்டிருக்கிறார்.பதட்டம் காரணமாய் தான் சச்சினால் சதம் அடிக்க முடியவில்லை என்று கூறப்படும் சமயம் இவர்கள் வேறு தங்க காசு வெள்ளிக் கோப்பைன்னு கிளம்பிட்டாங்க...அடுத்த டெஸ்ட்டிலும் அம்போ தானா!!

மறுபக்கம் இந்திய முன்னாள் வீரர் வினோத் காம்ப்ளி 1996 உலக கிண்ண அரையிறுதி போட்டியில் சூதாட்டம் நடந்திருக்க வாய்ப்பிருப்பதாக குண்டை தூக்கி போட்டிருக்கிறார்.போட்டியில் டாஸ்'இல் வென்றால் முதலில் பேட் செய்வதாக தான் முதலிலேயே முடிவெடுக்கப்பட்டிருந்ததெனவும் ஆனால் போட்டி தினமன்று டாஸ்'இல் வென்று களத்தடுப்பை தெரிவு செய்தது தனக்கு சந்தேகத்தை தருகிறதென்று கூறி இருக்கிறார்.அத்துடன் டாஸ்'க்கு முன்னரே ஆரம்ப துடுப்பாட்ட வீரர் நவ்ஜோத் சித்து துடுப்பாட தயாராக pads கட்டி இருந்ததை தான் அவதானித்ததாகவும் தெரிவித்துள்ளளார்.இந்த கருத்தை அப்போதைய கேப்டன் அசாருதீன் மற்றும் அணி முகாமையாளர் அஜித் வடேகர் மறுத்துள்ளனர்.அந்த அரை இறுதி போட்டி தான் காம்ளியின் கிரிக்கட் வாழ்வுக்கு முற்றுப்புள்ளி வைத்தது என்பது குறிப்பிடத்தக்கது!

அஜித் விஜய்'யை மாஸ் படுத்தும் பாடு!!

2011-11-10T14:56:00.008+05:30

தமிழ் திரை வரலாற்றில் எந்தக்காலப்பகுதியிலும் விஜய் அஜித் போல இரண்டு மாஸ் ஹீரோக்கள் ஆட்சி பண்ணியதில்லை!மாஸ்'னா என்ன அப்பிடீன்னு கூகிள்'ல கூட வரைவிலக்கணம் காணப்படவில்லை.ஆனால் தற்போது அதிகப்படியானோரின் வாயில் உச்சரிக்கப்படும் மந்திரமாக மாறி இருக்கிறதென்றால் அதற்க்கு அஜித் விஜய் தான் முக்கிய காரணம்.

பலதரப்பட்ட படங்களில் நடித்து வந்த தல,தளபதி மாஸ் என்ற அந்த ஒற்றை சொல்லால் படும் பாடுகள் கொஞ்ச நஞ்சமல்ல...அவர்களின் ரசிகர்கள் பாடு அதை விட அதிகம்!!நீயா மாஸ் நானா மாஸ் உன் தலையா மாஸ் தளபதியா மாஸ் என்று அடிபடும் சமயம் இந்த "மாஸ்" என்ற சொல்லு நமக்கு எதனை தந்திருக்கிறதென்று பார்ப்போம்.

துள்ளாத மனமும் துள்ளும்,காதலுக்கு மரியாதை என்று காதல் படங்களில் நடித்துக்கொண்டிருந்த விஜய்'ஜை திருப்பாச்சி என்ற ஒரு அதிரடியில் அறிமுகம் செய்தார் பேரரசு.விஜய்யின் புதிய அவதாரமான திருப்பாச்சி பெரிய வெற்றியை விஜய்க்கு தந்திருந்ததமை விஜய்யை அதே மாதிரியிலான கதைகளில் நடிக்க தூண்டியது.ஏன் இயக்குனர்கள் கூட விஜய்யை அந்த மாதிரியான கதாபாத்திரத்தில் அழகுபடுத்தவே விரும்பினர்.அதன் பின்னர் தொடர்ச்சியாக வந்த சிவகாசி போக்கிரி என்பன மாபெரும் ப்ளாக் புஸ்டர் ஆகி வெற்றி பெற,மேலும் உந்துதலால் அதே வகையான கதைகளை தெரிவு செய்து நடித்தார் விஜய்.சில விடயங்கள் சரியாக அமையாததால் தொடர்ந்து சில படங்கள் குருவி சுறா என்று தோல்வியை தழுவியது.ஆனாலும் அந்த மாஸ் என்பதை விட விஜய்க்கும் விருப்பம் இல்லை.இயக்குனர்களுக்கும் விருப்பம் இல்லை.விஜய் ரசிகர்களுக்கும் விருப்பம் இல்லை..அதனால் விஜய்'யால் அந்த ட்ராக்'ஐ விட்டு வெளிவர முடியவில்லை.காவலனில் நடித்திருந்தாலும்,அது மாதிரியான சாப்ட்'டான பாத்திரங்களில் விஜய்'யை பார்ப்பதை விட அதிரடி பாத்திரங்களில் பார்ப்பதையே அவரது ரசிகர்கள் பெரிதும் விரும்புகிறார்கள் என்பது வேலாயுதம் வெற்றியிலிருந்து புலப்படும்.

முகவரி,வாலி என்று அழகிய கதைகளில் நடித்து பாராட்டுப் பெற்ற தல அஜித்,சிட்டிசன்,ரெட் போன்ற படங்களில் தனது மாஸ் பயணத்தை ஆரம்பித்திருந்தார்.அதற்க்கு அடுத்தபடியாக வந்த ஜீ,ஆஞ்சநேயா போன்ற சில படங்கள் தோல்வியை கொடுக்க கிரீடம் படத்தில் சாந்தமான பையனாக நடித்து பாராட்டு பெற்றார்.அதற்க்கு பின்னர் பில்லா ரீமேக்'இல் நடித்த அஜித்,அதன் மாபெரும் வெற்றியால் அது மாதிரியான கதைகளை தெரிவு செய்யதொடங்கினார் .தொடர்ச்சியாக ஸ்டைலிஷ்,அதிரடி போர்முலாவில் வெளிவந்த மங்காத்தாவும் மாபெரும் வெற்றி பெற்றது.அடுத்து பில்லா பாகம் இரண்டில் நடிக்கும் அஜித் கூட அதே வகையான படங்களுக்கு அடிமையாகி விட்டார் என்றே சொல்லலாம்.அவர் ரசிகர்களும் அந்த மாதிரியான படங்களையே அதிகம் விரும்புகிறனர்.இயக்குனர்களும் அதே மாதிரியான கதாபாத்திரத்தில் தலை'யை நடிக்க வைக்கவே விரும்புகிறனர்.

விஜய்'யோ சரி அஜித்தோ சரி தெரிந்தோ தெரியாமலோ ஒரே வகையான போர்முலாவில் சிக்குப்பட்டு இருக்கின்றனர் என்பது தெளிவாக புலப்படும்."மாஸ் ஹீரோ" என்பது அனைத்து நடிகர்களுக்கும் இலகுவில் கிடைத்துவிட கூடிய அந்தஸ்து அல்ல.அது விஜய்'க்கும் அஜித்துக்கும் கிடைத்திருக்கிறது.அதனை இழக்கவும் அவர்கள் விரும்பமாட்டார்கள்.அவர்களது ரசிகர்களும் விரும்பமாட்டார்கள்.தொடர்ச்சியான மசாலா படங்களே விஜய் என்ற அடையாளமாக இருக்கப்போவதும்,தொடர்ச்சியான கோர்ட் சூட் ஸ்டைலிஷ் இருமணிநேர படங்கள் தான் அஜித்தின் அடையாளமாக இருக்கப்போவதும் தவிர்க்கப்பட முடியாதது.

--------

நான்கு ஐந்து படங்கள் வெளிவரும் போது மேல் கூறிய போர்முலா தவிர்த்து ஒரு படம் வெளிவருவது என்பது அதிசயமாக தான் பார்க்கப்படும் காலம் உருவாகிக்கொண்டிருக்கிறது.பில்லா-1 ,ஏகன்,அசல்,மங்காத்தா,பில்லா-2 போன்ற இறுதி அஜித்தின் ஐந்து படங்களையும் பாருங்கள்.உண்மை புலப்படும்.அதே மாதிரி விஜய்யின் வில்லு,வேட்டைக்காரன்,சுறா,காவலன்,வேலாயுதம் போன்ற வரிசையும் அவ்வாறானதே!!

இந்த "மாஸ்"என்ற அடையாளத்தை விட்டு வேறு மாதிரியான படங்களை தல,தளபதி ரசிகர்கள் தவிர்த்த ரசிகர்கள் எதிர்பார்க்கின்றனர்.ஆனால் அந்த "மாஸ்"அடையாளத்தை விட்டுக்கொடுக்க தல தளபதி விரும்பமாட்டார்கள் என்பது தான் உண்மை.

மாஸ் ஹீரோவாகவும் இருக்க வேண்டும்,பல தரப்பட்ட கதைகளில் வித்தியாசமாகவும் நடிக்க வேண்டும் என்பதே பெரும்பாலான தல தளபதி ரசிகர்களின் எதிர்பார்ப்பும் கூட!

விஜய் ஏன் இப்படி?விஜய்க்கு வில்லத்தனம் எதற்கு!!

2011-10-28T14:39:00.008+05:30

காட்சி ஒன்று:

முன்னொரு காலம்...இற்றைக்கு இருபது முப்பது வருடத்துக்கு முன்னர்,எம் ஜி ஆர் என்கிற மாபெரும் சக்தி தமிழ் சினிமாவை மட்டுமல்லாமல் தமிழ்மக்களையும் ஆட்டிப்படைத்துக்கொண்டிருந்தது.அதே காலத்தில் தான் சிவாஜி எனும் நடிப்பு திலகம் மறுபக்கம் ஆர்ப்பாட்டமில்லாமல் வேறுபட்ட நடிப்பை வழங்கிக்கொண்டிருந்தது.ரசிகர்கள் ,தமிழர்கள் சிவாஜியின் நடிப்பை போற்றினார்கள்.புகழ்ந்தனர்.ஆனால் எம் ஜி ஆரை தூக்கி வைத்து கொண்டாடினர்.காரணம் என்ன?சிவாஜி சீரியசான,காத்திரமிக்க கதைகளில் நடித்துக்கொண்டிருந்தார்.எம் ஜி ஆர் தியேட்டர் செல்லும் மக்களை குஷிப்படுத்தும் வகையிலான படங்களில் நடித்தார்.மக்கள் நடிப்பை(சிவாஜியை) பார்த்தனர்.எம் ஜி ஆரை கொண்டாடினர்.முதல்வராக்கினார்.

காட்சி ரெண்டு:

அதற்க்கு பிந்திய காலம்...ஒரு பத்து இருபது வருடத்துக்கு முன்னர் தொடங்கி இன்று மட்டும்,ரஜனி என்ற மந்திரம் தமிழர்களையும் தமிழ்சினிமாவையையும் கட்டி போட்டு வைத்திருக்கிறது.இதே காலகட்டத்தில் பெருத்த ஆர்ப்பாட்டமில்லாமல் வேறுபட்ட நடிப்பை வழங்கி உலகநாயகன் என்ற அந்தஸ்தோடு அங்கீகரிக்கப்பட்டவர் தான் கமல் ஹாசன்.கமலின் நடிப்பை புகழ்ந்தனர்.அடுத்த சிவாஜி என்றனர்.ஒஸ்கார் நாயகன் என்றனர்.ஒஸ்காரை தாண்டிய நடிப்பு என்றனர்.ஆனால் வசூல் ரீதியாக பெரிய வெற்றிகளை வழங்கவில்லை அவர் படங்கள்.நடிப்புக்காக போற்றப்பட்டது.ஆனால் ரஜனியோ,மசாலா படங்கள்,ஹீரோயிச படங்கள் போன்றவற்றில் நடித்தார்.சூப்பர் ஹீரோவாக அங்கீகரிக்கப்பட்டார்.வசூல் நாயகன் ஆனார்.அனைத்து தலைமுறை மக்களுக்கும் சிறுவர் முதல் பெரியோர் வரை பிடித்த நாயகன் ஆனார்.

முதல் காட்சிக்கும் இரண்டாம் காட்சிக்கும் ஒற்றுமைகள் பல இருப்பதை அவதானித்திருப்பீர்கள்!நடிப்பு,வித்தியாசமான நடிப்பு என்று இருந்த நடிகர்களின் நடிப்பு மக்களால் அங்கீகரிக்கப்பட்டது,போற்றப்பட்டது.இவர்கள் ரசிகர்கள் பெருமளவான ஆர்ப்பாட்டாமில்லாத,சத்தம் இல்லாத வகையில் படங்களை ரசித்தனர்.மசாலா கதைகள் ,மாஸ் ஹீரோ திரைப்படங்கள் நடித்தவர்கள் படங்கள் வசூல் ரீதியாக சாதனைகள் படைத்தன.மக்கள் மனதில் கொள்ளை இடம் பிடித்தவர்களும் இவர்கள் தான்.இவர்கள் ரசிகர்கள் என்றாலே ஆர்ப்பாட்டம் சரவெடி தான்!

இதை கூற காரணம்:இளைய தளபதி விஜய் எப்பவுமே மசாலா திரைப்படங்களில் தான் நடிக்கிறார்.இதை விட வேறுபட்ட கதைகளை எதிர்பார்த்தோம் என்று படம் பார்த்துவிட்டு கருத்து கூறுபவர்களை கண்டால் சிரிப்பு தான் வருகிறது.விஜய்க்கு என்று ஒரு "way " இருக்கிறது.அதில் வெற்றியும் கண்டிருக்கிறார்.அது தான் மசாலா திரைப்படங்கள்.மசாலா திரைப்படம் என்றால் சின்ன குழந்தையும் சொல்லும் அது விஜய் படம் தான் என்று.மசாலா திரைப்படங்கள் தோற்றிருக்கலாம்.காரணம் இருக்கிறது.

மசாலா திரைப்படம் என்பது இயக்குவது மிக கடினம்.மிகுந்த அவதானம் தேவை.ரசிகர்கள் ஆட்டம்,பாடல்,சண்டை,காமெடி,செண்டிமெண்ட் என்று அத்தனையையும் எதிர்பார்ப்பார்கள்.ஒன்று குறைந்தால் கூட படத்தை குப்பையில் போட்டுவிடுவார்கள்.சாதாரண ஒரு கதை கொண்ட உதாரணத்துக்கு:நாணயம்,மங்காத்தா போன்ற படங்களில் அடி நாதம் ஒன்றாக இருக்கும்.அதாவது அந்த மிஷன்'ஐ முடிப்பது.அதனால் அந்த மாதிரியான கதைகளில் அதிகம் பரந்து பட்டு ஜோசிக்க வேண்டிய தேவையும் இருக்காது.ரசிகர்களும் பரந்துபட்டு எதிர்ப்பார்க்கமாட்டார்கள்.விஜய் அடுத்து கவ்தம் மேனனோடு நடிக்கும் "யோகன்" படமும் இதே வகையறாவுக்குள் தான் அடங்கும் என எதிர்பார்க்கப்படுகிறது.

மசாலா நாயகர்களின் படங்களில் போய் லாஜிக் பார்ப்பவர்களை என்ன சொல்வது?அன்றிலிருந்து இன்று வரை மசாலா படங்களில் லாஜிக் இருக்கவே இருக்காது.எம் ஜி ஆர் படங்களோ அல்லது ரஜனி படங்களோ லாஜிக் மீறல்கள் இருக்கும்,ஆனால் அவை கண்டும் கண்டுக்காமல் விடப்பட்டது காரணம் அவர்கள் மசாலா நாயகர்கள்..மாஸ் ஹீரோக்கள்.அதே மசாலா நாயகன்,மாஸ் ஹீரோ விஜய் படத்தில் சிறிதாக ஒரு லாஜிக் மீறல் வந்தாலே ஊத்தி பெருப்பித்துவிடுவார்கள்.உதாரணமாக ரஜனியின் என்திரனில்,ஒரு ரயில் சண்டை வரும்.சிட்டி ரோபோ தான் அடிபடும்.ரோபோ இரும்பில் செய்யப்பட்டது.ஒவ்வொரு அடியும் இடியென இறங்கியும் கூட அடிவாங்கி விழுந்த வில்லன்கள் அடுத்த கணம் எழும்பி மீண்டும் சண்டை பிடிப்பார்கள்.எந்தவகையில் லாஜிக் இது?அது அப்படித்தான்.!!மசாலா படங்களில்,மாஸ் ஹீரோ கரெக்டர் படங்களில் லாஜிக் மீறல்களை பெருதுபடுத்தி கதைப்பது உங்களின் இயலாமை அல்லது வில்லத்தனம்.

விஜய் என்றால் அவர் என்ன என்ன விடயங்களை முன்னிலைப்படுத்துவார் அவரின் படங்களில் என்று அனைவருக்குமே தெரியும்.அந்தந்த விடயங்கள் பிடிக்காதவர்கள் எதற்கு விஜய் படம் பார்க்க போகிறீர்கள்?அதுவும் அடித்துபிடித்து முதல் நாள்,இரண்டாம் நாள் ஷோ?உங்களுக்குள்ளும் ஒரு விஜய் ரசிகன் இருக்கான் அல்லது படத்தை பார்த்து அதிலுள்ள ஓட்டைகளை ஊதிப்பெருதாக்கி விமர்சனம் செய்து ஆதாயம் தேடத்தானே?இந்த புளைப்புக்கு போயி உங்கட சொந்த பிழைப்பை பார்க்கலாமே!

விஜய் என்றால் இளக்காரம்.அவரின் ரசிகர்கள் என்றால் இளக்காரம்.எந்த ஒரு நடிகருக்கும் இத்தனை பரந்துபட்ட எதிர்பார்ப்பு இல்லையென்றே தோணுகிறது.காரணம் விட்டில் பூச்சிகளை போல விஜய் படம் வெளிவரும் போது தான் சிலர் கும்பகர்ண தூக்கத்திலிருந்து எழும்புகிறார்கள் போலும்!அதிகமாக விமர்சிக்கப்படும் ஒரே தமிழ்சினிமா நாயகன் விஜய் தான்.காரணம்?பொறாமை?என்ன இழவோ,பலருக்கு விஜய் தூக்கத்தை கெடுக்கிறார் என்பது உண்மை தான்.அவர்களுக்கு ஒரே ஒரு வேண்டுகோள்.:

இத்தனை நாட்களாக விஜய் படங்கள் பார்த்திருப்பீர்கள்.பிடிக்கவில்லையா?பார்க்காதீர்கள்.மசாலா நாயகன் என்று தெரியும் தானே.ஏன் அதற்க்கு அப்பால் எதிர்பார்க்கிறீர்கள்?நீங்கள் விமர்சிப்பதற்கு பிழை செய்தவர் விஜய் அல்ல.நீங்கள் தான்!!!

எல்லா நடிகர்களுக்கும் பிளாப் வரத்தான் செய்யும் ஒரு காலத்தில்.விஜய்யின் அந்த காலம் சுறா திரைப்படத்துடன் முடிந்துவிட்டது.
காவலனில் தொடங்கிய வெற்றிப்பயணம் வேலாயுதம் நண்பன் யோகன் என்று அதற்க்கு அடுத்த முருகதாஸ் படம் வரைக்கும் தொடரத்தான் போகிறது.

பிடித்தால் விஜய் படம் பாருங்கள்.இல்லை பிடிக்கவில்லை என்றால் உங்கள் வேலையை பாருங்கள்..ரத்தத்தின் ரத்தங்களே எங்கள் உடன் பிறப்புகளே!!!

வேலாயுதம்-விஜய்-தி மாஸ்!!

2011-10-26T15:15:00.004+05:30

வேலாயுதம் வேலாயுதம்.

தீபாவளிக்கு ஊரெங்கும் இதே பேச்சு தான்.காவலன் கொடுத்த அவரேஜ் வெற்றியை தக்க வைக்குமா இல்லை மீண்டும் விஜய்யின் பழைய ப்ளாப் படங்களுடன் சேர்ந்துவிடுமா என்று பலத்த எதிர்பார்ப்புகளை ஏற்படுத்திய படம்.அந்த எதிர்பார்ப்புகளை எல்லாம் பூர்த்தி செய்திருக்கிறதா?

படத்தின் கதையை பலர் சொல்லி இருப்பார்கள்..கதை சொல்லி உங்கள் ஆர்வத்தை கெடுக்கவில்லை.ஆசாத் தழுவல் தான்.ஆனால் முழுமையான தழுவல் இல்லாமல்,ஜெயம் ராஜா முன்னரே கூறியது போல பல மாற்றங்களை செய்து தான் வேலாயுதத்தை உருவாக்கி இருக்கிறார்..கதைக்கு தேவையானது ஒரு மாஸ் ஹீரோ.அதற்க்கு தமிழ் சினிமாவில் மிகப் பொருத்தமானவர்,இந்த வேடத்துக்கு பொருந்த கூடியவர் விஜய் தான் என்பது வேலாயுதம் படத்தை பார்க்கும் போது தெரியவரும்!இதே கதாபாத்திரத்தில் ரஜனியையோ,அஜித்,கமல்,சூர்யா அல்லது வேறு யாரேனையும் பொருத்தி பார்க்க மனம் மறுக்கிறது.

படம் முழுவதும் அவ்வளவு வேகம்.ஆக்சன்,டான்ஸ் என அனைத்திலுமே!முதல் பாதியில் விஜய்யின் அறிமுகம் பலத்த சிரிப்பொலிகளை அள்ளி வீசியது!ஒரு கதாநாயகனால் இந்தளவுக்கு சிரிக்க வைக்க முடியுமென்பது...அது விஜய்'யால் மட்டுமே முடிந்த விடயம் இந்த காலத்தில்முதல் பாதி முழுவதுமே ஒவ்வொரு காட்சியிலும் கட்டாயம் ஒரு சிரிப்பாவது வரவைக்குமளவுக்கு இயக்குனர் மினக்கிட்டிருக்கிறார்!சந்தானத்துக்கு படம் தொடங்கி ஒரு மணி நேரத்துக்கு பின்னரே அறிமுகமே கிடைக்கிறது!!அவரும் தனக்கு கிடைத்த நேரத்தை காமெடியாக மாற்றி இருக்கிறார்!!சூட்கேஸ் ஒன்றை ஆட்டைய போட போயி வேஷ்டிக்குள் ஒழிக்கும் போது பார்க்கும் பெண் ஒருவர் "காம பிசாசு"என்று பேசிவிட்டு போவது "A " ரகம்! வழமை போலவே,வழமையிலும் விட மிக இளமையாக தெரிகிறார்.அடுத்த படமான நண்பனுக்கான ஆயத்தமோ என்னமோ,செம கியூட்!!

மாஸ் ஹீரோ,சூப்பர் ஹீரோ பாத்திரம் என்று ஜெயம் ராஜா கூறியபோது,குருவி மாதிரி நம்ப முடியாத விசயங்களை செய்து மீண்டும் வாங்கிகட்டப் போகிறாரோ என்று என் மனம் முதலே ஆதங்கப்பட்டாலும்,ஜெயம் ராஜாவுக்கு தெரிந்திருக்கிறது எதனை எப்படி செய்தால் ரசிகர்கள் ரசிப்பார்கள் என்று!

படத்தில் 95 %நம்பும்படியான விடயங்கள் தான்,சில விடயங்கள் சினிமாக்காக ஒத்துக்கொண்டே ஆக வேண்டும்,நாங்கள் பார்க்க போவது சினிமா,நிஜ வாழ்க்கை அல்ல,அந்த வகையில் வேலாயுதம் ஏமாற்றவில்லை..காட்சிகள் ஒவ்வொன்றினதும் கோர்வைகள் அழகு!!எதிலும் ப்ரேக் வரவில்லை!

பாடல் காட்சிகள்...முக்கியமாக "முளைச்சு மூணு'பாடல் படமாக்க பட்ட விதம் எக்சலன்ட்!!superb என்று பாராட்டினால் தகும்!ஒவ்வொரு பாடலும் ஒவ்வொரு வரைட்டி!நடனங்கள் கலக்கல்!!ஆனால் விசேடமாக பேச முடியாது நடனங்கள் சூப்பர் தான் ஆனால் வழமையான விஜய்யின் குத்து ஏனோ மிஸ்ஸிங்!சில்லாக்ஸ் பாடலில் இன்னமும் கொஞ்சம் நடனத்தை மெருகேற்றி இருக்கலாம்!!

இடைவேளையின் பின்னர் தான் பெரிதும் பேசப்பட்ட ரெயில் சண்டை!!தமிழ்பட வரலாற்றில் இவ்வளவு ஸ்பீடான ரெயில் சண்டையை நீங்கள் பார்த்திருக்க முடியாது!அதில் வில்லன் இறக்கிற மாதிரியான ஸீன்.சரி படம் முடிந்தா என்று பார்த்தால் இல்லை..அப்புறமா தான் தங்கையின் கல்யாணத்துக்கு ஊருக்கு வருகின்றனர்.மீண்டும் காமெடி கலக்கல் என்று படு சுவாரசியம்!!எதிர்பாராத ட்விஸ்ட் க்ளைமாக்சில்!!(ஆசாத் படத்தை பார்த்துவிட்டு ஒப்பிடாதீர்கள்).இரண்டு ஹீரோயின் படத்தில்.ஹன்சிகா ஜெனீலியா என்று இரு கதாநாயகிகளோடு விஜய்யை பார்க்கும் போது வித்தியாசமாய் ஒரு உணர்வு!!

ஜெனீலியாவை கண்டு பொறாமைப்பட்டு மந்திரித்த முட்டை வைக்கும் ஹன்சிகா வழமை போல கோதுமை குழையல் தான்!!அடிக்கடி ஹன்சிகாவின் இடுப்பும் தொப்புளும் தான் திரையை வியாபித்திருந்தது!!இன்னமும் வெளியில் வரவே இல்லை!!:)

அருகில் உள்ள நண்பன் ஒருவன்(விஜய் ரசிகன் அல்ல,படம் வெளியிடமுன்னரே படம் சொதப்பலமே என்று சொந்த காசில் கோல் பண்ணி கேட்டவன்)படம் சொதப்பல் மச்சான் என்றான்.ஏன் என்ன காரணம் என்று கேட்டேன்.இல்ல மச்சான் பிடிக்கல.ஏன்டா பிடிக்கல?என்ன காரணம்?படத்தில் குறைஎன்று கூற ஒரு காரணம் அவனுக்கு பிடிபடவில்லை.

வெறுமனே விஜய் படம் என்றால் சொதப்பல்,ஊத்திக்கும் என்று கதைப்பதால் தாங்கள் எதோ பெரிய பிலிம் டைரக்டேர்ஸ் என்று சிலரின் நினைப்பு!அவ்வாறு சொல்வதால் உங்களுக்கு யாராச்சும் மார்க்ஸ் கூட்டி போடப்போறாங்களா என்ன!தீவிர தல ரசிகன் ஒருவன்,என்ன மச்சான் படத்தில எத்தின பேரை விஜய் அடித்தவன் சொல்லு பார்ப்போம் என்றான்.பில்லா படத்தில் எத்தனை பேர் கோர்ட் சூட் போட்டார்கள் சொல் என்றேன்.பதிலில்லை.அந்தந்த படத்துக்கு தேவையானதை தானே செய்யமுடியும்!பில்லா படத்தில் கோர்ட் சூட் போடாமல் படம் எடுக்க முடியுமா?எடுத்தால் நன்றாக இருக்குமா?அதே போல மாஸ் ஹீரோ சப்ஜெக்ட் ஒன்றில் ஒருத்தன் இருவரை மட்டும் அடி வாங்க வைத்தால்....இதை ஒரு சாதாரண மனிதனால் கூட செய்ய முடியுமே!!அப்புறம் எதற்கு மாஸ் ஹீரோ படம்!!

வேலாயுதம் எப்படி என்றால் என்ன சொல்வது?அது பிழை இது பிழை என்று சுட்டி காட்ட பெரிதாக பிழைகள் இல்லை.ஒரு கில்லி மாதிரியோ,அல்லது சிவகாசி மாதிரியோ,போக்கிரி மாதிரியோ இல்லாமல்,அனைத்தையும் சேர்த்துக்கட்டி அடித்தால் எவ்வாறு இருக்கும்??மொத்தத்தில் விஜய்க்கு மீண்டும் ஒரு ஹிட்டு!!நண்பன் படத்துக்கான எதிர்பார்ப்புகளை இன்னமும் எகிறவைத்துள்ளது வேலாயுதம்!!

குறிப்பு:வேலாயுதம் நேற்றே வெளியாகி இருந்தாலும்,இப்போது தான் விமர்சனங்கள் வர ஆரம்பித்துள்ளன.பலர் பார்த்துவிட்டு மற்றவர்களின் விமர்சனங்களை பார்த்து அதன் சார்பாக வெளியிடலாமா என்று வெயிட்டிங் போல!வழமை போல ஒருத்தன் கேவலமாக எழுதினால் மற்றவர்களும் கண்ணை மூடிக்கொண்டு ஆதரித்து எழுதுவது பதிவுலகில் சொல்லி தெரிய தேவை இல்லை.அதுவும் விஜய் படம் என்றால்...ஹிஹி!

பவர் ஸ்டார் பட்டையை கிளப்புறாரு!

2011-10-11T11:05:00.000+05:30

கொஞ்ச நேரம் சிரிக்கணுமா?அதுவும் மனம் விட்டு??அப்போ மேல படிங்க..

தமிழ் நாட்டுக்கு ஒரு சூப்பர் காமெடியன் கிடைச்சுட்டன் எல்லாம் காமெடியனும் சிரிக்க வைபங்க இவரு அழ வைப்பாறு,...என்ஜாய் தமிழ் மக்களே.........

என்ன பண்றது பணம் இருந்தா பண்ணியும் ஹீரோதான்

உங்க வளர்ச்சி மக்களுக்கு பிடிக்கலைனா அதனால நீங்க.........எனக்கு அழுகையா வருது ன்ன.

"படத்துக்குகே இப்படி செலவு பண்ணி இருக்காரே.. அப்பா DR பட்டத்துக்கு எவளவு பண்ணி இருப்பாரு!....பல்லு இருகிறவன் பக்கோடா சாப்பிடறான்........"

"என்ன கொடுமை சார்"

"அல்டிமேட் ஸ்டார்க்கு போட்டியா பவர் ஸ்டார் இது தான் ஈக்குவலான போட்டி"

"இவங்களுக்கு எல்லாம் அப்பா பணத்தை என்ன பண்றதுன்னு தெரியல ....அவங்க கஷ்டப்பட்டு சம்பாரிச்ச கஷ்டம் தெரியும் . இந்த மாத்ரி வேஸ்ட் செலவு பண்றதுக்கு நாலு ஏழை க்கு சாப்பாடு போட்ட நல்ல இருபங்க........"

"வருங்கால முதல்வர் ! வருங்கால பிரதம மந்திரி ! வருங்கால ஜனாதி பதி ! அப்புறம் ..... ..............( தெரியலையே !)"

"மேக்கப் போடாம ரஜினியை இவர் பக்கத்தில வச்சு பாருங்க! இவரு நடிக்கலாமா வேண்டாமான்னு உங்களுக்கே புரியும். குறிப்பிட்ட சில பேர் மட்டும்தான் நடிக்கணுமா?"

"சினிமா யார் வேணும் வரலாம் பப்ளிக் முடிவு எடுக்கணுஎம் ஹீரோவா காமெடியன் வில்லன நல்லவேளை அரசியல் குடும்பா சப்போர்ட் எல்லை ஈவர் ஒரு ஹீரோவா நம்பா பார்க்க வேண்டி ஏற்றுக்கும் ஆட்சி மாற்றம் எல்லனிய என்றைய ப்ரோடுசெர் நேர்த்ரிய ஹீரோ ஆயி இருப்பாரு ஒரு கல் ஒரு கண்ணாடி"

"இதே போலா "அந்தகாலம் " தொட்டு பண்ரைங்க !!!! 'தமக்கு தாமே ..வள்ளல் , செம்மல், தர்மத்தின் ..தலைவன் என்னனமோ ....பினாத்தி கிறங்க ....அப்புறம் "விசில் குஞ்சுகள் பூரா சேர்ந்து "இதய தெய்வம் " என்று தமிழ் நாட்டையே ......... அறிவு வளர்ச்சில் "பின்னோக்கி இழுத்திடு போய்டாங்க ...

"பக்கத்துக்கு கேரளா காரனுக சிரியாய்....சிரிக்கிறங்கி .....'

"who is that dog?"

"வீட்டில இருந்தா தன் மனைவி மட்டும்தான். சினிமாவில், தினம் ஒரு பெண்ண தொடலாமலா...பணத்தை வேசிகிட்டு என்ன பண்றது.'"

"இது எல்லாம் ஒரு கொடுமையா சார் டிவில இந்தியத்தொலைகட்சிகளில் முதல் முரயாகனு படம் போடுறதுதான் கொடுமைலயும் கொடுமை'

"ஐயோ!!! என்னால சிரிப்பு தாங்க முடியலே...எங்க தலைவர் சாம் அன்டர்சன் அவர்களை இவர் மிஞ்சிடுவார் போல."

"பவர் ஸ்டார் படத்துக்கு உன்னமையான வெற்றி தான் சார்.உங்களுக்கு ஏன் பொறாமையா இருக்கு?."

"இவங்கள எல்லாம் ஆள வெச்சு அடிக்கணும்.'

'பல்லு இருகிறவன் பக்கோடா சாப்பிடறான் !!!!!!!'

இதெல்லாம் என்னத்துக்குன்னு ஜோசிக்கிரீங்களா மக்களே?இத கொஞ்சம் பாருங்க,

இன்னுமா உலகம் இவங்கள நம்பிக்கிட்டிருக்கு?

தமிழ் சினிமாவின் வரலாற்று புத்தகத்தில் வெள்ளிவிழாப்படங்களின் பட்டியலில் பவர் ஸ்டார்(?) டாக்டர் சீனிவாசனின் லத்திகா படமும் இணைந்துவிடும். நாளைய தலைமுறை, வெள்ளிவிழாப்படம் என்று லத்திகாவை தேடிப்பிடித்து, திரும்ப திரும்ப பார்த்தும் வெற்றிக்கான காரணத்தை கடைசிவரை அறியமுடியாமல் கிறுகிறுத்துப்போகும். இதுதான் தமிழ்சினிமாவின் தலையெழுத்து.

வெள்ளிவிழா நாயகன் பவர் ஸ்டாரின் அடுத்த பிரம்மாண்ட படைப்பு (முதல் பிரம்மாண்ட படைப்பு எதுங்ணா) ‘ஆனந்த தொல்லை’ என்று சுவர் விளம்பரங்கள் கண்ணை கூசுகின்றன. நிஜ வெள்ளிவிழா நாயகன் ‘மைக்’மோகன் இதைப்பார்த்து எப்படியெல்லாம் ரத்தக்கண்ணீர் வடித்திருப்பார்?

ஒருவர் படம் எடுப்பதோடு மட்டுமல்லாமல், அவரே தியேட்டர் வாடகை பிடித்து, அவரே தினக்கூலியில் ஆட்களை நியமித்து தியேட்டருக்குள் அமரவைத்து, அவரே 150வது நாள், 175 வது நாள், 200வது நாள், 365வது நாள் என்று தான் விரும்பும் நாட்களுக்கு ஓட்டி, அவரே மகத்தான வெற்றி(?), ஆர்ப்பாட்டமான வெற்றி என்றெல்லாம் போஸ்டர் அடித்து ஒட்டுவது மக்களுக்கும் தெரியும்.

இதெல்லாம் மக்களுக்கு தெரியும் என்பது தெரிந்தும் அவர் அப்படி செய்கிறார் என்பதுதான் தமிழ்சினிமாவின் மிகப்பெரும் ஆச்சரியம்.

பவர் ஸ்டாரின் ‘லத்திகா’ படத்தின் 200 நாள் விளம்பரமும் இப்படித்தான் என்கிறார்கள். கடைக்கோடியில் இருக்கும் பவர் ஸ்டார் (தனக்கு 5 லட்சம் தீவிர ரசிகர்கள் இருப்பதாக சொல்லிக்கொண்டிருக்கிறார் சீனிவாசன்) போன்ற நடிகர்கள் மட்டுமல்லாமல், முன்னணியில் இருக்கும் நடிகர்களே இப்படி தங்களது படங்களை ஓட்டிக்கொண்டிருப்பதால், உண்மையானவெற்றிவிழா படங்களுக்கு உண்மையான வெற்றி என்று விளம்பரம் செய்யவேண்டிய நிலை இருக்கிறது.

ஆனால், பவர் ஸ்டாரே ‘உண்மையான வெற்றி’ என்று விளம்பரம் செய்திருக்கிறார். என்ன கொடுமை சார் இது.

தமிழ் திரைப்பட தயாரிப்பாளர் சங்க தேர்தலில் தலைவர் பதவிக்கு எஸ்.ஏ. சந்திரசேகரன், கேயார் போட்டியிடுகின்றனர்.

இதில் வேடிக்கை என்னவென்றால் இந்த அதிரடி அணிகளுக்கு மத்தியில் பவர் ஸ்டார் சீனிவாசனும் தனி அணியாக ஒன்றை அமைத்துக் கொண்டு தலைவர் பொறுப்புக்கு போட்டியிடுகிறார்.தமிழ் திரைப்பட வரலாற்றில் 175 நாட்களை தாண்டி ஒடுகிறது ஒரு படம். அது “லத்திகா”. ஒரே நாளில் பத்து படங்களில் நடிப்பதாக விளம்பரம் வேறு செய்கிறார்.இப்படி மனசாட்சியே இல்லாமல் மங்காத்தா ஆட்டம் போடும் சீனிவாசன்.எனக்கு ஜோடியாக ஐஸ்வர்யராய் நடிப்பாங்களா என்று அடுத்த கல்லை துக்கி போடும்போதெல்லாம் ஏதோ காமெடி பீஸ் என்று தான் நினைத்திருந்தது கோடம்பாக்கம்.

இப்போது தேர்தலிலும் குதித்து தினந்தோறும் கேன்வாசிங்கும் செய்து கொண்டிருப்பதை பார்த்து அழுவதா சிரிப்பதா என்பதே புரியாமல் அதிர்ந்து போயிருக்கிறார்கள் ஏரியாவில்.

இதுக்கேல்லாம் ஒரு முடிவு வராமலா போய்விடும்!

சில விசயங்கள பகிர்ந்துக்கனும்னு தோணும் பாருங்க..அதே மாதிரி இத நக்கீரன்ல பார்த்தோன எனக்கும் அது தான் தோணிச்சு..என்ன பவர் ஸ்டார் ரசிகர் ஐடியா மணி தான் கடுப்பாக போறார்..ஹிஹி

மைக்கல் ஜாக்சன் பற்றி சாரு ஏன்னா சொல்றார்னா...

2011-09-27T16:48:00.000+05:30

சாரு நிவேதிதா வாசகர் வட்டத்தை தினசரி ஒருதடவையேனும் தட்டி பார்ப்பது எனது வழக்கம்.பேஸ்புக்கில் பொழுது போகாத சமயங்களில் கொஞ்சம் பொழுது போக்கவும்,சில நல்லவிடயங்கள் மற்றும் பல நகைச்சுவை விடயங்களுக்காகவும் வாசகர்வட்டம் பக்கம் போகிறனான்.கடந்த சனி கிழமை செல்லும் போது மைக்கல் ஜாக்சன் பற்றிய நினைவு குறிப்புகள் இரண்டு என் கைக்கு தட்டுப்பட்டது.ஆக்சுவலி கண்ணுக்கு தட்டுப்பட்டது.மைக்கல் ஜாக்சனுக்கு ரசிகர்கள் இல்லாதவர்களே இல்லை எனலாம்.அந்த வகையில் அந்த கட்டுரைகள் என்னை கவர்ந்திருந்தன.நினைவுகளை மீட்ட வைத்தன.இரண்டாவது கட்டுரை தான் சாருவினுடையது.வாசித்து பாருங்கள்."கிங் ஆப் பொப்" பற்றி நினைக்கும் போதே துக்கம் நெஞ்சை முட்டும்!

கொஞ்சம் நீளமாக தான் இருக்கும்.பொறுமையாக வாசித்து பாருங்கள்.நேரம் கிடைக்காவிடில் அப்புறமாக வந்து பாருங்கள்.நிச்சயம் ஒவ்வொருவாரும் பார்க்க வேண்டிய நினைவுப்பதிவுகள்.(சாருவை பிடிக்காவிட்டாலும் MJ 'வை பிடித்திருக்கும் தானே!

'மரணப்படுக்கையில் மைக்கேல்
ஜாக்ஸன்’ என்று கடந்த சில வருடங்களாகவே கிங் ஆஃப் பாப் என்றழைக்கப்படும் மைக்கேல்
ஜாக்ஸன் பற்றிய ஆபத்துச்
செய்திகள் அடிக்கடி
வந்துகொண்டிருந்தன. ரசிகர்கள் இரண்டு நாள் பதைபதைப்பார்கள். பிறகு, யாவரும்
நலம் என்று அறிவிப்பு
வந்தவுடன் பெருமூச்சு
விட்டுக்கொண்டு கடவுளுக்கு
நன்றி சொல்லி மகிழ்வார்கள். வருகிற ஜூலை மாதத்தில்
லண்டனில் 12 நிகழ்ச்சிகளில் நடனமாடப்போகிறேன், மார்ச் வரை 50 நிகழ்ச்சிகளில் என்று சில மாதங்களுக்கு முன்பு மைக்கேல்
ஜாக்ஸன் திடீர் அறிவிப்பொன்றை வெளியிட்டபோது சர்வ இசைலோகமும்
இன்ப அதிர்ச்சியில் திக்குமுக்காடிப்போனது. 12 வருடங்கள் கழித்து
மீண்டும் மேடையில்
லைவாக ஜாக்ஸன்
என்று நினைக்கும்போதே ரசிகர்களுக்கு மயிர் கூச்செறிந்தது. 8 லட்சம் டிக்கெட்டுகளும் ஐந்து மணி நேரத்தில் சுடச்சுட
விற்றுப்போயின. இத்தனைக்கும் ஒரு டிக்கெட்டின்
விலை 5000 ரூபாய்.

முதலில் ஏஓஎல் இணையத்தளத்தில்தான் மைக்கேல்
ஜாக்ஸனின் மரணச் செய்தி வெளியிடப்பட்டது. சமீபகாலமாகவே நிறைய பெயின் கில்லர்களை உட்கொண்டு
நடனப் பயிற்சிகளில்
ஈடுபட்டு வந்தார். லண்டன் நிகழ்ச்சிக்காக விடாது ரிகர்ஸல்
செய்ததில் உடல், மேலும் அவரைப் படுத்திக்கொண்டிருந்தது. உடல்முழுக்க விதவிதமான
நோய்கள், குறைபாடுகள். அத்தனையும் சேர்த்து 26ம் தேதி அவர் மூச்சை நிறுத்தியது. வழக்கம்போல மற்றோரு
வதந்தி என்று அரை நம்பிக்கையில் இருந்த ஜாக்ஸன்
ரசிகர்கள் சர்வதேச
பத்திரிகைகள், தொலைக்காட்சிகளில் அந்த துக்கச்
செய்தி உறுதி செய்யப்பட்டவுடன் நொடிந்துபோனார்கள். மைக்கேல்
ஜாக்ஸனுக்கு முன்னால்
மரணமடைந்த பாப் மாமேதை எல்விஸ் பிரிஸ்லி
போலவே இளம்வயதில்
மரணம் (வெளிநாட்டில் 50 வயது என்பது மிடில் ஏஜ்). எல்விஸ்போலவே
உருவ மாற்றத்திலும் தீராப்பிணியிலும் சிக்குண்டு
தடாலடியாக ஒருநாளில்
மரணம். ரசிகர்கள் கதறியழுகை.

இருபதாம் நூற்றாண்டின்
மகத்தான் கலைஞன் என்கிற முத்திரை எம்.ஜே என்று செல்லமாக
அழைக்கப்படும் மைக்கேல்
ஜாக்ஸனுக்கு உண்டு. தன் சகோதரர்களுடன் ஜாக்ஸன் 5 என்கிற குழுவில் இடம்பிடித்த
ஜாக்ஸன் 16 வயதுமுதல்
சோலோவாக ஆல்பம் தயாரித்து
வந்தார். இவருடைய உச்சம், 1982ல் அதாவது தன் 24 வயதில் வெளியிட்ட
த்ரில்லர் ஆல்பம். இன்றுவரை
உலகில் அதிகம் விற்கப்பட்டு
கின்னஸில் இடம்பிடித்த
இசை ஆல்பம். 6.5 கோடி காப்பிகள். அவருடைய அத்தனை ஆல்பங்களும்
இதுவரை 20 கோடி காப்பிகள் விற்றுள்ளன (1700 கோடி ரூபாய்க்கு விற்பனை). எந்த இசைக்கலைஞனாலும் எட்டமுடியாத
சாதனை இது. இவர்போல
இன்னொரு கலைஞன் இனியில்லை
என்று ஏ.ஆர். ரஹ்மான்
மைக்கேல் ஜாக்ஸன்
இறந்த சில மணி நேரங்களில் அஞ்சலி அறிக்கை
வெளியிட்டுள்ளார். எம்.ஜே இன்றி நாங்களில்லை
என்கிறார்கள் பிரபுதேவாவும் பிரபல ஹிந்தி நடனக்கலைஞர் ஃபரா கானும். விமர்சனங்கள்
மலிந்துள்ள இந்த உலகில் மைக்கேல் ஜான்ஸனின்
திறமையையும் மதிப்பையும்
கைநீட்டி குறை சொல்ல ஒருவரும் இல்லை என்பதுதான்
எம்.ஜேவின் 30 வருட இசைப் பயணத்தின்
தன்னிகரற்ற சாதனை.

மைக்கேல் ஜாக்ஸனின்
பெரிய சொத்து, ரசிகர்களின்
வெறித்தனமான அன்பு என்றாலும்
கணக்கு வழக்குக்குச்
சொல்லவேண்டுமென்றால் இதுவரை மைக்கேல்
ஜாக்ஸன் என்கிற பிராண்ட்
மூலமாக அவர் சம்பாதித்தது - 2500 கோடி ரூபாய். முக்கியமாக 1980 மற்றும் 1990களில் வருடத்துக்கு 250 கோடியை மிக எளிதாக சம்பாதித்து
வந்தார். பாப் உலகுக்கு
எம்.ஜேவை விட்டால்
வேறு கலைஞனில்லை
என்றிருந்த காலகட்டம்
அது. ஆனால் இன்று மைக்கேல்
ஜாக்ஸனின் கடன்தொகை 2500 கோடிக்குச்
சென்று நிற்கிறது. எப்படி இப்படி ஆனது?

காசை கண்டபடி
செலவு செய்து உல்லாசியாக
வாழ்ந்தவர் என்றொரு
அழுத்தமான குற்றச்சாட்டு மைக்கேல்
ஜாக்ஸன் மீது உண்டு. லாஸ் ஏஞ்சல்ஸில் அவர் வாழ்ந்துவந்த
வாடகை வீட்டின்
மாத வாடகை மட்டும் 50 லட்சம். எங்கு சென்றாலும் இரண்டு தனி விமானங்கள். கூடவே இருபது உதவியாளர்கள். செலவுக்கும்
வரவுக்கும் ஈடுகட்ட
முடியாமல் 350 கோடி ரூபாயை பேங்க் ஆஃப் அமெரிக்காவிலிருந்து கடனாகப்
பெற்றார் எம்.ஜே. பிரிட்னி
ஸ்பியர்ஸ் போன்ற சமகால பாப் பாடகிகள்
ஒரு பாப் ஆல்பத்துக்கு 25 கோடி ரூபாய் செலவிடுவார்கள் என்றால் 2001ல் வெளியிடப்பட்ட ’இன்விசிபிள்’ என்கிற தன் இறுதி ஆல்பத்துக்கு
எம்.ஜே செலவிட்ட
தொகை 125 கோடி. சமீபத்தில்
நியூயார்க்கில் ஓர் ஐந்து நட்சத்திர விடுதியில்
சில மணி நேரங்களில்
தங்கியதற்கு எம்.ஜே செலுத்திய பில்லின்
தொகை 50 கோடி. ஒருமுறை
லாஸ் வேகாஸில்
உள்ள ஒரு கடையில் 5 லட்சத்துக்கு
செண்ட் பாட்டில்
வாங்கியிருக்கிறார். இப்படி உல்லாச வாழ்க்கைக்குரிய தினசரி நடவடிக்கைகள், கோர்ட் செட்டில்மெண்டுகள், வருமான வரி, ஊழியர்கள்
சம்பளம், அதீதப் போக்குவரத்துச் செலவு, சொத்துக்களின் பராமரிப்புச்
செலவுகள் போன்ற காரணங்களால்
வரவு எட்டணா செலவு பத்தணா என்கிற வாழ்க்கையையே
இறுதிவரை வாழ்ந்து
வந்தார் மைக்கேல்
ஜாக்ஸன். ஆல்பம் விற்பனையில்
இன்றைக்கும் எம்.ஜேவுக்கு
ஒவ்வொரு வருடமும் 100 கோடி ருபாய் வருமானம்
ராயல்டியாகக் கிடைக்கிறது. ஆனால் அவருடைய ஒரு வருட செலவு 150 கோடி ரூபாய் என்பதால்
இறக்கும்போது ‘2500 கோடி ரூபாய் கடனாளி’ என்கிற கெட்டப்பெயர் அவருக்குக்
கிடைத்துவிட்டது.

செலவு தாக்குப்
பிடிக்காமல் தீம் பார்க் மற்றும் உயிரியல்
பூங்கா போன்ற உல்லாச வசதிகள் கொண்டிருந்த
தனது அழகான 2500 ஏக்கர் பரப்பளவு
கொண்ட நெவர்லேண்ட்
பண்ணையை முதலில்
அடமானத்துக்கு வைத்து பிறகு விற்பனை செய்துவிட்டார் எம்.ஜே. அந்தப் பண்ணையில்தான் அவர் சிறுவர்களுடன் தவறாக காரியங்களில்
ஈடுபடுகிறார் என்கிற குற்றச்சாட்டு எழுந்ததால்
வெறுத்துப்போய் அதை விற்று மனச்சுமையின்றி சிறிது காலம் வாழ எண்ணினார். தன் வீட்டு நிலங்கள், சோனியுடனான
பங்குகள் என்று மைக்கேல்
ஜாக்ஸனின் சொத்து மதிப்பு 500 கோடி என்று அறியப்பட்டாலும் அந்தப் பணத்தைக்
கொண்டு உடனடியாகக்
கடனை அடைக்கமுடியாது என்பதால்
பண்ணையிலிருந்த தன் ஆயிரம் உடைமைகளை ஏலத்தில்
விற்க முதலில்
அனுமதித்தார் எம்.ஜே. 15 கோடிவரை
அவருடைய பொருள்கள்
விலைபோகும் என்றும்
அவரது கிளவுஸ்
மட்டும் 10 லட்சத்துக்கு
ஏலம் போகும் என்றும்
ஏலவிற்பனை பரபரப்புடன்
எதிர்பார்க்கப்பட்டது. பிறகு என்ன நினைத்தாரோ
திடீரென ஏல திட்டத்தை
தடுத்து நிறுத்திவிட்டார். இதனால் இறுதிவரை ஜாக்ஸனின்
வட்டிக்கடன் நாளுக்கு
நாள் குட்டிப்
போட்டுக்கொண்டே போனது. தன் பாடல்கள் உரிமை மற்றும்
பிரபல பாப் குழுவான
பீட்டில்ஸின் பாடல்கள்
உரிமை (சோனியுடனான
கூட்டு உரிமை) ஆகிய இவ்விரு உரிமங்கள்
மட்டுமே கடைசிக்காலத்தில் எம்.ஜேவுக்கு
தொடர்ந்து வருமானம்
கொடுத்துக்கொண்டிருந்தன.

மேற்கு நாட்டில்
சர்ச்சைகளில், வம்பு வழக்குகளில்
சிக்காத இசைக்கலைஞர்களே கிடையாது. அதிலும்
மைக்கேல் ஜாக்ஸன்
அத்தனை பேருக்கும்
பெரியண்ணன் என்றுகூடச்
சொல்லலாம்.

அது ஒரு ஷேம் ஷேம் பப்பிஷேம்
விவகாரம். விசிறி என்றுதான்
ஆரம்பத்தில் எம்.ஜேவுடன்
அறிமுகமானார் இவான் சண்ட்லர். சில மாதங்களில் இவான் எம்.ஜேவின் நெருங்கிய நண்பரானார். எம்.ஜேவின் வீட்டுக்கு அடிக்கடி
இவானின் 13 வயது மகன் ஜார்டன்
வர ஆரம்பித்தான். அவனும் ஒரு மைக்கேல்
ஜாக்ஸன் பித்து. திடீரென
ஒருநாள், மைக்கேல் ஜாக்ஸன்
என் மகனை கெடுத்துவிட்டார் என்று இவான் ஊரைக் கூட்டியபோது
சீச்சீய் என்று எம்.ஜே ரசிகர்கள் முகம் சுழித்தனர். ஆம். என் மகனைக் கட்டிப்பிடித்து முத்தம்
கொடுத்திருக்கிறார். ஆணுறுப்பை வருடியிருக்கிறார். இன்னும்
என்னென்னவோ அசிங்கங்கள்
அவருக்கும் என் மகனுக்கும்
இடையே நடந்துள்ளன
என்று கூப்பாடு
போட்டு நீதிமன்றத்தை
நாடியபோது மைக்கேல்
ஜாக்ஸனின் பரிசுத்த
ஆவி இமேஜ் அந்த தருணத்தில் தகர்ந்துபோனது. ஒருவழியாக 110 கோடி ரூபாயை இவானின்
கையில் திணித்து
பிரச்னையைச் சரிகட்டினார்
எம்.ஜே. இந்தச் சமயத்தில் எம்.ஜேவின் பால்யகால தோழியும்
எல்விஸ் பிரிஸ்லியின்
மகளுமான லிசா மேரி, எம்.ஜேவுக்கு
பெரிய ஆறுதலாக
இருந்தது அப்படியே
அவரை எம்.ஜேவின் மனைவியாகவும் ஆக்கியது. இந்த பந்தம் ஒன்றரை வருடங்கள்
நீடித்தன. பிறகு, தன் தோல் நோய்க்கு
சிகிச்சை அளித்த செவிலி, ஜியான் ரோவை முதலில்
கர்ப்பமாக்கிவிட்டு பிறகு திருமணம்
செய்துகொண்டார் எம்.ஜே. இந்த உறவும் இரண்டு வருடத்திற்குள் காலாவதியாகிப் போனது. ரோவுடனான
உறவுக்குப் பரிசாக ஜாக்ஸனுக்கு
இரண்டு குழந்தைகள். மனைவி இல்லாவிட்டால் என்ன என்று வாடகைத் தாய் மூலமாக மூன்றாவது குழந்தையைப்
பெற்றுக்கொண்டார் எம்.ஜே. ஆனால் மூன்றாவது மகனின் தாயை இறுதிவரை வெளி உலகுக்குக்
காட்டவில்லை. தன் மூன்று குழந்தைகளுக்கும் தாயும் தகப்பனுமாக
தானே இருந்து
அக்கறையாக வளர்த்து
வந்தார்.

2005லும் ஒரு பாலியல்
பிரச்னை எம்.ஜேவின் இமேஜை உலுக்கியெடுத்தது. ஒரு டாகுமெண்டரிக்காக கவின் அர்விஸோ
என்கிற 13 வயது சிறுவனுடன் இணைந்து
பேட்டி கொடுத்த
எம்.ஜே, கவின் தன்னுடைய நெருக்கமான
நண்பன் என்றும்
இருவரும் ஒரே படுக்கையில்தான் துயில்வோம்
என்றும் வெள்ளந்தியாகப் பேசிவைக்க
அது கவினின்
பெற்றோரைக் கலவரப்படுத்தியது. அடுத்த சில நாள்களில்
எம்.ஜே மீதான மற்றொரு
பாலியல் தொந்தரவு
வழக்குப் பதிவு செய்யப்பட்டது. வழக்குக்காகக் கைதானார்
எம்.ஜே. இரண்டு வருடங்கள் கழித்து
நிரபராதி என்கிற முத்திரையோடு
வழக்கிலிருந்து விடுபட்டார்
எம்.ஜே. ஆனால், ’ஆண்களுடன்
குறிப்பாக சிறுவர்களுடன் படுக்கையில்
ஒன்றாகப் படுப்பது
செளகரியமாக இருக்கிறது’ என்று டிவி ஒன்றுக்கு
அளித்த பேட்டி அவர்மீதான
கறையை மேலும் பளிச்சென்று
காட்டியது.

பாலியல் குற்றச்சாட்டுகளிலிருந்து தன்னை விடுவித்துக்கொண்ட பிறகு அமெரிக்காவை
வெறுத்தார் அவர். தன் இறுதி மூச்சை பஹ்ரைனில்
விடவேண்டும் என்று விரும்பினார். திடீரென்று
ஓர் அறிவிப்பை
வெளியிட்டார். இன்றுமுதல் நான் ஒரு முஸ்லீம். இனி என்னை எல்லோரும்
மிகயில் என்று அழைக்கவும். அமெரிக்க
வாழ்க்கையை விட்டொழித்துவிட்டு நான் நிரந்தரமாக
பஹ்ரைனில் குடியேறப்
போகிறேன் என்றார்
தீர்மானமாக. பஹ்ரைன் நாட்டு மன்னரின்
இரண்டாவது மகனான சைக் அப்துல்லாவும் எம்.ஜேவும் சிறிது காலம் முஸ்தபா
முஸ்தபா பாடிக்கொண்டிருந்தார்கள். அந்த நட்பு வேகத்தில்
அப்துல்லாவுக்கு கண்மூடித்தனமான வாக்குறுதிகளை அள்ளி வீசினார்
எம்.ஜே. நிச்சயம்
உங்களுக்காக ஒரு ஆல்பம், என் வாழ்க்கை வரலாறை நீங்கள்தான்
வெளியிடுகிறீர்கள். இவ்வாறு சொல்லிக்கொண்டு என்னிடம்
பணம் வாங்கி மோசடி செய்துவிட்டார் என்று பஹ்ரைன்
இளவரசர் திடீரென
ஒருநாள் 38 கோடிக்கு
எம்.ஜே மீது மானநஷ்ட
ஈடு வழக்கு தொடர்ந்தது
எம்.ஜேவின் பஹ்ரைன்
கனவுக்கு முற்றுப்புள்ளி வைத்தது.

வழக்கு விவகார தருணங்களில்
தன் உடல் நிலையை மிகவும் மோசமாக்கிக்கொண்டார் எம்.ஜே.1979ம் ஆண்டு முதலே தன் உடலை சித்ரவதை
செய்துகொண்டு அல்லது தன் உடலால் சித்ரவதைப்பட்டு வருகிறார்
ஜாக்ஸன். 21வது வயதில் மேடை நிகழ்ச்சியில் ஏற்பட்ட
விபத்தில் காயம்பட்ட
ஜாக்ஸன் தன் மூக்கின்
அமைப்பை கொஞ்சம்
தட்டி, ஒட்டி சரிசெய்துகொண்டார். நம் ஊரில் ஸ்ரீதேவி
தன் முக அமைப்பை
மாற்றியமைத்துக்கொண்டாரே அதேபோல. 80களில் ஜாக்ஸனுக்கு 'விட்டிலிகோ’ எனப்படும்
வெண்தாமரை நோயில் சிக்கினார். அவர் உடலெங்கும் வெள்ளைத்
திட்டுகள் தென்பட ஆரம்பித்தன. இந்த தோல் நோயின் தீவிரம்
அதிகமாகி அவர் முகத்தின்
தன்மையையே மாற்றியமைத்தது. கறுப்பு
நிறத்தால் ஏற்கனவே
தாழ்வு மனப்பான்மையில் உழன்று கொண்டிருந்த
எம்.ஜேவும் சும்மா இருக்காமல்
முகத்தில் நான்கு இடங்களில்
உருவ மாற்ற அறுவை சிகிச்சை செய்து பல ஊசிகள், மருந்துகள் உட்கொண்டு
பால் வெள்ளை தோலுக்காக
மேலும் மேலும் தன் முகத்தை ரணமாக்கிக்கொண்டார். அடிக்கடி
வழக்குகளுக்காக கோர்ட்டுக்கு
சென்ற அலைச்சலில்
சரியாகச் சாப்பிடாமலும் இருந்தார். சைவத்துக்கு
மாறிய அவர் மெலிதான
உடற்கட்டை பாதுகாக்க
சாப்பிடுவதையே வெறுத்து
ஒதுக்கினார். மருந்தே உணவென வாழ்ந்த
அவருடைய எடை ஒருகட்டத்தில் 48 கிலோ அளவுக்குக்கூட குறைந்திருக்கிறது. கடைசிக்கால
கட்டத்தில் அவருக்குப்
புற்று நோய், நுரையீரல்
பாதிப்பு போன்ற பெரிய நோய்களும் தாக்கவே
பல வருடங்கள்
வீட்டுக்குள்ளேயே சுருண்டுக்
கிடக்க வேண்டிய
நிலைமை வந்தது.

ராணுவத்தினர் அணியும்
சீருடைகளில் மாற்றம்
செய்து அணிவது, கைகளில்
க்ளவுஸ், உடைகளில் வைரம் பதிப்பது, ஷார்ட் பேண்ட்… இப்படி ஜாக்ஸன்
அணிந்த உடைகள் அனைத்தும்
நாகரிக மாற்றத்தின்
ஆரம்பமாக, ஃபேஷன் அடையாளமாக அமைந்தன. த்ரில்லர், பேட், டேஞ்சரஸ், பில்லி ஜீன் போன்ற ஆல்பங்கள்
எல்லாம் இன்றைக்கும்
இளைஞர்களுக்கு இசை போதை. நெற்றிமுன்
சரிந்து விழும் கற்றைமுடியோடு மைக்கேல்
ஜாக்ஸன் மேடையில்
பிரசன்னமானவுடனே கடவுளை நேரில் பார்த்ததுபோல ரசிகர்கள்
நெக்குருகிப் போய்க் கதறி அழுவார்கள். காட்டுக்கூச்சல் போடுவார்கள். அப்படியொரு
பரவச அழுகை, மயிர்க்கூச்செரிப்பு இனி வாய்க்கப்போவதில்லை. இனியொரு 'பேட்’ பாயை இந்த நூற்றாண்டு
சந்திக்கப்போவதில்லை.

=============================================================

உண்மையில் என்னால் நம்ப முடியவில்லை. ஏனென்றால் சென்ற மாதம்தான் மைக்கேல் ஜாக்ஸன் இறந்து விடுவார் என்ற கொடுங்கனவு ஒன்றைக் கண்டு அவருடைய த்ரில்லர், பேட் , டேஞ்ஜரஸ், ஹிஸ்டரி போன்ற ஆல்பங்களைக் கேட்டேன். விரைவில் மைக்கேலின் வாழ்க்கை வரலாற்றைச் சித்தரிக்கும்

The Jacksons: An American

Dream என்ற படத்தையும் பார்த்து விட்டு அவரைப் பற்றி எழுத வேண்டும் என்று நினைத்துக் கொண்டிருந்த போதுதான் அந்த அதிர்ச்சியான செய்தி கிடைத்தது.

மைக்கேலின் மரணம் பற்றி எனக்கு உள்ளுணர்வாகத் தோன்றிய கொடுங்கனவுக்கு, அவர் எடுத்துக் கொள்ளும் பலவிதமான வலி நிவாரணி மாத்திரைகள் குறித்த என் கவலையும் பதற்றமும் கூட காரணமாக இருந்திருக்கலாம் என்று இப்போது தோன்றுகிறது.

கலை, இலக்கியத் துறைகளில் பூகோள எல்லைகளையும், பத்தாம்பசலித் தனமான மதிப்பீடுகளையும் தாண்டிய தேடல் கொண்ட என் போன்றவர்களுக்கு 1982-இல் வெளிவந்த அவருடைய ’ த்ரில்லர் ’ என்ற ஆல்பம் மிகப் பெரிய கலை அனுபவத்தைத் தருவதாக இருந்தது. பின்னர், இசை மற்றும் நடனம் ஆகியவற்றில் தொண்ணூறுகள் வரை மைக்கேல் ஜாக்ஸன் அளவுக்கு எங்களின் வாழ்க்கையில் அவ்வளவு அந்தரங்கமாக ஊடுருவிய ஒரு கலைஞன் இருந்திருக்க முடியாது என்றே சொல்லலாம்.

வாழ்க்கையைக் குறித்த ஒரு ஜென் கதையை நாம் எல்லோரும் கேள்விப் பட்டிருப்போம். அடர்ந்த கானகத்தில் கொடும் விலங்கினால் துரத்தப்பட்டு ஓடிவரும் ஒருவன் பாழும் கிணற்றில் தடுமாறி விழுந்து, ஒரு விழுதைப் பிடித்துக் கொண்டு தொங்குகிறான். அப்போது அந்த மரத்திலிருந்து ஒரு பாம்பு அவனை நோக்கி நகர்ந்து வருகிறது. இவன் விழுந்ததால் கலைந்து போன தேன் கூட்டிலிருந்து தேன் சொட்ட, அந்தத் தேனை சுவைத்து நக்கினான் அவன் என்பது அந்தக் கதை

அந்தக் கதையில் வரும் அதே போன்ற அபாயகரமான சூழலில்தான் இன்றைய உலகம் இயங்கிக் கொண்டிருக்கிறது. மதவாதிகளும், அரசியல்வாதிகளும், தேச பக்தர்களும், தேசத் துரோகிகளும், ஆயுத உற்பத்தியாளர்களும் இந்த உலகை ரத்தக் களரியாக்க்கிக் கொண்டிருக்கிறார்கள். இத்தகைய சூழலில் வாழ்வு குறித்த நம்பிக்கையையும், கனவையும் அளித்ததாலேயே உலகம் பூராவும் கோடிக்கணக்கான இளைஞர்களும், குழந்தைகளும் மைக்கேலை ஒரு தீர்க்கதரிசியைப் போல் கொண்டாடுகிறார்கள். அந்தக் காரணத்தினால்தான் அவருடைய ஆல்பங்களின் விற்பனை 75 கோடியைத் தாண்டின

;

13 கிராமி அவார்டுகள் கொடுக்கப்பட்டன.

இயேசு கிறிஸ்துவுக்குப் பிறகு இந்த உலகில் அதிக அளவு பிரபலமானவராக அறியப்பட்டவர் மைக்கேல் ஜாக்ஸன். தேசம், மொழி, மதம் என்ற வரையறைகளையெல்லாம் தாண்டி உலகின் ஒவ்வொரு மூலையிலும் அவருக்கு மிகத் தீவிரமான ரசிகர் கூட்டம் இருந்தது. தமிழ்நாட்டின் ஒரு குக்கிராமத்தில் கூட ஒரு சிறுவன் நன்றாக நடனம் ஆடினால் ‘குட்டி மைக்கேல் ஜாக்ஸன் ’ என்று அழைக்கப் படும் அளவுக்கு அவரது புகழ் பரவியிருந்தது. ஆனால் இவர்களுக்கெல்லாம் ஒரு ஜான் லெனனையோ, பாப் மார்லேயையோ தெரியுமா? உலகில் உள்ள நூற்றுக் கணக்கான பாடகர்களையும், நடனக்காரர்களையும் மீறி மைக்கேல் ஜாக்ஸன் என்ற ஒரே ஒருவர் மட்டும் இவ்வளவு பிரபலம் அடைந்ததற்குக் காரணம் என்ன

மைக்கேலின் குரலிலும் நடனத்திலும் இருந்த மேஜிக்தான் காரணம். ’ பில்லி ஜீன் ’ என்ற பாடலுக்கு அவர் ஆடிய ஆட்டத்தில் யாராலும் நம்பவே முடியாத ‘மூன்வாக் ’ கை நடந்து காண்பித்தார். 1983-இல் ஒரு தொலைக்காட்சி நிகழ்ச்சிக்காக அவர் இந்த நிலவு நடையை நடந்து காண்பித்ததை உலகம் பூராவும் 5 கோடி பேர் பார்த்தார்கள். நிலவில் நடப்பதைப் போன்ற இந்த நடையை இவருக்கு முன்பே ஓரிரண்டு ஆட்டக்காரர்கள் ஆடியிருந்த போதிலும் மைக்கேல் ஆடிய போதுதான் இது உலக அளவில் பிரபலமாகியது. முன்னோக்கி நடக்கும் ஆட்டக்காரர் ஏதோ ஒரு விசையால் பின்னோக்கி இழுக்கப் படுவதைப் போல் தோற்றம் தரக் கூடியதாக ஒரு கால் பின்னோக்கி நகரும் இந்த நிலவு நடையை மைக்கேல் மேடையில் நிகழ்த்திக் காண்பிக்கும் போது இதைப் பார்க்கும் அத்தனை பேருமே ஒரு பித்தநிலைக்குப் போவதைக் காணலாம். அதோடு இந்தப் பாடலில் அவர் அவ்வப்போது கொடுக்கும் விக்கல் ஒலியும் பிரசித்தமானது.

’ The Way You Make Me

Feel’ என்ற பாடல் இளைஞர்களுக்கானது. அது ஒரு காதல் பாடல். காதலிக்கும் போது நீ நீயாக இரு என்பது செய்தி. அந்தப் பாடலிலும் காண்பவர்களை வசியம் செய்யும் விதத்தில் முன்னங்கால்களைத் தேய்த்துத் தேய்த்து நடப்பார் மைக்கேல்

மைக்கேல் தன்னுடைய எல்லாப் பாடல்களிலுமே ஒரு சுவாரசியமான கதை சொன்னார். அல்லது, உலக சமாதானம் குறித்த தனது அரசியல் கருத்துக்களை மிகக் காத்திரமாகப் பதிவு செய்தார். கதைகளில் மாயாஜாலக் கதை, சாகசக் கதை, பேய்க் கதை (த்ரில்லர்), சயன்ஸ் ஃபிக்‌ஷன் கதை (ஸ்மூத் க்ரிமினல்), கார்ட்டூன் பொம்மைக் கதை ( Speed Demon) என்று பலவிதமான கதைகளைப் புனைந்தார். அவர் சொன்ன கதைகளும் உலக அளவில் சிறுவர்களை ஈர்த்ததற்கு மற்றொரு காரணம்

’Remember the Time’ என்று ஒரு பாடல். எகிப்திய மன்னன் ராம்ஸேஸ் (நடிப்பு: எட்டி மர்ஃபி) மது அருந்திக் கொண்டிருக்கிறான். அரசிக்கு ஒரே அலுப்பாக இருக்கிறது. “என் ஃபேரோ தன்னுடைய அரசிக்காக கேளிக்கை காண்பிப்பானா?“ என்று கேட்கிறாள். குச்சிகளை வைத்து வித்தை காட்டும் ஒருவன் வந்து தன் திறமையைக் காட்டுகிறான். அரண்மனையின் பணிப்பெண்கள்தான் அதை ரசிக்கிறார்கள். அரசிக்கு எரிச்சல் வருகிறது

” இதெல்லாம் ஒரு கேளிக்கையா? இவனை சிங்கத்துக்கு இரையாக்குங்கள் ” என்கிறாள். அடுத்து வருபவன் தீயை விழுங்குபவன். அவன் சிரச்சேதம் செய்யப் படுகிறான்.

அடுத்து, முகத்திலிருந்து கால் வரை முக்காடு இட்ட ஒரு உருவம் வருகிறது. அது தரையில் ஒரு பொடியைத் தூவி விட்டு அதன் மேல் நிற்கிறது. உடனே அந்த உருவம் மறைந்து அந்த முக்காடு மட்டுமே தரையில் விழுகிறது. அரசி முதல் முதலாக ஆச்சரியம் கொள்கிறாள். பிறகு அந்த இடத்திலிருந்து ஜொலிக்கும் ஆணழகன் ஒருவன் முளைக்கிறான். அவளை வசீகரிக்கும் ஆட்டத்துடன் ஒரு பாடலைப் பாடுகிறான். அந்தப் பாடல் அவளைக் கால எந்திரத்தில் 3500 ஆண்டுகள் முன்னோக்கி இழுத்துச் செல்கிறது. “நாம் ஒரு காலத்தில் காதலர்களாக இருந்தோம்; அது உனக்கு ஞாபகம் இருக்கிறதா? கைகளைக் கோர்த்தபடி கடற்கரைகளில் உலா வந்தோம். இரவும் பகலும் தொலைபேசியில் பேசினோம். எல்லாம் திடீரென்று ஒரு முடிவுக்கு வந்ததே, ஏன்? உனக்கு அதெல்லாம் ஞாபகம் இருக்கிறதா பெண்ணே

?”

இதைக் கேட்டுக் கடுங்கோபம் அடையும் ஃபேரோ அவனைக் கொல்லும்படி ஆணையிட, சேவகர்களால் அந்த ஆட்டக்காரனைப் பிடிக்கவே முடியவில்லை. அவன் ஒரு மந்திரவாதி. பிடித்தால் காற்றாய்க் கரைந்து வேறோர் இடத்துக்குப் போய் அங்கிருந்து ஆடுகிறான்; அரசியிடம் தனது பழைய காதல் கதைகளைப் பாடி அவளை மயக்குகிறான். கடைசியில் ஃபேரோவும் அவனுடைய சேவகர்களும் அவனை நான்கு பக்கமும் சூழ்ந்து கொள்ளும் போது அவன் திரும்பவும் பழையபடியே மந்திரத் தூளாக மாறி காற்றில் கலந்து விடுகிறான்.

***

மைக்கேலின் வாழ்க்கையைப் பற்றிய ’ ஜாக்ஸன்ஸ்: ஓர் அமெரிக்கக் கனவு ’ என்ற ஐந்து மணி நேரப் படம் 1992-இல் ஒளிபரப்பப் பட்டது. அவரது தாய் கேதரீனின் ’ என் குடும்பம் ’ என்ற சுய சரிதையை அடிப்படையாக வைத்து எடுக்கப்பட்ட படம் என்பதால் மைக்கேலின் இளமைக் காலத்தையும், அவர் ஒரு இசைக் கலைஞராக உருவானதன் பின்னணியையும் புரிந்து கொள்ளப் பெருமளவுக்கு உதவக் கூடியதாக இருக்கிறது இத்திரைப்படம்.

மைக்கேலின் தந்தை மிகக் கொடூரமானவராக இருந்ததாகவும், அவர் மைக்கேலை பலவிதமாகத் துன்புறுத்தியதுதான் அவரது பிற்கால வாழ்வை வெகுவாக பாதித்ததாகவும் பல பத்திரிகையாளர்கள் எழுதி வருவதுண்டு. ஆனால்

1950களில் அமெரிக்காவில் ஒரு காதல் ஜோடி முத்தம் கொடுத்துக் கொள்வது கூட வரம்பு மீறிய செயலாகக் கருதப் பட்டது. அப்படிப்பட்ட கால கட்டத்தில், கறுப்பர் இனத்தைச் சேர்ந்த ஒரு கடைநிலைத் தொழிலாளி தன் குழந்தைகளிடம் எப்படி நடந்து கொள்வார்? அது மட்டும் அல்லாமல், மைக்கேலின் தந்தை ஜோசஃப் ஒரு தோற்றுப் போன இசைக் கலைஞன். அதனாலேயே தன்னுடைய புதல்வர்கள் பெரும் இசைக் கலைஞர்களாக வர வேண்டும் என்று கடுமையான பயிற்சிகளைக் கொடுத்தார். அந்தச் சிறுவர்கள் அவரைப் போலவே இசையில் அதீதமான திறமையைக் கொண்டிருந்ததும் அப்படி அவர் கடுமையான பயிற்சி அளித்ததற்கு ஒரு காரணமாக இருந்திருக்கக் கூடும் என்று தோன்றுகிறது.

உதாரணமாக, மைக்கேலின் மூத்த சகோதரர்கள் நால்வரும் நடனம், பாடல் மற்றும் இசைக் கருவிகளில் பயிற்சி எடுத்துக் கொண்டிருக்கும் போது மைக்கேலை தந்தை ஜோசஃப் தங்கள் பயிற்சிகளில் சேர்த்துக் கொள்ளவில்லை. ‘நீ சிறுவன் ’ என்று சொல்லி மறுத்து விடுகிறார். அப்போது மைக்கேலின் வயது நான்கு. பிறகு ஆறு வயதில் ஆரம்பப் பாடசாலையின் பாடல் போட்டியில் மைக்கேல் முதல் பரிசு வாங்கியதும்தான் அவனையும் தங்கள் குழுவில் சேர்த்துக் கொள்கிறார். அதுவும் பாடகனாக அல்ல; ட்ரம்ஸ் வாசிப்பவனாக. பிறகு ஏழு வயதில்தான் மேடையில் ’ ஜாக்ஸன் 5 ’ குழுவில் பாட ஆரம்பித்தார் மைக்கேல்

கேத்ரீனின் புத்தகத்தையும், அதை அடிப்படையாகக் கொண்டு எடுக்கப்பட்ட மைக்கேலின் சரிதம் பற்றிய இந்தப் படத்தையும் பார்த்தால் மைக்கேலின் தந்தை அந்தக் கால கட்டத்தில் இருந்த ஒரு வழக்கமான தந்தையாகத்தான் இருந்திருக்கிறார் என்று தோன்றுகிறது. அது மட்டுமல்லாமல், மைக்கேல் மற்றும் அவருடைய மூத்த சகோதரர்களின் இசைப் பயிற்சிக்காகவும், அவர்களது திறமை வெளியுலகத்துக்குத் தெரிய வேண்டும் என்பதற்காகவும் மைக்கேலின் தந்தை ஜோசஃப் தன்னுடைய சொந்த வாழ்க்கையையே தியாகம் செய்திருக்கிறார்.

ஏழு

பிள்ளைகளும் மனைவியும் சேர்ந்து மொத்தம் ஒன்பது பேருக்கு ஒரே ஒரு சிறிய அறையைக் கொண்ட வீட்டில் வாழ்ந்தபடி தன் பிள்ளைகளின் இசைப் பயிற்சிக்காகவும், பிறகு அவர்களைக் கொண்டு தான் அமைத்த ’ ஜாக்ஸன் 5 ’ இசைக் குழுவுக்காகவும் ஒருமுறை பெரும் அளவிலான இசைச் சாதனங்களை வாங்கி வருகிறார் ஜோசஃப்

”

நீ என்ன பைத்தியமா? ” என்று கேட்டு சண்டை பிடிக்கும் கேதரீனின் ஆட்சேபணைகளை அவர் பொருட்படுத்துவதே இல்லை. அவரைப் பொறுத்தவரை, தன் குழந்தைகளின் இசைக் குழு நாடெங்கும் பிரபலமாக வேண்டும். அவருடைய இந்தக் கனவு ‘ஜாக்ஸன் 5 ’ இசைக் குழு ஆரம்பிக்கப்பட்ட உடனேயே நிறைவேறி விடுகிறது. தாங்கள் கலந்து கொள்ளும் போட்டிகள் அனைத்திலும் பரிசுகளைக் குவிக்கிறார்கள் ஜோஸஃபின் குழந்தைகள். ஒன்பது வயதிலேயே மைக்கேலுக்கு ஒரு பிரபல பாடகனுக்குக்கு உரிய அந்தஸ்து கிடைத்து விடுகிறது. மைக்கேல் மேடையில் பாடும் போது இப்போது பார்வையாளர்களிடம் நாம் கண்ட அதே பித்துப் பிடித்த எதிர்வினையையே அப்போதும் பார்க்க முடிகிறது. இதற்கு மைக்கேலின் திறமை தவிர, ஜோஸஃபின் இடைவிடாத உழைப்பும், தன் குழந்தைகள் மீது அவர் வைத்த தீவிர நம்பிக்கையும்தான் காரணம். இதற்காக ஜோஸஃப் தன் மகன்களிடம் மிகக் கடுமையாக நடந்து கொண்டார். நடனத்தில் ஒரு அடி பிசகினாலும் பெல்ட்டால் அடித்தார். இதைத்தான் இப்போது பல விமர்சகர்கள் மிகவும் அசாதாரணமான விஷயமாகக் கருதி எழுதுகின்றனர். இதெல்லாம் இந்தியா போன்ற மூன்றாம் உலக நாடுகளில் கிராமப் புறங்களில் இன்றைக்கும் காணக் கூடிய அன்றாட நிகழ்வுகளாய் இருப்பது இந்த மேற்கத்திய விமர்சகர்களுக்குத் தெரியாமல் இருக்கலாம். ஆனால் நம்முடைய விமர்சகர்களும் இதே பல்லவியைப் பாடலாமா என்பது ஒரு கேள்வி

இசையிலும் நடனத்திலும் தான் கொடுக்கும் கடும் பயிற்சிகளுக்காக ஜோஸஃப் தன் மகன்களை மற்ற பையன்களைப் போல் விளையாட அனுமதிக்கவில்லை. ஓய்வெடுக்க விடவில்லை. இரவும் பகலும் எந்நேரமும் பயிற்சியிலேயே அவர்களை ஈடுபட வைத்தார். அதனால்தான் அப்போது உலக அளவில் முன்னணிப் பாடகியாக இருந்த டயானா ராஸ் ஒன்பதே வயதான மைக்கேலுடன் மேடையில் ஒன்றாகப் பாடினார். மைக்கேலின் வாழ்க்கையில் நடந்த அந்த மிக முக்கியமான சம்பவம் உலகின் பிரசித்தி பெற்ற இசை அரங்குகளில் ஒன்றான அப்பல்லோ தியேட்டரில் (நியூயார்க்) நடந்தது

’ ஜாக்ஸன் 5 ’ குழுவின் முதல் ஆல்பத்தை வெளியிட்டவரும் டயானா ராஸ் தான்

ஆனால் இந்த இடத்தை அடைவதற்காக மைக்கேல் இழந்தது மிகவும் அதிகம். “இரவு இரண்டு மணிக்கு என் அப்பா எங்களை எழுப்புவார். மூன்று மணிக்கு ஏதாவது ஒரு க்ளப்பில் இசை நிகழ்ச்சி இருக்கும். இப்படி எல்லா அமெரிக்க நகரங்களிலும் பாடி இருக்கிறேன். அப்போது என் வயது ஏழு இருக்கும் ” என்கிறார் மைக்கேல்

அந்தச் சம்பவத்துக்குப் பின்னர் மைக்கேலின் வாழ்வில் அவருடைய அம்மாவுக்கு அடுத்த இடத்தைப் பிடித்து விட்டார் டயானா ராஸ். தன் அம்மாவுக்குப் பிறகு தன் குழந்தைகளை வளர்க்கும் உரிமை டயானா ராஸுக்கு மட்டுமே உண்டு என்று உயில் எழுதி வைத்துள்ளார் மைக்கேல். அதே சமயம், தன் அம்மாவுக்கு முன்பு தான் இறக்க நேர்ந்தாலும் தன் குழந்தைகளை வளர்க்கும் உரிமை டயானாவுக்கு மட்டுமே உண்டு என்று உயிலில் குறிப்பிடுகிறார் மைக்கேல். அந்த உரிமையை அவர் தன் அம்மா கேதரீனுக்குக் கூடக் கொடுக்கவில்லை. டயானாவும் மைக்கேலைப் பற்றிக் குறிப்பிடும் போது ‘மை பேபி மைக்கேல் ஜாக்ஸன் ’ என்றே சொல்வது வழக்கம்

’

ஜாக்ஸன் 5 ’ குழுவின் முதல் ஆல்பத்தை டயானா ராஸ் வெளியிட்ட பிறகு டயானா ராஸும் மைக்கேலும் தொடர்ந்து பல மேடைகளில் ஒன்றாகப் பாடினார்கள். உலகின் முன்னணிப் பாடகி ஒருவர் பத்து வயது கூட நிரம்பாத ஒரு சிறுவனைத் தன்னுடைய ஒவ்வொரு நிகழ்ச்சியிலும் பாட அழைத்தார் என்றால் மைக்கேலின் திறமையை நாம் புரிந்து கொள்ளலாம்.

மைக்கேலின் வாழ்வைப் புரிந்து கொள்ள நமக்குக் கிடைத்திருக்கும் ஆவணங்கள் அதிகம். அதில் குறிப்பிடத் தகுந்த ஒன்று Paul Theroux தற்போது

மைக்கேல் பற்றி எழுதிக் கொண்டிருக்கும் இன்னும் தலைப்பிடப்படாத புத்தகம். அதில் அவர் ஒருநாள் அதிகாலை நான்கு மணி அளவில் மைக்கேல் அவரைத் தொலைபேசியில் அழைத்துப் பேசியது பற்றி விரிவாகக் குறிப்பிடுகிறார்.

பால் தெரோ ஒரு புகழ்பெற்ற பயண எழுத்தாளர், நாவலாசிரியர். உலகின் பல நாடுகளை ரயிலிலேயே சென்று புத்தகங்கள் எழுதுபவர். ஒருமுறை உலகம் முழுவதுமே ரயிலில் சென்று ’ தெ க்ரேட் ரயில்வே பஸார் ’ என்ற சுவாரசியமான புத்தகத்தை எழுதியிருக்கிறார்.

முதலில் இவர் மைக்கேலை அவரது நெவர்லேண்ட் வீட்டில் சந்தித்தது பற்றிக் கூறுகிறார். நெவர்லேண்ட் 3000 ஏக்கரில் அமைக்கப்பட்ட ஒரு கனவு உலகம். மாயாஜாலக் கதைகளில் மட்டுமே பார்க்கக் கூடிய ஒரு அற்புத உலகம். மலைப்பாம்பு, நாகப் பாம்பு, தவளை, நாய், ஒட்டகச் சிவிங்கி, குரங்கு, யானை ( இது எலிஸபெத் டெய்லர் மைக்கேலுக்குப் பரிசாகக் கொடுத்தது), உராங் உடாங், மைக்கேலின் அறைத் தோழனாக இருந்த பபிள்ஸ் என்ற சிம்பன்ஸி ( எலிஸபெத் டெய்லரை முதல்முதலாகப் பார்க்கச் சென்றபோது கூட மைக்கேல் இந்த சிம்பன்ஸியோடுதான் சென்றார்), சிங்கம், புலி, கரடி என்று பலவிதமான மிருகங்களும், ராட்சசக் குடை ராட்டினங்கள், பொம்மை வீடுகள், கேளிக்கை ரயில் போன்று ஒரு சிறுவர் கண்காட்சியில் காணக் கூடிய எல்லா விஷயங்களும் இங்கே இருந்தன. ஒரு இடத்திலிருந்து மற்றொரு இடத்திற்குச் செல்வதற்கு ரயில் வசதியும், ஒரு ரயில்வே நிலையமும் கூட (கேதரீன் ரயில்வே ஸ்டேஷன்) இங்கே அமைக்கப் பட்டிருந்தன.

இது

தவிர, அங்கே நான்கு பேரின் புகைப்படங்கள் மாட்டப் பட்டிருந்தன. எலிஸபெத் டெய்லர், டயானா ராஸ், மர்லின் மன்றோ, சார்லி சாப்ளின். அந்த நெவர்லேண்ட் கனவுலகத்தில் இருந்த இன்னொரு படம், பீட்டர்

J.M. Barrie எழுதிய ’ பீட்டரும் வெண்டியும் ’ என்ற சிறுவர் சாகசக் கதையில் வரும் பீட்டர் என்ற கதாபாத்திரத்தைத்தான் மைக்கேல் தனது ஆதர்ஸமாகக் கொண்டிருந்தார். பீட்டர் தன்னுடைய உயிர்த் தோழியான வெண்டியை அழைத்துக் கொண்டு நெவர்லேண்ட் என்ற கனவுலகத்துக்குப் பறந்து சென்று ஏதேதோ சாகசங்களைச் செய்கிறான். பீட்டரின் விசேஷம் என்னவென்றால், அவன் பெரிய ஆளாக வளராமல் எப்போதும் சிறுவனாகவே இருப்பான்.

இதே

மனநிலையைத்தான் மைக்கேலும் கொண்டிருந்தார். ஒரு 12 வயதுச் சிறுவனின் மனநிலையை மைக்கேல் தன் வாழ்நாளில் தாண்டியதில்லை என்றே சொல்லலாம். அவருடைய ‘குழந்தைப் பருவம் ’ என்ற பாடலைப் பாருங்கள்:

Have you seen my

Childhood?

I'm searching for the world that I come from

'Cause I've been

looking around

In the lost and found of my heart...

No one understands

They view it as such strange eccentricities...

'Cause I keep kidding

around

Like a child, but pardon me...

People say I'm not

okay

'Cause I love such elementary things...

It's been my fate to

compensate,

for the ChildhoodI've never known...

Have you seen my

Childhood?

I'm searching for that wonder in my youth

Like pirates and

adventurous dreams,

Of conquest and kings on the throne...

Before you

judge me, try hard to love me,

Look within your heart then ask,

Have you

seen my Childhood?

1993- இல் மைக்கேலுக்கு 13-ஆவது முறையாக க்ராமி பரிசு வழங்கப்பட்ட போது அவருடைய ஏற்புரை

கடந்த மாதம் இருந்த ‘எங்கே

’ என்று நிலையிலிருந்து இப்போது ‘இங்கே ’ என்று நிலைமைக்கு வந்திருக்கிறேன். ஆனால் என்னை நீங்கள் ஒரு ஆளுமை என்று சொல்வதை விட ஒரு ஆள் என்று சொன்னால்தான் எனக்குப் பிடிக்கும். ஏனென்றால், என்னைப் பற்றி எழுதப் படும் எல்லாவற்றையும் நான் படிப்பதில்லை. என்னை ஒரு வினோதமான ( weird and bizarre) பிறவி என்று உலகம் நினைப்பது பற்றி எனக்கு அவ்வளவாகத் தெரியாது. ஆனால் என்னைப் போல் ஐந்து வயதிலிருந்து பத்து கோடி மக்களின் பார்வைக்கு முன்னால் வளரும் யாருமே வித்தியாசமான ஒருவராகவே இருப்பார். அதுதான் இயல்பு. கடந்த சில வாரங்களாக நான் என்னை சுத்திகரித்துக் கொள்ளும் காரியத்தில் ஈடுபட்டிருக்கிறேன். இது எனக்கு ஒரு மறுபிறவி மாதிரியே தோன்றுகிறது.

என்னுடைய குழந்தைப் பருவம் என்னிடமிருந்து முற்றிலுமாகப் பறிக்கப்பட்டு விட்டது. கிறிஸ்துமஸ் கிடையாது; பிறந்த நாள் கொண்டாட்டங்கள் கிடையாது; அது ஒரு முறையான குழந்தைப் பருவமாக இல்லை. ஒரு குழந்தைக்குக் கிடைத்திருக்க வேண்டிய எந்த சந்தோஷமும் எனக்குக் கிடைக்கவில்லை. அதற்குப் பதிலாக மிகக் கடுமையான பயிற்சி, போராட்டம், வலி பின்னர் அதன் விளைவான லௌகீக லாபமும், தொழில்ரீதியான வெற்றியும் கிட்டியது. ஆனால் அதற்காக நான் கொடுத்த பயங்கரமான விலை – அதை எதனாலும் எனக்குத் திருப்பிக் கொடுக்க முடியாது. என் வாழ்வின் அந்தப் பகுதியை என்னால் என்ன செய்தாலும் திரும்ப வாழ முடியாது. இருந்தாலும், இன்று, என்னுடைய இசையை சிருஷ்டிக்கும் போது, நான் இந்தப் பிரபஞ்சத்தால் இயக்கப்படும் ஒரு கருவியாக உணர்கிறேன். கடவுள் நமக்குக் கொடுத்திருக்கும் திறமைகளை வெளிப்படுத்தி நம்முடைய இதயங்களைத் திறந்து காட்டும் போது இந்தப் பிரபஞ்சம் எந்த அளவுக்கு விகாசமடையும் என்பதை எண்ணும் போது நான் பரவசமடைகிறேன். சம்மதத்தின் சப்தம் இந்தப் பிரபஞ்சத்தின் ஊடாகவும், எல்லா உலகங்களின் ஊடாகவும் பொங்கிப் பிரவகித்து மாயாஜால நதியாய் ஓடுகிறது. அந்த அற்புதம் நமது இதயங்களை நிரப்புகிறது . வாழ்வின் கொண்டாட்டமும் குதூகலமும் ஒரு அற்புதமாக மின்னல்வெட்டைப் போல் ஒருக்கணம் நம் இதயங்களை நிரப்பும்.

அதன் காரணமாகவே நான் குழந்தைகளை நேசிக்கிறேன்; அவர்களோடு இருக்கும்போது நிறைய கற்றுக் கொள்கிறேன். இந்த உலகின் பல பிரச்சினைகள் – அது நாம் வாழ்ந்து கொண்டிருக்கும் நகரத்தில் நடக்கும் சிறு குற்றமாக இருந்தாலும் சரி, அல்லது, மிகப் பெரிய போர், பயங்கரவாதம், அளவுக்கதிமான கைதிகளால் நிரப்பப்படும் சிறைச்சாலைகள் என்று ஆனாலும் சரி – இது எல்லாவற்றுக்குமே காரணம் சிறார்களிடமிருந்து அவர்களின் குழந்தைப் பருவம் பறிக்கப்பட்டதுதான்.

அந்த மேஜிக், அந்த அற்புதம், ஒரு குழந்தையின் வெகுளித்தன்மை – இதுதான் சிருஷ்டிகரத் தன்மையின் விதைகள். அதுதான் இந்த உலகை சொஸ்தப்படுத்தும் என்று நான் நம்புகிறேன்.

குழந்தைகளிடமிருந்து நாம் எதைக் கற்றுக் கொள்ள வேண்டும்? சிறுபிள்ளைத் தனத்தையா? இல்லை... அவர்களோடு இருந்தால் அது நம்மை இந்த வாழ்வில் எங்கும் நிறைந்திருக்கும் மிக உன்னதமான, மிக ஆழமான நீதியையும் அறத்தையும் நோக்கி இட்டுச் செல்லும். அந்த அறமும், நீதியும் அவற்றை வாழ்ந்து பார்க்கச் சொல்லி நம்மை அழைக்கிறது.

நாம் வாழ்ந்து கொண்டிருக்கும் இந்த உலகின் பிரச்சினைகளுக்கான தீர்வு நம்முடைய இதயத்திலே புதைந்து கிடக்கிறது; அதைக் குழந்தைகள்தான் நமக்கு அடையாளம் காட்டுகிறார்கள். நோயால் பீடிக்கப்பட்டும், வாழ்க்கையின் அனுகூலங்கள் கிடைக்கப் பெறாமலும் இருக்கும் குழந்தைகள் உட்பட இந்த உலகத்திலுள்ள எல்லாக் குழந்தைகளுக்கும் இன்றைய தினம் நான் நன்றி கூறுகிறேன்... உங்களுடைய வலியும் வேதனையும் என்னை வெகுவாக பாதிக்கிறது.

***

குழந்தைப் பருவத்தை இழந்த ஒரு குழந்தையைப் போன்ற மைக்கேலின் இந்த மனநிலையைப் புரிந்து கொள்ள முடியாத சமூகம் தனது வக்கிரத்தையெல்லாம் அவர் மீது செலுத்தியது. சிறுவர்களோடு ஒரே கட்டிலில் படுத்திருந்தார் என்பதில் தொடங்கி, சிறுவர்களை பாலியல் தொந்தரவுக்கு ஆளாக்கினார் என்பது வரை அவர் மீது குற்றம் சாட்டப்பட்டது. 1983-இல் 13 வயது சிறுவன் ஒருவன் மைக்கேல் மீது இந்தக் குற்றச்சாட்டை வைத்தான். இதன் காரணமாக போலீஸ் மைக்கேலை நிர்வாணமாக்கி சிறுவன் சொன்ன அடையாளங்கள் அவரது ஆணுறுப்பில் உள்ளதா என்று சோதித்தது. கிட்டத்தட்ட அரை மணி நேரம் அவரை இப்படி நிர்வாணப்படுத்தி சோதித்தது போலீஸ். ஆனால் கடைசியில் அவர் நிரபராதி என்று விடுதலை செய்யப்பட்டார். இந்தச் சம்பவம் மைக்கேலை வெகுவாக பாதித்ததால் அந்த மன உளைச்சலிலிருந்து வெளியே வர அவர் போதை மாத்திரைகளை உட்கொள்ள ஆரம்பித்தார்.

ஆனால் மைக்கேல் எப்படிப்பட்டவர் என்பதை பின்வரும் சம்பவத்திலிருந்து நாம் புரிந்து கொள்ளலாம். மைக்கேலின் குழுவைச் சேர்ந்த நண்பர் ஒருவர் முதல்முறையாக நெவர்லேண்ட் செல்கிறார். வெளிவாசலிலிருந்து உள்ளே செல்லும் ரயிலில் ஏறி மைக்கேலின் வீட்டுக்குச் செல்கிறார். மூன்று அறைகளைக் கொண்ட சிறிய வீடு அது. வெளியிலிருந்து குரல் கொடுக்கிறார் நண்பர்

“யார் நீங்கள்? ” என்ற குரல் உள்ளிருந்து வருகிறது. அது மைக்கேலின் குரல். நண்பர் தன் பெயரைச் சொல்கிறார். ஆனால் “யார் நீங்கள்

” என்ற குரலே மீண்டும் கேட்கிறது. மைக்கேலின் நண்பர் மீண்டும் தன் பெயரைச் சொல்கிறார். ஆனால் அவர் சொன்னதைக் காதில் வாங்கிக் கொள்ளாதது போல் மீண்டும் “யார் நீங்கள்

” என்ற குரல் கேட்டதும் நண்பருக்கு ஒரே குழப்பம். பதில் சொல்லாமல் திகைத்தபடி நிற்கும் போது மைக்கேல் சிரித்துக் கொண்டே வந்து கதவைத் திறக்கிறார். அப்போது அவர் அறையிலிருந்த பெரிய கிளி ஒன்று மைக்கேலின் குரலில் அந்த நண்பரைப் பார்த்து “யார் நீங்கள்

” என்று கேட்கிறது. இதிலுள்ள குழந்தைத் தன்மையும், கவித்துவமும் போலீஸ்காரர்களுக்கும், மைக்கேலிடமிருந்து தங்கள் குழந்தைகளை வைத்துப் பணம் பறிக்க நினைக்கும் பேராசை பிடித்த ஒருசில பெற்றோருக்கும் புரியுமா என்ன

ஆனால் மைக்கேலின் பாடல் வரிகளைத் தெரிந்தவர்களுக்கு அவருடைய குழந்தைப் பாசமும், மிருக நேயமும் ஆச்சரியமாக இருக்காது. அவர் சிறுவனாக இருந்தபோதே எலி வளர்த்திருக்கிறார். மேலும், அவர் ஒரு சைவ உணவுக்காரர். இது வெறும் உணவுப் பழக்கத்தால் அல்ல; உயிர்க் கொலை கூடாது என்ற அவருடைய ஜீவகாருண்ய நம்பிக்கையின் காரணமாக அவர் பின்பற்றிய வழக்கம் இது. இந்த உலகத்தில் அவர் மிக அதிகமாக நேசித்தது குழந்தைகளையும், மிருகங்களையும்தான். இதை அவருடைய பல பாடல்களில் காணலாம் என்றாலும் குறிப்பாக ‘Earth Song’ –

ஐ ஒரு உதாரணமாகக் கூறலாம். இந்தப் பாடலின் பின்வரும் பகுதியைக் கவனியுங்கள்:

Did you ever stop to

notice

All the children dead from war

Did you ever stop to notice

The

crying Earth the weeping shores…

What about animals

We've turned kingdoms to

dust

What about elephants

Have we lost their trust

What about crying

whales

We're ravaging the seas

What about forest trails

Burnt despite

our pleas அவருடைய ‘ Heal the World’ என்ற பாடலில் திமிங்கிலங்களை நாம் அழித்துக் கொண்டிருப்பது பற்றிய காட்சி ஒன்று இடம் பெற்றிருக்கும்.

மைக்கேலின் வாழ்வில் டயானா ராஸை விட அதிக முக்கியத்துவம் பெற்றிருந்த ஒருவர் எலிஸபெத் டெய்லர். “எங்களிடையே மேஜிக் போன்றதொரு உறவு இருந்தது ” என்கிறார் எலிஸபெத். மைக்கேலையும் தன்னையும் அவர் பீட்டர்/வெண்டி என்றும் சொல்லிக் கொள்வதுண்டு. மைக்கேலின் வாழ்வைத் தனிமை சூழ்ந்திருந்தது என்று சில விமர்சகர்கள் சொல்வதுண்டு. ஆனால் மைக்கேலுக்கும் எலிஸபெத்துக்கும் இருந்த உறவை வைத்துப் பார்த்தால் அப்படித் தெரியவில்லை. “மைக்கேல் என்னுடைய உடலின் ஒரு பகுதி. நாங்கள் இருவருமே ஒருவருக்காக ஒருவர் என்ன வேண்டுமானாலும் செய்வோம் ” என்கிறார் எலிஸபெத்

எலிஸபெத்துக்கும் தனக்கும் உள்ள உறவு பற்றி மைக்கேல் இவ்வாறு கூறுகிறார்:

” என்னுடைய துறையில் நீங்கள் யாரையுமே நம்ப முடியாது. யார் உங்களுடைய உண்மையான நண்பர் என்று கண்டு பிடிக்க முடியாது. நீங்கள் பிரபலமானவராக இருப்பதால் உங்களைச் சுற்றி எப்போதுமே ஆட்கள் இருந்து கொண்டிருப்பார்கள். ஆனாலும் நீங்கள் தனிமைப்பட்டே இருப்பீர்கள். பிரபலமான மனிதர் என்றால் நீங்கள் ஒரு சிறைக்கைதி என்று பொருள். சாதாரணமாக மற்றவர்களைப் போல் நீங்கள் வெளியே செல்ல முடியாது. நீங்கள் என்ன செய்கிறீர்கள் என்பதை எல்லோரும் கவனித்துக் கொண்டே இருப்பார்கள். நீங்கள் என்ன படிக்கிறீர்கள், என்ன வாங்குகிறீர்கள்... எல்லாமே அவர்களுக்குத் தெரிய வேண்டும். எப்போதுமே உங்களுக்குப் பின்னே ஒரு பத்திரிகையாளர் கூட்டம் உங்களைத் துரத்திக் கொண்டே இருக்கும். அவர்கள் என்னுடைய அந்தரங்க வாழ்க்கையில் ஊடுருவுகிறார்கள். அவர்கள் எதார்த்தத்தைத் திரித்து எழுதுகிறார்கள். அவர்கள்தான் என் வாழ்வின் கொடுங்கனவு. இப்படிப்பட்ட சூழலில் நான் எலிஸபெத்தை மட்டுமே நம்புகிறேன்.

அவர் எனக்கு அம்மா மாதிரி. ம்ஹும். தோழி. இல்லை; அதை விட அதிகம். அவர் என்னுடைய மதர் தெரஸா; என்னுடைய இளவரசி டயானா, என்னுடைய வெண்டி... அவர் என் அருகில் இருப்பதே ஒரு அற்புதம் போல் தோன்றுகிறது. அவர் பக்கத்தில் மட்டுமே நான் பாதுகாப்பாக உணர்கிறேன்; ஏனென்றால் எங்கள் இருவரின் இளமைக் காலமும் ஒரே மாதிரிதான் இருந்திருக்கிறது. அதாவது, குழந்தை நட்சத்திரங்களாக வாழ்வதன் சோகம் நிரம்பிய வாழ்க்கை எங்களுடையது. எங்கள் இருவரின் அனுபவங்களும் ஒரே மாதிரியானவை ” என்கிறார் மைக்கேல்

தன்னுடைய ‘பிராபல்யம் ’ பற்றி மைக்கேல் மேலும் கூறுகிறார்: “அது உங்களை மிக வினோதமான விஷயங்களைச் செய்ய வைக்கிறது. புகழ் ஒரு போதை. இந்தப் போதையால் பலர் பாதிக்கப் பட்டிருக்கிறார்கள். அவர்களுக்கு அதை சமாளிக்கத் தெரியவில்லை. ஒரு இசை நிகழ்ச்சிக்குப் பிறகு உங்களுடைய சுரப்பி பிரபஞ்ச விளிம்புக்குச் சென்று விடும். அந்தக் கைத்தட்டல் ஓசை உங்களை நிலத்திலிருந்து மேலே தூக்கி மிதக்க வைக்கும். உங்களால் தூங்க முடியாது. இரவு இரண்டு மணி ஆகி விடும். ஆனாலும் தூக்கம் வராமல் விழித்துக் கொண்டிருப்பீர்கள். நான் இதை வாசிப்பின் மூலம் கடக்க முயல்வேன். ஸாமர்ஸெட் மாம், மார்க் ட்வெய்ன், வால்ட் விட்மன், ஹெமிங்வே இவர்களெல்லாம் எனக்குப் பிடித்தமான எழுத்தாளர்கள். இல்லாவிட்டால் விடியோ கேம்ஸ் ஆடுவேன்

”

***

மைக்கேல் பற்றிய மற்றொரு முக்கியமான ஆவணப் படம் Living With Michael Jackson.

பிரிட்டிஷ் பத்திரிகையாளரான மார்ட்டின் பஷீர் மைக்கேல் ஜாக்ஸனை மே

2002 இலிருந்து ஜனவரி 2003 வரை எட்டு மாத இடைவெளியில் பேட்டி கண்டு எடுத்த படம் இது

துரதிர்ஷ்டவசமாக அந்த ஆவணப் படத்தை எடுத்த பஷீர், அவருக்கு விருப்பமான விதத்தில் வெட்டி, ஒட்டி மைக்கேலைப் பற்றி மிகத் தவறான ஒரு பிம்பத்தை உருவாக்கும் விதமாக வெளியிட்டு விட்டார். பஷீருக்கு எதிராக மைக்கேல் வழக்குத் தொடுத்தார். ஆனால் அந்த வழக்கு நடந்து கொண்டிருக்கும் போதே, மைக்கேலின் அந்தக் குறிப்பிட்ட பேட்டியையே ஆதாரமாக வைத்து அவர் மீது கடுங்காவல் தண்டனைக்குரிய பத்து குற்றங்கள் சுமத்தப் பட்டன. மைக்கேல் எந்த அளவுக்கு ஒரு குழந்தையைப் போல் வெகுளியானவர் என்பதற்கு இந்தச் சம்பவம் ஒரு உதாரணம்

மூன்று ஆட்கள் வட்டமாக நின்று கைகளை விரித்தால் தொட்டுக் கொள்ளக் கூடிய அளவுக்கு அகலமும், வானளாவிய உயரமும் கொண்ட ஒரு பிரம்மாண்டமான மரத்தின் உச்சியில் ஏறி உட்கார்ந்திருக்கிறார்

மைக்கேல். கீழே சாலைகளும், வாகனங்களும் பொம்மைகளைப் போல் தோற்றம் கொள்கின்றன. பஷீரும் அந்த மரத்தின் மீது ஏற முயற்சி செய்து முடியாமல் பாதியிலேயே ஒரு இடத்தில் உட்கார்ந்து கொண்டு மைக்கேலிடம் பேசுகிறார். “உங்களுக்கு மரம் ஏறத் தெரியாதா

” என்று பஷீரை ஆச்சரியத்துடன் கேட்கும் மைக்கேல் ” மரம் ஏறுவது எனக்குப் பிடித்தமான ஒரு பொழுதுபோக்கு ” என்கிறார். ’ லிவிங் வித் மைக்கேல் ஜாக்ஸன் ’ இப்படியாகத் தொடங்குகிறது.

***

மைக்கேல் ஜாக்ஸனின் பாடல்களைப் பற்றி என்ன எழுதுவது என்று தெரியவில்லை. அது ஒரு அனுபவம். எக்ஸ்டஸி என்று சொல்லலாம். அல்லது மேஜிக். அவருடைய ‘பில்லி ஜீன் ’ என்ற பாடலில் சாலையோரத்தில் ஒரு பிச்சைக்காரர் படுத்திருப்பார். அவருடைய குவளையில் மைக்கேல் ஒரு நாணயத்தைச் சுண்டி எறிவார். அது குவளையில் விழுந்ததும் குவளை தங்கக் குவளையாக மாறும். அந்தப் பிச்சைக்காரரும் கோடீஸ்வரராக மாறுவார். அத்தகைய மேஜிக்கைக் கொண்டது மைக்கேலின் பாடல்கள். என்றாலும் அதை சொற்களால் விளக்க முற்படுவது கடினம்தான். அவரது நிகழ்ச்சியைக் காண்பதற்காகக் குவியும் லட்சக் கணக்கான மக்களுக்கு என்ன நடக்கிறது என்று நமக்குத் தெரியும். அவருடைய குரலுக்கும், நடனத்துக்கும் அத்தகைய வசியத் தன்மை இருந்தது. கேட்பவர்களையும், காண்பவர்களையும் ஒருவித பித்தநிலைக்குக் கொண்டு செல்கின்றன அவை. அதனால்தான் அவருடைய ’ ப்ளாக் அண்ட் ஒய்ட் ’ என்ற விடியோ ஒரே நேரத்தில் 27 தேசங்களில் ஒளிபரப்பப் பட்டது

50 கோடி பார்வையாளர்கள் அந்த நிகழ்ச்சியைப் பார்த்தார்கள். இதுதான் உலக அளவில் அதிகப் பார்வையாளர்கள் பார்த்த நிகழ்ச்சி.

இந்த விடியோவை எடுத்த இயக்குனருக்கு மைக்கேலும் இந்தப் பாடலில் பங்கேற்ற குழந்தைகளும் படப்பிடிப்பு முடிந்ததும் ஒரு விருந்து கொடுப்பதாகச் சொல்கிறார்கள். ஆர்வத்துடன் அமர்ந்திருக்கிறார் இயக்குனர். குழந்தைகளும் மைக்கேலும் இயக்குனர் மீது எக்கச்சக்கமான ஐஸ்க்ரீமைக் கொட்டுகிறார்கள். ஒரு ஐஸ்க்ரீம் மழையே அவர் மீது பொழிகிறது.

இன

ஒற்றுமையை வலியுறுத்தும் ’ ப்ளாக் ஆர் ஒய்ட் ’ என்ற இந்தப் பாடலில் இடம் பெறும் நடனம் ஹார்ட் ராக் மற்றும் Rap வகையைச் சேர்ந்தது. 11 நிமிடம் கொண்ட இந்தப் பாடல், குடும்பங்களில் குழந்தைகள் எத்தகைய அடக்குமுறைக்கு உள்ளாகிறார்கள் என்பதைப் பேசுகிறது. அப்பா கிரிக்கெட் பார்த்துக் கொண்டிருக்கிறார். அப்போது பாட்டுக் கேட்டுக் கொண்டிருக்கிறான் அவருடைய ஐந்து வயது மகன்

“நேரமாகி விட்டது; போய்த் தூங்கு ” என்று திட்டுகிறார். உடனே அந்தப் பையன் மிக அதிக சப்தத்தில் பாடலைப் போட, அதன் வேகத்தில் அடித்துக் கொண்டு போகும் அப்பா வேறோர் இடத்துக்குத் தூக்கிச் செல்லப் படுகிறார். அங்கே சிங்கங்கள் உறும, ஆதிவாசிகளோடு நடனமாடிக் கொண்டிருக்கிறார் மைக்கேல்

மேலும் இந்தப் பாடலில் இடம் பெறும் தாய்லாந்து, இந்திய, ஜப்பானிய நடனங்களும் அதற்கு ஏற்ப மைக்கேல் ஆடுவதும் குறிப்பிடத்தக்கது. மற்றொரு காட்சியில் செவ்விந்தியப் பழங்குடியினருக்கும், மற்றொரு இனத்துக்கும் கடும் சண்டை நடந்து கொண்டிருக்கும் போது மைக்கேல் ஒரு குழந்தையுடன் நடனம் ஆடிக் கொண்டிருக்கிறார். இதன் மூலமாக மைக்கேல் முன்வைக்கும் அரசியல் என்ன என்பதை நாம் யோசிக்க வேண்டும்

பாடலின் இரண்டாவது பகுதியில் ஒரு கறுஞ்சிறுத்தையாக உள்ளே நுழையும் மைக்கேல், பிறகு மைக்கேலாக மாறி நான்கரை நிமிடங்களுக்கு எந்தப் பக்க வாத்தியப் பின்னணியும் இல்லாமல் ஒரு அற்புதமான நடனத்தை ஆடுகிறார். கறுப்பின மக்களின் அத்தனை சீற்றத்தையும் வெளிப்படுத்தும் மிகக் கடுமையான ஆட்டம் அது. மைக்கேலின் ‘நிலவு நடை ’ க்கு அடுத்தபடியாக என்னை மிகவும் கவர்ந்த ஒரு ஆட்டம் இது. இனவாதத்தை முன்வைக்கும் அத்தனை இடங்களும் மைக்கேலின் நடனத்தின் சீற்றம் தாங்க முடியாமல் பற்றி எரிகின்றன. மைக்கேல் வெறும் ஒரு பாடகரோ அல்லது நடனக்காரரோ மட்டும் அல்ல; அவர் ஒரு புரட்சிகரமான அரசியலைத் தொடர்ந்து முன்வைத்துக் கொண்டிருந்தார் என்பதற்கு இந்தப் பாடல் ஒரு உதாரணம்

மைக்கேலின் அரசியல் பற்றி அவ்வளவாக யாரும் எழுதுவதில்லை. அவருடைய பாடல் வரிகளும், பாடலில் வரும் காட்சிகளுமே அவர் முன்வைக்கும் அரசியலைத் தெளிவாகச் சொல்லுகின்றன. அவருடைய முக்கியமான பாடல்களில் ஒன்றான ‘மேன் இன் தெ மிரர் ’ –

இல் வரும் காட்சிப் படிமங்கள்: நெல்சன் மண்டேலா, காந்தி, மார்ட்டின் லூதர் கிங், மதர் தெரஸா, எலும்புக் கூடுகளைப் போல் தோற்றமளிக்கும் ஆஃப்ரிக்க அகதிகள், போராட்டங்கள், போலீஸ் துப்பாக்கிச் சூடு, கண்ணீர்ப் புகைகுண்டு வீச்சு, போர்க் காட்சிகள், டாங்கிகள், போரினால் உடல் பாகங்களை இழந்து மருத்துவமனையில் கிடக்கும் குழந்தைகள், இன வாதத்தை ஆதரிக்கும் சுவரொட்டிகள், ஹிட்லரின் ஆவேசமான பேச்சு, வீடு இல்லாமல் தெருவோரங்களில் வசிக்கும் பெருநகரத்து அனாதைகள், டாங்கிக்கு முன்னே ஓடும் ஒரு சிறுமி

Farms Not Arms என்ற வாசகம் தாங்கிய சுவரொட்டி, ஜான் லெனனின் புகைப்படத்துடன் 8 டிசம்பர் 1980 என்று எழுதப்பட்ட அட்டை (அது ஜான் லெனன் கொல்லப் பட்ட தினம்), செர்னோபில் விபத்து, அணு ஆயுதப் பேரழிவுகள், நாஜி ராணுவத்தின் அணிவகுப்பு என்று கிட்டத்தட்ட 20-ஆம் நூற்றாண்டின் அரசியல் வரலாறே இந்தப் பாடல் காட்சிகளில் காண்பிக்கப் படுகிறது

மைக்கேலின் அரசியல் பற்றிப் பேசும் போது பொதுவாக எல்லா ஊடகத்தினாலும் எழுத்தாளர்களாலும் பேசப் படாத வேறோர் விஷயத்தைக் குறிப்பிட்டாக வேண்டும். அது, மைக்கேலின் மத மாற்றம். அவர் நவம்பர் 2008-இல் இஸ்லாமிய மார்க்கத்துக்கு மாறினார். நவம்பர் 2003-இல் ஒரு சிறுவனை பாலியல் ரீதியாக உபயோகப் படுத்தினார் என்று குற்றம் சாட்டப்பட்டு மைக்கேல் சிறைக்குச் சென்ற போதுதான் அவர் இஸ்லாமிய மார்க்கத்துக்கு மாறுவதாகப் பேச்சு எழுந்தது. பின்னர்

2005-இல் அவர் நிரபராதி என்று தீர்ப்பு கிடைத்ததுமே அவர் பஹ்ரைனுக்குக் குடி பெயர்ந்தார். இதற்கு மைக்கேலுக்கு உதவிகரமாக இருந்தவர் பஹ்ரைனின் இளவரசர்

மைக்கேலின் மத மாற்றத்துக்குக் காரணமாக இருந்தது, அமெரிக்காவின் ஆன்மீக வீழ்ச்சிதான். இங்கே நான் குறிப்பிடுவது மதிப்பீடுகளின் வீழ்ச்சி. பணத்துக்காகவே மைக்கேல் மீது அப்படி ஒரு குற்றச்சாட்டு சுமத்தப்பட்டது. அது மட்டும் அல்லாமல், கறுப்பின மக்கள் மீது தொடர்ந்து அமெரிக்க சமூகம் ஒரு வன்மமான பழி தீர்க்கும் பகைமை உணர்வையே கொண்டிருக்கிறது. உதாரணமாக, ஒரு சமயம் ஒரு மாநிலத்தின் நீதிபதி ஒருவர் ஒரு பெண்ணை வன்கலவி செய்து விட்டதால் கைது செய்யப் பட்டார். அதே நேரத்தில் ஒரு குத்துச் சண்டை வீரர் ஒரு ஈவ் டீசிங் வழக்கில் கைதானார். ஆனால் ஊடகங்களில் அந்தக் குத்துச் சண்டைக்காரரின் செய்தியே பிரதான இடம் பெற்றிருந்தது. காரணம், நீதிபதி வெள்ளைக்காரர்; குத்துச் சண்டை வீரர் கறுப்பர்

அமெரிக்க சமூகம் இன வேற்றுமையை ஒழித்து விட்டதாக உலகத்துக்குச் சொல்லிக் கொண்டிருக்கலாம். ஆனால் அந்தச் சமூகத்தின் வெள்ளை இனத்தவரிடையே இன்னமும் ஆழமாக இனவெறி ஊறிக் கிடக்கிறது. ஒரு கறுப்பன் ஒரு குற்றச் செயலில் ஈடுபட்டால் ’ இதுதான் உன்னுடைய தன்மை; நீ இன்னும் மிருக நிலையிலிருந்து முன்னேற்றம் அடையவில்லை; உன் முகம் மிருகத்தைப் போல் இருக்கிறது. உன் நிறம் மிருகத்தைப் போல் இருக்கிறது; உன் தலைமுடி மிருகத்தைப் போல் இருக்கிறது. நீ உன்னுடைய தாய்பூமியான ஆஃப்ரிக்காவுக்கே திரும்பிப் போ. நீ இன்னும் மனிதனாக வளர்ச்சி அடையவில்லை. அதனால்தான் இத்தகைய குற்றச்செயல்களில் ஈடுபடுகிறாய் ’ என்று சொல்லாமல் சொல்லி அந்தக் கறுப்பின மனிதனை விளிம்புக்குத் தள்ளுகிறது அமெரிக்க வெள்ளைச் சமூகம். இதற்கு அமெரிக்க ஊடகங்களும் துணி போகின்றன. இல்லாவிட்டால் மால்கம் எக்ஸ் சிறையில் இருந்தபோது 1948-இல் ஏன் இஸ்லாமிய மார்க்கத்துக்கு மாறினார்

சரி, அது பழைய காலம் என்று எடுத்துக் கொண்டால் குத்துச் சண்டை வீரரான கேஷியஸ் க்ளே ஏன் முகம்மது அலியாக மாறினார்? அது நடந்தது 1965-இல். ஆஃப்ரோ அமெரிக்கர்களைப் பற்றி அமெரிக்க வெள்ளைச் சமூகம் கொண்டிருந்த மனோபாவம்தான் இதற்கெல்லாம் காரணம். இதைப் பற்றி ஆய்வு செய்தால் நாம் ’ நேஷன் ஆஃப் இஸ்லாம் ’ என்ற அமைப்பு தோன்றியதன் வரலாற்றுப் பின்னணிக்குப் போய்ச் சேருவோம்

மைக்கேலின் குடும்பத்தில் அவரது மூத்த சகோதரரான ஜெர்மெய்ன் ஜாக்ஸனும் 1989-இல் இஸ்லாமிய மார்க்கத்துக்கு மாறினார். பெயருக்காக மாறாமல் தொழுகை, நோன்பு போன்ற மார்க்க வழிமுறைகளையும் பின்பற்றினார். அப்போது அவர் “மைக்கேலும் இஸ்லாமிய மார்க்கத்துக்கு மாறினால் அது அவனது வேதனையைப் போக்கும்; அது அவனுடைய பிரச்சினைகளைத் தீர்த்து அவனுக்கு அமைதியைக் கொடுக்கும் ” என்று தெரிவித்தார்.

ஒருக்கால், மைக்கேல் தன் அண்ணன் சொன்னதைப் போல் பத்து ஆண்டுகளுக்கு முன்பாக இஸ்லாமைப் பின்பற்றியிருந்தால் இப்படி ஒரு செயற்கையான அகால மரணத்தைத் தவிர்த்திருக்கலாம் என்று தோன்றுகிறது. ஏனென்றால், மைக்கேல் மீது பாலியல் குற்றம் சாட்டப்பட்டு பத்திரிகைகளும், அமெரிக்க வெள்ளைச் சமூகமும் மைக்கேலுக்கு மிக எதிர்ப்பாக இருந்த நிலையில் அவருடன் கூடவே இருந்து அவருக்குத் தேவையான தார்மீக ஆதரவை அளித்தவர் இந்த ஜெர்மெய்ன்.

ஜெர்மெய்ன் கூறியது போல் வலியைப் போக்குவதற்கு ஆன்மீகம் இருக்க, அதை விட்டு விட்டுத் தான் வாழ்நாள் பூராவும் எதிர்த்த அமெரிக்க வெகுஜன நுகர்வுக் கலாச்சாரம் அளித்த செயற்கையான வலி நிவாரணி மாத்திரைகளை நாடியதுதான் மைக்கேலின் அகால மரணத்துக்குக் காரணமாகி விட்டது. இந்தப் போக்கு மைக்கேலிடம் ஆரம்பத்திலிருந்தே இருந்ததற்கு அறிகுறிதான் அவர் தன்னுடைய உடலை வெள்ளைக்காரர்களைப் போல் மாற்றிக் கொண்ட நடவடிக்கைகளும் என்று சொல்லலாம். முதலில் கறுப்பின மக்களின் பிரத்யேகமான கம்பிச் சுரள் தலைமுடியை அவர் நீளமாக மாற்றிக் கொண்டார். தட்டை மூக்கை நீளமாக மாற்றிப் பின்னர் அதிலேயே பல ப்ளாஸ்டிக் ஸர்ஜரிகளைச் செய்து கொண்டார். சருமத்தையும் வெள்ளை நிறமாக மாற்றி அமைத்துக் கொண்டார். எல்லாம் சேர்ந்து அவரை ஒரு வேற்றுக் கிரகத்து மனிதனைப் போல் மாற்றியது.

மைக்கேலின் பாடல்கள் அனைத்தும் போருக்கு எதிரானவை; அதிகாரத்துக்கு எதிரானவை; உலக சமாதானத்தைப் பேசுபவை. ஆனால் அமெரிக்காவோ தொடர்ந்து உலக அளவில் போர்ச் சூழலை அதிகரித்துக் கொண்டிருக்கிறது. ஈராக்கில் ரசாயன ஆயுதங்கள் இருப்பதாகச் சொல்லி ராணுவத்தை அனுப்பி ஈராக்கையே ஒட்டு மொத்தமாக அழித்து விட்டு, பிறகு, ஈராக்கில் ரசாயன ஆயுதம் இல்லை என்றது அமெரிக்கா. ஆஃப்கனில் ரஷ்ய ஆதிக்கத்தை நிறுத்துவதற்காக தாலிபான்களை வளர்த்து விட்டுப் பின்னர் தாலிபான்களை அழிப்பதற்காக ராணுவத்தை அனுப்பி ஆஃப்கனையே காலி செய்து விட்டது அமெரிக்கா.

அமெரிக்காவின் இந்தப் போர் ஆதரவுக் கொள்கையை எதிர்த்துத்தான் அறுபதுகளில் பீட் எழுத்தாளர்கள் என்று சொல்லப்பட்ட மூன்று எழுத்தாளர்களும் மூன்று வெவ்வேறு விதமான ஆன்மீக வழிகளில் சென்றார்கள். வில்லியம் பர்ரோஸ் அரபி மொழி கற்றுக் கொண்டு மொராக்கோவுக்குச் சென்றார். ஜேக் கெரோவாக் பௌத்தத்தை நாடி திபெத் சென்றார். ஆலன் கின்ஸ்பெர்க் காவி வேஷ்டியை உடுத்திக் கொண்டு காசிக்கு வந்து சேர்ந்தார். இந்த பீட் கலாச்சாரத்தைச் சேர்ந்தவர்தான் ஜான் லெனனும்

***

1979-இல் ஒரு கடினமான நடனப் பயிற்சியின் போது மைக்கேலின் மூக்கு உடைந்தது. அதனாலேயே ஒரு ப்ளாஸ்டிக் சர்ஜரி செய்து கொண்டார். அதனால் சுவாசிப்பதில் தொந்தரவு ஏற்படவே மீண்டும் ஒரு ப்ளாஸ்டிக் சர்ஜரி செய்ய வேண்டி வந்தது. ஆனால் இந்தப் பிரச்சினை இதோடு நிற்கவில்லை. 1984. மைக்கேலின் வயது அப்போது 25. 3000

பார்வையாளர்களுக்கு

முன்னே பில்லி ஜீன் பாடலைப் பாடி ஆடிக் கொண்டிருக்கிறார். அப்போது மேடையில் fireworks-

இன் இடையே மைக்கேலின் முடியில் தீப்பற்றி விடுகிறது. அது அவருடைய தலையிலும் பற்றி விட அங்கேயும் ப்ளாஸ்டிக் சரிஜரி செய்யப்பட்டது. இப்படியாகத்தான் ப்ளாஸ்டிக் சர்ஜரி, வலி நிவாரணி மாத்திரைகள் ஆகியவற்றோடு மைக்கேலுக்குத் தொடர்பு ஏற்பட்டது.

மைக்கேல் ஜாக்ஸனின் ஒவ்வொரு பாடலைப் பற்றியும் எழுதிக் கொண்டே போக வேண்டும் என்று தோன்றுகிறது. ஏனென்றால் ஒவ்வொரு பாடலிலும் அவ்வளவு செய்தி இருக்கிறது. என்னுடைய ஒவ்வொரு நாளும் அவருடைய ‘Heal the World’ என்ற பாடலோடுதான் தொடங்குகிறது. அதை ஒரு பிரார்த்தனைப் பாடலாகவே நான் கருதுகிறேன். அந்தப் பாடலின் சில வரிகள் கீழே

Heal The World

Make It A

Better Place

For You And For Me

And The Entire Human Race

There Are

People Dying

If You Care Enough

For The Living

Make A Better

Place

For You And For Me

***

And The Dream We

Were

Conceived In

Will Reveal A Joyful Face

And The World We

Once

Believed In

Will Shine Again In Grace

Then Why Do We Keep

Strangling

Life

Wound This Earth

Crucify Its Soul

Though It's Plain To See

This

World Is Heavenly

Be God's Glow இதேபோல் மைக்கேலின் We are the World என்ற பாடலும் இந்த உலகின் தேசிய கீதம் என்று சொல்லக் கூடிய அளவுக்கு அன்பின் வலிமையை உணர்த்தக் கூடிய பாடல்

***

உஷர் பாடிய

‘Gone too soon’ .

2 . Shaheen

Jafargholi என்ற 12 வயதுச் சிறுவன் பாடிய அஞ்சலிப் பாடல்

இக்கட்டுரையோடு சேர்த்துக் கேட்க வேண்டிய பாடல்கள் இவை. மைக்கேல் ஜாக்ஸனின் இறுதி அஞ்சலியின் போது பாடப் பட்டவை

3. மைக்கேல் ஜாக்ஸனின் சுயசரிதை ‘மூன்வாக் ’. இந்தப் புத்தகம் ஜாக்குலின் கென்னடியால் ‘எடிட் ’ செய்யப்பட்டது.